新泰東南亞餐廳 (雙子匯1期)

啟德Twins喺地鐵站附近，SOGO似乎唔算多人行，但樓上泰國菜反而多人流。地方唔細，座位有室內同室外。室外景色給遼闊，只係天氣熱左，選擇室內比較涼快。裝修係亞熱帶為主題，好多木支柱，同埋綠色植物。餐牌當然唔少得咖喱，海鮮，菠蘿炒飯，米紙卷。鐵板蠔餅值得order，熱辣辣出晒煙，充滿香氣上枱，蠔仔都幾大粒。軟殼蟹牛油果米紙卷，軟殼蟹好脆無返炸。海鮮濕炒河粉，預料之外係河粉先煎香，再加上海鮮同芡汁，河粉非常香口。

11

9