gourmetkids的个人专页

啟德Twins喺地鐵站附近，SOGO似乎唔算多人行，但樓上泰國菜反而多人流。地方唔細，座位有室內同室外。室外景色給遼闊，只係天氣熱左，選擇室內比較涼快。裝修係亞熱帶為主題，好多木支柱，同埋綠色植物。餐牌當然唔少得咖喱，海鮮，菠蘿炒飯，米紙卷。鐵板蠔餅值得order，熱辣辣出晒煙，充滿香氣上枱，蠔仔都幾大粒。軟殼蟹牛油果米紙卷，軟殼蟹好脆無返炸。海鮮濕炒河粉，預料之外係河粉先煎香，再加上海鮮同芡汁，河粉非常香口。…查看更多

中環九如坊有一間隱世omakase，座位大概10個，地舖位置方便可以容易搵到。menu 揀咗zakisuke，有四款sashimi, 煮物，燒物，七款 sushi ，甜品等。頭盤係松葉蟹加靜岡縣 小番茄，蟹肉係師傅人手拆骨，啖啖肉。伊勢海老sashimi + 海老頭膏係上面，日本赤水生蠔好脆口，鰹魚 sashimi 配生洋蔥嘅配搭幾新鮮。燒鮎魚配香水檸檬，燒到金黃色魚味濃郁。Sushi 包括日本賴尿蝦，北寄貝，非常脆口。北寄貝大大塊連飯都睇唔到。伊豆金目鯛sushi油份多，口感充足。中toro 當然唔少得。最後海膽手卷好夠甜。甜品有驚喜，從來少食香蕉，有個香蕉加chocolate mouse，上凍下暖，2分鐘內食晒。…查看更多

其實我已經不是第一次食十二味，因為覺得佢個酸菜魚好好食，所以今次經過旺角見到十二味的分店，我不禁又衝左上去。雖然這間分店店舖比較細間，反而令到店員更加招呼周到👍🏻。先來杯熱情果梳打，嘩！大大杯，好誇張😆，再來有乾煸四季豆，小小辣，炒得好香好惹味😋。再來有水煮牛肉，超大碟，而且非常多牛肉，底食到爆，而且唔太辣，合我口味🥳。主角出場啦-人見人愛酸菜魚，上枱就聞到好香，這個時候，我一定要碗白飯，一啖魚一啖飯一啖湯，超好配搭，啖啖魚肉好正😊😊😊。非常值得再encore…查看更多

Times Square後面近禮頓道地舖有間omakase，dinner menu 有刺身五款，季節料理二品，sushi 10款，麵豉湯同甜品。師傅黃昏六點幾忙於準備剛剛到步食材，七點準時開席。客人總共8至10位，有啲客都同師傅幾熟絡，大家有傾有講。前菜有粟子，魚蛋，烏魚子喻意新年快樂，家族興旺。sashimi 真羽太幾特別，淡淡魚香亦即係石班。之後有肥美啲真羽太肚腩。富山白蝦好鮮甜黏口，兩啖食晒一小碗。北海道水八爪魚加醬油漬 wasabi係我最喜愛。白色透明嘅水八爪魚同埋好似jelly嘅質感係只有這間店食過。貝殼類包括爽口白見貝，赤貝，感覺脆脆的。sushi有金目鯛，澗八 kanpachi，關鯖係懷念的，即係新鮮嘅鯖魚，但只有關鯖先可以生吃，魚香味濃郁。當然唔少得nagasaki 長崎 toro，大 toro。師傅最後上maguro 呑拿魚，呢個次序係其他店舖少見，通常油脂最重係放喺最後。師傅嘅意思係這部份maguro係全條魚最好吃的。…查看更多

