chowsmall.food的個人專頁

這間日本燒肉始袓曾經獲得米芝蓮推介，到訪原因當然是因為和牛燒肉。當日我和朋友點了：。和宴沙律。和牛拼盤5款。宮崎和牛牛板腱(壽喜燒風)。韓式海鮮煎餅他們的日本和牛來自宮崎，和牛拼盤有宮崎和牛上牛排肉(原味、汁燒)、宮崎和牛特上雪花牛排肉、宮崎和牛特上肩肉眼和澳洲和牛橫膈膜。每款都鮮嫩粉紅，油花分布平均，非常高質。另外，宮崎和牛牛板腱(壽喜燒風)雖然雪花不太明顯，但入口亦十分軟腍入味。當吃到有點油膩時，吃一口酸甜口味的和宴沙律，立即感覺超清爽，然後又可以再戰了！…查看更多

最近，香港開了一間以燒烤羊肉為主打的新餐廳，主理人是滑雪及吃羊愛好者，每次遊北海道時都會被當地的成吉思汗料理吸引，所以決定把這心頭好帶來香港。餐廳環境優雅，有兩間私人廂房，分別可以坐5人及7人，設最低消費，如果5個人來，平均每人約＄1000消費便可有自己的私人空間，十分適合和朋友們一起開酒慶祝特別日子。食物方面，都以燒烤為主，羊肉部位選擇豐富，除此之外，亦有豬和牛的選項。主理人推介不太吃重味羊肉的客人可先試吃羊頸柳，但我本身喜歡吃重羊味的羊肉，所以我較喜歡羊臀肉及羊西冷！主理人亦以鰹魚汁親自調教配烤羊肉吃的成吉思汗醬汁，客人更可以按自己喜好加入蒜蓉及辣椒碎調味。除了烤羊肉，我特別推介他們自家製的羊肉煎餃，餃子皮夾着滿滿的羊肉，保留了肉汁，滿滿的羊肉味令人回味。除了羊肉，我們還點了佐賀A5和牛三筋，輕輕烤一烤再混和蛋醬，加配餐廳自家製醬汁，經已十分美味。最後，我們點了羊蹄山羊肉咖哩烏冬為主食。主理人推介我們吃前加點世界第7辣的辣椒粉，雖然我們只加了一點點，但湯咖哩味便即時提升，令人越吃越惹味。…查看更多

中環不少人氣餐廳，其中一間便是這間日席師傅主理的御好燒店，地方小小卻坐無虛席。當日位置坐在鐵板前，可以邊吃邊看着師傅製作料理，令人不禁想起在日本吃御好燒的回憶。這裡的食物質素打破了我那「香港沒有好吃御好燒」的想法，餐廳主打的御好燒，每一款都好吃得很！由各款招牌御好燒以至簡單的自選配搭都非常出色。如果朋友生日，他們更會有生日儀式，非常窩心！除了御好燒，餐廳亦有各款鐵板燒料理，像免治雞肉燒、鰻魚玉子燒、蕃茄芝士雞扒、鹿宜島黑毛和牛扒、燒蠔等都沒有令人失望。雖然餐廳在中環地段，但價錢公道，御好燒價錢由$82起，其他小吃如牛筋煮，份量慷慨亦只需$58，所以這裡必定是日式居酒屋以外的另一個好選擇。…查看更多

呢間火鍋店新星主打A5黑毛和牛，呢度係牧場直營店，所以部位選擇會比出面多，佢地既A5黑毛和牛都係由自家牧場供應，分別來自熊本同岩手。一場黎，緊係湯底都會㨂同和牛有關，所以㨂左火焰岩手和牛白湯，出奇地香濃鮮甜！叫咗A5熊本黑毛和牛牛小排、沙巴當同三筋肉，三款都油花細緻，佢地之中我最鐘意沙巴當，即上肩里脊肉，油花多，肉味濃，係高級靚牛獨享既稀少部位。除左和牛，佢地其他既火鍋配料都一樣出色。例如日本蠔好肥美好creamy；手打墨魚滑蝦滑都好鮮甜彈牙；新鮮雞肉份量多，肉質嫩滑。海鮮例如大蝦等，都好大隻同新鮮。·🥑生酮友好食品：需自備湯底及豉油。…查看更多

