Vision 8

营业中

休息中

今日攞到消費券😬😬仲係Work from Home lunch就喺屋企附近食好啲，這間Vision8 set lunch抵食好多，係區內嘅高質西餐😜😜香煎蟹餅伴沙律配油醋汁，呢個菜式老公表示💯外層係輕型簿簿嘅金寶脆，而裡面就係一梳梳嘅蟹肉，仲有洋蔥、甘荀做配料。蟹肉份量好多，亦都無散收收。外層脆脆口感真係做得好好👍烤安格斯牛扒配黑椒汁, 完全冇肥膏，咬落一啲都唔韌，牛味濃郁，五成熟粉紅粉紅🥰🥰配有薯條和椰菜仔-歺包好軟熟，配埋個牛油好好食南瓜忌廉湯很健康的感覺，口感濃郁creamy，味道剛好。香煎大蝦配西蘭花．蕃茄忌廉汁配意大利飯很有驚喜先頭以為普通意大利蕃茄兩隻蝦，點知意大利飯香濃，大蝦仲好香口爽脆👍👍份量仲唔少添午餐跟埋餐飲，一個set好夠飽呀，侍應服務態度親切,餐牌種類豐富，下次再過嚟試吓晚餐先😝😝

今日同屋企人出咗去食飯，於是就當然要搵一間好食嘅餐廳比佢哋享受一下啦！今次我就試咗呢一度嘅Pizza，呢一度嘅Pizza真係好好食！三文魚千島醬薄餅係必定推介嘅食物之一！首先呢度嘅餅底好薄，真係好正宗嘅意大利薄餅，而且好香脆！一啲都唔擔心會好Heavy！另外上面嘅三文魚再加埋千島醬嘅配合真係非常之夾！令到成個Pizza都好高質！

因為疫情好耐冇同女朋友出街食飯今日近近地去荃灣食個lunch 簡左哩間openrice好多正評既西餐特別被吸引既 好多食評都講係有人情味既小店餐廳唔大 大概12枱客 坐得都尚算舒服 唔算太迫夾今日大概1點半黎食 疫情都尚算好返D 多左人出街食飯入去見坐滿 但都好彩岩岩有一枱走左雖然今日Weekend 都有lunch set好快簡左 烤安格斯西冷配薯菜 ($118) 同 牛肋肉配烤餅($98)西冷賣相唔錯 叫左5成熟 都煎到差唔多可能煮既手法問題 西冷無煎到脆既crust面 肉質偏腍 不過都算有肉味overall 以哩個價位算唔錯牛肋肉都係不過不失 烤餅夠外脆內軟最後哩餐飯都滿意既 最主要因為食得舒服疫情期間 好多餐廳都做唔住 哩度都見到經營相當困難一開始鋪面只有一位員工一腳踢 後來見到原來(疑似)老闆都要親自落場但雖然人手唔夠 service已經做得好足短短一個鐘既食飯時間都見到真係足滿人情味好多熟客經過 或者幫襯都會同老闆寒暄幾句希望小客順利捱過難關疫情盡早完結

呢間餐廳雖然唔係好起眼，但食物高質又抵食，仲係慶祝生日嘅好地方！┄┅┄┅┄┅┄┅┄𖣒 蘋果木燒西班牙黑毛豬鞍扒 $238老闆好誠實咁話而家冇蘋果木燒🤣但完全冇影響佢嘅味道！塊豬鞍超級厚，食落塊肉質juicy又唔韌，食到d肥膏位油脂味勁香，但一啲都唔膩👍🏻評分：🌕🌕🌕🌕🌗-𖣒 烤雞件配蘑菇汁燴闊條麵 $88Lunch set包沙律/湯+main+飲品都係$88！雞扒煎到外脆內嫩，意粉份量好多，不過係淋左少少。評分：🌕🌕🌕🌖🌑-𖣒 𝑨𝒑𝒑𝒍𝒆 𝑪𝒓𝒖𝒎𝒃𝒍𝒆 $65個甜品碟畫得好靚！Apple crumble即叫即整，一送到黎個陣熱辣辣。上面嘅粒粒整得好脆有咬口，下面嘅蘋果又唔會太甜，必叫呀😆評分：🌕🌕🌕🌕🌗-老闆超熱情又nice，好啱黎呢到撐枱腳/慶祝生日🤣

