Yaki Biru (已結業)

​ 呢排心癢癢，想食居酒屋。搵到原來大角咀都有間，咁岩我住旺角夠晒近啊！ 帶埋兩個friend去食，去到都唔使點等位。 間野入面都幾靚架，好有古代懷舊日本既風格，有清酒有壁畫， 仲有個威士忌酒櫃，啱晒鍾意日本威士忌嘅朋友啊！ 我地興致勃勃，叫左一大堆串燒食！ 燒茄子：條茄子燒得好靚，有兩條，加左啲木魚沈喺上面，但略嫌有少少鹹啊。 日本番薯仔：細細粒、甜甜地都幾好食，份量仲幾多tim，夠哂我地幾個食。 燒秋葵：配埋日式麻醬好夾，第一次食燒左既秋葵，原來燒咗都好香口架，好特別，值得一試！ 燒菠蘿：非常juicy又大舊又好甜，好開胃呀，岩哂用黎做前菜！ 燒雞翼，好似有啲唔夠味，可以咸少少。 吉列廣島蠔，好肥美又多汁，炸粉好薄，蠔肉好鮮甜，仲有成6隻咁多，幾抵食！ 澳洲羊架，呢個價錢食到燒羊架算係唔錯，肉同脂肪分布都OK， 幾肥美，羊味好重，燒得好入味，一咬好多羊汁。 仲好貼心咁用石紙包住個尾，唔洗整污糟隻手。 京都宇治抹茶紅豆蛋糕，呢個最有驚喜最好食， 個雪葩係由rosé 整成，應該係自家製既，好有心思， 有少少酒味，酸酸地都幾好食， 件蛋糕抹茶味好重好似仲有啲豆腐味，配埋個雪

黎到舊區地方,見到呢間別樹一幟既日本餐廳幾有特色,仲要係四國風既日式串燒店.未睇meun,已經被裝修設計吸引。見到有窗口位坐,仲要係cafe風開放式窗口。侍應先奉上茶,細心一看有好多粒粒,味道都好唔同,原來係蕎麥茶。見到meun有套餐,啤酒,串燒,先點個燒迷你日本蕃薯仔,起碼有10粒以上,同其它餐廳唔同既,佢有種黃色既汁,本以為點左一定會甜上加甜,點知個汁係咸既,有小小蒜既味道,食多幾粒就覺得幾好食。燒沖繩菠蘿,菠蘿燒得好香，而且時間適中，無乾身，菠蘿汁又甜又香口。有兩塊，外表有少少焦。鹿兒島豬軟骨拉麪$78,豬軟骨好淋,個湯好濃,最正係隻糖心蛋,整得好流心,好入味。拉麵份量亦好多,幾彈牙。抺茶紅豆蛋糕$48附送一杯hoegaarden rosee 雪糕。擺盤好有日本味道,抺茶在上層,軟棉棉,紅豆泥味道不錯。啤酒雪糕好口感介乎雪糕和沙冰之間，酒味不濃。賣相幾靚。整個甜品都唔太甜,清清地,好岩我胃口。

今日去左試牛乳湯底火鍋，有前菜，仲有串燒Tim前菜揀左芝麻八爪魚，八爪魚係比較大隻個種！味道唔錯火鍋湯底係牛乳，白雪雪既湯底好特別！配料較健康，有豆腐、冬菇同大根等等。雖然拉麵同肥牛份量唔多，不過都幾好食。肥牛夠哂肥美，牛味十足。拉麵都好彈牙。醬料有芝麻醬同燒肉醬串燒雞腎、雞皮串同黑豚肉腩。雞腎好爽脆，味道惹味！鹽燒牛舌好彈牙！好食！燒秋葵都好好食，外層燒到好野味，入面仲有汁流出，醬汁都好夾！

