鍾意去打卡餐廳嘅朋友仔，今次介紹呢兩間餐廳，一間走夢幻少女心風格，主打西式素食料理；另一間則走浪漫藍調，主打創意多國菜，由環境到食物都好啱打卡。而家透過OpenRice訂座同時預訂以下套餐、下午茶仲有優惠𠻹！
粉色幻彩世界 JAJA
呢間位於香港藝術中心入面嘅西餐廳，環境同菜式設計都相當繽紛，又有巨型bear bear熊公仔作佈置，瞬間少女心爆發呀～
套餐以水晶球造型餐盤呈獻有機園圃沙律，混合沙律菜、牛油果粒、車厘茄等清新蔬果，又以食用花作點綴，好似迷你花園咁。而用新鮮粟米製作嘅忌廉湯，用小火鍋爐保溫呈上，入口香甜幼滑；另外可按喜好拌入鵪鶉蛋提升香氣。
主菜係坊間少見嘅麥芽啤酒燴野菌素肉批，味道同肉醬薯蓉相似，內藏嘅野菌粒則爽口入味，口感豐富。收尾嘅法式橙酒班戟，則皮薄得嚟有陣陣蛋香同橙酒香氣。
粉紅慶典二人下午茶套餐 9折 
呢度嘅Tea set都好受歡迎，設計唯美之餘，鹹甜點亦啱大眾口味。現時4款鹹點有西日款式，如炸蘑菇芝士球、提生糙米壽司，集合惹味同清新之選。甜點則以士多啤梨為題，製作杏仁酥、金寶撻等香甜款式，另外亦配上不可或缺嘅英式鬆餅。
JAJA
地址：灣仔港灣道2號香港藝術中心6樓
復古浪漫藍調 MONMONO
如果想型格少少，呢間以深藍色為主調嘅藝術餐廳就啱你喇！店內以古典汽車、歐陸小鎮樓閣作裝飾，帶點神秘同復古感覺，相當有情調。
復古藍調精緻特色四道菜晚餐 81折
套餐集合唔同風味嘅菜式，以各種海鮮、肉類入饌，而頭盤、小食、主菜同甜品都可以自由組合你嘅心水口味，即睇以下有咩推介款式啦～
打開味蕾嘅前菜不妨試試「牛油果・胡麻蟹肉拿破崙」，還原甜品造型之外，一層牛油果肉同一層蟹肉都好足料。如果你係雞翼控，小食必試水牛城雞翼，師傅細心分上醬汁，保持雞翼外皮香脆。
主菜提供5款選擇，肉食控不妨揀德國黑啤慢煮三黃雞，皮薄香口，肉質嫩滑。另外原條鰻魚配海膽忌廉汁手工幼麵帶洋蔥、香草等香氣，充滿和洋風味。
拍攝當日嘅廚師精選甜品係法式蘋果撻，撻皮酥脆，連埋自家製雲呢拿雪糕一齊食，一啖就試到雙重滋味。
MONMONO
地址：尖沙咀山林道4號恆貿商業中心地下2-3號舖