呢間餐廳應該好多生酮既朋友都試左啦，今次終於輪到我。未黎之前，我最有興趣就係呢度既生酮薯條同Keto Friendly既cocktail。黎試既時候，正正鄰近Halloween，所以餐廳都放左好多萬聖節的裝飾。整體食物質素唔差，但性價比就見人見智啦。．．．．．(圖1) 秘製生酮炸薯條配黑松露蛋黃醬：生酮薯條以杏仁粉同椰子粉製作，外層裹上滿滿辣粉，我睇其他人既相係「粗身薯條」，但當日我地食既係幼身，個人認為幼身口感同真薯條會更相似，亦唔會太食到重杏仁粉同椰子粉味，而且自家製蛋黃醬味道亦很不錯。不過份量真係太少啦，我地兩個人每人食左5條，就食晒$98⁣既「薯條」😳會唔會過份左少少。然後想再叫，廚房就話賣晒😳同埋，出品質素都比較唔穩定，時粗時幼，時多時少...令人無奈...(圖2) 三味生酮意大利麵包：店員話生酮麵包既口味係隨機既，我地當日食既三款味道分別係合桃、蕃茄同芝士，食落質感同味道都唔錯呀，我最鐘意係芝士味，因為裡面放左香濃芝士餡。另外蕃茄包都唔錯，有淡淡香草味。麵包亦配上黑松露牛油同普通牛油，個人認為比起黑松露牛油，普通牛油味道更香濃。三個生酮小餐包$68。(圖3) 開心果脆皮烤羊架：羊架我地叫左五成熟，肉質幾嫩滑，個人認為唔錯呀，但當日羊架上面既開心果碎碎就比較輕手，唔係好影到亦唔係好食到。四支羊架 $278。(圖4)白酒香蒜辣椒煮青口：白酒香蒜汁味道香濃，而且份量較慷慨，青口質素都幾好，小肥美，不錯吃。加上一碟價錢只係$138，算係性價比合理既一道生酮前菜。Cocktail方面，價錢同平時係中環飲Cocktail差不多，味道不錯，生酮可以放心飲酒係一件令人開心的事。…查看更多

呢度既佈置係以民族風為主，周圍都舖上色彩繽紛既梳化布，天花板掛滿閃閃發光既燈泡仔，感覺又舒服又浪漫，同朋友兩個都揀左飲Yuzu Sour，酒味唔重，唔會過甜；因為呢度係室外既關係，係度食水煙唔會好似其他場咁焗住，成為呢度既另一賣點。叫左檸檬茶味Shisha，不過食唔到檸檬味，但加左少少薄荷味就幾清新！．．．．．順帶一提，呢度D小食都幾好味喎！個單骨雞翼好似麥當勞脆香雞翼，薯條就不過不失，咬落都脆脆地架！…查看更多

呢間西餐廳位於大廈23樓，景觀開場，係度睇日落係幾正既。食物方面，我自己最鍾意烤虎蝦伴香草蕃茄醬意粉，虎蝦都幾大隻，蕃茄醬濃郁，酸酸甜甜，味道係懷舊港式西餐既味道，係細細個學人去食西餐既果種味道呀。另外，烤澳洲羊架都唔錯。小食方面，叫左兩款都係香口野，分別係忌廉蘑菇田螺同炸洋蔥圈。飲品方面，選擇都幾有特式，餐牌上面都寫晒ingredient，我覺得按個人口味去揀，一定會㨂到一杯係自己鐘意飲既。最後甜品係火焰雪山，聽個名都已經好有回憶😆雪山裡面係朱古力雪糕，底層係海綿蛋，雪糕好味。…查看更多

好開心既一晚呀！我最鐘意係脆皮茅台雞(圖1) ，個雞勁入味，勁香茅台味，個底仲有入晒味既雞雜！另外，成都青湯水煮魚(圖5)我都好欣賞，裡面既魚片係用左熊本手釣英倉魚，魚肉結實好滑，唔會一夾散開，而且好足料；井巷子片皮鴨(圖3,4)個皮勁脆，好香油脂，仲有鴨脾啖啖肉好正呀！．．．．．前菜小碟，我就鐘意鴛鴦蒜泥白肉(圖8)同向日葵甘栗豚叉燒(圖2)！除此之外，鹿兒島A5和牛酸辣米線(圖6)、廿五年黑醋熊本手釣英倉魚頭腩拆肉酸辣羹(圖7)、花膠撈飯(圖9)都係出色既！甜品芒果土紅糖冰粉(圖10)既芒果仲係用上台灣愛文芒，聽到都知甜啦！…查看更多

