Yaki Biru (已結業)

小店門口嗰兩排櫈，充滿街頭風味，望住街景食串燒，唔使講都知好feel。凍豆腐25，凍豆腐被麻醬全天候包圍，面頭嘅香蔥同埋旁邊嘅青瓜絲特別多，用啲麻醬嚟送埋啲青瓜絲，又多一碟沙律小菜。北海道吉列蠔六隻58，吉列蠔炸得勁脆身，炸漿又夠哂薄，唧少少檸檬汁經已好美味，唔好以為佢攞啲蠔黎炸就俾啲下欄貨你啊，隻隻蠔都新鮮飽滿，勁 juicy。牛肉可樂餅48，將牛肉剁碎，再同啲薯蓉撈埋一齊，煎成脆餅，每一啖都有濃香嘅牛肉味，如果覺得薯蓉太飽滯嘅話，點一點個沙律醬，即刻清新哂。燒銀鱈魚骨腩68，燒銀鱈魚骨腩分量都算多，本身條魚新鮮，簡簡單單落少少鹽調味已經好好食，加幾滴檸檬汁去吊一吊鱈魚骨腩豐富嘅油脂，再加上燒到脆卜卜嘅魚皮，滋味就係咁簡單。估唔到一人前火鍋啲材料都可以咁豐富，你睇吓，多到瀉哂出嚟啊， 原本已經跟咗一碟牛肉㗎喇，另外再追加多一碟豚肉同埋烏冬，個湯底鮮甜可口，絕非一般坊間嘅味精湯可比，牛肉同豚肉都夠哂新鮮，放落去輕輕一拖經已即刻食得。

經過大角咀嘅呢間日本小店《Yaki Biru》， 不其然會有種身處日本小巷嘅感覺，半開放式嘅露天座位，令人有一種親切嘅感覺。怕冷的朋友可以選擇室內座位， 想呼吸自由空氣嘅朋友亦可以揀露天座，隨心所欲。呢間日式小店打正居酒屋旗號，主打串燒同埋shabu shabu。天寒地凍就叫咗一客冬祭【日本火鍋二人前套餐】$238， 火鍋湯底選擇咗昆布清湯，飲落清甜。 肉類方面就揀咗豚肉，追加牛肉+$28， 兩款肉類質素平均， 雖然不算有什麼大驚喜， 但係天寒地凍嘅時候用嚟做日式shabu shabu， 絕對係好選擇。前菜選擇咗凍豆腐， 凍豆腐配以日式麻醬，豆味香濃。每個二人餐均可選擇四款串燒。先講一下串燒，【燒粟米】$18， 香甜嘅粟米上面搽上大量嘅牛油，溶化掉嘅牛油味極之香濃， 粟米粒粒飽滿，有少少焦香效果， 不得不吃。【金菇肥牛卷】$20，肥牛一點也不馬虎， 油脂分佈均勻， 裏面的金菇爽口多汁， 充分吸收咗牛肉汁嘅精華， 肥牛卷上面搽上日式燒汁， 可以自行加上一點七味粉作點綴， 令味道更加豐富。【 七味燒黑豚腩串】$15， 意想不到嘅驚喜，黑豚腩肉肥美多汁， 一咬落有爆汁感覺，但一點也不覺得肥膩

同幾個朋友一齊去大角咀附近嘅一間餐廳食飯，間餐廳嘅裝修非常日式，而且係半開放，感覺好開陽舒服。凍豆腐呢個芝麻醬凍豆腐，非常之香芝麻醬味，凍豆腐好滑，作為前菜啱哂燒大蘑菇平時好鍾意食大蘑菇，所以餐牌見到有都一定會點，燒得啱啱好，大蘑菇既水份保存左係蘑菇入面，好juicy 玉米燒又係燒粟米咁橋，栗米好甜，燒粟米好香甜燒菠蘿燒菠蘿好多汁同好甜，帶少少酸好開胃，酸酸甜甜牛肉可樂餅熱辣辣，好香脆，外脆內軟，薯味濃，不過就真係食唔到可樂味鹽燒牛舌心 牛舌就食得多，牛舌心真係第一次食，有咩分別？就係牛舌心牛味更加濃，而且更加爽口，非常好食七味豬頸肉豬頸肉好爽口彈牙，而且味道調得好入味，正七味燒黑豚腩串呢個黑豚腩串好香好滑，超正，一定一定要點呢一個試下冬祭一人前火鍋 昆布湯底呢個火鍋兩個人食都夠食，湯底味道不錯，牛肉薄薄一片，入口即溶，而且有好多配料，有好多蔬菜，好健康！呢間日本餐廳食物一流，而且坐得好舒服，好適合一大班朋友食完飯再坐吓傾吓計，吹吹水～

