133
8
4
港鐵尖沙咀/尖東站 N2 出口, 步行約1分鐘 繼續閱讀
電話號碼
28852216
開飯介紹
店舖裝潢以日本神社為主題,提供各種日式傳統串燒,且亦設有創新的招牌串燒,如馬碲魷魚燒肉棒與沖繩菠蘿‧膠原BB豬。店內亦提供超過200年歷史的松本酒造的清酒。 繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付寶 現金 銀聯
座位數目
52
其他資料
網上訂座
Wi-Fi
酒精飲品
自帶酒水
切餅費
電話訂座
外賣服務
加一服務費
當面支付
有關獎賞計劃
食評 (155)
等級3 2020-10-09
0 瀏覽
尖沙咀K11商場內黃店日式串燒居酒屋必食串燒盛合 輕鬆適合同朋友chill下飲酒傾計-I love visiting Izakaya (Japanese style bar) and having different kinds of skewers with beer or sake. This restaurant in K11 mall is specialised in Yakitori, with some other dishes as well. I personally think that the chicken platter with 6 skewers is the must-try dish as they have different parts of chicken and they grill quite nice with perfect sauce and timing. The cod fish is so good too! The texture of the fish is smooth and the sauce goes so well with that! Worth to pay a visit and try! -🐥 華味鳥雞盛合 ($188)一份盛合有六串唔同款嘅雞串燒 雞翼 雞腎 雞肝 雞心 等等好豐富好好味 每件都燒得好入味 肉質鮮嫩 兩個人食試匀咁多種雞真係幸福😋 但注意盛合有內臟串 如果唔鍾意嘅朋友就未必適合啦!🥒 枝豆 ($38)枝豆份量同size都正常 外皮上鋪左鹽巴 食落味道唔錯!👅 牛脷串 ($88)串燒店必叫牛脷 切出少少厚度 食落有口感有𡁻口 醃製味道同燒嘅火候同時間都剛好 我地再encore食多串呢!!🤤 不過呢個價錢就偏貴左少少 性價比唔算高🐔 幸福鳥(免治軟骨雞肉串燒-鹽燒) ($32)通常我食串燒都會叫呢款 因為唔同店舖都有唔同做法 想試下唔同花神😂 今次呢款比我平時食嘅細件 無蛋去點 不過有得揀鹽燒 芝士 汁燒 激辛 又幾特別咁多玩法 食落口感唔錯嘅 入面亦有雞軟骨咬落去食到卜卜聲係幾有層次 🐽 西班牙黑毛豬露筍卷 ($68)露筍卷有4件唔太大件 味道正常醃得唔錯 串燒食咁多肉 少少露筍有啖蔬菜入口係幾refreshing!🥬 野菜鍋 ($78)呢個鍋都幾大碗 有唔同款嘅蔬菜 配有醬汁同明太子粒我個人覺得好特別幾鍾意 店員話明太子加入醬油入面 之後可以選擇倒落湯入面或者係出面點 我地冇加入湯到 就咁點更加有味!🐟 鱈魚西京燒 ($138)西京燒幾高質喎呢個!!! 鱈魚好新鮮好滑溜 肉質好好味道鮮甜 加上醬油燒完上碟呢款質素高有驚喜🥰🧡 明太子 ($88)好少就咁食燒明太子又幾特別 當然食到明太子入面粒粒嘅口感 外皮燒起好香 唔會外皮分離又唔會太韌 平時覺得明太子好濃味要撈飯 但個日食又冇覺得太重口味恰到好處👍🏻🤰🏻#大肚腩小分享整體食物質素中上 可能始終係尖沙咀商場內 整體性價比唔算好高 而且仲有收茶芥每位$20 呢樣收費就比較少係日式居酒屋見到😖 門口有啲繪馬 見到大家都寫左啲心願上去 可以去支持下💛 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-08
