mercalli的个人专页

是次好姊妹同我慶生，本身揀左兩間尖沙咀餐廳，但一間full，另一間要8點後，所以放棄左。最後揀左呢間好易book嘅餐廳。我準時7點去到，但成個餐廳只有兩枱客...呢個係happy friday night喎...（不過坐坐下有多返d客。）侍應話可以任揀位坐，我揀角落位，但係張枱有幾滴汁喺度...明明嗰陣冇咩客，佢哋只係行行企企但都唔抹乾淨d枱先比客...我揮手叫佢哋抹返乾淨。我揀左香草烤黑豚肉配鰹魚味流心蛋香芧燒汁，都唔平，成二百蚊（就咁叫一個主菜只係百零蚊）。但都照嗌左，因為覺得喺得Set dinner餐牌上嘅，正常都係餐廳有信心或者熟能生巧而整得好食嘅菜式。Salad正常，但我當時點都冇諗到，呢個salad已經係全餐最好味。主菜到左，因為隻蛋鋪左喺豬扒上面，就試左隻蛋先。點知一入口，一陣強酸味襲來。到底我食緊咩咁酸？為左了解下，我問侍應，佢一臉無知，走左去問，問完再返黎。佢話個汁係香芧汁，我問點解咁酸，佢話加左少少檸檬汁。我好傻地以為真係少少，以為只係我唔好彩咁啱第一啖係檸檬汁個位，所以試下其他位...點知全個蛋都係淨檸檬汁味。說好的鰹魚香芧汁呢？我個人覺得蛋同檸檬汁係極度唔match，食落似壞左嘅蛋，所以一食就有作嘔嘅感覺，好unpleasant。因為隻蛋喺豬扒上面，我好驚呢種味會contaminate塊豬扒。好彩，只有少少酸味（今次真係少少），醃料係正常咸味。但塊豬扒都唔係好食，因為非常鞋同乾...另我同朋友除左嗌主菜外，做嗌左好少見嘅鵪鶉脾，size其實就大概係單骨雞翼5枝咁，但肉比雞翼少。朋友覺得得層皮唔好味，我自己就覺得正常但冇咩驚喜（因為頭先d野食有比較下呢個已算好食）。終於明白點解呢間餐廳可以咁易book位，因為食過真係冇回頭。…查看更多

是日男友帶左我黎一間新開既西餐廳慶祝生日。我地叫左：1. 蘑菇湯2. 黑松露薯條3.香燒龍蝦尾拼雜海鮮4.黑毛豬扒5. affogato首先上左蘑菇湯，有非常香濃既蘑菇味同蘑菇粒粒，非常真材實料。之後上左個黑松露薯條，好厚切，見倒有落黑松露嘅，但唔係話太濃味，雖然另外仲有茄醬同千島醬(？)可點，但男友都係問左老闆娘有冇其他調味料。點知老闆娘真係拎左秘制調味粉比我地，食落即刻惹味左好多。跟住黎個香燒龍蝦尾拼雜海鮮，簡單黎講就係熟既海鮮拼盤，海鮮種類比我想像中多，除左有主角--啖啖肉既龍蝦尾，仲有大大粒好彈牙既帶子，蜆、螺、蝦、魷魚，調味適中，好香口，食得出全部好新鮮。但價錢只係$158，真係好抵食。最後上既黑毛豬扒，有雜果喺豬扒上面，但食落出奇地又幾夾。豬扒好juicy，充滿肉汁又唔un，唔錯唔錯。最驚喜係連配菜都有調過味，唔係就咁搵熱水淥熟，睇得出大廚好有心。呢個主菜原來又有薯條，都有成七八條，早知唔另外叫個薯條啦。之後就到甜品affogato，本身我唔係特別好咖啡嘅，更唔好講話齋啡，但呢個甜品真係連我都讚好，將熱既齋啡倒落雪糕，雪糕即開始溶，未溶既雪糕食落口好滑好香，而溶左既雪糕就令到齋啡不再齋，變成甜甜既咖啡。呢個甜有幾種食法，食完雪糕又有杯野飲，做下午茶相當合適。老闆娘知道左原來呢日係我生日後，竟送上藍莓芝士蛋糕，話生日點可以冇蛋糕！實在好感動！！！件藍莓芝士蛋糕非常colourful，相信唔只小朋友見到會開心，連大朋友見倒件cake咁七彩繽紛，心情都會變好。我呢個壽星女都急不及待許返個願，再同男友你一啖我一啖。芝士蛋糕係挺身而結實嗰種，所以口感好實在，亦好飽肚。聽老闆娘講，佢地牆上個menu隔幾星期會轉一轉，保持新鮮感(但印左一本本既menu就唔會轉)，所以下次去可能冇左香燒龍蝦尾拼雜海鮮喇...但就可以試新野！係！我一定會再去試！…查看更多