日式火鍋喺位於銅鑼灣百德新街近維園方向。店內設計簡簡單單，大約可以坐20幾人，以木器同灰色牆身為主。Menu有deluxe set 包括刺身三點，蟹肉沙律，海鮮係虎蝦，帆立貝，三文魚鮫，安格斯牛小排，牛五花，雞肉，什菜盤同烏冬。湯底有個幾特別，檸檬鹽麹湯鍋，本身都有啲怕檸檬會唔會好酸，但waitress 好好禮貌地介紹，檸檬可以煲滾一陣就攞起，完全唔會覺得苦。檸檬湯底同海鮮特別夾。帆立貝厚厚的比較清甜。牛小排都唔算多油脂，幾香口。三文魚鮫樣子新鮮令立立。…查看更多

今日下午行經尖沙咀東, 麼地道冠华中心地下，見倒一間鐵板超 Teppan Chiu Teppanyaki 66 折吸引，於是入內試吓， 座位寬敞舒服，全部是bar檯，望住👀師傅即煎即炒。餐牌有二人前及三人前，我們選擇二人前2088元哪款套餐， 有size好大長過我前臂的大虾👍👍，活生南非鮑魚，厚切牛肉，銀雪魚。沙律菜醋汁味道酸酸地，食後另口腔清爽，前菜合桃魚乾仔，芥未八爪魚好味。師傅煎鮑魚剛剛熟 👏👏，恰到好處不會韌，点少少汁覺得特別濃味鮮甜，銀雪魚皮脆卜卜， 肉質嫩滑，大虾肉質結實彈牙，厚切牛肉淋滑，炒雜菜燒意大利黃瓜，日本蕃薯和蓮藕味道好香口， 海帶豆腐湯非常清甜，蟹子炒飯粒粒分明，最後甜品豆腐雪糕有濃豆味，又不是太甜，適合我們唔鍾意食甜品的人。 總結食物清鮮，師傅廚藝👍👍。 經濟實惠66折低食👏下星期有小孩子生日再來食😋😋…查看更多

平時去旺角食嘢想少人啲，我都會行近波鞋街後面，冇咁人來人往。喺太平道近旺角東站，有間上一樓嘅火鳳凰，火鍋料理，下午係食點心，晚上係邊爐。門口見到火鍋套餐幾吸引，六款海鮮有象拔蚌仔，元貝，海蝦，蟹，聖子，海魚，足夠四人份量。近乎所有位都係卡位，坐得寬敞。就算二人都係比四人枱。湯底都有十幾款，其中椰子紅棗清遠雞湯底，另上清遠雞半隻，果然係走地，皮下脂肪完全冇。睇嚟隻雞真係做好多運動，而雞味重，有趙口。飲下一個湯，都好有椰子清香，唔覺有太多味精。西班牙梅花豚肉好大碟，有十塊豬卷。湯底好飲嘅時候，最啱就係叫竹笙同腐竹。有信心下次試吓飲茶，坐得舒服嘅酒樓唔算多。…查看更多

平時唔太熟長沙灣區，今日過嚟呢邊探朋友，帶咗我去離開長沙灣道步行10分鐘嘅人氣小店鳥海山食鐵板燒。平日未夠晚上七點已經坐滿，多數食客都有訂枱。餐廳樓底幾高，圍住師傅烹調鐵板燒有大約六至七個位，餘下其他枱就仲有五至六張。menu 有幾款set dinner，包括龍蝦，鮑魚，大蝦，牛肉等。車海老套餐有前菜，大蝦，比目魚，安格斯牛肉，野菜同炒飯。比目魚煎得好脆，但內裏軟熟juicy。有牛油香加上魚油同魚皮嘅油脂，2分鐘食晒。大蝦都有兩三隻手指咁粗，少少黑椒和蝦膏一齊炒。炒飯係用蛋黃炒至金黃食，加上櫻花蝦蒜粒蔥粒，份量都足足兩大碗。Menu仲有是日刺身，鐵板燒油甘魚鮫，但今次已經捧住個肚，要下次再食。…查看更多

