YAKINIKU KAKURA (新城市廣場一期)

营业中

休息中

後生時，食燒肉一定要去任食餐廳。宜家做咗輕熟女，食燒肉只有一個原則: 重質不重量！今次嚟到新城市廣場(東鐵綫沙田站)，預先係App攞飛，星期五繁忙時間等一陣就可以入座喇。Yakiniku Kakura主打不同部位嘅黑毛和牛。今次我點咗午市套餐嘅牛舌盛合同牛肉壽喜燒烏冬，一試難忘！🍴牛舌盛合有兩款，分別係鹽味同葱鹽味各5片，兩款唔同厚度，非常喜歡佢嘅彈牙口感，加上檸檬汁同葱花，唔洗點醬已經好好食！🍴牛肉壽喜燒烏冬係牛肉多過烏冬！壽喜燒湯底又濃又甜又唔澀，烏冬口感彈牙。由於係用石鍋，上菜時仲係滾湯，做到收汁效果，令到個烏冬介乎於湯麵同撈麵之間！貫徹日式餐廳嘅風格，每個套餐都配有沙律、湯、前菜醃牛舌，仲有甜品！甜品係杏仁奶凍同雪米糍，個人最中意杏仁奶凍，好香嘅奶味同杏仁味混合，口感滑流柔軟！非常適合食完燒肉後食！

呢間燒肉店真係閒名而來，銅鑼灣，黃埔都有分店，每次飯點經過都見到好多人，每個朋友食過都大推！一星期前book左沙田分店，黎到已經差唔多滿座🤭好耐冇食過燒肉，今晚決定放縱下，點左和牛大判燒和椿(二人前)☺️☺️🌟大判燒！黑毛和牛西冷大大片，薄切，雪花脂肪分佈均勻，色澤亮麗，淨係睇到已經非常吸引，食慾大增😋燒的時間不用太長，會影響肉質，配合埋日本蛋，又滑又香，和牛的脂香籠罩着整個口腔，肉質鮮嫩，入口即溶，真係ichiban體驗 🤩🤩又高質👍🏻大推💕🌟椿(二人前)份量非常豐富，有牛的不同部位: 特上牛胸腹肉，黑毛和牛小排，和牛赤身，大蝦，牛腸，鹽味牛舌，若鶏雞胸柳&若鶏雞腿，真係食指大動🤤🤤✨特上牛胸腹肉肉質稍微堅實一些，但仍然非常嫩滑。燒到外層焦糖色同樣非常誘人，而內部則是充滿肉汁的肉質。✨黑毛和牛腹柳黑色和牛雪花紋理非常靚，脂油香十足，口感層次豐富，入口即溶，配合埋佐賀米飯，好滿足😋✨和牛赤身赤身油脂相比下最少，但和牛肉味最濃，oishi 💕💕✨鹽味牛舌口感爽而彈，燒焦啲啲嚟食，非常香口，鹽味提升牛舌風味☺️✨牛腸牛腸的脂肪非常豐富，咬落去油脂四射，配合埋米飯一齊食，每一粒米飯都包裹着牛腸的油

【沙田•Yakiniku Kakura】✨————————————————————————今日喺沙田行完街街，諗住食好啲，就入左呢間人氣日本燒肉店。一入到去，環境好光鮮，燒肉店竟然冇乜油煙，張枱好闊落，一人一邊坐得好舒服🥩｜大判燒-黑毛和牛西冷｜HKD178呢個係香港店限定，我地選擇左交比職員姐姐幫手燒。五成熟，軟腍但有咬口，雖然充滿油花，但食落唔太”漏”，燒完放落個蛋汁撈嚟食，勁夾！👍 如果唔係要留肚食其他嘢，一定會再叫多份。必試之選！😋職員姐姐仲比左個鉸剪我地剪開 share，好貼心😌🥩｜火炙黑毛和牛壽司（1件）｜HKD58用和牛做壽司幾特別。呢個又係香港店獨有嘅名物，所以一樣可以請職員幫手燒，塊肉都幾大塊，幾乎包曬成舊飯，牛照舊五成熟，質感幾夾壽司飯。🥩｜黑毛和牛上嫩肩里肉｜HKD198上嫩肩里肉果然夠嫩，我地雖然燒耐左啲啲，但都係入口即溶。佢本身已經有啲汁，食落甜甜地，都幾好食。🦐｜海老（四尾）｜HKD88一向都鍾意食蝦，88蚊有四大隻，都幾抵食，記得用大火燒，燒緊嗰陣已經聞到好香嘅蝦味。蝦身用黑椒同鹽調味，可以嘅話直接用口剝殼啦，慢慢”妹”下啲蝦殼先，一次過感受燒蝦嘅焦香、鹽