0 瀏覽
一家大細去完海洋公園阿仔話想食日本野咁咪試下呢間幸福鳥入去比較早得一個客服務員帶埋位點完餐就等叫左個咩波蘿 膠原bb 幸福鳥串燒4串和牛漢堡清酒煮蜆冷面飯團野食ok但超細份量標價好平但$20茶位再加10%服務費抵唔抵就見人見志點完發覺有少少水滴坐過少少食到一半發現個袋濕晒我大大聲話個袋濕晒個服務員收緊碟扮聽唔到咁既態度我一家大細廢事嘈到埋單再同佢便服既人收錢再同佢講佢「吳」左聲就算咁即係明知啦仲要特登帶我埋去成個場咁多位要我坐過去仲要出門見到便服條友同另一個服務員笑笑口講滴水 真係人善被人欺我未飽都費事再叫野食埋單走人兩大兩細 $883貼錢買難受 繼續閱讀
(以上食評乃用戶個人意見 , 並不代表OpenRice之觀點。)
等級1 2020-09-18
454 瀏覽
早在星期一(14/9)經openrice訂坐,一直沒有人通知有任何問題,咁就跟約好啲朋友期待今晚嘅飯聚。到今日9月18日17:23,突然收到餐廳電話,話因為限聚令,openrice系統問題,要取消今日18:30的訂坐,完全沒有任何歉意!會有餐廳係一個鐘前通知客人訂坐取消嗎?星期一訂坐,有問題會唔會可以盡早通知客人?到即日,中午的時候都唔發現問題?呢間餐廳連客人訂坐都管理唔到,不敢想像食物質素同服務態度。如果全地球只剩下呢一間餐廳,可能每一餐食即食麵會比花時間同金錢幫襯呢間餐廳黎得開心! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-09-15
846 瀏覽
好耐無食過日式串燒,朋友介紹依間位於K11內嘅串燒店,午市價錢亦合理,就決定簡依間試試。叫左幸福串燒六盛合,女仔一個人食都飽肚,溫泉蛋仲可以拌飯食,但青瓜只係普通生青瓜而唔係漬物,有d失望。串燒左起分別有雞肉長蔥燒、雞髀肉燒、免治軟骨雞肉串、雞手羽先、秋葵同大蘑菇。味道主要靠燒汁,而個汁亦好惹味。每串嘅味道都好平均,不過不失。雞肉串燒得岩岩好,肉質嫩滑,而雞翼皮都燒得香脆。雖然未到十分驚艷,但以依個價錢黎講水準係絕對接受,加上環境寬敞,想同朋友lunch time食幾串日式串燒嘅話,會係唔錯嘅選擇。 繼續閱讀
(以上食評乃用戶個人意見 , 並不代表OpenRice之觀點。)
咖哩和牛牛腩丼 $128和牛腩軟腍入味🤤,不過肉質偏瘦。咖哩質感濃稠,帶濃濃牛腩香🍛,成碗飯極速清哂💨。————————————————————串燒四盛合 $118幸福鳥既鳥意指日本燒鳥,即係燒雞🐓,所以小不了要點返個烤雞串燒盛合試下🍢。-雞髀肉燒 肉質結實🐔,脂肪含量小,雞味超濃郁🌈。-兔治軟骨雞肉串表面燒至微焦,但內裹不失肉汁,啖啖雞肉軟骨好有口感,唔錯😋。-其餘既雞肉長蔥同秋葵就不過不失啦😝。————————————————————豉汁活鰻 $78幸福鳥除左主打雞串燒外,亦有唔少自創既特色串燒🍢,豉汁活鰻就係其一👻。-活鰻肉厚鮮嫩,口感Juicy🤩。活鰻皮燒到脆卜卜,加上濃味既豉汁,呢個配搭比平時食開既豉汁蒸鱔更香口惹味,值得一試✨。 繼續閱讀
(以上食評乃用戶個人意見 , 並不代表OpenRice之觀點。)