Wingman (閣麟街)

营业中

休息中

中環食店價位高企就人之常情嘅，如果唔係食Fine dine只係想去食得casual d跟住去飲返兩杯嘅，wingman絕對係一個好選擇！樓上店的關係，食物價位親民好多。小店裝修走chic n fun ，小酒館嘅格局加上牆上嘅”一起叫雞”真係夠抵死，打咭一流！Wingman主打雞翼，不賣其他，只有幾款小食/配菜，正常酒水提供。雞翼做main course選擇有半張menu，心多嘅朋友一完會花多眼亂！兔子同朋友點了兩個不同味，分別係黑椒檸檬同泰式甜辣醬！怕太熱氣所以我地再order左個kale salad，外加啤酒同lemonade !kale salad 味道中規中矩，份量都合理，始終有少少菜落肚好似無咁有罪惡感。lemonade很新鮮，一洗油膩。主菜新鮮熱辣上場！隻隻雞翼都大大隻肥嘟嘟，仲感受到剛炸好嘅香味，望到都覺得好食！左邊嘅係黑椒檸檬味，味道偏咸，黑椒味濃，重口味選擇。右邊係泰式甜辣醬，加上脆口嘅蒜粒，口感提升有層次，甜甜地好好味。兩款雞翼都無過熟，肉質keep到juicy!如果下次多幾個朋友仔黎，就可以試埋佢其他味道啦！

After seeing piles of wings on my friends' Instagram stories, I decided I had to give this place a try. I had already made plans with an old colleague to have dinner on Friday so I suggested this place. She is not a big fan of chicken wings but after seeing that there were wraps as well, she agreed.When I arrived around 7:15, I saw that it was already quite packed. Luckily we were able to get the last 2 seats without having to wait.  The menu was quite simple and was used as place mats. Since my

Wingman呢間餐廳都hit左好耐👅雖然唔算得上係雞翼控，但都好想黎試下！入面唔算坐得好多人，好快就full晒！勁中意呢個霓虹燈呀🤣果然係雞翼專門店，單單係雞翼已經有12種唔同嘅味道！我哋今日就叫咗《咯咯拼盤》$258，加一個《甜薯薯條》$55先講一講個甜薯薯條先～我覺得呢度嘅甜薯薯條可能係我係香港食過最好食嘅！一啲都唔油，而且甜得黎又唔會太濟，一兜完全唔夠食🤪勁想encore食雞翼就梗係要用手食先至開心㗎啦～鋪頭就好貼心咁俾咗每人一隻膠手套！《加州風味》佢係有蒜同芝士，蒜味比較重，相對芝士味道冇咁突出，但係整體個味夾得好好！《黑椒檸檬》三隻味入面我最中意呢隻，黑椒同檸檬味唔會搶左大家風頭，酸酸地好開胃，食多幾隻都唔會脷！《紐奧良香粉》最後一隻味，朋友話想試下辣嘅，叫左呢款微辣既，辣味都算幾香，而且青檸令整體味道更有層次😋另外想讚下佢地雞翼煮得極好，外皮脆但仍然有肉汁！《Passionfruit lemonade》飲品我推薦呢個，酸酸甜甜又特別👍🏻整體我好推薦呢間野！仲見到人地有任食package，下次一定會黎食all you can eat😆😆

呢間wingman嘅招牌非常搶眼，一大片鮮黃色背景，中間一隻戴住黑超嘅雞，好盞鬼😆餐廳環境好chill好酒吧feel，霓虹燈裝飾、大大幅graffiti 同一路播住歌，好適合飲啤酒吹下水，不過今日仲係blue Monday狀態，費事叫酒飲了蒙古燒烤味雞翼 6 pcs $69名符其實，餐廳主打雞翼，menu至少有12款唔同口味選擇；我地想食d香口野所以揀左蒙古燒烤味；雞翼面頭灑左不少芝麻粒，籽然粉同辣椒籽；外皮燒得非常乾身香脆，而裡面嘅雞肉仲保持住嫩滑，唔錯唔錯👍🏻墨西哥辣椒牛油果卷 $138外皮厚薄剛好，唔會過厚食到成口粉，又唔會太薄被d濕嘅餡料整到腍曬；裡面有雞翼肉、牛油果、烤甜椒、車厘茄、椰菜等等，配士拉差蛋黃醬，足料之餘味道層次好豐富，份量亦比想像中大，2個人share都好夠飽😵

