95
22
7
港鐵尖沙咀/尖東站 J 出口, 步行約2分鐘 繼續閱讀
電話號碼
28852320
開飯介紹
餐廳以山茶花為主題,店內有以9999朵山茶花砌成的花牆,十分適合拍照打卡。餐廳主打「紅寶石朱古力下午茶」,以天然粉紅色紅寶石朱古力為主;亦提供主食如意大利飯,素面,壽司等。 繼續閱讀
營業時間
今日營業
全日休息
星期一至四
全日休息
星期五至日
14:00 - 18:00
付款方式
Visa Master AlipayHK 支付寶 現金 八達通 銀聯
座位數目
60
其他資料
網上訂座
Wi-Fi
酒精飲品
自帶酒水
切餅費
電話訂座
外賣服務
加一服務費
當面支付
有關獎賞計劃
食評 (139)
等級4 2020-02-22
1606 瀏覽
兩位無薪假人士表示久久也沒有外出,剛巧與我同一無薪日的閨密決定外出午膳,享受見面之餘也享受得外出走走的時光每次進入K11 Musea 就像走進了雲呢拿迷宮般在香氣中迷失,行了數圈才找到Muse Edition 區域,走進該區遠處便能看到左邊那耀目粉紅少女餐廳,午市餐牌及下午茶餐牌均放在門口供參考,旁邊還放了數張圓枱,從外張望已看到那幅令人心動的花花牆身!粉紅雲石枱、粉紅餐紙襯托金色餐具及金色邊玻璃杯,是必定會讓少女心動的配搭,我倆看著那無限可擊的餐具與用具都心花怒放午餐主要提供兩款餐牌,其中一款餐牌為午市套餐,套餐有前茶、主菜及餐飲,加$40更可享用甜品令一款餐牌為主餐牌,內裡有各式各樣食品包括湯及沙律、小食、三文治、主菜、素麵、飯及意粉。我倆對每款食物的精美擺盆甚為好奇,在花多眼亂情況下點選了一個午市套餐及主菜一款當服務員呈上飲品時我倆不禁讚嘆一聲,來自藍蝶花的天然粉藍色夠夢幻,更與雲石粉紅碟非常合襯,配上金匙羹確實少女中不失一點高雅。拿鐵溫度屬室溫,厚厚一層輕型既綿密的泡沫覆蓋在表面,下層則是奶與忌廉混合的味道,喝著喝著感覺似曾相識,彷如早上那杯令人心曠神怡的牛奶,可惜未能嚐出藍蝶花獨有的草青味另點了果茶一客,玻璃茶壺清晰可見內裡有一顆玫瑰花、數片雪梨片及檸檬片,清新的茉莉花茶中有少許檸檬及果酸,其後帶有雪梨清甜,絕對能解膩而不甜溜。良久不見的我們談天說地了整個中午,服務員也不時添加熱水至壺中,沒有趕著交還餐枱之意。等待美食期間,餐廳通往戶外之側門經常打開,強烈寒風不時來襲,服務員每次在我們還未察覺時已趕緊上前關門,令我倆什至所有食客都不會受寒風影響用餐,在這個不能生病的時期確實頗貼心的舉動不久前菜呈上,可見溫泉蛋放於炸金針菇上,並灑上洋蔥絲及黑松露片,先把滾動的溫泉蛋挫破並與炸金針菇撈勻,香濃蛋液包裹酥脆得入口即碎的金針菇,令已粉碎的炸金針菇再次因蛋液聚合,既有香濃酥炸菇味又有蛋鮮味,加上松露香氣令菇味更突出更惹味主菜和牛牛小排大約4件並放在蕃薯蓉上,還插上兩片芝士脆片,牛小排肉質軟腍容易切開,經慢煮後比起炆更可保留到肉質彈性,和牛在口中有稍稍溶化情況,加上牛肉醬汁包裹整件牛小排令口感更順滑,配上帶甜蕃薯蓉可令口感變得更輕型,若配上濃郁芝士脆片則令整體更惹味額外點選之比目魚也隨即送上,精美的擺盆令食物充滿藝術與仙氣,比目魚放在正中央,覆蓋著燒杏鮑菇及茶樹菇,比目魚魚皮燒後十分脆身,魚肉尚算嫩滑但未能充分鎖住水份所以較乾身,魚扒沒有經任何調味或醃製,更能品嚐到魚鮮味而不腥,而燒杏鮑菇及茶樹菇質感較煙韌特意到來甜品當然不能錯過,在五款甜品中選擇了以粉紅色為主的野莓味甜品。精緻的放在大圓碟一角,粉紅色圓柱體原來是士多啤利雪糕,配上士多啤利生果、醬及綠色海綿蛋糕,味道雖則不算特別,但色調與配搭非常合襯被粉紅色與花花包圍了一整個下午確實是一件幸福的事,不僅裝橫、餐具及用具充滿少女氣息,連每道菜的擺設與色調亦花盡心思,服務亦貼心有禮,與閨密來聊天打卡的確是不錯之選! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-29