留咗喺屋企好多日，今日同好朋友出去荃灣覓食，曾經食過呢一間餐廳嘅晚市，質素勁高，今次嚟試吓佢嘅lunch！👍🏻烤安格斯西冷配黑椒汁叫咗五成熟，廚師火候控制得相當好，肉質粉嫩，有炭火燒烤過嘅味道，食落有牛香帶點嚼頭，黑椒汁嘅味道唔算太濃郁，所以亦都冇搶到牛扒嘅風頭。👍🏻蘋果木燒西班牙黑毛豬鞍扒上碟份量好多，切開入邊粉嫩透白，咬落啖啖油脂香，加上清新嘅野菌醬，配搭落去完全唔油膩～作為拌碟嘅薯菜亦都令友人大讚，食落香酥而不油膩！👍🏻水牛芝士番茄作為頭盤簡直係開胃之選，蕃茄酸酸甜甜，加上奶芝香十足的水牛芝士，食完有意猶不絕嘅感覺！💡 午市套餐已經包左餐湯同飲品，五點後更加有7折添！！

一間食西餐嘅小店，地方雖小，但空間感其實十足，座位之間有足夠嘅闊度。SET LUNCH 由$78-$118 包餐湯OR沙律同野飲蘑菇湯:幾Creamy,幾好飲 連包食唔錯沙律幾新鮮，配上黑醋酸酸地幾開胃。炸魚薯條 :另外叫左個小食，上枱已經feel到熱辣辣，明顯係即叫即炸。魚肉略嫌清淡，所以一定要點他他醬，帶點酸味幾開胃。薯條炸得好香脆，而且份量好多。鴨腿配野菌忌廉汁意大利飯:個意大利飯煮得啱啱好，軟硬適中，而且同醬汁混和一起。隻鴨腿都煮得好鬆軟，入口即溶.烤香草羊T骨扒配紅酒汁:出街食樣其實要睇運氣，好多時都會煮得太un 或者太so, 呢到既羊肉煮得啱啱好，入口即溶。而且味道唔會太so.鍾意食羊嘅可以嚟呢度試一下，推薦。apple crumble:係一個做得好香脆嘅蘋果批，甜度適中，酥皮嘅做得好香。最後想講吓呢度嘅服務態度真係好好，店員非常有禮貌非常貼心。

少左出街食飯，Lunch 真係好值得食好dd🌟 呢度Lunch set 唔太貴但又好高質，真心抵食!!❤香煎大蝦配蕃茄卡邦尼意粉 意粉炒香蕃茄粒粒 磨菇 煙肉，好creamy~大蝦爽口彈牙，好足料好好味🧡香煎三文魚配香濱檳忌廉汁 三文魚皮好脆，魚肉超嫩滑，薯菜伴碟新鮮炸~好香脆既薯角，仲有好甜既mini 生菜💛蕃茄水牛芝士配意大利香草醬 蕃茄好新鮮好甜，加埋水牛芝士同好香既香草醬，好fresh 好開胃💚餐包 個拖鞋包烘暖左，外面微微脆好香口，入面好鬆軟，超中意呢個包!!

