沉默搵食的个人专页

去完誠品買書，就順便係呢邊食埋晚飯先返屋企，太古呢邊對于食有好多選擇，如果無咩特別心水嘅餐廳我就會選擇就近原則，最近邊間餐廳人多就去邊間，人多熱鬧而且味道唔會差，有時懶得上網睇評價喇。sensory zero我睇個名應該係西餐，類似咖啡店嗰D，經過時見到店入邊都坐左幾多人，就近近地係呢間食，餐廳環境干凈明亮，第一感覺唔錯。全日式早餐而家好多茶餐廳都有推出，顧名思義就係類似早餐嘅晚餐，不過分量要大一D，牛油多士，牛油有加調味，多士唔係好好厚，但勝在煎得夠脆，涂上牛油，味道幾好。腸仔係包住滿滿嘅芝士，有少少意外，芝士會咁多，仲有炒蛋，雜菌，茄汁豆同埋番茄，雖然只係一份全日式早餐，但有幾個品種，可以滿足唔同口味。店內仲有蛋糕等其他甜品，睇個樣覺得唔錯，不過我地無點，姜茶係我特別要點的，女仔唔舒服嗰幾日飲呢個好暖身，濃濃嘅姜味，飲完真系成個身暖曬。…查看更多

人地話大肚婆胃口先會變化，但我最近都好似個大肚婆咁，呢排鐘意左食日韓泰呢幾種口味，經常食完泰國菜就食韓國菜，今晚輪到寵幸泰國菜喇，有時鐘意周圍穩食，嘗試唔同餐廳，新泰東南亞餐廳係無意中睇到嘅，第一感覺會唔錯。一般燒野食我都會放少少蜜糖，呢個蜜糖燒肋骨燒得好正，用蜜糖燒除左味道會有少少甜，另外原因係我覺得放左蜜糖，會烤得好食D，呢個肋骨肉燒得好唔錯，味道可以，兩邊都燒者收曬水，鎖緊左水份但肉依然好嫩，廚師技術唔錯。食完燒肉，再整一個新鮮嘅椰清，好清甜，好享受。青咖喱羊架比想象中要好食，羊肉無騷味，咖喱好地道，估唔到同羊肉都可以咁襯，我用薄餅蘸D咖喱，我咁嘅食法都幾好喔，咖喱味好正。薄餅有D類似之前係廣州食嘅千層餅口感，有層次，煎得又薄又香脆。主食無食飯，因為想食呢度嘅泰式金邊粉，炒個粉都要擺造型，好彩係有樣又有料，幾好食。…查看更多

今日行百貨嗰時經過恒香老餅家呢間餅店，呢間餅家好多年喇，我對餅興趣唔算好大，但都覺得呢間嘅餅唔錯，但阿媽就好鐘意食，話食呢間嘅餅就淋起以前開心快樂嘅學生時代，食餅就係食回憶啊。餅店有各種各樣嘅餅，有酥餅，蛋黃酥同蛋卷等其他。最鐘意係蛋卷，老婆餅同埋紅豆餅呢三樣，但係怕阿媽一次食得太多，所以都唔敢買咁多返去，蛋卷可以放嘅時間長D就買左一盒，蛋卷好酥脆，平時用嚟做下午茶都可以。老婆餅同紅豆餅都係皮薄餡靚，皮好酥脆，兩種餅嘅餡料都真材實料，可以食得出冬瓜蓉同埋紅豆，但食一個就夠了，再食多個我覺得會過甜，始終傳統餅都會有D油膩。…查看更多

今日有個老友記係工作中受左小小委屈，唔開心，女人通常都系化悲憤為食量，佢又見我係大胃王，就約我今晚去食自助餐，我最鐘意自助餐喇，可以唔受限制，唔洗點菜，有時出去食飯點菜都系一門學問。睇呢D圖片大家估到係邊間自助餐嗎？好喇，開估喇，就係韓日燒，我第一次嚟，第一感覺就係食物比較多品種，而且價格唔貴，$185一位，感覺幾抵食。既然係食自助餐就先去攞個凉伴青瓜同辣白菜開下胃先，唔係好辣，好爽，唔錯。係呢度仲可以自助烤肉，烤肉都幾幾多種，有豬扒，雞肉，三文魚頭，鹽焗秋刀魚，仲有扇貝等其他嘢食，我地烤左豬扒，豬扒肉同魚柳，魚柳感覺比豬扒要好食，魚肉好滑，扇貝我去攞左幾次，覺得好新鮮，幾清甜，鱷魚同墨魚仔其他海鮮都幾新鮮，呢度原嚟仲可以打邊爐，都幾多選擇。食得差唔多就飲杯別嘢休息下再繼續食，有果汁同紅酒其他飲料，任君選擇。…查看更多