今日去左朋友屋企附近既居酒屋食。環境唔算好大，但好舒服啊。有個對住出面馬路既露台仔，坐係到影相一流，好有feel。店內仲有好多懷舊日式既擺設，例如：有五花八門既日本清酒瓶，乾花掛壁畫，充滿住傳統日本居酒屋既格調。我地唔算好肚餓，就決定每人簡d串燒黎叫啦。首先，叫左日本蕃薯食，細細粒好甜好開胃！燒茄子，燒得好香，仲加左d木魚係上面，好特別既配搭，不過味道稍稍咸左d。叫左燒秋葵食，第一次食，估唔到口感幾爽，再配埋甜租酸酸既麻醬食，好夾。燒菠蘿，一咬又甜又多汁！金菇肥牛卷，肥牛燒得岩岩好，唔會好老，加埋燒汁，好煙銀又入味。七味豬頸肉，得一條，份量比較少，七味粉入哂味，好有咬感。吉列炸蠔，有成6隻，好抵食，炸得好香口而又多蠔汁，炸粉薄蠔肉鮮，好肥美！最後，我覺得最好食既，係「京都御冶綠茶紅豆芝士蛋糕配軟雪糕」。外觀已經好有心思，隻碟好古代日本既感覺，再加上點點既紅莓醬點綴，好美觀。綠茶同紅豆不嬲都咁match，帶點苦澀既綠茶加上甜甜地紅豆蓉，配合埋好smooth既cheese，好好食，唔怪得呢個甜品會成為本店既招牌！除左cheese cake，個雪糕係由Hoegaarden rosee酒製成，

上星期某日跟朋友逛完奧海城後想搵地方食飯，但商場入面的餐廳很多都要等位又多人，而且好多餐廳都食過，好想試新野~~於是離開左商場出街外搵合心水的新店，行左5分鐘左右見到間裝潢好精緻，氣氛好好的居酒屋！雖然我跟朋友都不喝酒，但實在太喜歡店的環境，所以二話不說就入左去嚕~~哈！餐廳其實是半開放式的，近門旁的座位一半在街外一半在店內，有日本車仔檔居酒屋o既感覺,很隨意很輕鬆~店內亦設有舒適的坐位,想靜靜聊天的客人亦可以選擇坐入面。坐低左之後，睇一睇menu,發覺就算唔飲酒都有唔少食物可選擇~ 主菜就先黎個二人份的火鍋，湯底揀左3.6牛乳~一上枱就聞到勁香勁香的牛奶味~湯底雖然係牛乳，但食完都一點不覺得膩，反而清清淡淡好爽~可以飲多幾啖添！食完主菜當然要叫下小食，一路吹水一路嗒下，唔好浪費個環境~見到menu上面有平時少見的串燒物--白鱔串、牛舌串，即刻叫黎試下先~~白鱔串好有驚喜，魚肉的質感好特別，係又彈牙又煙韌的！！超好咬感！！牛舌都唔差，好香口，感覺當送酒菜一流~~最後係甜品，雖然餐廳並無太多甜品選擇，但呢款京都宇治抹茶蛋糕配全港獨有hoegaarden rosee酒雪糕完全係水準以上之作

跟同事工作過後都很晚了，走去愈夜愈熱鬧的大角咀宵夜，怎料大家都是個路痴愈行愈不知走到那裏去，說好的油渣麵呢，還是放棄吧，走進街内很多食店，中日泰意式花多眼亂，還有酒吧...這間店門外卻很突出很特別，富有日本風情，一進内店員更敬禮帶座，這種有燒物，刺身，海鮮，小食，飯麵，酒類等，款式蠻多...=鰻魚飯，鰻魚肉多汁鮮嫩，皮下脂肪豐腴，飯粒入口柔軟得來不失韌性，而且乾爽易掛汁！=叉燒拉麵，湯頭濃郁，叉燒滷得入味，拉麵偏硬身，湯不夠熱，要是配上溫泉蛋更完美！=蘆荀，口感清新，香爽！最後完餐離開，交通都蠻方便，行大概二分鐘已有港鐵奧運站！

今日見完客，去左居酒屋食日本野。間野裝修都幾靚，環境同日本居酒屋一樣，播住日本音樂，幾有feel。叫左個魷魚筒，等左一陣，魷魚筒就上菜。好長既魷魚筒，好開心。魷魚係新鮮的。魷魚口感彈牙，醬汁鹹鹹地，比較鍾意落埋檸檬汁一齊食，個味道會好d。跟住叫左個羊架，好大個羊架，45蚊，價錢ok。羊架燒得唔錯，香料好足，一入口，羊肉既鮮味就出左黎，加埋香料既香味，正既。羊架唔會燒得太老，所以羊肉有水份，juicy。加埋杯茶，應該係玄米茶，一啖燒物，一啖清香的茶，個感覺好relax，唔洗清酒都冇所謂。睇住出邊酒吧街個街景，呢度都可以成為放工後放鬆下既地方。