Vision 8主打意大利菜，店面雅致，裝修簡潔明亮，牆壁掛上手繪餐牌，價格親民，坐得舒適。蘋果木燒西班牙黑毛豬鞍扒 $238豬鞍上枱時香噴噴，肉身厚實，金黃色的網紋，緩緩切開，肉汁油潤。咬下去肉質軟嫰、Juicy，沾上秘製的紅酒汁，中和了豬鞍的油膩感，十分吸引，加上炸薯塊及西蘭花伴碟，更加滿足。西冷牛扒配芥末籽汁 $118西冷肥美厚切，表面的深褐色網紋，令人垂涎。入口質感軟嫰，肉汁豐盛，配上芥末籽汁調味，濃郁肉汁在口中散發，啖啖滋味。西蘭花忌廉湯+麵包忌廉湯香甜稠密，飲到滑溜西蘭花蓉，拌勻忌廉，口感奶滑。酥炸芝麻雞翼 $68芝麻雞翼外皮脆卜卜，熱辣辣又香口，滿咀油香，吃完要舔舔咀邊的雞油!

而家唔止冇晚市堂食，連午市餐廳都愈開愈少😢今次黎呢到支持一下，叫左凱撒沙律(煙三文魚)($128)、蘋果木燒西班牙黑毛豬鞍扒(芥末籽汁)($238)，另外可以加$45配是日餐湯及熱咖啡，而LUNCH SET揀左烤安格斯西冷配紅酒汁($118)，跟配揀左餐湯同凍檸茶店鋪空間有限，但個裝修格局都幾令人舒服😉是日餐湯：今日係意大利菜湯，職員上菜時會問需唔需要加黑椒作調味，個人覺得加左之後個湯更為惹味，而餐包好香軟，最中意索D湯黎食更加正😝凱撒沙律(煙三文魚)：沙律有巴馬火腿或煙三文魚可以揀，今次我地揀選煙三文魚。沙律份量都幾大碟，麵包粒仲要好脆口唔會淋晒，而沙律菜新鮮爽脆，加埋香濃嘅芝士同煙三文魚，夠開胃😋烤安格斯西冷配紅酒汁：落ORDER時點左5成熟，外層燒香而內裡粉嫩，肉味唔錯，點埋紅酒汁令味道更加香濃，伴碟揀左薯菜，份量都唔少，LUNCH SET呢個價錢有呢個質素相當超值😍蘋果木燒西班牙黑毛豬鞍扒：黑毛豬鞍扒肉厚，食落嫩滑唔鞋口，而且黑毛豬嘅味道非常濃郁，再加上用蘋果木燒，多左份香味，所以就咁食都已經好好食，中意嘅話點埋芥末籽汁，少少辣辣地就另一番風味🥰食埋伴碟薯角就非常之飽😆最後飲埋

疫情開始都好少出街食飯，今日去開荃灣買嘢就同老公去慢慢享受下食個午餐。今日去咗荃灣呢間西餐廳到食午餐，我哋叫咗個意粉，牛扒同埋蟹餅。美國極佳級肩胛牛扒醬汁方面有幾種可以選擇黑椒汁，紅酒汁，野菌汁同埋芥末籽汁，今次我就選擇左芥末籽汁，牛扒色澤吸引咬落肉質鮮嫩，配上新鮮熱辣嘅薯角同埋薯菜適當減低油膩感。香煎蟹餅伴沙律香醋汁蟹餅切開全部都係蟹肉絲，非常足料而且好厚身，另外配上啲沙律菜非常開胃。香煎大蝦配南瓜汁燴意粉意粉煮得硬度適中，而且大蝦分量都五少，咬落非常爽口，配上南瓜汁非常creamy 。特別一提嘅係啲侍應非常之細心例如發現隻碟食完啲麵污糟晒會立即幫你換返另一隻，而且非常之有禮貌添，呢到服務態度真係非常好👍🏻絕對要讚一讚。