難得平日可以同先生一齊放假，心情好。今日lunch決定試吓沙田呢間佐賀人氣燒肉店Yakiniku Kakura。餐廳環境闊落，坐得舒服。餐廳其中一個服務就係可以請員工代客燒，佢哋都幾熟手，服務態度都唔錯👍。🔷 黑毛和牛大判燒拼US牛板腱肉 $266黑毛和牛嘅脂肪好均匀咁分布喺成塊牛肉，燒完放入囗，肉質柔軟，牛味濃郁，好好味🤤。牛板腱肉一啲都唔韌，配檸檬汁，好正🤩（醬汁有三款味道，檸檬汁、特製辣椒醬、招牌醬汁）🔷 壺漬 KAKURA牛胸腹肉 $138雖然佢係胸部同腹部之間既一塊肉，不過一啲都唔靭，而且好大塊，性價比好高。而佢醃製嘅味道都好香，我都好鍾意🤩。🔷 石燒雞肉泡菜鍋飯。 $88呢個鍋飯真係唔錯，雞肉的鮮嫩和泡菜的酸辣風味撈埋一齊食，口感好豐富。食到最後仲有飯焦，正呀！😋😋最後，食埋個甜品🍮🍨，真係大滿足。

上星期我地去左沙田新城市既"YAKINIKU KAKURA"日式燒肉店，我地先嚟嘆下佢地嘅大判燒!黑毛和牛西冷 ($178/件)，簡直係必點好嘢！食過一次，我保證你總會掛住呢種滋味。店員親自幫你掌握火候，燒得剛剛好，超好味！和牛嘅肉質軟滑得來又不失咬勁，油脂同肉質完全平衡，夾埋溫泉蛋，口感更加滑嫩。另一個我地嘅選擇就係佢地嘅"椿"set燒肉二人餐 ($698)。呢個set嘅份量你一定會大感驚喜，有厚牛舌片、牛小排、赤身、牛胸肉、雞柳、牛腸、雞腿肉，同埋2隻大蝦。食咁多種類，我地每次都飽得滿足。牛舌肥美又嫩滑，雞肉鮮嫩得來又多汁，大蝦甜爽好香，牛胸肉細嫩口感豐富，牛小排和牛赤身則係油脂豐厚，口感厚嫩，入口即溶。當然，燒肉嘅時候最好配埋酒。我地叫佐檸檬威士忌梳打，每一口燒肉配一口酒，真係夠爽！最後，仲有甜品送上。最後要讚既係店員服務質素非常高，全程都好細心，完全照顧到我地嘅需求。

呢間日式燒肉喺新城市廣場成日都好多人等位趁平日Lunch 無咁多人午市套餐又抵食啲一口氣揀咗三個Set套餐跟咗沙律．味噌湯．飲品．甜品✨黑毛和牛大判燒 拼 US 牛板腱肉今餐為咗要食和牛揀咗呢大判燒．果然無令我失望輕輕燒熟．沾上雞蛋油脂分佈均勻．入口非常嫩滑✨海鮮盛合除咗燒肉好食之外，海鮮嘅質素都相當之高大大隻海老，新鮮爽口 仲爆膏帶子 同 魷魚 口感爽彈✨牛肉壽喜燒烏東用石鍋盛放熱辣辣嘅烏東滾熱辣嘅湯底好香甜加添牛肉同大蔥 令口感更豐富最後送上精緻甜品為今餐劃上完美嘅句號店員服務好貼心．環境舒適下次可以Sake伴燒肉

之前去過銅鑼灣分店已經覺得好有質素原來沙田都有分店主打高質日式燒肉嘅YAKINIKU KAKURAద雅|黑毛和牛盛合二人前（$998)ꔐ鹽味牛舌牛舌好厚，爽嫩彈牙ꔐ黑毛和牛內橫膈膜油脂豐富，軟腍富彈性ꔐ特上牛胸腹肉牛肉相對較為有咬口，油脂同樣豐腴ꔐ和牛腹前小排相比起頭先兩款，呢款和牛既油脂感最豐富做到輕輕一咬就溶化ꔐ和牛西冷180G超大塊西冷！和牛紋理油脂分明平均，口感較紮實感受肉香同油脂，極為出色ꔐ黑毛和牛上肋骨中肉超長的牛肋骨肉，肉味最為濃郁燒到微焦，肉香脂香，大滿足呀ꔐ甜點係雪米滋同杏汁布甸杏汁布甸杏香味好重，口感Q 嫩，好有特式