天氣涼涼但又唔想打邊爐，因為早幾日先食過邊爐，今日一於轉轉口味，黎食串燒先。成間餐廳格局都幾日本feel，襯一張張啡色的大木枱，感覺唔錯。先食頭盤凍豆腐，豆腐質地夾落唔易碎，但食落就夠滑，上面淋上麻醬就更開胃啦。燒大蘑菇熟左都咁大隻，原本就仲大隻，蘑菇食過口感軟但有質感，裡面仲有菇汁鎖起，面頭有燒汁就食落更惹味。呢碟係北海道吉列蠔，新鮮炸起，粉夠薄外皮脆，吉烈蠔咬落更加係多汁，汁味鮮甜，蠔味肥美。再黎炸物係牛肉可樂餅，鮮炸就梗架啦，裡面係薯仔粉仲有牛肉，牛肉味濃，加埋外皮脆既口感就更加夾。最後食埋餃子雞翼同明太子雞翼，雞翼外皮炸得超脆口，餡料係明太子，有提鮮作用，而餃子雞翼飽滿，加埋雞油香，令口感豐富。

居酒屋有一列的座椅是對著行人路的，喝著酒，望著熙來攘往的行人，格外有feel. 左起: 白鱔串, 一口牛舌粒, 七味燒黑豚腩串, 七味豬頸肉, 汁燒雞肉串白鱔串 ($45)燒鱔好厚身，魚油豐富，入口豐腴，用薑汁，柚子鹽，黑椒等調味，除了有僻腥提鮮的效果，更令味道更有層次。一口牛舌粒 ($26)牛舌粒切成骰子狀，質感有點硬硬的，需要多點牙力才可把它"正法",不推。七味燒黑豚腩串 ($15)豬腩肉是居酒屋的招牌菜之一！食落沒有肥膩感，而且肉質彈牙爽口，用燒汁，七味粉，芝麻等調味，更令豬肉更甜美。七味豬頸肉 ($15)豬頸肉燒到側面帶點焦脆，內裡則爽口，同樣以燒汁，七味粉調味，味道惹味。汁燒雞肉串($15)雞肉串燒汁味濃，肉質嫩滑。一人前ShabuShabu ($98)一人火鍋只售九十八元，但配料都好有誠意。湯底用上北海道3.6牛奶調製而成，口感滑捋捋，味道適中不會過鹹，打完邊爐的湯底更加鮮甜味濃，害我忍不住喝了半鍋湯，什麼脂肪卡路里都拋諸腦後呢！打邊爐不可或缺的當然是牛肉，牛肉肥瘦度剛好，浸完牛奶浴的牛肉，不膩不韌。除了牛肉，更有大量蔬菜配料，例如娃娃菜，滑豆腐，冬菇，金菇等，都與牛奶湯底