我地一行三個女仔七點半左右去到，由四人枱被轉左張二人細檯同睇完menu後大概七點九/十，諗住落order啦，揮左五六次手，每次有員工望倒應完“係”、“黎緊”，或者示意知道，但最後都冇人黎落order...完全當我地透明......到八點左右終於成功落order(巴馬火腿凱撒沙津，雙層牛堡，fish & chips同墨汁海鮮意粉，全部轉套餐)，於是我地三個女人一個墟，傾傾傾，冇留意等左幾耐，只係留意倒其他枱枱遲過我地入座嘅都已經上哂菜，我地就傾到口都乾但連水一杯都冇。於是就睇下時間，原來已經八點九，但店面員工潛哂水(可能佢地以為送哂餐？？)，等左五分鐘(即八點五十分)先有員工蒲頭......於是我地又揮手，先前幫我地落order個員工遠處見倒我地揮手已經即刻縮一縮，我地大嗌話等左成粒鐘都冇影，佢話即刻跟跟。入完廚房出返黎，個員工就死死氣say住sorry咁同我地講廚房冇整到(真係廚房漏單定佢冇落單我地有懷疑)，叫我地再落一次order。我地再落完一次(已再三同佢講要跟餐，餐飲之後再嗌)就問咁幾時有得食？佢話一個字倒。我地即刻串佢話一個字整倒既野要等成粒鐘？？？佢又say sorry。五分鐘後(其實已經係九點)真係上左個雙層牛堡，我地三個餓鬼即刻開餐，冇影到相，食落溫度微涼，味道正正常常，配料頗多，而個漢堡個主角漢堡牛雖然厚身但細塊(其實成個漢堡都係高身但圓周細)。之後上埋個巴馬火腿凱撒沙津(算喇已經唔想深究佢嘅上菜次序亂哂龍)。說好的巴馬火腿花花呢(見menu圖)？？條巴馬火腿只係一pat 野咁放喺沙律上面，毫無賣相可言。菜多得很，基本上成碟都係菜同沙律醬+芝士，瓜同蕃茄仔只有一兩片，幾乎搵唔倒(但menu圖嘅比例差好遠)喺menu排第二嘅配料“煙肉”，更加係影都冇。味道就係普通沙律菜+沙律醬+芝士嘅味，冇咩特別，所以都唔太受我地歡迎，食到尾聲為左唔哂野先清左呢碟。之後黎個fish & chips。切左少少黎食，魚係熱辣辣嘅，肉質幾滑，係是晚最好食嘅主菜。食左兩啖魚，就黎左墨汁海鮮意粉。當時張二人枱已經冇哂位，個員工要移走哂餐具同menu先夠擺。但奇怪係佢又唔收走中間雙層牛堡隻碟，搞到擺側邊嘅碟都危危乎，意外就咁發生！！我諗住切多一塊魚，但隻手唔小心hi倒裝茄汁嘅小兜仔，兜茄汁跌左落地。我地同員工講發生左倒瀉茄汁意外，同埋想要返兜茄汁點薯條。但薯條食到尾聲(得返三四條)，仍然冇人拎返兜茄汁比我地，亦冇人處理地上嘅茄汁同兜(我地走時都未有人處理)，於是我地再叫員工拎茄汁比我地，同收走隻牛堡嘅空碟。收走空碟後，終於可以鬆動d，夾倒墨汁海鮮意粉。可能因為擺左陣先食(其實都係10至15分鐘)，個意粉完全係凍嘅，更可怕嘅係，鋪喺面嘅軟殼蟹除左d腳係可入口(仲有少少脆口)，蟹身係唔單只凍，仲係又淋(似炸完攤左好耐搞到淋哂)又腥臭，極之唔新鮮。雖然軟殼蟹好多餐廳都係整得唔好食(一早整定淋哂)，但有腥臭味真係從未試過！！我擺完入口，即刻作嘔lur返哂出黎！！之後冇人掂過個蟹身，只食意粉同其他料。但唔好以為仲有好多其他海鮮，其實只有兩個墨魚圈(圖中兩個)同兩粒蝦仁，真係要多粒想三人平均分都冇。呢個時侯，我地亦發現未上跟餐嘅薯條(burger跟餐有薯條)，野飲亦未落。我地就埋單睇下係咪真係又漏單，點知真係冇幫我地落三個主菜都跟餐，despite我地再三提醒。食物質素參差令人失望；服務質素低處未算低更令人絕望！！我人生真係未試過喺食非放題類都可以反覆漏單，一句講哂：冇下次！…查看更多

