蓮小姐的个人专页

搭中環條大扶手電梯上到去有好多酒吧。今次同媽媽揀左間食西班牙菜嘅餐廳。叫左2樣小食，1個意粉。整體表現唔錯。小店環境裝飾得幾有心思。室外有兩枱位，室內6-7枱。適合朋友飲下野gathering下。講下啲野食先～炙燒帶子伴香茅洋蔥汁 $128伴汁好出色，係少少辣辣地，好香香茅味，酸酸味味，幾清新嘅洋蔥汁。加左係新鮮清甜嘅帶子上面。帶子本身都幾厚身鮮甜。帶子底下再加左啲牛油果蓉。面頭又加左啲切碎嘅紅椒碎加櫻花蝦碎。口感豐富＋開胃嘅前菜，唔錯！Off-menu嘅薯條 $68薯條即叫即炸。熱辣辣，粗幼同mcdon勞嘅差唔多。咬落食到creamy嘅薯蓉，都好食！西班牙紅蝦蕃茄扁意粉 $218開邊嘅紅蝦煎至金黃，仲有用火槍燒過嘅 痕跡。意粉個汁好creamy, 少少蕃茄味，又有少少蝦膏嘅味道，整體甜甜地，好味。…查看更多

Spanish Cara Binero Paella (7.8inch)超出色嘅西班牙深海紅蝦燴飯！ 海鮮飯造法正中，加上高湯將啲飯煮熟，啲飯變成橙橙地色，底下有一層薄薄哋恰到好處嘅飯焦。面頭嘅海鮮都好正！ 每樣海鮮都煎過嚟。名貴嘅巨型紅蝦蝦肉鮮甜，超多深紅色嘅蝦膏，啲蝦膏用嚟撈飯一流！！大大隻嘅蜆肉可能用酒煮過，有種獨特嘅味道，鮮味突出。Cheese cake with ice-cream甜品都好出色，成個組合好正。圓柱形嘅芝士蛋糕上面舖左一塊網狀嘅脆片，再加埋士多啤梨同自製嘅朱古力雪糕。芝士蛋糕非常creamy，底層嘅餅底同埋網狀脆片好脆，士多啤梨好清甜，朱古力雪糕好似mousse甘有淡淡嘅朱古力味（唔好甜到搶晒味）。每啖都一次過食晒所有野真係好好味！Takis chips (dorilocos style) $88比較辣嘅一個小食。泰式嘅酸辣沙律配一啲墨西哥薯條。沙律有紅蘿白絲，青瓜絲，酸酸辣辣好惹味！餐廳係酒吧格局，有得睇波。嚟緊新年仲會有new year party。可以再去玩下😂…查看更多

觀塘工廈出名多野食，多cafe，估唔到連中式餐館都有。各種海鮮/小炒都有。環境闊落乾淨。適合一班人去食！假日同屋企人shopping完去食又得，閒日一班同事去食下小炒都好正！前排我order左佢嘅特別推介。大班兩味同埋紅燒乳鴿。唔錯！大班兩味1條魚兩種食法1）炒班球班球啖啖肉，伴左啲清甜嘅紅椒同黃椒炒。仲有大量西蘭花。惹味得嚟不失健康🤣🤣 呢碟超送飯！2）蒜蓉蒸骨腩骨腩同粉絲索晒蒜蓉嘅油香味。熱辣辣食好正好鐘意食魚嘅happysis表示如果有埋魚湯飲就好啦🤣紅燒乳鴿 $38隻乳鴿皮炸到bokbok脆！有皮脆肉嫩嘅效果，唔錯。上湯浸豆苗 $78豆苗好大碟，性價比高！…查看更多