同朋友係大角咀食左間新既日本居酒屋 平就唔係好平 但食物高質 環境幾舒服 可以傾到計 鋪頭座位唔多 20個到 我食個日閒日 所以唔多人 坐得好舒服 兩個人叫左個牛乳鍋 同埋串燒不得不讚下個湯底 奶味濃 鮮甜唔太咸 睇啲圖都會見到蔬菜好新鮮好大嚿當啲菜煮得耐 吸埋個湯底 真係好滋味同埋我鍾意佢啲豆腐 好滑仲有牛肉都好新鮮不過兩個人來講 唔係好夠食我哋叫咗烏冬 啲烏冬唔係稻庭烏冬有少少失望 不過我男朋友就好鍾意佢鍾意個款烏冬（係茶餐廳炒烏冬個款）白鱔串燒唔係講笑 呢個說笑真係唔平 不過店主強力推介 咁咪即管一試囉 真係好好味 隔咗成個星期仲會想食 佢係用新鮮白鱔整既 燒得啱啱好 肉質非常彈牙 又有鮮味 面頭有少少醬油 帶到魚味出嚟 又唔會太咸 大讚吉列炸蠔高質！ 炸得好通透 裏面嘅蠔好新鮮 加埋個沙律醬 送啤酒一流❤️放咗工飲番杯啤啤佢 開開心心又一day

店面不算太大，其中街邊的位置做了半開放式的坐位，十分有趣。串燒選擇都蠻多，還有炸物﹑小食跟麵食類可供選擇。秋葵(4支)($15)秋葵Size偏細，不過燒香過加上胡麻醬，十分可口。沖繩燒菠蘿($15)燒菠蘿多汁，燒過後菠蘿味更特出，十分香甜。炸蠔($58)炸粉不算很厚，新鮮炸起，外脆內流心，就連炸粉都十分香酥。最值得一讚的是這裡的炸蠔沒有一般食店的炸蠔內的苦澀味。店員指他們用的是熊本蠔，比起廣島蠔少了一陣苦澀的味道，而且蠔味相對較濃。鹽燒牛舌心($45)牛舌心原來是牛舌最中間的一部份，一塊長長的牛舌，只有一小部份可叫做牛舌心。牛舌心的味道比牛舌更香濃，而且咬落特別爽口。必食之選。鹽燒雞翼($18)金黃色的雞皮，燒至皮香肉嫩。白鱔串($45)另一個店員推介。店員指白鱔是新鮮的白鱔串成的，所以十分鮮味。一串白鱔雖然只有三塊，但每塊都十分厚身。皮十分香脆而肉質結實彈牙。個人很喜歡白鱔燒過後的香味，十分香濃，所以這裡只用淡味的燒汁加以提味，已經佷好食。豬軟骨拉麵($78)相比起串燒，拉麵就比較失色，始終不是拉麵專門店，所以要求就不要太高。湯底是麻油味的，麵質偏軟身。不過值得一讚的是豬軟骨煮得很O

日式火煱一直都係我既至愛！見到呢有得食又點會放過呢一行三個人黎到呢度，叫左個二人餐同小食，食到飽飽 開波子汽水時記得禁實，咪會噴到周圍都係，我今晚就中左招啦，哈哈，Cheers! 湯底要左昆布，清清地，一開始時個湯有啲淡，但愈煲愈有味道！好香紫菜味個煱有粟米、滑豆腐、金菇、菜、蘿蔔同鮮冬菇等。菜好多，較健康肉類選左豚肉有啲肥肉，食落無甘韌拉麵，無“簡”水味。爽口彈牙。前菜---芝麻八爪魚一碗都幾多，成十只，有頭有尾，凍凍地，入晒味。串燒每個餐可選四串，有啲我地另外嗌。雞翼、黑豚腩、雞肉、雞腎、豬頸肉。上枱時已經文到香味，燒到外脆，咸咸地有啲串燒會加埋燒汁燒，更好味！食甘多肉後，當然要食翻啲菜啦！燒秋葵本身已經好好味，加埋麻醬更正！！露筍幼條，好嫩，無渣，好味！燒菠蘿菠蘿本已好多水，燒完佢更甜，更多水！喜歡呢度既湯底同料都較清淡，食完都無口渴既感覺。食時隔離枱叫左3.6牛乳煱，好香！下次黎要試下！！

