btkit的个人专页

今天到上環，是我喜歡搵食的其中一區。今天選了加東叻沙，天氣開始變，所以決定不食辣的，叫了一碗魚片蝦麵加豆腐朴。之前食過叻沙都不錯，但已經大半年之前。麵來了，吃了兩口，發覺不對路！我叫的是蝦麵，但蝦呢？找了很久都找不到。叫叔叔過來問問搞過清楚。他是很老實的人 ：「有的，但很少！」。我再海底撈針試試。找到了！有一片！都符合了商品說明條例嘅！大家，一片即是半隻蝦！蝦的長度約得我半隻手指尾的長度。天啊！價錢已經不平$66，成碗只得豆腐朴同埋魚片，真是有點離譜！這碗麵湯底一點蝦味也沒有，但又都不致於稀lung lung，可以接受。…查看更多

好多啊哥啊姐都話呢家餐廳嘛嘛地，但係我就真係想為佢地平反。我覺得食物的味道不錯，環境好有feel，地點夠方便。餐牌比較簡單，有改善空間。湯都唔錯，很濃，應該有很多配料放落去一齊煮。但如果可以熱一點，就更加好。和牛真係肉質鮮嫰，材料真係冇得彈。 味道都剛到位，不是太濃，但牛的表面卻煎得很香。但是出菜時候又可能等久了，唔夠熱，如果熱一點就好。侍應們值得留意這一點，如果唔係師傅嘅功夫就白白浪費了～～可惜。最後甜品，是雪山火焰。嘩！好懷舊的一道菜。 Q唔怕舊，最緊要受！我地食得好enjoy喎，一人一啖，溫馨！…查看更多

當天一個人在北角見完客後找地方食飯，好想有一處靜靜地的地方，嘆一個lunch。用Openrice嘅app，超容易就找到合適的選擇。不得不擦擦Openrice鞋不可，他們的大哥做的app真係超好，唔洗1分鐘就比我找到這間叫Cafe Italiano的餐廳。一行入去，就比這個特別的地板吸引，真係唔去食嘢都要去睇睇塊地板，聽老闆說是從歐洲特別進口的，好有taste！餐牌簡單易明，價錢合理。嘀set重好合我胃口添！ 先來個湯，湯是忌廉湯，但不是用很多忌廉很陋嗰種。飲落有質感，feel到個chef個heart。好正！嗰個主菜重精彩，個魚超滑，但係個面有一點點煎到脆那種，味道不太鹹，有一點點lemon香味，另人好開胃。餐茶我點了熱咖啡。size剛好，可以慢慢看雜誌或iPad，一邊聽下歌，好悠遊！咖啡香味另我差足電，為下午工作注入靈感。家餐廳重好好風水，我下午吃完飯重win咗單deal添！各位老闆及sales不妨試試，真係好靈！最後嘆埋甜品，嘩！Creme Burlee好好味，又香又滑，唔騙你㗎，你睇睇幅相啦！如果唔要甜品，就減＄12. 但係我超推介他們這個甜品，我走遍歐美亞洲幾十年，這個都算是十大好吃的Creme Burlee!Cafe Italiano比到我一個超完美的一天，多謝！…查看更多

睇咗咁多以下啊姐啊哥嘅好評，果日lunch就去試試呢間好似好高級嘅餐廳。我唔夠膽話一定有打手幫間餐廳，但係各位自己睇下我d相片，再考慮，先決定試唔試啦！ 我覺得食物上沒有問題，但係好似去茶餐廳都食到類似嘅東西，比咁嘅價錢，真係好唔底。 環境方面，相睇落呢好似好靚，但係之前有師兄都講過，要搵服務員嘅時候就一個人都冇，張梳發重太軟, 如果工作腰累的話就千祈唔好坐，要用條腰力頂住先坐得正，好辛苦，食一個半鐘頭lunch，簡直是折磨。先來個湯，個湯味道沒有什麼特別，溫溫的，不夠熱。 餐湯味道令我想起一家連鎖快餐店那個餐湯的味道，酸酸的，就是這樣。有兩個芝麻飽，從個樣都睇到係一般餐飽，現在高級餐廳都唔整呢d咁嘅茶餐廳餐飽配牛油。主菜是意大利粉。不論賣相及味道，平平無奇。甜品最搞嘢。嗰個朱古力蛋糕是冷的，是70年代的黑森林蛋糕的硬版。你地睇睇d伴碟裝飾，真係老套到沒有什麼地方找到㗎喇！最後，一個人成為＄168！唔洗多講，灣仔好多餐廳咁嘅價錢水準都高好多啦，d凳都唔會坐到腰骨疼！我就一定唔會再來Fleming！…查看更多

