恆香老餅家 (已搬遷) 新店位置

今日行百貨嗰時經過恒香老餅家呢間餅店，呢間餅家好多年喇，我對餅興趣唔算好大，但都覺得呢間嘅餅唔錯，但阿媽就好鐘意食，話食呢間嘅餅就淋起以前開心快樂嘅學生時代，食餅就係食回憶啊。餅店有各種各樣嘅餅，有酥餅，蛋黃酥同蛋卷等其他。最鐘意係蛋卷，老婆餅同埋紅豆餅呢三樣，但係怕阿媽一次食得太多，所以都唔敢買咁多返去，蛋卷可以放嘅時間長D就買左一盒，蛋卷好酥脆，平時用嚟做下午茶都可以。老婆餅同紅豆餅都係皮薄餡靚，皮好酥脆，兩種餅嘅餡料都真材實料，可以食得出冬瓜蓉同埋紅豆，但食一個就夠了，再食多個我覺得會過甜，始終傳統餅都會有D油膩。