農曆新年前，同好朋友諗住食餐好的，去了尖沙咀山林道一間食串燒+海鮮。話明新年要食豪d，就揀了個鱈埸蟹餐及串燒，先來一點餐前的精美前菜，有海膽豆腐的，也有水母刺身及赤味噌（關東煮味）。再來是生蠔（日本室津）加一點柚子啫喱，感覺好清爽又甜😋，再來有脆炸的魷魚圈及天婦羅蝦，剛剛炸起真係超脆但幾爽，炸粉漿做得幾好👍🏻。再來串燒阿波美雞腎、燒南瓜🎃、阿波美雞頸肉等，好正，由其是雞頸，好有咬口😋。主角開始黎啦👏🏻👏🏻炸海膽長腳蟹紫菜卷，溥片脆皮的感覺，咬落去海膽流出嚟，超純又有海膽香味，堅正👍🏻👍🏻。另一個主角就是燒鱈埸蟹腳，全程睇住師父超有心機幫你燒，無得輸😆。之後來個燒菠蘿🍍，又係誇張，超juice又甜，食落口感脹卜卜🤭。最後到和牛sabusabu ，都係讚不絕口，湯好濃，所以食和牛同蔬菜類都好入味，最後的最後就是將個濃湯煮飯，入晒味的湯煮白飯真係好鬼正，今晚捧住個肚走，滿足晒👏🏻👏🏻👏🏻。…查看更多

上星期去完呢間食過真是不得了，每度菜都是用心煮，色香味齊，真心值得介紹。肉料理CARVING西式廚師發辦日式西餐，上環市政大廈對面，上電梯見到月子中心，右手邊就到。座位寬敞舒服，服務員招呼有禮，每上一道菜，先介紹特色。我們Order full course testing dinner 前菜自家漬青瓜片，但覺得鹹啲。半熟日本A5和牛大根沙律，重點是和牛上面法國魚子醬好好味👍👍👏👏鹽漬原隻鮑魚配高湯凍，鮑魚淋滑配一粒粒高湯，使口腔有清新感覺😋😋yorkshire pudding大大粒三文魚子放在明太子慕斯上， 賣相一流粟米吉士湯，上面鋪滿香濃木魚片A5和牛生熟度剛好，和牛雖然 沒有油花，但都是好淋，伴碟本菇重菇味，蘆筍新鮮鱸魚釜飯，濃香味舞茸菇，每粒飯占滿油香，飯焦非常香口最後甜品:水牛芝士紅豆餅，餅皮軟熟，甜度剛剛好，最適合我唔鍾意食太甜的人食完後即時訂下個月，同屋企人再來😄😄…查看更多

旺角彌敦道雅蘭商場地庫有間peppercorn都幾full house，入口唔喺商場裏面，而係山東街。我都行咗一個圈先搵到。餐廳當然係同辣椒有關，天氣凍冰冰，要食返辣嘢保暖。湖南辣椒炒雞係一鍋青辣椒同雞件，食落超香口。上桌時上左一個黑色鍋底，然後開火，再加以炒香嘅青椒雞件放入去。等出煙隨即食得。青辣椒有啲好spicy，睇你好唔好彩。另外可以order黑毛豬片，放入炒香。龍躉件都幾厚身，總共有五件，可以加少少湯再灼，或者加湯煎香佢。有九孔鮑魚可以煎熟佢再去殼，煎七至八分鐘剛剛好。最後先加水滾魚皮餃同貢丸。食到㷫烚烚要食返紅糖冰粉涼下，有啲玫瑰花香同黃糖粉，冰jelly 涼涼地，正…查看更多