單憑餐廳名字就知道餐廳全打雞翼，我身為雞翼迷，當然要去拜訪一下抵達後發現不同時段日子的優惠都頗多，例如逢星期三晚上$5隻雞翼，每晚5-7:30 happy hour有38蚊杯的酒精飲品，有興趣到訪的人可以參考一圡點了店內新推薦-雞煲，以原本麻辣四川風味配搭肉質滑嫩的雞煲，我們兩人所以點了二人份，有八隻雞翼在內，辣度可按個人口味在下單時要求，我們點了小辣，覺得口味與傳統雞煲不相伯仲，而且雞翼肉質鮮嫩，配上洋蔥及蘿蔔，感覺上差一碗白飯一切就完美了此外我們亦點了一款新口味的雞翼，根據店員介紹是日式咖喱口味。外皮炸得非常香脆，配合日式咖喱醬又不會過於膩整體來說食物質素高，店員友善，很值得再次光顧

今日難得過海，就同朋友去試下依間位於上半山扶手電梯附近的雞翼專門店。一入到鋪頭內，就被寧靜的環境及「一齊叫雞」的霓虹燈吸引住，不得不打卡。先看看餐牌上雞翼的口味，足足有十多款口味，超多選擇，可選擇有醬、無醬，最後我地選了一款有醬及一款無醬試下。先試水牛城醬這款有醬口味，味道甜甜酸酸，十分開胃，而且帶點香辣但又不會太辣，恰到好處。雞翼辣，皮脆肉嫩，肉汁能保持住，不會炸得過乾，即使沒有芝士醬也夠味。而無醬口味則選了加州風味，雖然無醬，但吃起來不會太乾，雞翼上舖滿了蒜粒和巴馬臣芝士，口感豐富，相當不錯。而且雞翼即叫即煮，新鮮熱辣，炸得剛好，皮脆肉嫩。我們還試了甜薯薯條，深黃色的甜薯薯條非常惹味，再蘸上醬汁一起食，食到停唔到口！店鋪會提供黑色膠手套，非常貼心的服務。加埋飲品，十分滿足!

今個週末來到中環一帶食午餐，來到這間雞翼專門店嚐新，店內裝潢設計充滿特色，門前有一個開放式酒吧檯，牆身放了搶眼的霓虹燈，印有玩味字句，絕對是打卡勝地。相信晚上搖身一變酒吧氣氛會更熱鬧。餐牌十分簡潔，主打設有多於十四款口味雞翼，其他配菜和飲品選擇。大夥兒來到建議可以點雞翼拼盤，可以同時點選多款口味和配菜。另外一點貼心之處，餐廳會提供手套給客人，方便用手食雞翼。黑芝麻蜂蜜海鮮雞翼 $69（半打）第一款點選了黑芝麻蜂蜜海鮮雞翼口味，第一口呷下的口感是甜甜的蜂蜜味道，接下來品嘗到芝麻的香到少少鹹香味。日式咖哩雞翼口味 $88（半打）第二款點選了餐廳最新推出的日式咖哩口味，而雞翼的煮法則裹上麵包糠炸，感覺像吃炸豬排一樣。很喜歡面層淋上日式咖哩醬汁，加上即點即炸雞翼，口感豐富。甜薯薯條 $55配菜方面點了一客甜薯薯條，用上新鮮鮮甜的蕃薯製成，配上雞翼吃，味道相當配合。香燒牛油果 $75另外我們點了一客香燒牛油果，意想不到這道配菜會帶點煙燻的味道。加上這道牛油果能中和膩的感覺，蘸上一點點青檸，味道會更清新。雞翼愛好者絕對不能錯過這間樓上特色雞翼餐廳，相信會為你帶來全新的味蕾體驗。