之前買咗yahoo團購券，$10可揀menu上任何一款甜品，身為榴櫣fans既我就緊係揀水晶榴櫣露啦~水晶榴櫣露有一大pat榴櫣再有好多大大粒既水晶珠珠，水晶珠珠好有咬口，而榴櫣份量都唔少，而且好重榴櫣味，絕對唔係淡茂茂個種，非常滿意又飽肚兼消暑！就算正價$20食都係好抵食！ …查看更多

是日男友要到油麻地上興趣班，於是便預先去openrice睇下附近一帶有咩好野食。竟然比我搵倒呢間0差評既餐廳，一於去馬！間餐廳好近地鐵站，行5分鐘就到，位置好方便(附近仲有間村爺爺係食車仔麵既)。一去到，唔駛等，即該有位。有位疑似係太子爺既後生仔serve我地，笑容滿面仲好有禮貌。好快就落左order，叫左呢度既招牌既極上海鮮龍蝦湯泡飯($68)，同一個魚腩鮮雞雜菌泡飯($48)，加一個炸魚皮($6)同2杯野飲，一杯係男友嗌既凍檸茶(走糖) ，另一杯係我嗌既朱古力。疑似太子爺仲好好咁提醒我地魚腩鮮雞雜菌泡飯係豬骨湯底唔係龍蝦湯底。咁仲好呀，可以一次過試2種唔同既湯底~~另外佢仲搞笑地問我杯朱古力駛唔駛走糖……碗炸魚皮即速上枱，雖然係一小碗只有幾塊，但都幾大塊，份量都夠兩個人食。魚皮炸到脆卜卜又充滿咸香，好快比我地清哂。冇耐我地嗌既飲品都到左，一飲落肚，發現原來我嗌既朱古力變左阿華田，雖然係差唔多既野，但其實佢地係唔同架……杯華田有d稀稀地，唔係特別好飲。冇幾耐個極上海鮮龍蝦湯泡飯都黎埋，咁大隻龍蝦頭緊係要相機食先啦。由於見過有其他食評話個龍蝦頭好多膏，所以一影完即急不及待夾起佢，點知……個龍蝦頭入面空蕩蕩冇任何膏，只有d霉霉爛爛既灰黑色物體，感覺好似滾左好耐……一諗到個龍蝦頭可能係好似萬年油/波蘿炒飯個波蘿咁不斷Recycle，我已經冇勇氣再將佢放返入碗泡飯入面……而係張佢打入冷宮(放係原本裝魚皮個碗)。講返個泡飯，份量幾大亦好足料，撇除個龍蝦頭唔講，有扇貝一隻、青口兩隻、墨魚仔數隻，蜆多隻，全部味道都幾好又彈牙，唔會話煮到好老好un。另外有d生菜，但d生菜有苦味…所以d菜大部分都係交由男友處理。至於湯底，味道好清好鮮甜，絕對唔係西餐個種味道怪怪既濃味龍蝦湯，亦唔似係味精湯，我相信佢真係用真材實料（海鮮）淆出黎既靚湯，可以放心用黎撈飯。之後魚腩鮮雞雜菌泡飯都黎左(忘記左影相)，魚腩係用黎打邊爐個種冇骨既薄切魚腩，肉質幾滑，但冇咩味，所以可以點d鼓油來食 (男友話呢間餐廳d鼓油特別好味……我自己就覺得冇咩特別……) 雞就普普通通，而菇有幾種，有d冬菇，有d唔知叫咩菇(好似放大版金菇咁既……) d菇菇吸收左d湯既精華，好好味！呢個豬骨湯底一樣唔似係味精湯，幾清甜。男友話相比起個龍蝦湯底，佢更鍾意呢個豬骨湯底。豬骨湯底味道係幾好既，但我覺得龍蝦湯底冇咁common，所以黎呢度我仍然推薦嗌龍蝦湯底既泡飯。…查看更多