今晚阿媽生日，但因為禮拜日個個先得閑，所以約左星期日先同阿媽慶祝生日，但話曬都係阿媽下日生日，點都要帶佢食餐好D嘅，就淋住先帶佢去食泰國菜，星期日就帶佢食海鮮，泰國菜近我地呢邊比較好食嘅 我覺得就係Orange Elephant比較唔錯。焗肉蟹粉絲煲阿媽點嘅，因為佢特別中意食粉絲煲，肉蟹比較大只，而且好多肉，一睇個煲就覺得整比較正，睇上去好上色，以為味道會咸添，但食落味道又剛剛好，蟹肉好入味，粉絲吸收左D蟹味，有海鮮味，而且粉絲好韌，整得幾好味。咖哩海鮮脆包盅，呢個菜覺得好得意，系用一個麵包做餐具，咖喱好多，我試左咖喱覺得好好味，做得幾正宗，海鮮盅入邊有蟹同其他海鮮，呢度好貼心配左一把小鉸剪比我地食嗰時剪開，呢個做法唔錯。泰式炸蝦件，一份有六件，炸得脆脆地，配上秘制酸辣醬，口感太好喇。食完咁多重口味嘅，再嘆一杯冰凍椰汁，美味又滿足。…查看更多

呢排食鐘左食海鮮，而且仲要係蒸海鮮，我都唔知點解咁鐘意食，可能係貪做法簡單，但又更可以食出食材嘅新鮮味道，自已動手去蒸都係一種樂趣，今晚去另一間蒸氣石鍋試下味道點，朋友介紹就話幾好，呢間餐廳就係金御膳正宗海鮮蒸氣石鍋，門口好細，但入餐廳后就覺得環境同裝修都可以。蟲草花雞我覺得幾好，差唔多每次食蒸氣鍋都會點，覺得女仔食比較合適，可以補一下，蟲草花好大，雞肉好嫩滑，雞皮好韌，唔錯啊。龍躉今晚試左兩種食法，骨就用嚟炆，古法生炆龍躉骨腩，味道濃郁，分量都好大，味道調得好好味，汁調得好靚，味道很好。另一種食法就係清蒸龍躉斑片，清蒸食落就比較清甜，可以食得出魚嘅鮮味，魚肉好實，蒸五分鐘就開食，好鮮嫩。生炒酸甜排骨，我嘅最愛啊，酸甜度剛剛好，排骨外脆內嫩，好好味。最后值得一贊嘅係呢個意大利海鮮湯底，真系好足料，好鮮甜，再加上蒸內同魚時，吸收左肉香味，果然無介紹錯。…查看更多

今日有個熟客過嚟，同佢傾埋D嘢都過左收工時間，嚟呢間公司后呢個客人一直都好照顧我，除左顧客關系仲有朋友，所以就打算請佢去食好嘢，最近我都去潮福食，覺得環境同食物同幾啱招呼朋友，無淋到佢都系潮福FANS喔。一般嚟潮福我都係全部點海鮮多，但今晚佢話其實呢度嘅牛肉都唔錯，佢對食好挑剔，佢話唔錯就肯定幾好喇，手切牛肉片片都切得好均勻，肥瘦比例達到黃金比例，牛肉切得比我地平時食嘅要厚一D，聽講咁樣系為左更好口感，蒸左大約五分鐘，剛剛熟，好嫩滑啊，牛肉甘香，好有牛肉味。污糟雞第一次系潮福食，雞肉調好味，有冬菇絲同蔥配料落去蒸，雞肉嫩滑，雞骨好硬，雞日子夠足。食無啖啖肉醫肚后就梗係唔少得食海鮮喇，呢度嘅海鮮新鮮肥美就好出名，美國大生蠔一直都無令我地失望，大舊嘅肥美生蠔，一啖落去，滿足得不得了，清甜啊。花竹蝦好大只，外形已經好吸引，肉質當然都系眾望歸歸喇，爽口彈牙，肉丸同蔬菜都一樣咁唔錯。當然最后個粥底淮山粥都比我地掃清光，食到停唔到口啊。…查看更多