今晚朋友話去銅鑼灣食一間台灣菜，很有80-90年代風格，入到餐廳已感受到華燈初上feel😆。先來杯cocktail微風醉人（賣相靚，有點奢華感覺🤣）。先來個蟹肉帶子蛋白泡泡脆米金湯，聽個名都勁🤭表面的蛋白好滑，又有脆米口感，加上濃郁蟹湯，一流水準😋。之後是白滷水九孔鮑魚，賣相吸引，食慾自然倍增，滷水醃很夠味但不鹹，適中👍🏻。這個鵝不是鴨肉不錯，反而鵝肉下面的豆腐很入味😋鵝+豆腐一齊食👍🏻。再來有燒菠蘿安格斯牛小排，肉質好嫩滑，加上有菠蘿汁，好醒胃。鹽酥波士頓龍蝦脆角豆金瓜這個菜式都幾特別，全部食材都脆卜卜香口野（龍蝦、脆米、南瓜片、秋葵）👍🏻。朋友話想試吓臭豆腐🤣，菜式未上枱已經聞到濃烈嘅味道🤣賣相算幾好，不過真的很臭，我投降😅。最後我地點了甜品🍮，黑糖珍珠疏乎厘pancake冰淇淋，原來係要必食，賣相靚，疏乎厘鬆軟，加雪糕及珍珠一齊食，口感非常豐富，味道出色。👏🏻👏🏻👏🏻大滿足的晚上☺️…查看更多

今日去開銅鑼灣shopping，因為有消費券所以買咗好多嘢😆，之後想搵間坐得舒服又要錫住荷包的，朋友介紹左一間巷仔見（港式餐廳），餐廳都好大間，而且裝修好新淨，又港式擺設，最緊要我買左咁多戰利品，而這間又坐得舒服呀👍🏻，打開menu睇睇，平民價錢，但銅鑼灣地段，簡直係有超值的感覺。先來杯金柚肉西柚果茶解一解渴先，味道不錯，再來個火炙芝士雞扒包，嘩，好大個包，雞扒又係大大份，名副其實大件夾抵食😋，又試下個雲吞麵，不過不失，個湯幾好味。朋友叫左椰子粟米雞腳湯$18🤣太平了，再來XO炒龍躉球+白飯👍🏻，還有脆脆鳳尾蝦多士，脆卜卜，不太油，幾好。甜品啦！這個蜜瓜牛奶冰，必食，賣想靚，蜜瓜甜👍🏻，無得輸，還有另一甜品一定要食，仙草芉圓紅豆珍珠（凍），價錢$16，份量就大大份，樓下其他甜品店都起碼要三倍價錢先食到😆。大滿足…查看更多

北角食肆有好多選擇，淨係北角海旁都有個較新嘅商場，有超市，火鍋店，西餐，台式，burger。今次嚟到商場對面，有間環境舒適仲有happy hour嘅西餐廳。Happy hour由3:30 pm - 7:30 pm有意大利prosecco, moscato, 澳洲紅酒白酒，小食有四五款揀，炸魚薯條金黃色幾吸引。嘆到晚餐時段，order 二人套餐，寫明不設加一，有餐湯，豆腐沙律，一份肉類，一份飯或意粉，甜品同飲品。分量大大碟，三個人share都夠晒數。肉眼扒煎得好香，真係做到medium rare。海鮮白汁意大利飯有帶子大蝦。朱古力milkshake 夠香濃，有whipping cream 高身大大杯。…查看更多

最近天氣成日落雨，落足三星期，但冇影響我出街食飯嘅意欲。睇OpenRice新開餐廳，將軍澳有不少選擇。距離將軍澳地鐵站10分鐘路程，向海旁方向有個屋苑樓下嘅小型商場入面有間日式串燒酒吧。第一次行入商場，原來有幾間餐廳仲有個韓國超市。睇嚟商場外面要多啲signage 幫助食客容易D搵到方向。一入門口，比katachi串燒酒吧嘅大型橢圓形吧枱吸引着。:)酒類選擇繁多，有sake, 梅酒，紅酒，有汽酒，rose, draught beer 。有個咁靚嘅枱放喺餐廳中間，一定要order杯酒嘆吓先。brandy梅酒on rock 再配上炸蠔炸蝦，好快又一杯draught beer。煙肉蕃茄串，雞頸串，雞頸肉爽口彈牙。蟹子青瓜沙律都幾大碟。…查看更多