今日lunch time不太餓，於是去了豪華新店食蛋牛治(烘底)滿心期待一嘗熱辣辣的蛋牛治，可惜一入口是凍的，可能因為午飯時間所以預先整定左？雖然溫度不似預期，扣了分，但其實味道不錯：內層的炒蛋混著充滿咸香的牛肉，味道剛剛好，不會過咸，但份量不多，只有薄薄的一層。外層的多士，雖然放涼了，但咬下去仍是脆脆的，配著餡料一起吃口感豐富，但不飽肚。…查看更多

早前係報紙睇到呢間新CAFE既介紹，o係旺區但價錢唔算係貴，就o係除夕夜同男友黎試下。上到去只有幾台客，唔駛等位，幾好~~呢間CAFE係食台灣野，有得就咁叫個食送食、亦有飯、麵同沙律等選擇，價錢大多係$6X。睇報紙話叫”火鳳燎園”既雞係招牌菜，餐牌寫只係$68，就嗌左呢個加埋個牛肉麵($68)。點知點菜時侍應話餐牌印錯左，”火鳳燎園”係$88唔係$68，而$88已經係新開張既優惠價，遲d會變返$108…但因為想試招牌菜，都係照叫。野飲方面，因為我地見餐牌冇寫有得加錢叫野飲，就問下個侍應。原來晚市冇套餐，飲品要散嗌，睇menu成廿幾三十蚊一杯…咁侍應就推介我地嗌個甜品餐：台式厚多士+2杯野飲($68)。因為散嗌兩杯野飲都同甜品餐個價差幾蚊，但就多個厚多士，計落有so，咁我地就嗌埋個甜品餐喇。等左一陣，侍應過來話”火鳳燎園”今日冇得供應，正想黑面之際，侍應話會免費送個”食送”比我地。咁正？！唔駛多講，即睇餐牌，嗯~~就要蚵仔煎啦~~又過左一陣，牛肉麵來喇~~待應主動問我地駛唔駛要碗仔，咁梗係好啦~~分完麵，我急不及待食一啖牛肉，嘩~~又淋又入味，正呀！再試個麵同湯底，正正常常啦，冇咩驚喜。之後等左好耐先上蚵仔煎，男友想送飯，就嗌左碗白飯兩份分。蚵仔煎岩岩煎好，唔會太多油，味道ok唔會太咸（男友話唔太夠味所以有點到一隻好咸既汁，我就覺得夠味所以冇點汁），蠔仔亦都有好多粒，幾肥美~~呢碟蚵仔煎送飯一流，好快就比我地兩個清哂。最後就到甜品喇，我地點既係奇脆蜜糖多士配芒果，有兩球芒果雪糕（一球係多士上面，一球另上），唔駛爭。個多士賣相唔錯，食落唔知點呢？先食一粒麵包粒，烘到脆脆地又滲哂d蜜糖，好味！再試球芒果雪糕，質感似係雪葩多d，但味道太甜喇，唔係咁鐘意~~早知聽男友講要朱古力啦~~最後試埋裝住麵包粒既外皮，好乾，冇乜烘過咁又冇乜蜜糖味，no good~~都係麵包粒最好~~…查看更多