難得今日工作日可以偷下懶去閑逛一下，就過北角穩個舊朋友小聚一下，北角我嚟得比較少，都唔知有咩地方可以坐低慢慢傾下閑計，佢系地膽，話帶我去一個我一定鐘意嘅餐廳。果然就係好閨蜜，餐廳環境好有小資情調，好適合三幾個女生滋閑談嘅地方，裝修風格好暖心系。卡邦尼帶子海鮮焗飯，睇上去係咪覺得好好食喇，滿滿嘅芝士夾住好多帶子，上面仲鋪左一只大蝦，一羹落去，靚靚嘅拉絲，飯好香軟，蝦肉好結實，味道適中，好好食。水牛城辣雞翼，其實我唔知點解叫呢個名，但雞翼燒得好靚，辣得剛剛好，如果鐘意食辣嘅朋友可以再叫老板再加辣D，雞翼燒得水分都收曬，外脆內嫩，唔錯唔錯。女人去到邊都不忘美容同減肥呢兩個話題，整一壺熱水果茶，美容又消滯，實在係第一選擇。沙律前菜好開胃，啱曬女仔食，荔枝蛋糕整得好靚，甜度適中，蛋糕好軟，好香甜，荔枝味好香，手工啤酒特別贊，啤酒好香醇，入口味道正，麥芽發酵得特別好，濃度唔高，但口感特別正。…查看更多

上個月有個佛山同事過嚟香港出差，比較好嘅同事咁遠嚟到，肯定要好好招呼，最近我都鐘意去潮福食海鮮，本嚟想帶佢去近近地果間潮福，但佢話食完飯要去青衣嗰邊穩親戚，原嚟青衣都有分店，啱曬我地心意。首先就食D大海蝦嚟刺激下個胃先，今日我都係嚟食套餐，覺得套餐最抵食，蝦依然系咁大只，質量當然都系咁好喇，蝦蒸五分鐘左右就得喇，蝦肉好緊實，蝦上碟仲扎扎跳跳，好新鮮甜美。美国石蠔仲正啊，好大只石蠔，肉好飽滿啊，肉質好靚，好有嚼頭，令人好有驚喜感覺，同事覺得味道真係無得頂，肥美鮮甜，食完仲想食，靚啊。蟲草花蒸大連鮑魚，滋補又美味，美國石蠔雖然細細只，但味口絲毫唔影響，鮑魚肉爽口彈牙，比大連鮑魚嘅口感要好好多，果然不同凡響哈。見到呢個大元貝心情都特別靚啊，個個元貝都好靚，粉絲墊底再加D蒜蓉，簡單蒸幾分鐘，粉絲好彈牙，唔容易斷，元貝肉好多肉，好新鮮，唔錯。食完咁多海鮮就整D青菜轉下口味，蒸蔬菜一樣甘有吸引力，食完菜仲要食埋個粥底，無影到相，我地今日系南瓜排骨粥，一樣好好味，粥底不愧係精華所在啊，好好食，同事贊不絕口。…查看更多

之前嗰部太陽的后裔好紅，但最近先上綱追返嚟睇，突然醒起都韓國餐，之前上OPENRICE見到有人介紹梨泰園韓國餐廳，好似評價都幾好咁，咁就坐地鐵過去穩食，好容易穩到間餐廳，入門第一感覺幾好。菜牌紅彤彤比人感覺好WARM，環境都干凈衛生，服務態度都好好，個個都笑容滿面。食韓國菜前菜好多碟，碟碟小菜都好開胃入口，辣白菜我覺得特別好食，口感脆，又辣得幾好好味，我食左差唔多兩碟，好醒胃啊。燉牛肋骨第一次食，原嚟可以咁好食，味道比較濃，牛肉都燉得好淋，入口味道特別香濃，肉味好重，依然食得出牛肉好靚，肉質好好。食韓國菜當然唔少得大醬湯，牛肉大醬湯好好飲，我中意食到一半嘅時候飲呢個湯，覺得可以消滯，又開胃，酸酸辣辣，配菜全部都好入味，辣辣地，系我鐘意嘅味道。生牛肉伴飯賣相好靚，生牛肉可能唔系個個都可以接受，如果接受到嘅朋友仔可以嘗試下，生雞蛋同生牛肉，再加其他新鮮蔬菜撈埋一齊，飯好鮮甜，因為有蔬菜，所口感又脆同埋牛肉口感好正，好新鮮，肉質好好，味道好。…查看更多