一直都想試鋒饍好耐啦。估唔到今次食到，仲要全部都係心機菜。其中好多菜式都令我念念不忘。．．．．．▪️蝦子鮮鮰魚肚嫩柚皮(圖1)，呢道係當晚菜單中我最鐘意既一道菜式呀！鮰魚本身屬於平價魚，但佢既魚肚竟然係價值不菲！魚肚食落口感已經感受到滿滿既骨膠原，配埋汁醬同蝦子真係超好食呀！**▪️石鍋柱侯花膠汁牛尾(圖2)，又係另一道充滿骨膠原既菜式。採用本地新鮮黃牛帶皮牛尾，用濃郁既花膠汁煮到勁入味，加上啖啖骨膠原既質感，同樣係超好食。**▪️日本宮崎快樂豬叉燒(圖3)，黎到呢度一定要食叉燒無誤！叉燒用日本宮崎快樂豬燒成，肥瘦適中，又有燶邊，勁厚切但一D都唔韌，必食！**▪️瑤柱蟹肉迷你冬瓜盅(圖4)，勁足料！裡面有夜香花、蟹肉、瑤柱、冬菇、竹笙、火腿絲、火鴨粒，仲有田雞片。問返師傅，原來傳統既八寶冬瓜盅係必須有田雞片架。**▪️陳皮冬菇雪棗鷓鴣焗飯(圖5)，係傳統老廣州富貴家庭夏天必食既保健飯，餐廳再佢再改良，用左五十年陳皮、日本冬菇、新疆雪棗同英國野生鷓鴣整成！鷓鴣超嫩滑，加埋雪棗、冬菇、陳皮，啖啖飯食唔停口！**▪️龍鬚炸雪糕(圖6)，呢個係咁耐以黎我食過最特既甜品，沒有之一！龍鬚係來自中東嘅Kunafa，好香脆，裡面包住Haagen Dazs 夏威夷果仁雪糕，做到外暖內冷，層次分明真係超考功夫！好好味！**▪️杏香江南百花雞(圖7)，我第一次認識呢道傳統既手工心機菜。做法係先將一隻新鮮三黃雞起骨起肉，再將D肉剁成肉泥，混合海蝦做既蝦膠，造成白色既中層，上面再釀一塊已經風乾六小時既雞皮！最後加埋杏片係底泡炸！好特別，雞皮起脆，得兩舊食太少啦！**▪️芥末合掌瓜鮑魚 (圖8)，夏天當造既合掌瓜配新鮮南非孔雀鮑魚，加入芥末涼拌，芥末同鮑魚味道超夾，食落清爽開胃。…查看更多

最近觀塘本陣有夏祭，所以推出左一個 「$459 日本產黑毛和牛特別燒肉放題」，凡惠顧呢個燒肉放題﹐就會送一份「特別日本產黑毛和牛盛合」加埋「豪華浜燒海鮮盛合」。．．．．．「特別日本產黑毛和牛盛合」(圖2)真心高質，份量多又全部都係厚切，油脂分布平均，完全唔係低質和牛。每塊燒完入口都好好味，口感軟淋又唔會過份油膩，兩個人食完呢個盛合真心唔洗再叫其他任食和牛(圖3)。另外，「豪華浜燒海鮮盛合」(圖4,5) 既巨大虎蝦最令我心心眼，燒完入口好彈牙，啖啖肉！飲品方面，我覺得最好係唔洗加錢有得任飲Asahi 啤酒！******🥩 黑毛和牛特別燒肉放題 (限時100分鐘)。成人：＄459 | 小童：＄219。期間限定送：特別日本產黑毛和牛盛合、豪華浜燒海鮮盛合******…查看更多

走進Gishiki，發覺這裡內外都極富一種神秘感。酒吧中，最能令我目不轉睛的是排滿各種酒瓶的酒櫃，另外，酒櫃中央位置有一個「般若」面具，「般若」是日本能劇中的一個角色，是由女性強烈妒忌的怨念而形成的怨靈。除裝飾外，這裡的Coocktail名稱亦是以日本能劇的角色名字為名。．．．．．坐下後，調酒師過來問我有什麼喜好，我告訴他我喜歡Gin Base且低糖的組合，故他為我調了一杯Hannya -「般若」，亦是餐牌上的一第一杯。杯中的「般若」冰塊是洛神花茶，Coocktail以Gin、柑橘及焙茶混合而成。自行把酒倒進杯中，與洛神花茶融合，令酒慢慢變淺紅色，非常漂亮，味道亦十分合我心意。．．．．．想找點吃的配酒，故點了一客雞脾肉串，雞脾肉嫩滑帶有雞皮，以鹽調味，簡簡單單已經非常好吃。…查看更多