當日去到大角咀見到呢間幾有特色既日式串燒店就入左去試時間相對比較早，唔係好多人點左個Kirin Ichiban 啤酒黎飲，都唔錯，有淡淡既蜜糖味佢仲有一個砂冰啤酒，不過果日無試到叫左好多唔同既串燒黎試，味道唔會太咸我諗幾岩d 鍾意健康飲食既人比較出色既係個燒鱔都幾爽口，羊鞍都幾有羊味一口牛油份好夠，食到最尾點左個炒雜菜黎平衡返

大角咀，俾你印象可能係有d偏遠，而且好多工廈臨立嘅舊區地方。但係估唔到，亦有值得去食嘅燒物小店。首先講裝修，真係放左心機，雖然舖頭細細，但突登整左個架，放左好多唔同酒做裝飾呢度有各種 frozen beer，而本小姐就揀左熱情果味。就同平時酒吧一樣，冰冰嘅酒泡，甜甜嘅味道，可以話係女仔嘅至愛。燒物黎講，識食一定會叫茄子，好惹味。特別想講呢度嘅串燒味道，同平時串燒店嘅有少少唔同，平時會係味精調味料又好重口味，而呢度反而淡少少，唔會食完勁口渴。羊架，少少so味，合格豬頸肉同雞腎，兩個人食，我地為求食到多d唔同款，寧願每樣叫一串，每人食一口，咁先係享受到食物又唔會太飽之道大菇，同其他串燒煮法有少少唔同。不過食落好juicy吉烈蠔，好熱拿拿，入面唔會好熱我地仲叫左呢條清魚，真係好有趣，廚師將條魚打直放，好似企左係度咁，hahhaaa。味道 ok，不過呢種魚始終好多骨，如果唔識吐骨嘅朋友，最好叫款少幼骨會好d燒物最愛翠玉瓜，仲要係好大舊！！仲有，呢度ge一口牛 $25 有三大粒，而且juicy好多汁，所以呢個係好抵呀！食左咁多肉，都要循例叫多個菜嘅˜ 健康 d 呀嘛哈哈。位置其實唔係好遠，奧會站

我这人好味就好味，唔好味就唔好味，这間位於大角咀博文街的日式串焼店，歺牌上真的有很多东西叫，但百分之五十是售完，叫着几个鸡羽和鸡软骨串烧牛，超咸，一碗乌冬，喝口汤，咸得阿妈都唔认得，用浓缩猪骨精，味千都好过你，一杯水收5元，仲收加一，如果你钱多，不怕咸，快点来试

今日去完奧海城行街，經過出面一條都係食野既街，終於就冒懵懵咁入左呢間呢間係一間日式既居酒屋，裝潢幾吾錯，牆上面有好多吾到既日本懷舊poster,應該開左無耐，d野都幾新座位有d係半開放式，我就坐左係店裡面，應該想涼下冷氣睇下呢間野既menu，原來都幾多吾同種類既野食，最估吾到係竟然會有火鍋食，於是我地就叫左呢個二人前既火鍋set個火鍋湯底係3.6牛乳，都幾特別，估吾到牛奶做湯底，味道都係陣陣既牛奶味，不過如果再濃d我會更鐘意裡面好吾少既野菜同菇類，有返我之前去日本食壽喜燒既個種感覺，好懷念火鍋可以揀要烏冬定拉麵，我都選擇左前者，烏冬都幾彈牙，不過如果係稻亭烏冬就更正！除左火鍋，仲有包一樣前菜同4串串燒，我揀左芝麻八爪魚，味道同平時食開既差不多，不過就份量都幾多，而且八爪魚都好大隻之於串燒都吾錯，吾會好似平時係出面食串燒個種只得調味粉既味道，而係真正感受到食材既鮮味，尤奇係串秋葵，好少係串燒上見到，而且調味剛好，好食而燒豬頸肉都相當吾錯，口感吾會好韌，好爽口好入味！另外燒波蘿都好fresh，令到我即刻無左種油膩即感覺雖然呢個2人前整體份量吾算多，男人黎食應該都未必飽，不過味道都幾好，而且