是日同兩位朋友食飯，見呢間西餐廳食評ok，就去試下，點知中哂伏。睇menu有set dinner揀同散叫，朋友想睇下set dinner係飲咩湯先決定食set定散叫，就問左個waitress。是日有南瓜忌廉湯同意大利雜菜湯，聽落又幾ok，大家就叫左set，要南瓜忌廉湯。個南瓜忌廉湯好快上左，味道一般般，但個湯入面有一舊舊唔溶既野…主菜方面，我地三個人分別叫左：1. 日式芝麻醬雞扒+炸蝦天婦羅 $78（我order）2. 燒豬仔骨 $1183. 龍蝦蘑菇扁意粉 $1281. 成個餐除左炸蝦天婦羅同配菜OK之外，其他真係先講個餐既主角 - 雞扒：有雞皮個面咬落硬到似樹皮，另一面就好似bo過湯既湯渣咁（應該係湯渣都好味過佢），又霉又冇味，成世人第一次食咁難食既雞扒…仲要我晏晝先食完勁好味榮式燒雞扒，簡直係天堂同地獄既分別2. 燒豬仔骨 $118味道正常，但條骨竟然有成寸厚既肥膏，朋友話從來冇食過咁肥既ribs…3. 個餐有半邊龍蝦，龍蝦身冇乜味，而個蝦鉗淨係得0.5cm既裂痕，根本食唔倒…朋友叫左waitress兩三次先拎倒個鉗來夾爆個蝦鉗…而扁意粉味道就ok ，但就暗藏碎殼…1同2都冇得揀要配薯蓉，薯蓉係一d味道都冇，個餐又唔多汁，好似食白粥咁… 雖然環境OK又幾好坐，傾到10點都冇趕人走，但食物唔掂，都係冇下次！…查看更多

早前去完上海，對小楊生煎既生煎包同粉絲念念不忘，所以是日同男友到元朗既祥興記，想尋回上海之味。入口係處可以見倒師傅整包，有點小楊生煎既影子，入到去裝修就有d中國風。餐牌冇咩選擇，只有4款粉絲，我地都好快落完order。（因為呢度主打係生煎包！）首先送黎既係飲品同兩碗粉絲，一碗係咖哩牛展粉絲，另一碗係雙檔粉絲，味道正正常常，沒有驚喜。但稍嫌份量有點少，如果黎到只係食一碗粉絲，肯定唔夠飽。而飲品我揀左粟米汁，粟米味好濃，好好飲！但佢用即棄膠杯，好唔環保……生煎包應該係即叫即煎，所以我地食完粉絲之後，都要再等多一段時間先上枱，等到我地超期待~~上枱時我男友急不及待夾黎食，好彩我提一提佢要先咬一小啖，再慢慢飲入面既湯咁樣食先得，如果唔係佢就遭殃喇，d汁肯定爆到成面都係，仲會淥親個咀~因為個生煎包真係超多汁！！！除左多汁之外，d汁同餡都有好香既肉味，包亦煎得岩岩好，堅係好好味！話咁快，我同男友已經一人KO左三個生煎包！大滿足！…查看更多

