101
3
4
電話號碼
28853320
開飯介紹
來自日本六本木的扒房,主打頂級牛扒料理,提供各種產地的牛扒,及不同的牛肉部位。且亦提供海鮮菜餚。 繼續閱讀
營業時間
今日營業
全日休息
星期一至三
全日休息
星期四至五
12:00 - 15:00
18:00 - 22:30
星期六至日
11:00 - 22:30
公眾假期
11:00 - 22:30
付款方式
Visa Master AlipayHK 支付寶 現金 AE 銀聯
其他資料
Wi-Fi
酒精飲品
自帶酒水
切餅費
外賣服務
加一服務費
當面支付
有關獎賞計劃
食評 (111)
等級4 2019-11-27
2884 瀏覽
忽發其想想做一日遊客,所以就黎左山頂啦因為平日黎仲要係晏奏,成個山頂都無乜人。雖然有BOOK檯,但係其實都唔需要。不過有樣野要留意就係LUNCH 只係做到兩點半(last order),所以唔好太遲黎俾個MENU大家望下先,其實LUNCH SET都唔算貴,由前菜開始食到甜品,好圓滿首先就食個包先啦,包就普普通通,唔需要COMMENT D乜。但因為我同友人都好肚餓,所以呢個包救左我地一命HAHA前菜 --- 田園沙律配日式蘋果果醋汁個PORTION好大,沙律好新鮮好爽脆,估計係有浸過冰水,調味得宜呢個係友人點既烤味噌鱈魚、日本飯配紫菜蓉,呢個賣相好靚呢!友人俾左少少魚我食,好好食,魚油好香唔會腥,調味岩岩好呢個係我點既美國特級西冷、日本飯配照燒汁個主菜好高質呀!牛味好重好好食,煮得岩岩好,tender texture,另外個照燒汁調配得好好味,點牛定撈飯都好好味雖然大家睇相感覺主菜既PORTION唔大,但係食左麵包同沙律之後其實都飽架啦,我同友人都已經八成飽甜品我同友人都叫左咖啡凍堤拉米蘇呢個我個人試為有D失色,因為唔正宗啦,但係味道都係好食既,尤其係友人佢對佢好高評價個堤拉米蘇中間有D好似啫喱咁既野,係幾特別既因為第一次食呢種STYLE既TIRAMISU最後我同友人仲加錢叫左杯咖啡,係好飲既,奈何我地真係好飽囉所以都飲唔曬,有少少浪費今餐飯好好食,如果係夜晚黎就更佳因為可以望到個夜景,日頭經過D玻璃始終都會反光唔係好望得清外面餐廳坐得好舒服,地方好闊落,環境又靜,閒日黎真係好CHILL 繼續閱讀
(以上食評乃用戶個人意見 , 並不代表OpenRice之觀點。)
今年決定要去多一點香港不同的餐廳吃東西,難得近日旅遊區重歸平靜了一點,趁著週末就登上香港其中一個最具代表性的地標—山頂散散心。山頂廣場跟以前都轉變了很多,多了好多不同既食肆,最後選擇了一間可以食完鹹點又可以食甜點既餐廳。就是【37 Steakhouse & Bar】跟【Mina House】山頂廣場G樓G03號舖及1樓101號舖咁大規模應該好高質的...期待期待!!【37 Steakhouse & Bar】跟【Mina House】共同佔據一整層,地方超大,面積廣闊,空間寬敞整了,枱與枱之間都好闊落,還有午間柔和的陽光滲入餐廳,使整體室內風格和諧溫暖,透光度十足,好寫意。以蜜糖色與翠綠色配襯,摩登流麗的裝潢頗有格調。坐窗邊位既話都會好開心呢。餐廳非常大同闊落,成個感覺似去了酒店般內的餐廳似的,蠻高級啊!雜誌介紹呢間日本人氣牛排餐廳估唔到Lunch Set既價錢同我想像中有出入呢,平較容易親近人一點。而且 Server放餐具杯碟極其講究。🔹Lunch Set $198-👉🏻合桃麵包配橄欖油餐前烤熱嘅都包,我地統一轉左用外脆內軟,香味十足黎形容,可點配橄欖油;點橄欖油入口香聞說係可以...麵包仲可以refill。高質的。不過一塊真係夠了。👉🏻香煎帶子配香草牛油朝鮮薊蓉朝鮮薊蓉...呢個子一睇感覺好陌生,朝鮮薊蓉用橄欖油、檸檬汁、胡椒粉來調醬汁。上枱時見到好香既帶子底層有些海鹽置底。完楚係廚師精心擺設嘅海鹽,咁樣放法我自己估廚師會唔會想我地讓香煎帶子沾上少許海鹽再加以調味呢?的確加左後令一估層次既味道出左黎!挺特別的。香煎帶子配香草牛油,帶子煎得很香口,加上香草和牛油,惹味海鮮嘅味道。任誰都會愛吧,令外薊蓉非常香滑美味,呢走前菜我地都大愛呢。