尋日同律師開完會 搵黃店食點知收曬門 已經是但搵 撞咗兩次板先有間開😢果然係中環價位 (之前有仼食就抵啲)😭.🍗蒙古燒烤味雞翼$68 🍗本應得6隻 點知有7隻 (可能體諒有1隻係極細🤭)個味道好好嫁 濃香但唔會好咸 曬上芝麻更香口👍🏻雞皮脆脆地 但亦有彈性 唔算好肥雞肉好嫩滑有肉汁 👍🏻Erm 加埋環境 都合理嘅😂.仲加咗$20@3款醬🥘 (花生沙爹/Sriracha Mayo/Chipotle yogurt)花生沙爹啲花生極香 其餘兩款就酸酸甜甜又辣辣地 抵加🤩.🍟炸薯條 配黑松露醬$65🍟正常價錢 比坊間好食鐘意佢幼條 但兩段連薯片新鮮炸起好香脆黑松露醬調配得剛好.🍅Ricotta 芝士蕃茄沙律$75🥗極不推薦 超級唔抵食嘅蕃茄沙律雖然係香甜 但都唔知有冇兩舊蕃茄嘅份量中間啲芝士 唔食得慣 騷味重啲難怪冇一枱點😭😭

最近聽友人提起中環有間雞翼專門店，自問是雞翼控，於是相約友人專程一試。走到入店內就被「一齊叫雞」的霓虹燈吸引住。餐廳的環境寧靜、裝潢別具風格，是一個很適合跟三五知己聚會的地方。每張枱上放置小型垃圾桶和紙巾，點餐後亦為客人準備手套，感覺既細心又衛生。店員服務態度佳，有耐性地為我們介紹食物。雞翼的口味眾多，可選擇有醬、無醬，絕對能滿足不同雞翼控的要求。我們點了此店首創和獨創的雞翼雞煲，有不同辣度選擇，不喜歡吃辣的朋友亦可選擇走辣。我們點了二人份量 (共8隻雞翼) ，雞煲加入了蔥花、辣椒等來吊味，雞肉嫩滑，配菜蘿蔔亦十分香辣入味，值得一試。我們亦點了咯咯拼盤中的Netflix & Chill，可自由選擇3種口味的雞翼和一份小食。我們選擇了水牛城醬、加州風味以及新推出的咖哩口味，小食則點了火燒牛油果。所有雞翼都是即點即炸，確保香脆可口。水牛城醬有醬口味，每一啖肉夠juicy，味道又酸又辣，十分開胃。加州風味無醬口味但吃起來不會太乾，雞翼上舖滿了蒜粒和巴馬臣芝士，口感豐富，肉質嫩滑。咖哩口味雞翼大大隻入口啖啖肉，剛剛炸起外皮超脆，配搭埋濃郁的日本咖哩汁，辣得十分過癮！火燒牛油果牛油果外層加上少許