呢排食潮福嘅蒸氣海鮮，就好似上咗瘾咁，今晚已經系第三次去食喇，但今次唔系去上次嗰間分店，今日系去西灣河果邊，淋住人少D，再加上系因為朋友住嗰頭，但我地去到剛好七點半，比較人多，等左二十分鐘先有位。首先上張南非龍蝦嚟鎮下圖，系蒸籠度睇唔出有幾大只，用手掌對比下就知有幾大只喇，蒜蓉蒸開邊龍蝦，蝦肉質地好靚啊，咬落好實，仲有D彈牙，蒸又可以食得出龍蝦嘅新鮮感，好好。食完蝦就到蟹喇，生猛肉蟹，真係好生猛，系度蒸嗰時仲好似見到佢掙扎，蟹都幾大，而且好多肉，蒸嘅時間無加任何調料，所以一食就知道只蟹好新鮮，肉質又靚。蒸貝殼雖然肉唔小，但好鮮味，都好值得一食。蟲草蒸雞肉同埋釀豆卜仲有粟米，雞肉好蒸得好嫩，雞肉品質好靚，好滑，配上蟲草蒸好營養健康，釀豆卜我都好鐘意，豆卜D肉剁得好細味又調得幾好，唔錯。生猛海中蝦，上嚟仲扎扎跳，雖然只系中蝦，但口感一D都唔輸比大蝦，新鮮美味，蝦肉好鮮甜，肉質當然都系咁好喇，店家仲好好人，送左一份桂花糕比我地，雖然系送嘅，但都好好食。到左最近食到飽飽地喇，但當然唔會放過精華喇，排骨南瓜粥，今日點左甘多海鮮，呢個粥覺得特別鮮，南瓜又甜，食兩碗都覺得唔夠啊，唔知點形容佢嘅好食喇，總之就係正。…查看更多

食過一次潮福后就好想再去食多次，因為果度有好多品種，個肚有限，只能一次食幾種，所以一定要去幾次先可以試多幾個品種，如果有其他分店嘅話，我鐘意每次去唔同嘅分店試下有咩唔同。店內環境都系差唔多，裝修風格都係一樣，海鮮都系咁多品種。粥底今次揀左瑤柱鮮淮山粥，其實我覺得要邊種粥底都好食，只系口感會有一D差別，趁海鮮蒸緊就先飲個雲腿冬瓜粒燉海螺肉湯來填下肚，個燉湯時間燉得好足，肉都燉得化開，感覺好滋補。蒸蟶子皇及象拔蚌仔，蟶子肉好飽滿，肥美鮮甜，口感嫩，好好食，象拔蚌睇落有D細只，但唔可以只睇大細來稱量佢嘅質量，肉好厚實，今次加左D粉絲同蒜蓉蒸，蒜蓉味好香，粉絲又好有咬頭，唔錯。蒸蟲草雞、鯪魚球、污糟雞，三樣都幾好，污糟雞就第一次食，感覺同其他雞無大區別，但就可以好肯定咁講，雞肉系靚嘢，皮都彈牙，鯪魚球更系我至愛喇，爽口彈牙，口感好，味道正。今日D蟹好似特別靚，睇下就知幾得喇，肉多之作仲要有膏，搞到我食得好開心，平時我對蟹一般，覺得麻煩，但今日食下又會越食越想食，蟹肉好厚，好清甜，系其他方同樣嘅價錢好難食到咁高品質嘅蟹。…查看更多