一間用心經營嘅海鮮中菜館。餐廳員工都熱情友善。食物選擇多，食物質素高。仲細心甘有唔同種類嘅套餐，人少少食又得，一大班人食又得！椰子雞煲 半隻雞100％椰青椰皇水＋大量椰肉製成嘅湯底，配上清遠雞。喺足料好食嘅椰子雞煲！！ 當日我哋跟足餐廳指示，將清遠雞放落椰子湯度等水滾10秒後，熄火，等啲水熱住隻雞10分鐘後，就撈起啲雞。呢個時候， 雞肉同雞湯都ready。 要講一講個雞湯先，個雞湯超正，非常之清甜！！雞肉肉質非常嫩滑。呢個雞煲係食過最出色嘅椰子雞湯！呢個雞煲＋白飯小菜食又得，用嚟繼續打邊爐又得。當日我哋就揀左打邊爐。甘就順便講埋我覺得個雞煲襯啲咩打邊爐正啦手切新鮮肥牛手切肥牛部位靚，油花靚，份量足。珊瑚蚌非常推介！珊瑚蚌少少爽口，同椰子湯嘅清甜味好夾！雜菜拼盤好有誠意嘅雜菜拼盤。有生菜，娃娃菜，a菜。份量多，連菜最底嗰個位都有（自己鐘意呢個位脆口啲同甜啲）。山水豆腐豆香味濃郁嘅豆腐…查看更多

今次火鍋體驗令我對台式火鍋有新嘅睇法😳 食物種類好多同埋好好食，仲要好抵食！！位於柴灣漁灣街市，環境幾乾淨，幾闊落，閒日去都滿座！薑母鴨鍋 半隻bb鴨 168蚊呢個鍋嘅食法好似雞煲甘，首先食鴨肉，食完再加湯打邊爐。由於係bb鴨嘅關係，啲肉好嫩滑。個鍋入面仲有加埋椰菜/豆pok/唐芹。成個鍋好惹味。呢個鍋冇雞煲甘油膩，亦都唔辣，加埋湯後甜甜地。手切封門柳 118蚊封門柳脂肪唔多，肉味濃，加埋個薑母鴨湯甜甜地嘅味道，成件事好夾好好味！松露蟹餃皇 88蚊令我非常非常之驚喜嘅一個餃子！ 入面有海量嘅蟹肉蟹膏同少少黑松露。我覺得仲正過蟹粉小籠包🤣🤣一個喺出面打邊爐未食過又好好味嘅餃蝦籽蝦滑 $75足料嘅蝦滑，少少彈牙，加多多蝦肉，加適量嘅蝦籽。高質爆沙魚肚68蚊非常厚身，同個甜甜哋嘅薑母湯好夾。好多骨膠原甘，女士必試❤️…查看更多

一間好特別嘅燒肉店。燒肉嘅時候，旁邊有啲抽風位即時抽走晒啲氣味！食完燒肉個身完全冇燒肉味😳😳😳感覺上呢間舖頭嘅軟件硬件都做得幾好，坐位寬敞好坐，餐具乾淨冇漬，店員服務好好。食套餐or你要求嘅時候都會有店員幫你燒肉。食物質素都幾好。食物種類多/新鮮/幾好味。當日我叫左omakase set，set入面超多野食，好似食緊自助餐甘🤣🤣AppetizerSeasonal salad醬油盛合白切肉～彥陽牛肉餅💡前菜已經非常豐富，有四小碟無限任加嘅小食：魚仔/小白菜/薯仔/泡菜💡醬油盛合係厚肉鮮甜嘅帶子同牡丹蝦。甜甜地嘅醬汁更加突顯刺身本身嘅鮮甜味。💡白切肉（鹽漬豬腩片）＋彥陽牛肉餅店員建議可加少少都係咸咸地嘅蝦醬or加生菜同埋秘制嘅紅色醬汁食。兩種食法都好惹味！House dry age steak omakase肉眼/五花肉/牛小排/豬梅肉/豬皮除左五花肉同豬皮外，其他都係熟成嘅肉類。 熟成即係將嚿肉擺喺個熟成櫃入面用0至到四度風乾。低溫熟成 避免細菌滋生，整出嚟嘅肉亦比較彈牙/軟身/肉味更佳。我哋驚自己燒long左浪費左啲肉，所以搵店員幫手燒。燒出嚟嘅肉火候幾好！鮑魚飯火候掌握得剛好嘅鮑魚煲仔飯。飯底唔會太乾，但又有少少飯焦。鮑魚都唔會因為焗得耐得濟而老得濟。以creamy嘅芝士蛋糕作結，大滿足丫🫰🏻…查看更多