1813 瀏覽
忙裡偷閒趁今天來一個久違了的High Tea,相約友人到K11 Musea內的Camellia,以山茶花為主題的餐廳,粉紅色的店子,夢幻之感,深受不少女士歡迎呢,因此,訂位最好,book了2位 Tea Time,適逢佳節有聖誕樹。裝潢以粉紅為主,金色配襯,粉紅色坐位、雲石枱,感覺貴氣,鮮艷觸目的山茶花牆,用上9999朵深淺不同的山茶花而成,猶如置身粉紅色花海,果然是打卡之選。餐廳主打的紅寶石朱古力下午茶,我地今次就係為呢個而來,紅寶石朱古力,天然的粉紅色,不含色素,安心食用。紅寶石朱古力下午茶套餐,$398(2人)。三文治及小食:煙三文魚及酸忌廉撻黑松露芝士及魚籽撻迷你蝦脆筒甜點:紅寶石朱古力三文治紅寶石朱古力雪糕黑莓紅寶石朱古力鹹蛋泡芙傳統法式貝蛋糕自家製英式鬆餅果醬及紅寶石朱古力醬包兩杯飲品。山茶花拿鐵,粉紅色的賣相,心形的拉花,實在太靚了~味道香甜。藍蝶花香芋拿鐵,友人的,粉藍色一樣都好美。用3個六角形玻璃首飾盒盛載精緻的茶點,感覺高雅。紅寶石朱古力雪糕,店員提議呢個優先食,因怕快溶,玫瑰造型的粉紅色雪糕,賣相美麗,入口有清新的莓果香味。煙三文魚及酸忌廉撻,之後食鹹點,煙三文魚份量適中,有微微的煙香味,撻底鬆化,酸酸甜甜的味道幾清新。黑松露芝士及魚籽撻,感覺高貴,黑色撻底酥脆,黑松露芝士味道香濃,口感幼滑,配上魚籽的鮮味香口十足。迷你蝦脆筒,賣相幾似雪糕,筒脆蝦肉爽口。自家製英式鬆餅,果醬是紅莓味,有不少果肉,微微的酸,清新之感,紅寶石朱古力醬,粉紅色好靚,但偏甜呢。鹹蛋泡芙,鹹蛋竟然出現係呢個tea到,甜中帶鹹的味道,估唔到呢個配搭夾到。黑莓紅寶石朱古力,賣相十分精緻,朱古力入口幼滑,黑莓味突出,酸酸甜甜的果香味,清新美味。傳統法式貝蛋糕,口感鬆軟香牛油味。紅寶石朱古力三文治,朱古力餅鬆化,厚身的紅寶石朱古力內餡,都幾甜的。食物正常水準,賣相滿分,山茶花主題有特色,坐得幾舒服,價格合理,服務有禮貌,打卡之選呢。紅寶石朱古力下午茶套餐,$398(2人)星期一至日 14:30-18:00之後出外行下,那日的天色,密集恐懼人仕.......。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-06
494 瀏覽
朋友一路嗌話想食tea buffet,而我地又一直未試過食呢種靚靚tea set既關係,就特登book左呢間位於K11 musea既打卡小店食tea啦~先睇睇佢既環境,真係好靚好靚,打卡既花牆真係無得彈!佢地既tea set係以紅寶石朱古力為題,有9款既咸甜點,其中一款係雪糕,另外仲有一人一杯飲品。因為book位個陣已經預先講左想食呢款tea set既關係,坐低點完tea set同飲品之後,好快就上哂啲野食。先係紅寶石朱古力雪糕,店員放低之後就提醒要先食左佢。個雪糕有濃濃既朱古力味,帶少少莓味,但又唔會好似白朱古力咁甜,質地都比較濃厚,好食跟住係迷你脆蝦筒,蝦肉彈牙,調味唔會太過火,食到蝦既鮮甜。仲有兩款咸點,煙三文魚鮮忌廉撻既煙三文魚好香,唔腥,唔會出水,不過撻底唔夠脆口。黑松露芝士魚子撻撻好好食!!!黑松露同魚子既味道都好濃~~~而且黑松露加入芝士入面,兩者既香味混埋一齊簡直係無敵!不過都係衰一樣野,撻底唔夠脆口鬆化。甜點中比較普通既有咸蛋泡芙,貝殼蛋糕同埋紅寶石朱古力三文治。咸蛋泡芙唔知點解有啲菠蘿味,比較甜,貝殼蛋糕口感方面唔錯,都比較鬆軟同有彈性,但味道相對普通啲。紅寶石朱古力三文治雖然唔會太甜,但比較似普通夾心餅,唔太有特色。