滋味十足!前菜可見誠意....👉🏻美國特級西冷本飯配照燒汁食肉獸既朋友再加些呢度出名,据扒,所以非點肉類不可呢。5成熟,但煎得熟度非常均勻好剛到我面前都是5成熟狀態。西冷位於腰肉的尾端,脂肪含量適中。上枱個陣實係唔想影相Share 下因為真係好好食呢。牛香味十足頭中尾都一樣好軟腍扒帶炒量筋、但有剛好的脂肪Cover面肉質又細嫩,真心好高質!BTW牛肉唔點照燒汁都好夠味道,因為整身塊扒牛味較重。但日本飯配上日式照燒汁又令一番味道呀!各方面都加重味蕾感受嘅惹味感!正!小小既Opening 係為左走近長既路,就係食甜品Buffet na…..BTW要試埋👉🏻雜莓鮮果撻🍓 - 個甜品靚到呢...所有出品都非常有Heart。好正!雜莓鮮果撻顏色配搭奪目,不過雜莓就幾新鮮既酸酸甜甜...粒粒唔同既。配埋個莓味雪糕酸酸地咁又甜甜地。好特別呀!不過我最愛就係撻底係燕麥餅底!因為燕麥沒有麩質,好似食落都健康D架!仲保持著酥脆特質 !就是莓味混合著燕麥香氣,很香很好吃呀!.一個lunch set,每一道菜都好好食,食得出廚師既心樹,細緻位做得好足非常欣賞。高級餐廳、享受高質服務、每位員工都好一絲不苟。整體高級簡約,無論食物、環境、價錢都不失優雅,望到陽光照進來,真係放鬆到極致,咁樣形容誇嗎?因為真心覺得CP高喔。在【37 Steakhouse & Bar】吃完午餐後,意猶未盡轉場再去吃甜品先..就來到旁邊的【Mina House】吃甜品放題。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-04
1776 瀏覽
J先生提議是夜一遊山頂,當遊客的感覺!已快將兩年沒來,山頂廣場已重新裝修了;還有多間食府將會進駐。J先生已預訂了這間來自日本六本木之亞洲分店的餐廳 - 37 Steakhouse 服務員細心帶領;沿途看見餐廳環境不錯,以木紋為主的設計,再加上遇見紅色牛頭的擺設,最後來到我倆的座位。細看這區分為兩行,每行設有四張四人枱,不錯的空間感;枱與枱之間的距離,恰當剛好;而且還可觀賞香港夜景之美服務員遞上餐單;報上自己的名字,說稍後會前來為我們服務。看完餐單後,我明白為何J先生會選這間餐廳,因我倆也很喜愛吃牛扒落單後,服務員送上一客麵包配上橄欖油!每款也有獨特味道;而我只挑選了合桃那款,試一口就夠了,怕吃不下其他美食J先生說:款款也很好味!以往吃的多是西班牙紅蝦;反而未曾嚐過意大利的。上碟時,發現碟是冰冷的;紅蝦質感薄而又帶淡淡的蝦肉鮮味,配上日式的紅蘿蔔片丶香葉丶食用花丶入口時多了一層的爽口感覺蘋果丶薄荷丶青瓜丶檸檬我挑選了這款蘋果汁與檸檬混合,加上數片青瓜裝飾,帶薄荷葉清香味;與牛扒相配(沒有意大利飯那種米心偏硬的感覺)每啖口中有着豐富味覺;鮮甜蟹肉被醬汁與薏米飯融合一起,又有濃郁海膽及煙韌薏米飯!超愛The Premium Malt’s $78J先生話:啤酒有淡淡的麥味!餐廳用了Josper Grill 於西班牙製造,以木炭運作的炭燒烤箱;已有50多年歷史!經過Josper 的高溫炭燒更能鎖住食物的肉汁,烤出炭火香味創造出獨一無二的味道;亦提升了食物的層次!而兩款牛扒選了:五成熟;外層有燒到焦香,肉汁滿滿…主菜:日山A5黑毛和牛臀肉 $320/100克肉質鮮嫩而軟腍帶濃郁肉味主菜:比利時頂級牛扒 乾式熟成西冷 400g(15天熟成)肉質較軟嫩,根位有嚼口帶香濃肉味乾式熟成是將屠宰後的牛隻丶以大分切塊,吊掛或者放置於恆溫及恆濕的冷藏熟成室15天。此段期間裡外層的肉及表皮漸漸風乾形成一層保護膜,令內部水份不散而維持鮮嫩;另一方面牛肉本身酵素與微生物則同時分解肌肉纖維令肉質變得軟嫩。醬汁:從左到右煙肉砵酒汁 - 帶微微甜香;香草醬 - 濃郁的香草味;荷蘭汁 - 帶淡淡味;凍黑椒汁 - 室溫黑胡椒與白胡椒汁;香辣燈籠椒汁 - 帶微辣而少許甜味。服務員詳細介紹;煙肉砵酒汁及凍黑椒汁比較百搭,差不多適合所有牛扒!碟上左邊是比利時頂級牛扒;而右邊是日山A5黑毛和牛臀肉我試完所有醬汁;唯獨喜愛凍黑椒汁;白胡椒中和了黑胡椒的辛辣味配菜:黑松露薯蓉配慢煮雞蛋薯蓉軟滑與香濃流心蛋黃混合;配上黑松露的香氣;層次感非常複雜而鮮明!