呢間邊爐店喺將軍澳popcorn商場入面，都幾就腳，地鐵出上一層，行少少路就到。餐廳環境幾好，幾好坐。我已經食過好多次啦，lunch/ dinner都試過。呢間餐廳比我嘅感覺係佢嘅食物整體質素幾好，而且唔貴，所以次次見到佢出新湯底或者新肉類都會拉埋屋企人去試下。近排佢出左一個冇得輸嘅湯底！椰子雞湯！湯底係用100％純椰子水，按照2份椰青1份椰皇嘅比例調製。 湯底椰香十足，滋補清甜。叫呢個湯仲會跟埋一碟雞切件，肉質幾嫩滑。套餐就叫左黑毛和牛，價值$428。食物種類好多，8種牛，2種豬，有雞有羊有海鮮。海鮮拼盤包大蝦/青口/小八爪魚。黑毛和牛好好食，要認真講講！薄切加超大塊嘅黑毛和牛！薄切嘅好處係容易控制火侯，淥幾下就熟，入囗鬆化，牛肉味香濃。…查看更多

人來人往嘅中環都有寧靜嘅角落，善慶街嗰度有條長樓梯，有啲人坐喺度傾計，有啲小朋友喺度玩。嗰條街同附近仲有好多隱世小店，今次揀左去食西餐。餐廳有兩層，我地坐左係下面嗰層下畫去架話有setlunch，性價比更高。叫左三道菜，三道菜都好好食。前菜Red Shrimp $108 🦐🦐🦐With Thai eggplant, cherry tomato, Tom yum beurre blanc名貴嘅紅蝦生熟度剛好。個伴汁亦好加分，濃郁嘅蝦膏湯中和左冬陰公湯嘅辣味。伴菜有細細粒嘅茄子同鮮甜嘅cherry tomato，點埋伴汁一齊食，好正。Eel fillet $278 🐟🐟🐟Risotto with choi sum and celtuce, red wine juice肥美厚身嘅日式鱔片remix港式叉燒嘅做法，非常有驚喜。鱔片皮燒至脆口，一條骨都冇，啖啖肉。意大利飯用高湯煮熟，有少少咬口。意大利飯非常適合芝士控，唔係單純 忌廉味，仲有濃沃嘅芝士味。Beef short ribs $298 🐄🐄🐄Kale, polenta, cornick, redang source勁厚切嘅牛小排煎熟後紋理都好清晰好靚，一層肉一層脂肪。入囗鬆化。面頭加左菲律賓嘅脆口小食，令口感更加豐富。舖係底嘅係切碎左嘅 羽衣甘藍，同 廚師精心烹調嘅伴汁好夾。…查看更多

呢幾日凍左好多，終於有秋天嘅感覺，約左fd去打邊爐，揀左九龍城一間環境舒適，價錢合理嘅火鍋店。估唔到佢嘅服務都幾好，一路食，侍應會細心幫我地個湯秘左啲泡，食完海鮮又會即刻比濕紙巾我地，非常加分！我地叫左好多野食，其中值得N call嘅有呢幾樣！龍蝦鮮蜆番茄煲 $398切開左嘅龍蝦新鮮到仲旭咗成5分鐘😳 蝦肉新鮮彈牙同埋好大嚿，食落啖啖肉，好鬼正。講埋個湯底，有好多蕃茄/菇/洋蔥/粟米， 夾埋龍蝦嘅鮮味，嗰湯真係好鮮甜。白鱔片$98鱔片食落好香魚油味，同個湯好夾，好好味！！墨魚油炸鬼 $58炸到香脆嘅油炸鬼裏面夾住咗啲墨魚滑，即食又得，放湯食都得，得左。西班牙黑毛豬 $78油脂分佈平均，同預期中一樣，係高質嘅芝心蝦丸＋韮菜餃 （雙拼$98）韮菜餃皮薄足料好食！ 蝦丸彈牙，估唔到同芝心都幾夾皇帝菜份量比想像中大，1份夠2個人食…查看更多