今天年廿九，趕埋d工作收爐，做到2點都未食「欄廚」，諗住去d高檔d嘅地方，年晚享受一下。選咗一家位於銅鑼灣裝潢超豪嘅新餐廳，Le Grand Pokka。需然個名麻麻，以前叫「卜家」都唔夠，而家仲要「Le Grand」，法文意思即是「大」，成個名中文直譯變成「大卜家」餐廳。唔好理咩名，總之有人龍，下午2點幾不時不候都要囉飛仔排隊，死未！以前成日去銅鑼灣UCC，我覺得UCC個下午茶真一流，waffle鬆脆，咖啡香又濃，地方有好坐。今次終於出現另一家日式洋食餐廳挑戰UCC，是好的，有競爭，便有進步！餐廳餐牌有大餐廳作風，黑色有高貴感，質料唔會好容易弄髒，勝UCC一個回合！:)（1:0）檯面用高貴嘅檯布，白色的。死喇！出事！ 唔好玩啦，用咩鬼白色吖，遠睇就靚，但係有好多明顯污漬，好肉酸同意膩，搞到好似衛生有問題咁！輸比UCC一個回合！（1:1）室內環境唔洗多講，le grand即是「大」同grand，呢範勝UCC一個回合！:)（2:1）戰況激烈，我地入直路睇睇d食物價錢同質素喔！餐牌價錢都幾貴，介乎$128-$148。午餐沒有單點，全部套餐，即湯加主菜加飲料。價錢UCC勝一回！:(（2:2）出菜了，服務出了少少問題，湯與主菜一起來。依家唔係茶餐廳嘛，一家grand嘅餐廳咁搞法，先食是但一樣嘢另一樣一定會凍。 唔好玩啦，茶餐廳想快d翻檯先咁樣出菜。先飲個湯，嘩！又出事！個captain sell個蘑菇湯話冇加奶油，會健康d。但飲落去完全沒有香嘅蘑菇味。主要係水加生粉出來嘅混合物，好難飲！ 人地其他地方d湯包都係熱辣辣，外脆內軟的，但係呢片咁嘅嘢就超冇性格，做麵包做到你咁真係失敗！呢一回一敗塗地，輸比UCC！ （2:3)主菜係明太子汁帶子意大利粉。明太子有香味，ok。 但係d義粉質感怪怪地，有d似伊麵。唔好玩啦，比咁貴來食伊麵？d帶子就仲細過啊媽過年煑齋d乾謠柱，完全冇味道！ UCC整d義粉好野味，又熱辣辣！主菜都輸比UCC！（2:4）最後就係熱咖啡。咖啡質素冇投訴，好香濃，帶少酸，剛剛好！ 如果大杯d就好喇！這回與UCC打和！結果有喇，今次洋食店最終極大比拼，Le Grand Pokka輸咗2比4！總括，環境一流，服務出瑕疵，食物有待改善！…查看更多

金燕島的大名聽得太多了，今天去完睇鐵金剛Skyfall，便指定要來這裏試試出名的潮州菜。由舊鋪星光行搬到來呢到，到底質素有沒有影響呢，真的要試過先知。門面不錯，但需要客人攀爬幾堂樓梯先可以到飯堂，老人家及殘障人士就有點困難。 香港食市應多留意這點！來到有名的食市，一定要試試佢地d名菜。傷荷包，赴湯蹈火，在所不辭。 正五九最好食咩呢？當然係蟹啦！ 先點一個潮州凍蟹。蟹身肉實膏多，蟹箝鮮甜到漏！超好味，$500一隻，抵食！跟住嚟咗個潮州翅，$300幾蚊一碗來講翅身都算粗，湯底鮮甜，有一種舊式酒樓火候烹調出來的味道，絕對無得投訴。食潮州菜不可缺少的一道菜，就是鹵水鵝片豆腐。鵝片是我在香港雲雲餐廳食過最淋最入味的一個地方。豆腐滲透了鹵水，你現在閉上眼，試試幻想一下，一邊吃滲透了鹵水的豆腐，一邊享受美酒，一生何求呢？ 酒樓需留意一下的就是鵝身較肥，皮下脂肪幾厚，同來貨商回饋一下啦。再來石榴雞。石榴雞造工精巧，外皮薄薄，內藏餡料，回味無窮。太飽飽了，沒有叫甜品了，但都一定不可以放過雙面黃！雙面黃煎得好好，表面脆脆，內裡濕潤，加點糖吃，好好味！金燕島咁好味，下次拉埋鐵金剛黎呢到一齊試試喔！:)…查看更多