之前係大角咀食過間幾正既cafe ，留意到呢條街好多野食。所以今日收工就同同事黎呢度搵食！呢幾日天氣有少少凍，所以我地一致贊成食火煱！揀左間招牌幾光猛既既餐廳試下！入面有一排對住門口既坐位，如果係一個人黎食，坐呢個位都幾正！同同事選左shabushabu 二人餐！湯底二選一，選左3.6牛乳。牛乳一上枱就好香，好濃郁既牛奶味！！開頭時飲落奶味唔係好重，但愈食愈少時，啲奶味好濃！我地食晒啲食物後飲晒啲奶湯底！煱入面有好多娃娃菜，好甜！仲有冬菇、金菇、豆腐、粟米等。肉我地選左牛肉，唔算肥，配合埋牛乳湯滾，唔會好油膩！一份有八片左右，個底仲有菜墊住，我地滾埋，唔好浪費！烏冬好彈牙，爽口！一碗滾開有好多，唔驚會唔夠！前菜係凍豆腐，上面淋左我最愛既麻醬！豆腐凍凍地，滑溜串燒可自選四串！香味撲鼻！上面搽左燒汁（應該係）夠晒味！最愛燒冬菇！乾身香口！好味！朋友叫左kirin ，佢話呢杯野好正，好純好清！好耐無飲過波子汽水啦！正！兩個人食呢個餐對我地黎講好夠飽！牛乳煱清清地好正！又香牛乳味！

今次係朋友揀既餐廳，幾有feel, 好似韓國日本個d餐廳咁，可惜香港地真係咩都貴，出面就係車路。但冬天都唔怕，今晩都算幾舒服。因爲得兩個人費時再慢慢揀食咩，所以就叫左個shabushabu套餐。$198我地叫左豚肉&拉麵(其實係由幾時開始我地會叫豬肉做豚肉架呢？)拉麵2個人得1碗其實真係少左d, 好彩我地兩個女仔都唔大食。叫左昆布湯底，好清好好飲！呢個真係要讚！其實有d似放大左既吉野家火鍋，不過用料當然正好多！個豆腐勁滑！d菜都好甜好好食！前菜叫左螺肉，食得出料好正！唔知點講，好fresh, 好好食，唔係爭鮮個種好“潔”既感覺。串燒可以揀4樣，所以叫左豬頸肉，粟米，雞翼同香菇。個菇勁香！粟米得半個，不過都燒得幾正！最鍾意既係個雞翼！好香好正之餘仲好方便食！加左$20叫左個波子汽水，因爲想懷緬下童年。

行過大角咀見到有間好似居酒屋咁樣嘅鋪頭幾有特色，所以就入去坐。見今晚得一個人，試下啲串燒都好 有個串燒加啤酒嘅餐，大概78蚊至88蚊到，作為happy hour呢個價錢算係咁！係吧都要60蚊杯飲品，呢到有埋食物都係88蚊不過就只可以係啤酒囉。 分別揀左雞肉同埋雞腎串。兩樣都幾正呀，烤焦嘅程度啱啱好！好香之餘，唔會燶！ 冬天食啲暖笠笠嘅嘢真係人都舒服啲呀！ 因為真係唔想食太多肉所以另外叫咗個秋葵串。 上面啲胡麻醬同個秋葵超級夾！ 烤秋葵原來係咁樣嘅，感覺都幾得意 一個人隊啤真係別有一番風味！個啤酒幾好飲，唔會好苦/好難入口。 環境執得幾企理。我見好多客人對一pair pair咁樣嚟食。下次帶朋友嚟先得。。。

今天在大角咀發現一個日本冬祭沙煲沙煲餐相當實惠這樣既火鍋又有串燒二人前只198加一店舖面對博文街真的面對開放，我就坐在沒玻璃窗沒有裝門原始卡座很居酒風沙煲來了北海道牛奶鍋豬牛2肉選擇牛一直吃日本和各種燒雞翅吃極唔厭親手涮牛上海背景很多涮羊肉經驗但自己怕羊肉現在老手涮牛薄薄的日式牛片中火拖1 ，2下色變沈即可香噴噴牛乳牛肉滿街都飄揚最新發現大幅菇類正式價廉物美還有紹菜紅蘿蔔絲2片玉米裝修雅致老老實實尖沙咀這種裝潢，這樣收費貨品質素就大不同矣！租貴扼殺中小餐館吃過了飽了，還是難忘其拉麵。