去開尖沙咀行街，揀左一間性價比高嘅日式串燒店✅餐廳坐位舒適，仲有適合一班人聚餐嘅私人房✅ 位處大廈頂層，日頭景觀開揚✅串燒種類應有盡有，豬牛雞海鮮，所有大路選擇都有✅價錢合理，計埋環境服務，性價比高講講我食左啲咩先❤️雲朵雞蛋拌飯白飯上舖上用蛋白整嘅入囗即化嘅雲朵＋流心嘅蛋黃。 配上伴碟嘅日式調味料，味道幾正。魷魚飯用魷魚筒包住啲醬汁味嘅飯（切片上），都幾特別。一碟有6片到！鹿兒島車厘茄豚肉燒面頭燒至焦脆，帶少少咸香嘅豚肉，配上大粒juicy嘅車厘茄鹿兒島蘆筍豚肉燒薄切嘅黑椒豚肉片包上嫩口嘅 蘆筍，幾好食牛舌厚厚嘅牛舌，位置靚，入囗冇渣 燒松島魚餅魚餅切到好似豬頸肉片甘，面頭有煎香過嘅痕跡，滿滿咸香味…查看更多

朋友生日去咗食好西。餐廳職員介紹下試咗新菜式Pluma佢喺黑毛豬左右肩膊上兩塊小豬柳，油脂特別多，廚師話每隻豬得好少pluma，所以pluma喺好珍貴嘅豬肉。廚師將食材處理得恰到好處，火侯掌握得幾好，煮到外皮焦脆，肉就7成熟嘅狀態。豐富嘅油脂唔會蓋過豬肉嘅香味。 一路食，一路講咗唔知幾多句：好食！Pluma$268， 如果想飲埋餐湯食埋前菜，加48蚊就okay! 再加多20蚊仲可以食埋甜品！餐湯係雜菜羅宋湯，湯入面有大量切碎咗嘅雜菜， 好足料，幾好味。前菜有 Parma ham配哈密瓜＋煙三文魚。火腿好柔潤甘香， 哈密瓜清甜軟身，兩樣食材好夾。當日嘅甜品有apple crumble。撻底係一層薄脆嘅牛油脆皮， 中間有大量酸酸甜甜嘅蘋果蓉， 面頭有用蜜糖煮過加焗至軟身嘅蘋果片。為晚餐劃上完美嘅句號❤️最後，餐廳嘅環境同服務都好好。坐位寬敞舒適，餐廳播住輕快嘅音樂，餐廳所有人都親切友善。就算我閒日去食野，都有happy friday嘅感覺！…查看更多

朋友喺呢頭返工，介紹呢間日本餐廳嘅野食性價比高。有日收工走左去試，的確唔錯。🍙🍱🍣丼瀛十二風味 $39812款刺身用12隻細杯以迷你丼飯/沙律嘅形式上菜。賣相好靚，好打卡able。12款刺身包括有海膽/吞拿魚蓉/松葉蟹肉蟹膏/三文魚腩配三文魚子/帶子/鮑魚/油甘魚/芥末八爪魚/螢光魷魚/赤蝦/時令刺身魚。每樣食材都好新鮮鮮甜，同足料。 鮑魚帶子油甘魚刺身魚都好厚身大件，海膽就好creamy， 芥末八爪魚好惹味。🥒 明太子炒翠玉瓜 $68明太子同翠玉瓜都幾襯，翠玉瓜唔會炒到太林/有少少咬口， 明太子又唔會太濃味。🐥唐揚雞軟骨 $38唐揚雞軟骨啲炸粉唔會厚，雞軟骨炸到脆咯咯，份量多， 係一碟好正嘅小食…查看更多