作為雞翼控，嘗試過大大小小的雞翼專門店，這天在附近欣賞完聖誕燈飾，就在Openrice上看到好評如潮的Wing Specialist，一於就來試一試。「咯咯拼盤」共有三款大小，由於我們只有兩人，所以選擇最小的拼盤。 水牛城醬水牛城雞翼一般西餐廳都能吃得到，但據說是這裏的招牌口味，決定一試。雞翼味道香辣，帶點甜甜酸酸的感覺，恰到好處。雞翼的肉汁能保持住，不會炸得過乾，即使沒有芝士醬也夠味。有段小插曲，我們選了3款口味，但是店員下錯單給我們端來12隻水牛城雞翼，後來免費為我們補上漏掉的加州風味，非常大方。（幸好友人最愛這款水牛城雞翼，全部吃光光）新加坡辣蟹味以參巴醬、辣椒、蔥蒜調味，雞翼表面鋪上了香濃的炸蒜粒，非常惹味。嗜辣者一定雞翼要連辣椒一口吃下，香辣無比過癮。加州風味用上了大量的巴馬臣芝士和香芹鋪面，幾乎都看不到雞翼，味道鹹香更帶點濃濃的芝士香。黑松露薯條薯條偏細長，即叫即炸，上桌時即聞到濃濃的黑松露香。份量不少，雞翼薯條一定是絕配。吃雞翼當然少不了手工啤酒，下次一大班朋友一邊談天，一邊吃著雞翼暢飲啤酒，真是一大樂事。另外值得一讚的是，店鋪有提供厚實的黑手套給食客，吃雞翼要用手拿才有

我不嬲都好中意食雞翼，之前在網上已經留意到這間雞翼為主菜的餐廳，今晚友人終於帶我來品嚐一下。餐廳位於上半山的扶手電梯附近，位置並唔難找。一入餐廳便有一幅用街頭大字寫滿的牆，很具香港特色。餐廳雞翼的味道有十多款，真的很想叫哂咁多種味道，可惜只有兩個人，唯有下次再試其他味道!另外這個外天季節還出了雞翼雞煲，十分有創意!Neteflix & Chill，這個套餐共有18隻雞翼，可以點3款味道，另外還有一款配菜。雞翼的味道揀選了水牛城醬、紐奧良香粉同埋一個新的口味-Katzu!新口味其實是吉列雞翼，上面有些咖哩醬，炸得脆口，如果可以多點咖哩醬會更惹味!水牛城醬味道酸酸辣辣，雞肉嫩滑，如果可以再多一點點醬汁會更美味!而紐奧良香粉是我最愛吃的一款，味道香濃香辣，吃得十分刺激!配菜揀選了火燒牛油果，用了一整個牛油果，面頭有稍稍燒過和加上了黑椒，再點上附有的秘製醬汁，酸酸辣辣十分惹味!我們因為還點了啤酒送雞翼，好正呀!下次有機會要再黎試下!

週二晚老蘭有舞舞跳，因與女伴早咗成個幾鐘頭到，未有人打碟，所以兩口子就喺中環搵咗雞翼專家「Wingman」歡樂一番。真係要多謝爛飲群組送來只有店內螢光幕先顯示嘅優惠詳情，唔係都唔會搵到隱蔽小店，並飲咗幾輪歡樂啤酒。如相所示，每天黃昏五點半至七點半，指定紅酒、白酒、啤酒堂飲均為$38/杯。步出升降機門，即見到大大張「翼煲」海報，推廣緊香港第一及唯一嘅「雞翼雞煲」。正門幅牆身寫滿紅底白色嘅中文字，莫非隱藏著啲咩玄機？！店內右方為廚房，左方為用餐大堂。近窗一邊嘅合併式散座有張長長嘅厚墊梳化，估計最為舒適。眼見近洗手間嘅一邊寫上「一齊叫雞」嘅字句，心裡即笑出「呵呵呵」，咁當然係要影返幅相留念啦！裝潢另一搞笑位就係牆上極具超時空感嘅機械雞圖案。餐桌上有齊備嘅垃圾桶及紙巾，點好菜亦提供膠手套，感覺極之衛生。店子主打雞翼菜式，餐牌大多為中英對照，並附有彩圖，簡單易明。如要額外配料亦可續位另叫。飲品牌只有英文版，選擇都唔少。黑芝麻蜂蜜海鮮雞翼（$69/半打）：餐牌講明十二款調味不同嘅雞翼可以$69每半打咁叫。XO仔唔係咁食得辣就先揀咗個「黑芝麻蜂蜜海鮮雞翼」黎試。雞翼即叫即煮，新鮮熱辣辣，皮脆肉嫩，甜