收工既時間係大角咀附近 呢邊有咁多間酒吧 但有D餓所以就同朋友試左呢間又有串燒又有火鍋既日式居酒屋餐廳而家主打日式3.6牛乳湯底 同 KIRIN BEER,另外我地仲叫左幾款串燒下酒用左北海道3.6牛奶做湯底 味道比想像中清、香滑  平時食開濃味雞煲邊爐既我真係有D眼前一亮配料有D菇、蘿蔔、豆腐等蔬菜 用牛奶煮幾落同甜甜地加左牛肉 新鮮 色澤好光鮮 同牛味適中KIRIN BEER 不解釋白鱔串 聽聞係招牌菜 燒白鱔係第一次食 外皮小脆 好香既魚油同燒汁味 雖然份量唔多但絕對值得一試另外仲有鹽燒雞翼兩隻 18$兩隻幾抵食 味道無咩特別 但幾多肉日本長蔥 睇落有D似京蔥 味道唔辣 咬口爽脆 小小汁 甜甜地 幾開胃秋葵 正! 健康食品 燒得少少軟一咬入面D籽籽就BIT哂出黎 爽!

前排有段時間起奧運站個頭覓食就會發現匯豐大樓對出有一條小型既酒吧食肆街今次就黎到Yaki Biru，一間好有日本街邊檔、居酒屋FEEL既串燒店由於酒吧臨立，所以都有餐牌係FOR愛酒人士SET亦都有個餐牌FOR兩人性價比來說，叫這個真的划算我地就叫左個火鍋二人套餐同埋個特色小食...前菜：芥辣八爪魚完全睇唔到使用過芥辣，但食落去就出事...好攻鼻...真係辣得過癮既昆布清湯鍋中有大量白菜、豆腐、草菇、蘿蔔、金針菇，清清淡淡的一餐肥牛有3塊，肉質都比較上乘，略少少唔夠喉...不過，人地呢間野始終食串燒架麻七味燒黑豚腩：其實個質感我覺得幾似食牛舌，因為同樣地嫩...同樣的JUICE七味豬頸肉、汁燒雞肉串都係普通貨仔啦...鹽燒雞翼：起曬骨，唔使食得咁辛苦，幾有日本居酒屋所謂手羽先咁風味，帶咸咸地，用黎送酒用咁///食唔飽仲有個日本烏冬頂住....個彃口程度你懂的!經店員介紹下，叫左個來自北海道既蠔....由於哥哥自從去過北海道之後，就對北海道出產的食物大感興趣....因為靠近海，海鮮的新鮮度非常高，果然地個蠔係相當鮮甜，可是有點細....有點意猶未盡既感覺望著條無咩車經過既街，都幾特別

今日落雨，放工喺公司附近食埋晚飯先返屋企，附近開左一間日式小店，一於去呢間試下。店面小小，但感覺好舒服，而且係半開放式，所以空氣好流通，空間感都大一點，不錯燒牛舌心呢間餐廳其中一個重點推介就係呢一個牛舌心，店主話一大塊牛舌只可以用中間一小部份做牛舌心，所以呢個牛舌心可以話係精華，牛味特別香濃，而且好爽口，口感一流，實屬必點之選！燒秋葵/露筍好鍾意食秋葵因為好爽口，而且有啲黏黏地嘅感覺，好特別！蘆筍非常之爽口，好有口感昆布湯底牛肉火鍋天氣轉涼，最適合就係食shabushabu，湯底好香昆布味，而個肥牛好滑，仲有好多其他配料，包括滑豆腐、金菇、鮮冬菇、娃娃菜等等，加個烏冬，即刻飽哂，食完個shabushabu 即刻暖笠笠。令人最印象深刻係個牛舌心，因為真係好好味，而且唔係每間餐廳都有得食，好特別，絕對值得為咗呢個牛舌心再黎！