每啖吃到一層又一層的味覺配菜:烤焦糖蔬菜J先生話:椒及瓜外層烤得乾身而內裏維持爽口!紅色的牛頭擺設是由法國巴黎空運的藝術品!令餐廳增加不少獨特氣氛!餐廳經理介紹另一邊的餐廳 Mina House 安排我倆去品嚐甜品!(因甜品出於 Mina House廚房) 稍後再介紹吧!我倆很喜歡這餐廳;食物美味,風境很美,價格合理,而服務員態度有禮及親切!37 Steakhouse 總結 : 一定要試! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-16
3444 瀏覽
✨曾經見過雜誌介紹呢間風靡日本六本木人氣牛排餐廳,今日終於有機會食到。仲以為做遊客生意會好貴,驚喜發現呢度個lunch set超抵兼高質架!♥️假期都有嘅lunch set,包括前菜、主菜、甜品,只係$198,呢個價錢呢個質素,真係食到笑呀!🔆餐前烤熱嘅牛角酥,外脆內軟,香味十足!🔆香煎帶子配香草牛油•朝鮮薊蓉 - 呢個前菜絕對唔可以輕視廚師精心擺設嘅海鹽,海鹽置於帶子殼下面,好似沙粒嘅造型其實仲有個重要用處。香煎帶子沾上少許海鹽,係可以造出另一種層次,帶出惹味海鮮嘅味道。其次薊蓉非常香滑美味,前菜都咁用心,主菜真係令人好期待~🔆美國特級西冷🐮•日本飯配照燒汁 - 我食嘅美國西冷,我敢講,真係同我去日本食嘅高質牛差不多香牛味。而肉質非常juicy,5成熟煎得熟度非常均勻,頭中尾都一樣好軟腍,好高質!日本飯配上日式照燒汁,同牛扒絕配,加重味蕾感受嘅惹味感,Very good!🔆雜莓鮮果撻🍓 - 個甜品靚到呢,點會諗到一個lunch set每一種菜都做得咁細緻。鮮果顏色配搭奪目,雜莓新鮮酸甜,撻底係燕麥餅底,色香味俱全呀!✏️高級餐廳高質服務,侍應喺set枱嘅態度一絲不苟。餐廳裝修高級簡約,不失優雅,望到靚景,咁樣形容真係誇左d?我真心覺得CP高架! 繼續閱讀
(以上食評乃用戶個人意見 , 並不代表OpenRice之觀點。)
今日同男友上山頂做一日遊客~ 慶祝佢生日 !! 一早已經搵定餐廳食個靚 lunch : ) 原來而家開左好多新餐廳呀, 而且價錢絕對比想像中親民~ 基本上落左纜車之後, 一行出凌霄閣 就已經會望到呢間扒房架喇~ $198既Lunch Set, 已經包左前菜+主菜+甜品 !!! 仲有靚view睇 真心係抵食 !!! (服務仲要好周到 同有禮貌) 餐廳環境高級, 因為係黎自日本六本木既扒房, 所以不時見到呢個好有代表性既牛頭裝飾~ 座位好舒適~ 成間餐廳都好整潔同新淨~~ 因為book左晏少少會同男友去食一個甜品buffet, 所以係呢度 我地決定淨係Share一份Lunch Set, 唔想食太飽 雖然唔想太飽, 但原來有餐前包 仲要係牛角包咁正, 所以我地都忍唔住照食😂 手切牛肉他他配荷蘭汁 (additional +$58) 夏天食呢個, 覺得特別開胃, 牛肉他他食入口好滑, 鮮味好出 ! 面頭仲淋上吸引既熱溶芝士~ 配左 洋蔥碎粒, 魚子醬 同酸黃瓜, 令牛肉既鮮味更加突出 係烹調得好好, 又非常精緻既一款 : ) 美國特級西冷。日本飯配照燒汁 成碟份量都比想像中大份呢 ~ 牛肉我地叫左5成熟, 肉質好軟嫩, 放入口之前聞到淡淡既牛肉香 牛味幾突出 : > 我地覺得餐廳落既調味都幾適量, 提升到肉味出黎 之餘 又唔會太濃味, 係一份高質既西冷呢 咖啡凍堤拉米蘇 咖啡味比起平時一般cake shop食到既更強啊~ 我幾鐘意呢個比例, 相對起黎唔會太甜太膩呢 而且質感係偏流質多D, 食入口舒服, 係一杯令人食完想再食既Tiramisu : ) 總結黎講 一路食 同男友一路講 下次唔使等有野要慶祝先上黎食 因為性價比確係幾高啊, 價錢亦係Afford得到既Range, 仲要有咁好既service同靚景睇 ( 望住靚景 心情會好 真係會好架 ) 希望可以快D再上黎食野 ~ : ) 繼續閱讀
(以上食評乃用戶個人意見 , 並不代表OpenRice之觀點。)