【國際新食力】Häagen-Dazs 雪糕限定口味回顧（二）

仲記得上集同大家回顧左呢D限定既口味（點我重溫！），來到第二集，小編又會再次介紹其他限定既口味！

根據小編既個人偏好，其實小編係比較中意水果口味。點解？因為好似聽到生果就覺得健康啲，小啲罪惡感！所以今集會主力介紹特別限定既果味雪糕！

薑汁檸檬味
薑汁檸檬就食唔少，薑汁檸檬味既雪糕應該少食啦掛？唔知薑味重唔重呢？鐘意食薑又夠薑既你就岩曬。

橙味 + 紅蘿蔔味
呢一款唔係單一既口味咁簡單，係兩種味混合既新嘗試！將同色系既橙同紅蘿蔔混合，可見哈根大師真係別出心裁。

車厘子味 + 蕃茄味
同上面兩款差唔多，呢一款都係由兩種蔬果混合而成既口味，今次就係以紅色為主既車厘子同蕃茄加埋，兩種截然不同既味道加埋又會係點架呢？唔知點解會諗到呢個組合呢？

冧酒提子味
呢款就係用酒類加水果混合而成既口味，證明雪糕唔再係一味得個甜字，鍾意飲酒既男男女女都有權利可以愛上食雪糕喇！冧酒既香甜加上提子既果味，齋聽都知係絕配喇！

紅酒蘋果味
紅酒既酒香配合蘋果既香甜，絕對係一種令人心醉心動既特別口味。

雲呢拿味 + 蜜桃味
講起雪糕又點可以少左雲呢拿味呢？不過今次係講水果味，所以跟埋一齊出場既就係香甜既蜜桃味喇！日本蜜桃出晒名甜，一定勁香！

南瓜味
南瓜隨咗煲湯，用來整雪糕原來一樣得！睇到啲金黃色，就知係秋冬限定！

雖然凍冰冰，但係見到咁多咁特別既口味，小編就算結冰都要食返杯喇！哎呀，香港無呢啲味架……唯有Window eating喇……

文：Gareth
資料來源：Haagen-Dazs

隨時接收最新資訊
讚好OpenRice專頁！