行街搵到嘅店，喺平日5點左右嚟到，基本無咩客，但店員個個黑口黑面😂唔講以為個個喺老細要我求佢比嘢我食咁😂😂1.問真係唔可以叉電？（唔好意思我見識少諗住喺貴貴地嘅餐廳，即使唔比都唔洗咁嘅態度嘩😂）回答非常抗拒打咩😂好似我要打劫佢咁2.整體無邊個態度好，當然叫囉嘢都會比，我真係多謝你囉！3.D和牛喺好食嘅，性價比都算高，人均5-600？不過唔會再嚟，吃個飯仲要受氣，唔知喺人工過低定喺個個有股份做老細睇唔起人😂服務態度差過茶餐廳😂😂

今次試左 “椿 (二人前)” 盛合set系列 ($698)。 佢既set包括了: * 塩味牛舌* 和牛腹柳小排* 牛腸* 和牛赤身* 特上牛胸腹肉* 若雞雞胸柳* 海老（2尾）* 若雞雞腿整體牛既質素不錯，每片都有厚度唔會切到好薄，而且雪花同肉比例非常好。燒起上嚟食到牛既油香同肉既微焦味道，基本上唔使點佢啲調味醬，單純咁食牛肉已經好香好有味。牛腸稍為肥膩，食左幾舊就食唔落去了，鐘意重口味啲既朋友可以一試。雞同海老都一樣高質，感覺整個set既配搭很好。甜品有杏味pudding同雪米糍，好清爽解膩既感覺！

滿心歡喜打算嚟食燒肉，拎咗24號飛。等咗一陣都係叫到20號飛，但係1分鐘內，玩一玩電話，佢就一嘢飛咗七張飛跳到27號，咁我見到就即刻行前，25號飛個阿叔都即刻行前。點知個reception直接叫我地補飛。然後佢當住我地面照比27號飛嘅人入去，咁我諗住算啦，可能好快有下一張枱，點知咁等一等就等咗15至20分鐘。終於等到佢哋叫下一張枱，另外一個reception竟然比25號飛入去先，完全勁失望Reception嘅服務同planning完全勁差，但嘢係好味嘅，佢啲和牛好高質，勁有肉汁！

今次係第二次黎食～lunch time都幾full😶‍🌫️環境高貴🥰大推和牛腹柳小排！.🔸黑毛和牛大判燒拼US牛板腱肉Lunch set包左沙律、餐湯同小食甜品🍮 黑毛和牛可以交比店員幫忙燒唔洗驚燒得唔好嘥左塊牛🙈肉質嫩滑，油脂感同肉味平均😆配埋溫泉蛋一齊食，不錯！牛板腱就牛味重d，食完非常滿足🥰.🔸牛舌成盒牛舌有2款（塩味上牛舌，蔥塩味牛舌）口感彈牙，配左蔥絲同檸檬調味🤓 我地仲追加左一份和牛腹柳小排🤩油脂感較重! 醃製既調味醬汁好好味👍🏻👍🏻配埋飯食一流😍.🔸冷麵（小）冷麵有泡菜、木瓜絲、紅蘿蔔絲、木耳加半隻雞蛋🥚😋雖然睇落平平無奇 但非常有驚喜！麵質煙韌彈牙爽口，值得一試🤤.黎到沙田想食高質啲既燒肉一定要揀呢間～會再黎🙆🏻‍♀️❤️

今年生日飯 🎂🎂🎂 去咗 Yakiniku Kakura 食黑毛和牛 🥩🥩🥩 食午市燒肉定食，燒住celebration 🥰🥰🥰 其實每年係食餐飯簡簡單單咁過，有人一齊食吓野傾吓偈，開心最緊要😄😄😄 個餐都幾抵食，除咗A5黑毛和牛🐃🐃🐃之外，跟餐仲有沙律🥗、溫泉蛋🥚、湯🫕 & 白飯 🍚 我哋點咗3個set :1.) 黑毛和牛大判燒盛盒 🇯🇵🇯🇵🇯🇵2.）黑毛和牛大判燒拼US牛板鍵 🇺🇸🇺🇸🇺🇸 3.）海鮮盛盒 (大蝦 x2, 帶子 1小盤, 烏賊片4/5片）🦐🦑🦐 見圖就知和牛足A5，油花非常平均地多❄️❄️❄️，雖然我鍾意A3/4多啲，但間中食返一餐A5滿足一下口福之慾都正 😋😋😋 另外和牛件及美國牛板鍵肉味質都濃d，形成對比，豐富味蕾👅👅👅 而海鮮亦相當唔錯☺️☺️☺️ 整體係多元美味嘅一餐~