之前聽講四姐川菜嘅水煮魚好好食，今日終于有時間過去試試系咪傳說中嘅咁好味，餐廳唔算好大，但環境同裝修都可以。我地六點半就去到，如果七點左右去到，估計要開始排位。重慶水煮魚睇個樣就已經覺得會好好食，魚片好大片，煮得好嫩滑，魚片起得好靚，無骨，因為唔算食得好辣，所以專門叫無咁辣，所以睇上去好辣咁嘅樣，但味道剛剛好，辣中帶麻，麻辣得嚟好正，有種越食越想食嘅感覺，一盤魚兩個人食都唔覺得多，因為太好食喇。川菜店當然都唔少得凉拌喇，凉拌中我覺得木耳最好食，木耳做得好爽口，放左蒜頭同醋調味，酸酸爽爽好好食。炒時蔬，青菜好新鮮，炒得幾好，蒜泥白肉都系一個凉伴菜，開頭仲以為好辣，肉切得比好薄，融合左蒜頭同埋辣椒油，豬肉一D都唔覺得膩，半肥瘦剛剛好。糖醋里脊我好鐘意食，酸酸甜甜，而且肉炸得好酥脆，淋上酸甜醬汁，又香又脆，酸甜可口，鐘食酸甜嘅呢個系好好嘅選擇。…查看更多

周日得閑無咩做就去元朗嗰邊閑逛下，打算放松下心情同埋穩個地方同老友記撐臺腳，周圍咁逛到五點左右就開始穩野食，見到緣聚西日餐廳好似幾好咁，就入去試下，感覺環境令人好放松，適合同朋友嘅小聚會。食肉獸嘅我點左個澳洲西冷扒，牛扒都好大分量，牛扒帶骨，肉質好靚，好結實，我要左七成熟，師傅時間掌握得好好，肉好鮮嫩，越食越覺得有牛肉味，越嚼覺得肉越甜，唔錯。大蝦天婦羅同埋炸芝心丸，小食做得幾好，天婦炸得好脆，味道好，芝心丸外脆內軟，芝士味好香。覺得系度食烏冬麵好得意，火鍋烏冬麵用個煲仔好似打邊爐咁食，湯底幾好，烏冬麵都好好食。燒海蝦味道好正，蝦好大只，肉好多又結實，蝦烤得好干身，逼走曬蝦身多余嘅水分，再加上秘制醬汁，味道好贊。呢間餐廳除左西餐，仲有好多品種食品，蟹粥居然都做得幾好食，有半只蟹，類似潮汕嗰種沙鍋粥，好清甜，粥煲得好綿，好香軟。餐前小食枝豆、芝麻八爪魚、味附螺肉，價錢唔貴，但味道唔錯，豆豆更系我嘅至愛，粒粒豆都好飽滿，芝麻八爪魚、味附螺肉都好好味，芝麻好香，八爪魚好爽口。…查看更多

今日同朋友仔去SHOPPING同埋穩嘢食，一落班就急急腳走喇，首先當然系醫肚先喇，我地都比較有意識去Espresso Alchemy，因為果度環境同食物都比較有水準，而且朋友又比較鐘意飲咖啡，所以我地又去左嗰度食飯喇。黑松露蘑菇意粉我朋友特別鐘意，意粉好韌，又好有彈性，加黑松露，整個間粉提升左鮮味，蘑菇都好新鮮，好清甜，成個意粉D醬都調得好好，所以整感覺唔錯。對鐘意啖啖肉嘅我，就點左呢個美國黑安格斯牛仔骨配焗薯，牛扒分量適中，帶骨的牛扒都比其他品種要貴少少，但呢度嘅牛扒絕對對得住呢個價錢，可以講都算親民了，靚嘅牛仔肉唔加調料更能食出肉嘅鮮味，會越食越香，今日我就無另調味料了，但都食到唔想停，越嚼越有口感，越能食出肉嘅香味，薯仔都焗得好好味。嚟呢度一定要試下咖啡，朋友點了杯Cafe Latte，由咖啡豆到烘培都由自己店采購，可以掌握咖啡嘅質量，并且有咖啡烘培師坐陣，所以你會覺得物超所值，咖啡好香濃，入口香香滑滑，感覺特別好，會覺得好享受，好正啊。White Orchard口感比較特別，有茶的味道，但我又講唔到具體係咩味道，但覺得幾好飲，感覺唔錯。…查看更多