上星期五，同朋友去左長沙灣搵食。 去咗間裝修得非常之靚嘅日本風餐廳。餐廳食物定價合理，選擇超多，淨係丼飯都已經分左預設組合同自選組合。仲有串燒，壽司，烏冬，各式飯類。一定有野啱食，估唔到仲幾好食。裝修靚，連啲杯杯碟碟都好靚❤️🍙🍘🍣火炙系列丼飯火炙鰈魚邊，帶子，北寄貝，蟹籽，玉子燒 $98整體上，全部刺身都好新鮮， 其中我最鐘意火炙鰈魚。火炙過後嘅鰈魚就好似火炙三文魚甘，魚油香味好突出。但佢冇三文魚甘油，魚肉邊比三文魚彈牙啲。我幾鐘意，下次會想食全火炙鰈魚丼飯！🐡🐟鰻魚豆腐天婦羅 $78薄脆嘅天婦羅炸粉＋ 好嫩滑嘅豆腐＋惹味嘅鰻魚。非常之正嘅組合。串燒🍡🍢🍡🍢🍢🐖豚肉露筍卷 $28🥒燒翠玉瓜 $15🌽燒牛油粟米 $22🐂燒牛舌芯 $58串燒食材高質，印象最深刻嘅係牛舌心，厚切嘅牛舌心一啲都 唔Un, 外圍爽脆，個芯位嫩口。喺幾好食。…查看更多

去開太子，喺地鐵站附近揀左間西餐廳，餐廳喺openrice有好多like, 仲要難得地極少負評。親身幫襯完嘅happysis 覺得環境/服務/食物/性價比全部都好okay❤️❤️🍅🥗🧀🍅🥙🧀墨西哥小蕃茄沙律伴布袋芝士 $128好高質好有驚喜嘅沙律， 有三種蕃茄：澳洲番茄/羅馬番茄/墨西哥番茄；黃色/紅色/綠色嘅番茄。全部蕃茄都非常清甜， 同酸酸maymay嘅醋汁＋有濃沃嘅芝士奶香味嘅布袋芝士好夾！開胃，份量足，一啲都唔漏！🦀🦀🦀🍝🍝北海道松葉蟹腳忌廉意粉 $168呢個意粉要用非常足料去形容！ 意粉面頭舖咗好多芝士，意粉亦都掛滿忌廉同極多嘅蟹肉。食落好creamy好滿足。🦪🦪🦪🍾🍾忌廉白酒煮青口 $98忌廉/白酒/洋蔥/香草煮成嘅青口，大概有7-8隻。每隻青口都有肉地，非常見食。另外 三塊香脆多士同個忌廉白汁好夾。🍹🍸🧉🥃🍻Peach tree $47加入左桃同薄荷嘅檸檬茶，唔會太甜又解渴嘅特飲Fresh feel $55飲品如其名，幾清新，用青瓜蘋果紅莓整成嘅特飲，唔會太甜。…查看更多

星期5晚上係中環等船係7號碼頭見到Chimac之前係觀塘都見過好多人排隊所以無試到。呢度比觀塘少人排隊，加上對住個海食炸雞幾好feel，就買黎試下。2個人就叫左1份全份原隻炸雞(可以選擇半份) ，同1份炸雞腿肉。每樣都有5至6款口味可供大家揀。原隻炸雞就揀洋蔥芝士炸雞， 宜炸雞腿肉就揀咗蜂蜜焦糖味。❤️洋蔥芝士炸雞 十分大份，大概有十件雞， 有雞髀雞胸雞翼。炸雞口感香脆，洋蔥芝士味非常香，十分卜卜脆，肉質亦都唔會好鞋！❤️蜂蜜焦糖炸雞十分惹味， 甜味適中， 肉質都好嫩滑。係雞嘅下面有少量脆卜卜嘅薯條。食住炸雞聽住餐廳播放嘅韓星音樂再望住個海景，簡直係正！…查看更多