Omakase $398/位前菜有柚子醋木魚碎沙律、泡菜、淹青瓜同白蘿蔔。鹽味盛牛舌調味較淡，好爽口，牛味香濃，可以食得出牛原本既味道。燒過嘅海老，肉質豊厚啖啖肉。燒肉汁盛牛板腱肉油香有細密的油脂紋路，吃起來口感油潤有韌勁，鮮美多汁。特上牛胸腹肉比起和牛就冇咁軟，帶點嚼勁，呢款係要食其牛肉味濃。黑毛和牛赤身油脂會比較多，所以整體會比較軟，入口即化。黑毛和牛特選小排油脂分佈都好靚，唔會太薄，上面仲加咗啲醬汁，所以已經好夠味。石燒雞肉泡菜鍋飯上枱熱辣辣，飄哂煙，分量好多，最正個底有飯焦。海帶湯清清地有少許麻油味，可以暖胃。甜品好精美嘅一set甜品，包括雲呢拿雪米糍同埋杏仁豆腐，兩樣都好食。再加左壺漬Kakura 牛腹胸，肉味香濃，性價比高。食燒肉點少得飲啤酒🍻叫左新出蜜桃味Hoegaarden。

<Yakiniku Kakura> 沙田最高質日式燒肉😋YAKINIKU KAKURA (新城市廣場一期) (沙田)沙田沙田正街18號新城市廣場一期7樓701號舖味道: ⭐️⭐️⭐️⭐️⭐️價錢: 💰抵食指數: ⭐️⭐️⭐️⭐️⭐️餐廳座位唔算好多，晚市時段非常多人等位，所以好多時都要搭枱，但係搭枱嘅時候可以大幅減少等候時間，咁係幾好嘅安排👍🏻大判燒！黑毛和牛西冷 $178我個人覺得係全晚最好食🫢店員黎到介紹話係香港限定 而且我見每一枱都有叫 所以我都試左😜 我燒到大約4-5成熟🔥 再立即將佢剪到一片片放到隨餐嘅蛋汁入面 撈勻到每片牛都有蛋液再一野放入口 感受和牛係口中溶化再同蛋汁融合化為一個最好味嘅和牛‼️‼️黑毛和牛腹柳小排 $148腹柳小排睇到出油脂都偏豐富🤤味道就源自於脂肪多少 我將過爐轉成慢火 慢慢燒佢啲油脂出嚟 慢慢燒到五成熟 由於牛已經醃過🤤所以唔需要額外點醬油已經好夠味👍🏻黑毛和牛肉橫膈膜 $188橫膈膜肉係最鮮嫩嘅部位 味道亦都喺牛肉入面最上乘嘅肉 用中火燒到五至七成熟就已經好足夠 肉質非常之嫩滑 因為橫膈膜好少郁動 所以唔會充滿肌肉嘅厚實感😋黑毛和牛上肋骨中肉 $198上肋

好耐冇去過沙田行街，又係到搵野食嘅時間，行過見到佢地個大燈牌吸引咗，於是又去日燒一番。店員話佢地黑毛和牛出名，我地叫咗幾款試吓。大判燒！黑毛和牛西冷，脂肪分佈好均勻，每邊燒10秘左右就食得，牛肉入口即溶，牛脂勁豐富，點埋個溫泉蛋食一流黑毛和牛裏腹牛柳，厚切牛柳可以自己控制生熟度，燒到4成，食落好嫩滑，好重牛味，夠晒juocy。壺漬Kakura牛胸腹肉，牛胸腹肉醃得好入味，完全唔使點醬汁都夠晒味，d燒汁味好好味，d牛一d都唔韌，仲好淋滑。牛腸，雖然好邪惡，但食落口d肥膏爆出黎，又幾過癮。黑毛豚無骨小排，d肉好爽口，完全唔韌唔鞋，d豬肉質素幾好。辣冷麵，d麵好爽口彈牙，配埋個辣辣地嘅涷湯，非常啱夏天食。蔥鹽味牛舌，切得都幾厚，食落好有口感，幾爽口。海鮮泡菜湯，上枱時已經比2隻虎蝦吸引，勁大隻，d蝦好彈牙，個湯都非常鮮味。最後仲送甜品，呢餐完美嘅結束