2.22係我同男友既Anniversary，男友今日要OT，只可以係食晚飯時見面。我地兩個屯門友又再去屯門既拍拖熱點──黃金海岸食晚餐，不過今次我講到明唔想再食酒店自助餐，所以男友就安排左去法國餐廳食~我地叫左個2人餐，有1個海鮮拼盤、2個前菜（揀左田螺薯蓉&黑毛豬火腿沙律）、2個湯（蜆肉周打魚湯&龍蝦湯）同埋2個主菜（黑牛肉眼扒&帶子青口扁意粉）。首先上既海鮮拼盤，d海鮮好新鮮，原本我都唔太食生蠔（因為之前係某酒店buffet中過伏），不過呢度既生蠔又真係好鮮味 ，但想食多隻都冇呀，1人只得1隻… 之後就到前菜，不得不讚，個田螺薯蓉超好味 ，田螺好有咬口，薯蓉就超香超滑，我忍唔住食左成3分2，只留返1/3比男友，男友只好食黑毛豬火腿沙律（個人覺得呢個味道普通）。到湯，周打魚湯好一般，不過都頗足料。而龍蝦湯味道就好怪 ，我飲左幾啖已經唔想再飲…但待應見未飲哂，就唔會收隻碗，咁即係亦唔會上主菜…為左個主菜同為左唔好做大哂鬼，唯有飲埋佢…終於捱到飲哂d湯，等到最令人期待既主菜上喇！黑牛肉眼扒好入味又鬆軟，推介 ！而帶子青口扁意粉就好失望，帶子竟然有陣酸”叔”味 ，但我地費事叫佢換喇，食埋d扁意粉算。埋單$6xx，好貴，如果唔係一年一次既大日子都唔會係d咁貴既餐廳食……查看更多

近年已經好少去沙田新城市，因為之前有過不愉快既搵食同搵廁所經歷，所以都盡量避免去太擠迫既地方。但今晚因為要同男友去沙田大會堂睇音樂劇《手牽手》，所以就係沙田新城市衣飽個肚先~早前網上見倒BO-LO’GNE $60買$100現金卷既團購，岩晒呢日用，所以就買左2張。原本男友打左電話去book木台，但餐廳個邊話walk in都有位，所以就冇book到。去到點知要等5張木台先到我地，好彩唔係等左好耐，只係等左3、4個字就入得去。因為係等待既時間已經熟讀左個menu，所以待應一擺低menu我地就想落order，但待應就叫我地等陣先。其實點解唔可以即刻落order呢，佢又要走多轉，為乜呢…等左陣有待應過黎，咁我地就好快咁點左主菜（男友點豬肉眼扒拼石班柳意粉，而我就點忌廉帶子意大利飯）同飲品喇。因為我地係食set dinner，所以待應就問我地要咩餐湯，有忌廉、蘑菇同雜菜。（注意佢忌廉同蘑菇中間係有停頓架），咁我地咪嗌一個忌廉同一個蘑菇囉，跟住佢就態度好差咁話忌廉同蘑菇係同一樣野…咁我地咪話要兩個白湯囉…首先送黎既係就係個「忌廉、蘑菇湯」，味道一般，不過好足料，啖啖菇肉~緊接送黎既就係餐廳既招牌 – 81層既包，雖然數唔倒81層，但包好鬆軟，而且甜甜地，好好味，冇令我失望！跟住主菜就到喇~先講忌廉帶子意大利飯：呢度既帶子真係令我一試難忘，岩岩熟，鮮嫩彈牙，真係食過返尋味。個飯份量頗多，粒粒都均勻地沾上芝士，雖然膩左d但好好味。而男友既豬肉眼扒拼石班柳意粉我都有試，豬扒有兩塊，夠晒juicy，唔點醬都好好味，而石班柳就一般啦，有少少唔新鮮同乾，意粉就正正常常。埋單時我地用發現佢地計漏左張團購劵，好彩我地有check單，如果唔係就收多我地$了，不過佢地都好快改返張單比我地~…查看更多