但今日同朋友行完奧海城 入咗附近一條幾靜嘅街嘅一間日式居酒屋 環境幾靚 入口旁邊有個大窗 外面係小路 無咩車 空氣唔污濁 可以吹住生風食飯問侍應要杯水 點知有好足料好香濃嘅熱蕎麥茶主食要咗鰻魚飯 配以開胃酸菜飯賣相唔錯好大塊鰻魚 幾厚肉 幾煙韌 雖然鰻魚入面多骨 但全部細細條軟淋淋 可以照咬照吞飯撈咗甜豉油 紫菜 青瓜絲另外附上好重芝麻味嘅豉油蕃薯仔幾甜 有種幾特別嘅醬 貌似煉奶 但味道鹹鹹哋 似蒜 第一次咁配搭嚟食飯後 杯檯面嘅廣告吸引住 一於試下呢款甜品 有蛋糕 有雪糕賣相幾好 餐具本身又靚對軟雪糕嘅印象比較深刻 因為係溝咗berry味嘅啤酒 呢個唔洗睇返menu都食得出 而且勝在酒精含量極低蛋糕分幾層 主要係抹茶mousse 紅豆蓉 同埋抹茶餅底 可以點下碟上嘅士多啤梨醬或者雪糕 味道幾清新

吸睛的裝橫，獨特的設計，有種吸引力讓人停下來觀賞，計而想坐下的沖動！臨走時剛好一對情侶離座，可以影到整個範圍，捕捉到那種意景！由内望向外的角度。炒野菜，野味又份量十足。燒蠔，蠔身肥美，滴上數滴檸檬汁，味道清新鮮甜，加上蟹子伴食，豐富了口感。色.香.味，俱存，大蝦天婦羅，炸粉夠薄，外脆内爽彈，難得難得！其實制作出色的天婦羅蠻有難道，炸粉的厚薄，炸物的時間掌控，伴汁，等等因素都最決了素質的高低。大多見用沙白做清酒煮蜆，這裡用海蜆，鮮甜無沙石，木魚絲角色就像蔥跟莞茜，有人愛有人恨，個人認為要是分開上，隨個人喜好加上會更好。芥末八爪魚，是生食的，口感爽彈，加上芥末伴吃，刺激味蕾。燒秋葵，配上麻醬味道，兩者蠻夾，唯秋葵很細條，感覺不滿足。

今日番工好攰，特登約朋友食飯放鬆一下。大家都不是很肚餓，係大角咀行下行下，比一間好有特式的日本餐廳吸引，所以就進去這間外表像串燒居酒屋食飯傾計。因為不是餓，就打算點串燒和小食。沖繩燒菠蘿$15....有兩塊，外表有少少焦，好有原始感覺因為連理菠蘿皮一齊燒，菠蘿外面有少許鹽，有咸味，再咬一口好多汁，不會只有甜味，有不同味道層次。大蝦天婦羅$58即炸大蝦，上枱時仍然熱騰騰，咬落去沒有油味，炸醬薄薄的，蝦都非常爽口，唯有美中不足是「大蝦」細隻左少少餃子雞翼$38不知道是否漏單，等了20分鐘才有得食，有豬肉鑲在雞翼裏面，肉汁不太多，味道一般。食到最後，點了一個甜品作ending, 抺茶紅豆蛋糕$48附送一杯hoegaarden rosee 雪糕。擺盤好有日本味道，好有型。抺茶在上層，軟軟棉棉，紅豆泥味道不錯。啤酒雪糕好有驚喜，口感介乎雪糕和沙冰之間，酒味濃。

大角咀好鬼多野食，咩菜都有，朋友介紹有間好有日式居酒屋style 既日本料理。餐廳都易搵，出左奧運站行7，8分鐘就到，門口都有特式，行街個邊既座位係面向街景，個feel好正，個窗可以打開，直接同路人握手都得，哈哈哈。基於懶得諗，同朋友叫左兩人餐$198，有一個前菜，兩串串燒，一款料理，兩個主食。芥辣八爪魚，原來八爪魚係生，好爽口，芥辣味夠攻鼻，估唔到前菜都甘高質，而且分量都不少。串燒本來點左雞肉同雞腎，但來左雞肉同雞翼，唔緊要啦，雞肉就少少干身，雞翼不錯，味道夠，加少少鹽就吊到個味出來。清酒煮蜆有十幾隻，個清酒係甜架，唔會有烈酒既味道，岩我唔太飲得酒既人，淡淡的蜆既鮮味。主食就鰻魚飯最好食，單叫都70幾蚊，套餐都有得叫，好抵食。有4塊鰻魚在上面，鰻魚好肥美，將飯撈理旁邊既鰻魚汁，堅正，10分鐘就KO左個飯。