特別要提既係佢英式鬆餅配既醬,佢既果醬酸酸甜甜,果味濃郁,紅寶石朱古力醬都有濃郁既朱古力味,又係帶少少莓味,兩款都好好食!!另外既黑莓紅寶石朱古力,都係酸酸甜甜,呢款莓味比較重啲,食落去覺得好舒服。基本上甜點方面全部都帶少少莓味,雖然都係朱古力製品,但唔會太甜,都唔會太膩。反而飲品方面差啲,我點既山茶花拿鐵雖然有少少花香味,但實在太甜啦。朋友話佢既藍牒花香芋拿鐵除左咖啡味就無乜其他味,同埋都係太甜。餐廳入面好似比較多人飲花茶,相信花茶既表現應該會比較好。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-07
4305 瀏覽
見到 MUSEA 開左間少女系既餐廳,梗係捉人黎陪我試下啦 !! 哈哈 ~~ 下畫嘆個 TEA SET 好似話要訂位先有,咁我梗係晚餐黎,貪唔太駛等嘛 !! 黎到都真係好夢幻,整個牆都係山茶花 ~~ 都真係好靚 !! 都真係要打下卡 ~我地叫左兩杯飲品,佢竟然話要飲蘋果汁  而我果杯係 紙醉金迷,其實係芒果菠羅 LASSI,我諗黎諗去都唔知 LASSI 係乜,原來係奶昔,不過佢個底有乳酪,咁似印度果隻既 ?? Anyway,杯野我只飲到芒果味,哈哈 ~~ 但入面有塊菠羅乾,應該唔關事 ?我地有睇開飯既相,覺得每人叫個主菜應該唔夠食,想叫多個小食 (明太子薄餅) or 壽司卷,最後就梗係 三式藜麥壽司卷 win 啦 !! 首先覺得佢個樣好靚,同埋我地覺得主菜好似未飽肚 !! 哈哈 ~~ 個壽司卷都真係吸引,有和牛、蟹肉同芒果做成 三式,首先個和牛入口個燒汁好好味,除左放左一堆係面之外,夾住都有。另外蟹肉果個係夾住冇放面,入面既沙律醬好野味,面既魚籽醬咸味令到成件事提升左 !! 唔錯 ~ 反而個芒果最失色,哈哈 !!! 只係夾住青瓜,個面放d芒果醬汁。手撕南國元氣雞素麵,個素麵好好食,好彈牙同個冷麵汁好夾。側邊仲伴有 金菇菜同炸蕃薯。首先講下個雞,唔會好老 !! 配麻醬好好味 ~~ 但個金菇菜個人認為都幾咸下,要撈麵黎食,岩岩好 !! 佢仲配左個櫻花蝦,勁香 !! 香烤比目魚,呢個有少少失望,我期望佢會有塊好脆既魚皮,但 ... 冇囉 !! 消失的魚皮。但個魚好好味呀 ~ 又夠滑,個照燒汁好入味 !! 我覺得最驚喜既竟然係杏鮑菇,好好味呀 !! 爽脆又入味 ~~ 不過都真係細份左,我地既估計冇錯 ! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-30
3556 瀏覽
咖啡與美食, 簡單直接, 就是我最好的減壓方法。當然最療癒的還是自己下廚同自己手沖咖啡,不過偶爾我也會想試試不一樣的,外出慢享生活。今日工作時遇到不快事,無法專心,索性把心一橫, 逃跑了。心情太灰,所以專登揀左間粉紅到不能再粉紅的夢幻少女系Cafe😝,沾一點希望。這家Cafe是K11 Musea衆多新店中其中一間。全店都是以粉紅色系作佈置, 一邊牆壁全是山茶花花,而絲絨椅就用了帶灰tone的粉紅,感覺很柔和很relax。之前已經知道佢有個很精緻的紅寶石下午茶,但我今日一個人唔想吃太多所以冇點。我點了熱帶果園,配宛如白雪,兩款都是酸酸甜甜果味十足的清新!宛如白雪,其實是Lasso, 用了青紅蘋果加柚子, 所以味道很refreshing, yogurt好滑好smooth,幾好飲。熱帶果園, 比我想像中細好多,不過十分精緻。以餅乾托住芒果熱情果等水果做成的mousse,上面再以椰子波波點綴,賣相非常討好。Mousse果香非常之重, 食落味道以熱情果為主帶少少芒果甜味,椰子波波內有菠蘿餡,幾好味。 繼續閱讀
(以上食評乃用戶個人意見 , 並不代表OpenRice之觀點。)