今年情人節好好彩連Lunch time都可以同男友見面~我地就近近地去左屯市搵食~其實同男友個零月前都去過Baby Cafe食晚餐，但記得個次d野食淡戊戊，份量又唔多，所以對Baby Cafe印象麻麻……不過今次都決定比多次機會Baby，因為價錢合理又唔駛等位~男友叫左燒豬仔骨配薯菜（$58），我就叫左帆立貝意粉（$45），轉套餐加多$8，有沙律/牛角包+餐湯/飲品。因為想樣樣都試下，所以我地兩個都轉左套餐，可以食齊沙律、牛角包、餐湯同是日特飲。牛角包雖然size細左少少，不過暖暖地又軟熟，入面仲加左牛油，口感豐富，真係想encore！餐湯都好味，夠晒creamy，好似話加左d咩法國定意大利既豆入去。沙律我冇試，因男友話麻麻。而是日特飲甘菊茶既味道就淡如水，但都有d花香既……主菜帆立貝意粉，意粉份量適中，但油淋淋咁，而帆立貝就嫌少，只有兩粒，味道略為咸左d，仲有d鹽未溶得晒，但同埋冇乜調過味意粉一齊食都ok既。至於燒豬仔骨則好有驚喜，除左兩邊邊位外，d肉都好juicy，燒得岩岩好，而薯角就係即炸既，好惹味，但為左皮膚唔敢食太多……總括黎講今餐既食物都唔錯，比多一次機會Baby係正確既決定！…查看更多

之前同男友行過見倒呢間蕃茄餐廳，男友已經心郁郁想試，雖然我唔太鐘意食番茄，但都比佢既門面個大蕃茄吸引住，所以就決定試一試因為食之前睇過openrice既食評，所以一坐低已經好快可以叫野食，我叫左個蕃茄蛋濃湯螺絲粉配鬆軟豬扒，而男友則叫左個咖喱雞焗飯，再加多個蕃茄辣味雞翼Share食蕃茄辣味雞翼首先上枱，賣相唔錯，而且好入味，又唔太辣，岩晒我呢個唔食得辣又想食少少辣既人然後就到我既蕃茄蛋濃湯螺絲粉配鬆軟豬扒，一睇個豬扒有d失望，望落好唔吸引，好似柴皮咁，食落亦同想像中差唔多，又乾又硬（一d都鬆軟，咁都叫做鬆軟豬扒），而味道就普普通通。食完塊又乾又硬既豬扒，就想飲返啖湯~個蕃茄蛋濃湯真係好有驚喜，啖啖蕃茄蓉，真係好有蕃茄味，正！食埋個蛋，好滑，仲有番茄甜甜地既味道，蛋同番茄真係好夾！再試一啖螺絲粉，煮得岩岩好，煙煙un un咁，佢既螺旋紋仲trap住d蕃茄蓉，真係好好味！於是我就食唔停口，完全忘記左「鬆軟」豬扒既存在。至於男友既咖喱雞焗飯，男友話好足料，d雞幾滑又入味，但係d汁對佢呢個同樣唔食得辣既人黎講就太辣喇~佢食到飲哂佢杯蘋果汁，再飲埋佢同我兩杯水，再飲埋我杯蘋果汁既一半，先可以勉強食哂~haha我男友亦有比兩件雞我試試，當然我都識做嗱嗱淋夾返幾塊「鬆軟」豬扒比佢啦~hehe~試左d雞真係好味過「鬆軟」豬扒好多~又入味又淋又滑，有d辣味仲更加惹味添！食到尾聲時，發現原來蕃茄蛋濃湯螺絲粉都好大碗下，但食唔落都要照食，因為做人要有衣食，唔可以做大哂鬼！而男友個飯都好大，平時食量唔細既佢都嗌飽~（提外話：個焗飯個碗既形狀好似浴缸，好搞笑~）…查看更多