好耐冇去過山頂，無意中知道有間日本扒房係果度開左就專程去試下。去到比佢地既環境吸引，面積好大而且有情調，客人唔多。食物方面，我地點左 4-Course Testing Menu。4 Courses 包括：前菜、法式清雞湯、主菜(4款選擇)同甜品。．．．．．先講前菜，有兩款選擇包括：黑松露大啡菇•配和牛溫泉蛋及 日本帶子伴牛油果蓉•配魚子醬海膽及柚子果凍。兩款前菜賣相都好精緻，帶子新鮮，味道清新，配上牛油果蓉同魚子醬海膽，喚醒了味蕾；黑松露大啡菇切開會看到蛋漿湧出，好吸引！入面釀有和牛肉碎，上面舖了一層芝士，連蛋漿入口，口感多汁鬆軟。．．．．．法式清雞湯，餐廳話呢個雞湯係用雞既精華熬出嚟，無添加任何糖、雞粉及味精！湯既顏色好清晰，中間有隻鵪鶉蛋同少少魚子醬，飲落味濃帶少少甜味，相信都有加少少肉落去煲。．．．．．主菜方面，我地點左法國烤雞及慢煮牛小排。法國烤雞有好多香草係面，亦塗上了蜜糖去烤焗。香草味好濃好出，我個人都幾鐘意。而且，雞口感超嫩滑，雞皮好脆薄，好juicy！慢煮牛小排亦肥瘦均勻，表面亦塗上了蜜糖去烤焗，朋友都讚好味。．．．．．最後甜品係豆腐雪糕加雜莓，面頭有一大舊棉花糖，賣相吸晴。…查看更多

初初留意呢間漢堡店係因為知道佢有生酮友好既選擇！不過餐廳位置都幾難搵，望住Openrice個地址都搵左一陣先搵到。漢堡店坐既位置唔多，但環境都幾warm既。．．．．．食物方面，我當然係揀生酮漢堡(圖2)啦，老闆娘話呢度既生酮包主要材料有杏仁粉、椰子粉、洋車前子粉、亞麻仁籽粉、雞蛋、鹽同香料，淨碳水大約係2.8g左右，裡面夾住牛油果、芝士、安格斯牛肉、豆苗，我自己再加左煙肉同煎蛋😊(其實仲有好多生酮友好既配料可以選擇架 - 大家可以參考餐牌)。生酮包烘完之後都幾脆邊，口感唔會太似蛋糕，但裡面既安格斯牛肉可能因為無醃過既關係就有少少淡味，好彩自助醬料區有TABASCO，加左之後就好食好多。另外，如果你想食甜品，都可以＋$20 配一件生酮生乳卷。本身想試下呢度既生酮曲奇，可惜我去果日賣晒。．．．．．朋友揀左至尊漢堡配蕃薯條(圖3)，呢個漢堡係餐廳既皇牌，上枱已經感覺到佢好足料，裡面有兩塊厚身漢堡扒、芝士、煎蛋、煙肉同蔬菜，男士食都絕對夠飽呀！番薯條係幼身既，朋友話都幾甜幾香脆，係不錯吃既。…查看更多

想當年做PR既時候，招持某韓星黎香港，佢指明要食「韓珍」，我就知呢間野咩料。過左咁耐，當年到宜家佢既招牌都係八色五花肉，可惜呢個就唔岩生酮食，所以當日我就點左雪花牛肉同蜂窩豬腩肉，來一個獨樂樂既韓燒夜。．．．．．雪花牛肉(圖1,2,3) D雪花超靚，都算幾厚切，油脂分布平均，牛肉味香，想講6塊唔夠食呀！配埋自備既辣燒肉汁，好好味；另外，蜂窩豬腩肉(圖4,5,6)真係生酮恩物，油花一層一層，燒時油香四散，燒到脆面就剪開夾起，見到D油滴出黎好吸引呀！…查看更多

「鬼佬涼茶」呢4個字大家都唔會唔識啦！何蘭正係SOHO舊店已經好出名，宜家更細舖搬大舖，下畫做CAFE，夜晚係酒吧，仲加左好多型格打卡位，一入到黎已經覺得好有feel 🥰 酒吧版既何蘭正，由以前開始我已經好鐘意，所以我呢次係專登黎試下下午CAFE版既何蘭正☕️．．．．．睇完餐牌後，真係好多菜式都好吸引、好想食！左揀右揀，最後就決定試「24 小時慢煮伊比利亞叉燒煎蛋豬油撈飯」、「黃金脆炸雞」同「炸薯條」。仲叫左兩杯咖啡。而我係等緊食既時候，就去左打卡😆．．．．．「24 小時慢煮伊比利亞叉燒煎蛋豬油撈飯」(圖1,4,5) 睇個樣已經好吸引！個慢煮伊比利亞叉燒好肥美，肉質軟淋又有濃邊，配埋隻日本煎太陽蛋好好食！而個豬油撈飯，你唔好睇佢好似好深色就以為好重口味，其實食落係少少甜甜地咸咸地，入口冇咩油膩感架。．．．．．小食方面(圖2)，我好鐘意呢度既「炸薯條」呀！炸得香脆少少辣，配埋辣茄汁同蒜味蛋黃醬，真係食唔停口同好岩送酒(好壓韻🤣)。但可借「黃金脆炸雞」就有少少乾，如果雞肉可以JUICY D就正！…查看更多