放工之前行開中環蘭香園呢頭見到呢間Wingman已經覺得好吸引！今天晚上終於有時間和同事放工來試，時間夾得非常好，一上去就見到整間店已經full嗮！餐廳裝修好有活力，到處都是neon light，牆上有不同的graffiti 讓客人打卡！超吸睛！餐廳位於大廈的6樓，餐廳雞翼口味超多，包括較惹味的死神醬，新加坡辣蟹醬，水牛城醬，蒙古燒烤味，紐奧良香粉，除了以上惹味之選外，還有些較平和一點的，包括了燒烤味，黑芝麻蜂蜜海鮮，田園風味，加州風味，泰式甜辣醬，黑椒檸檬等多款口味雞翼，任君選擇。今次和同事選了幾款口味，冬天必試雞煲味（8隻$88），黑芝麻蜂蜜海鮮（6隻$69），日系Katsu（吉列）（6隻$88）這三款口味。雞煲味是店員推介的，我也很好奇雞翼做雞煲會是什麼效果呢?店員首先上爐，再點火，最後再上煲，等幾分鐘就可以食，一上檯就見到比我們平時食的雞翼大隻好多，而且非常厚肉，真的咬落啖啖肉，從外貌上面看，跟平常的雞煲真的沒有分別！鋪滿我最愛的芫茜，裡面也見到有洋蔥，蘿蔔，花椒粒和八角，十分足料！又香又新鮮，煎香了的雞翼連同湯料及香料放進煲焗一會兒，係用三個字去形容: 香,滑,鮮！值得推薦呢

話明係Wingman，當然係專食雞翼既食店啦！黎到梗係嗌特色雞翼先！.味道方面有好多選擇，我地揀左3款不同口味。1. California Style 加洲風味- Garlic & Cheese呢款有芝士碎係雞翼面，雞翼炸得剛好，外皮脆而肉嫩。.2. Hoisin Honey Glazed Sesame 黑芝麻蜂蜜海鮮 - 甜甜地又有芝麻香.3. Singapore “Zing” 新加坡辣蟹味 - 鍾意食辣既人必嗌，因為雞翼表面有層辣醬。.Chipotleavo Wrap $138呢係墨西哥卷餅，中間有大量椰菜絲、蕃茄牛油果，仲有嫩既雞翼肉，配以燒烤醬汁。.Truffle Fries 松露醬薯條 $65香炸粗薯條加埋松醬沙拉醬一齊食。.Tomato & Homemade Ricotta Saladia 自家製瑞可達蕃茄沙律 $75有三款不同蕃茄，最特別係有一款綠色蕃茄，配以芝士及特製沙律汁，酸酸地好開胃。.Cauliflower Saladia $75好特別既沙律，第一次食椰菜花沙律，加埋合核粒，既清新又有口感。.Lemonade $40食炸野最岩配有汽飲品，Lemonade岩晒！

星期日接左女朋友放工之後，齊齊去叫雞！中環有間主打雞翼的西餐廳，只賣雞翼，環境裝修趣味十足。我地二人行去到餐廳，星期日3:00左右都有不少外國人飲酒食雞啊！我地睇完menu決定叫兩款食物試下啦！我地先點雞煲。第一次食雞翼雞煲，四川口味，可以要求加辣啊！我鐘意食辣，所以叫左中度加辣。雞翼大大隻好入味，花椒川味好重口味，香辣過癮，好濃郁！雞翼好香嫩啊！女朋友叫左墨西哥香辣手撕雞翼卷。女朋友見到牛油果馬上叫左！蔬菜比例較多，外層烤到脆卜卜，中間雞翼份量好足夠，由頭食到最後都有雞翼。