喜歡同朋友試食團購餐廳既我，第一次遇到一間服務態度咁差既團購餐廳完全趕客我黎到時，朋友已經到左，咁就傾下偈先，諗住會有人拎menu黎點知等左10分鐘，都仲未有人比menu我，於是我就揮手，但d waitor waitress行得好快，完全唔想望d顧客咁，好難先叫停倒一位口黑面黑既waitor我好有禮貌咁問其中呢位waitor拎menu，佢聽完好不屑咁轉身走開，然後我又等了5分鐘，呢位黑面黑既waitor先極大力咁dump個menu落黎注意：係極大力咁dump成張枱"嘭"一聲，我d fds都嚇到呆一呆諗完叫咩之後（我揀左蝦、粟米同洋蔥），又要好困難地叫d眼尾都唔哨下你既waitor waitress停低，今次我精了，冇叫頭先個waitor，叫左另一個waitress。個waitress好似好趕時間咁，我一講完要邊3樣材料就即刻擰轉面走，冇問我要原味定咖喱又等左10分鐘後...（對！又等左10分鐘）可怕既事又來了，竟然係頭先好冇禮貌大力dump menu既waitor拎碗材料過黎，佢又一次咁dump個碗落枱連碗入面既料都飛彈左d出黎d料主要係菜同粉漿，我要既蝦係細蝦黎，得5隻...d料要撈好耐，撈到手都軟埋先OK。撈到尾聲時個waitress行埋黎諗住睇下OK未我，唔知佢係唔係"扇"手，一鏟d料就飛彈左d出黎佢講左句唔好意思後即閃...之後一直煎都相安無事，因為冇人黎打擾...煎到尾聲時個waitress黎整左幾下，好彩已經煎得7788，d料唔會再彈出黎講番塊燒餅，食第一啖時唔記得加醬，發現成塊餅係冇任何味道既...隻蝦都係零鮮味...另外，雖然加左唔少油黎煎，但個燒餅仍然係好乾，o係人都就黎煎乾既時候仲要食d咁乾既野真係幾難啃得落...（注意：個度係冇水提供）於是我係咁勁加醬汁（佢有2種醬汁，我2種都係咁加），好彩d醬汁味道正正常常，但冇醬汁既位仍然唔掂，冇任何味道~而燒餅既主角 ─ 蝦因為係內層...掂唔倒d醬，所以仍然係冇味總括黎講，我只係食倒醬既味道，所以似係食緊醬多d...=.=…查看更多

今次係我第一次寫食評，因為之前從來冇一間餐廳好到直得我寫野黎讚佢因為呢日係幫朋友慶生，所以拎住個蛋糕入黎，餐廳都樂意借個雪櫃位比我地擺蛋糕一望menu覺得好大雜會，咩菜都有得食~我地叫左龍蝦汁焗石斑飯同鮮蝦蕃茄汁扁意粉，我自己同另一個fd都係食焗飯，個飯落足料，魚好大塊，份量仲多過d飯，又好香芝士味，不過有d漏~叫鮮蝦蕃茄汁扁意粉既fd都話佢個個好食食完之後吹左陣水，呢度完全唔會趕人走，所以可以hea好耐坐到冇咁飽時就問佢地拎返個蛋糕，問waiter駛唔駛切餅費，佢話原本應該要收，不過今次就冇收到我地，仲話費時我地走黎走去，叫我地留係度慢慢食跟住仲拎左1把刀4隻碟同4隻叉比我地，我地開左個蛋糕盒時仲預備左一枝點左既蠟燭比我地仲同我地一齊唱生日歌同幫我地影相!!超好!!間餐廳咁好一定會再黎幫襯!!…查看更多