椰子雞煲 半隻雞
100％椰青椰皇水＋大量椰肉製成嘅湯底，配上清遠雞。喺足料好食嘅椰子雞煲！！
當日我哋跟足餐廳指示，將清遠雞放落椰子湯度等水滾10秒後，熄火，等啲水熱住隻雞10分鐘後，就撈起啲雞。呢個時候， 雞肉同雞湯都ready。
要講一講個雞湯先，個雞湯超正，非常之清甜！！雞肉肉質非常嫩滑。呢個雞煲係食過最出色嘅椰子雞湯！
呢個雞煲＋白飯小菜食又得，用嚟繼續打邊爐又得。當日我哋就揀左打邊爐。甘就順便講埋我覺得個雞煲襯啲咩打邊爐正啦
手切新鮮肥牛
手切肥牛部位靚，油花靚，份量足。
珊瑚蚌
非常推介！珊瑚蚌少少爽口，同椰子湯嘅清甜味好夾！
雜菜拼盤
好有誠意嘅雜菜拼盤。有生菜，娃娃菜，a菜。份量多，連菜最底嗰個位都有（自己鐘意呢個位脆口啲同甜啲）。
山水豆腐
豆香味濃郁嘅豆腐
