Yaki Biru (已結業)

今日見完客，去左居酒屋食日本野。間野裝修都幾靚，環境同日本居酒屋一樣，播住日本音樂，幾有feel。叫左個魷魚筒，等左一陣，魷魚筒就上菜。好長既魷魚筒，好開心。魷魚係新鮮的。魷魚口感彈牙，醬汁鹹鹹地，比較鍾意落埋檸檬汁一齊食，個味道會好d。跟住叫左個羊架，好大個羊架，45蚊，價錢ok。羊架燒得唔錯，香料好足，一入口，羊肉既鮮味就出左黎，加埋香料既香味，正既。羊架唔會燒得太老，所以羊肉有水份，juicy。加埋杯茶，應該係玄米茶，一啖燒物，一啖清香的茶，個感覺好relax，唔洗清酒都冇所謂。睇住出邊酒吧街個街景，呢度都可以成為放工後放鬆下既地方。