小弟懷著一伙期待的心去食秀殿的蛋飯，因為看過某個雜誌報道，說到點好食，又話正中日本風味。到了餐廳留下，已經見到水牌有秀殿個大名。上樓了，等電梯，電梯好慢，剛剛上了高層，等得有點不耐煩。上到去了，到門口，都幾有特色，有d返樸歸真的感覺。內面裝修一般，凳子不是特別好坐，也不為意有日本客人，都是港人港地！看餐牌，午飯來說，都算有幾多選擇。 有一個standard餐牌，另外一個廚師介紹，日日來都得 套餐都包湯，薩拉，飯同飲品，挺豐富的。先來湯和薩拉。湯是一般，不夠熱，味道也沒有什麼特別。薩拉都係一般貨色，不難食，但沒有什麼特別。主角來了，我叫咗一個牛肉汁蛋飯。蛋是滑滑的，還有一層層的感覺，好厚身，煎工一流，冇得頂。牛肉汁都調得好好味，為碟飯加咗一d色彩。飯粒方面就大跌眼鏡！好淋，煮得太太太淋，沒有日本米應有的質感，好失望！ 飯一定不可以有失的。埋單百多蚊，都幾貴！…查看更多

呢排唔知係唔係經濟差左，連聰嫂咁爆場嘅食市都只得小貓三兩隻。餐牌睇了一睇，都是點我至愛，就是中國傳統的杏仁茶。聰嫂有個燉奶杏仁茶，但本人不喜歡，都是喜歡燉奶還燉奶，杏仁茶還杏仁茶。上次d杏仁茶好稀，但今天聰嫂回復狀態，杏仁茶好夠料，好厚身，同利苑果個真係有得揮。各位睇下張相，厚到有d燉奶嘅境界。最好又不會太甜，剛剛好。香味方面亦都好勁，覺得不是香料，而是真正的天然杏仁磨出來的香味。聰嫂回覆狀態了，哈哈，作為fans真係好開心！ :)…查看更多

之前聽過有人講話榮記車仔麵真係好好食，結果去左渣甸街果間試試真功夫，門口大大個招牌，一定唔會miss的叫咗一過腩汁牛腩魚片米，一心試試個腩汁係唔係真係甘堅！好唔好坐果d唔講喇，因為大家都應該沒有什麼expectation，是吧？腕米來了，賣相不錯。魚片整整齊齊的放在碗米粉的上方，加上青菜兩條墊底，牛腩就放下方，不錯！呢料喇！翻下碗底睇睇先！大鑊 首先發覺牛腩真的好細粒，得3-4粒。嘩！通脹都唔係咁離譜啊！細都係要食㗎啦，唔好complain甘多喇，酒店餐廳d嘢都係咁細粒㗎啦，又咪好好食 － 正面d去面對啦，香港人！食喇，いただきます！一放進口，覺得個汁好濃，但亦有一種甜味，大鑊！味精，好重嘅味精！個汁濃重特顯左個味精湯。魚片淋淋咁，一d都唔彈牙。牛腩肉身沒有什麼特別。米粉都係一般貨色，周街都穩到。食碗米粉都唔好食，應該沒有下次了！…查看更多

一般都沒有想到去跑馬地食晚飯，因比較吊腳。銅鑼灣果邊d晚飯又比較商業化，今日心血來潮，好想食小炒住家飯，就即刻諗起好想去跑馬地食。咁邊間呢？ 一般去開彭X記，但今日想搞搞新意思，結果又要上權威網站Openrice問下前程，結果啊公指點左我去試試跑馬地街市那家銖記，聽說是明星飯堂，好有信心去試試。看完餐牌，好理想當然地叫左風沙雞，蒸聖子，加個菜。個雞真係冇得鼎，皮脆肉嫰，好入味。所謂風沙一定有d似避風塘式的炸干蔥，好香口。雞好好肉，雞腿好滑。呢道菜真係好精彩聖子個做法就沒有什麼特別，都係粉絲蒜茸蒸。但係個重點係聖子的size，好大好肥美 最後就一個鹽水菜心。師傅用粉絲，菇同埋一d辣椒去造這個青菜，好特別！有一點點辣，平凡的菜心上加點點趣味，頗有心思。…查看更多

2年前，有朋友告訴我現在在香港吃日本菜已經可以了，不用去日本。我不相信，也說我不服。2年後今天的我，相信了！不僅食市多了，品質有很大進步外，不同的日本料理也已經在香港插旗，壽司店已經是很基本的日本料理種類。今天來到盛八，不是燒肉，而是蛋飯店，日本人稱「他媽高」。 店鋪老闆的媽媽高唔高我就唔清楚喇😄，但係老闆真的很有細心。從裝修就可以看到下了很多心機，唔撰下都唔得！開飯喇！首先來個牛肉「他媽高」。牛肉嫰嫰軟軟的，汁都入晒牛肉。本人覺得蛋是重點，剛熟，滑滑的。整個飯調味一流。但系本人覺得碟飯唔係幾夠熱，熱d會更好食。我朋友個關西燒「他媽高」跟住來。個飯比牛肉「他媽高」干身，沒有那麼多汁。最初以為沒有那麼好食。她食了一口，嘩！好好味！有小小似關西お好み焼きokonomiyaki (日本料理食家就一定懂這個料理)，但實在卻是「他媽高」飯，簡直是巧奪天工！蛋沒有牛肉「他媽高」那麼滑，可能師傅是為了配合關西お好み焼き本身造型，要整體干身點。最後還有茶，畫了一個完整的句號！…查看更多

日日做到冇停手、冇停手！終於到星期五啦，食翻個悠閒午餐先！2點來到，仍然人很多，但服務員都分派了一張不錯的位置給我 :)。點了一個午市套餐，有南瓜湯，主菜是牛肉天使麵，最後仲包一個餐茶，我點了熱咖啡，成為＄108。南瓜湯濃度適中，有口感，但可以熱一點就更加好。牛肉天使麵：牛肉一粒一粒，沒有什麼特色，但都算好淋，幾好啦。麵嘅硬度算係港式嗰種，比較淋，喜歡意大利正中 al dente 的做法就會有點失望。如果想要甜品，可以以優惠價加進套餐價錢。但我見到隔里d人點左果D芝士餅個樣都唔係太好，重有另外一台話D waffle好鬼硬，硬得來內面D粉又散搔搔，所以都係米搞喇！咖啡不錯，大家不妨可以試試！來到這裏食晏，我覺得大部份人都係想為拿那個悠閒的感覺，多過注重食物質素。我本人亦一樣，沒有太大期望，但最終來了的食物，今日給我一個小小的驚喜，味道都不錯。但係可能已經2點多了，服務員有些好像做到有心無力，反應慢了一點點，我向你們致敬。整體來說，我是滿意這頓午餐的。 …查看更多

哇！今日好豪吖！ 前幾日天氣都係毛毛雨咁，今日天晴加上天氣開始涼涼地，心情自然佳 出去銅鑼灣食中午飯響邊度好食？有時選擇多，反而真係唔知道去邊度食好。人就係咁矛盾嫁喇 又要好食，唔使等位，有唔貴，環境又要好，服務員質素又要佳，最重要就係抵食，要求多多的我，終於選擇左去加路連山道的Home。入去之前梗係要睇一睇權威網站 Open Rice 啦！OK，都唔差，充滿信心大搖大擺咁行入去路！ 一入到去，過分homey既感覺真係由廚房滲透到門口，再由門口飄回到我的卓上，再由桌上慢慢由我的眼球攝入，在轉到我的大腦，好溫馨呀！食物方面真係好有水準。我覺得其他人係Openrice 比嘅評分真系低水左一點，各位大哥鬆手D啦！個麵包熱辣辣，點落D湯到食真係人生一大享受。田園沙律，今次真係唔只Homey嗱，簡直好似自己去左farm stay食野一樣。主菜水準一樣好高，整咗兩塊魚出來，加埋記薯菜食，超好味。D魚質素好高，fry到表面金黃色脆箔箔，正！最後，個咖啡亦很有水準。食了一頓很滿足的午餐喔！幸せね！埋單兩個人差不多$300.…查看更多

星期日晚上,很想食上海菜. 近近哋, 選擇咗時代廣場那一家小南國. 整體來說食物一般, 尚算可以。最大問題就是服務員的數量嚴重不足，服務員的態度已經做到有點怪怪的。開茶給我們已遇到問題。最初，沒有人開茶給我們。這個問題算了，也是一個不嚴重的問題，有時候其他酒樓亦會遇到這個問題。好了茶到嗱，本來叫左一壺白開水加一壺鐵觀音，結果是來了一壺白開水。好了送菜來啦，開餐！因為食上海菜食物比較油的關係，我喜歡喝茶、一邊進食，因此，喝茶喝多了。不自不覺服務員也把兩壺茶拿進廚房裏加添，但回來的時候，竟變了兩壺普洱茶 搞什麼？全場服務員當時又不知去嗮邊度，一個人都冇，等咗好耐先叫佢地搞番掂兩壺茶。食物水準雖然可以，但以咁嘅價錢，得到咁嘅服務，確實市面上真係有好多其他上海菜嘅選擇。希望餐廳留意一下啦！…查看更多

小弟一向是聰嫂的忠心fans，今日同老婆去新鋪食甜品，覺得品質真是差了很多。叫咗一芝麻杏仁糊，另外一個是杏仁糊，兩個都是好像加了水，好稀啊！唔知係唔係因為我們晚上九時才去，太晚的關係呢？冇辦法，fans即係fans，下次早點去再試試啦！…查看更多