🌈Vision8荃灣係一個美食地區好多餐廳都係臥虎藏龍位於荃灣內街呢間餐廳低調並不顯眼😉同老闆閒談間原來餐廳開左接近十年👍🏼環境寬闊 氣氛浪漫適合情侶 朋友 家人🥰🥄西芹蘋果忌廉湯味道非常特別 酸酸地有蘋果既清香 感覺好健康🍴酥炸小食拼盤 $98拼盤北非常豐富有酥炸芝麻雞翼 魷魚圈 魚柳同埋薯條即叫即炸關係熱辣辣 入口酥脆 不油膩點埋三款醬汁 味道變化更多😚🍴烤安格斯西冷配芥末籽汁 $118西冷牛扒脂肪含量較少適合我呢種減肥人士入口無肥膩感 熟成度啱啱好 五成熟 切開帶粉嫩入口幼嫩 牛肉味香濃 ☺️🍴香煎帶子配菠菜忌廉汁燴扁意大利粉 $88帶子熟度岩岩好 好滑意粉硬度煙靭菠菜忌廉汁香濃 美味🥰🍴心太軟配雲呢拿雪糕$68外層朱古力香濃少脆 心太軟超流心 而且唔會太甜配埋雲呢拿雪糕 一冷一熱 好味道😚餐廳食物質素高服務質素都好好老闆非常健談😀

疫情之下，防疫限制越嚟越嚴格，唔多唔少都有啲抗疫疲勞。為咗幫自己打打氣，一於食餐好嘅獎勵下自己！見到E間西餐廳嘅食物咁吸引，就決定入去幫襯下！😎坐底之後，店員就好熱情咁招呼我哋。打開餐牌，好多都好吸引好想試！幾經掙扎，就點滿咗成檯嘅食物喇。🤣個餐包非常之軟熟，餐湯係蒜蓉湯，又香又好飲！😍酥炸魷魚圈配他他醬🦑新鮮即炸魷魚圈😚表層炸得香酥，內裡魷魚爽口彈牙！配上他他醬，作為前菜非常開胃！蘋果木燒黑毛豬鞍扒🐷煎得靚靚嘅黑毛豬鞍扒，賣相吸引之外，味道都一流。塊扒肉質鮮嫩，一啲都唔會韌。點埋個芥末醬，非常之惹味。🤤大大塊性價比極高！雜錦海鮮配龍蝦汁燴意大利麵🦞海鮮有青口、蜆仔、魷魚同埋蝦，配料份量絕對唔手軟，完全冇雪藏味。意粉軟硬適中，麵身掛上自家製嘅龍蝦汁，每一啖都食到龍蝦嘅味道。😎心太軟配雲呢拿雪糕❤️香濃流心既熱辣辣朱古力心太軟，配上凍冰冰嘅雪糕，呢個組合唔會令人失望。🤩前菜主菜甜品直落，食咗咁豐富咁高質嘅一餐，好滿足！

🌟荃灣抵食西餐🌟-荃灣美食雲集 但係大部份都係港式嘢呢間都算係一間係荃灣唔錯嘅西餐廳價錢合理 位置方便 食品高質侍應態度非常好 佢哋會留意住你食嘢嘅進度一道一道咁上菜 好細心-蕃茄水牛芝士配意大利香草醬 $98淡淡酸甜味嘅軟質水牛芝士配上酸甜合適嘅蕃茄 食落清新不膩 再加埋香草醬非常開胃每碟都有成各7-8塊芝士同蕃茄 好抵食-香煎帶子配牛肝菌意大利麵 $168帶子煎得好香 外面煎到香脆 而裡面仲係啱啱半熟 醬汁食落好creamy 口好滑 有濃郁的蛋香同奶油滋味醬汁亦都非常掛麵這碟份量真係幾多 兩個人食都夠-酥炸芝麻雞翼 (4隻) $68雞翼每隻都好大 肉質幾嫩D皮炸得超脆 芝麻味好突出-📍Vision 8

Date: 2022-02-17Restaurant: Vision 8蕃茄水牛芝士配意大利香草醬 $98淡淡酸甜味嘅軟質水牛芝士配上酸甜合適嘅蕃茄 食落清新不膩 再加埋香草醬非常開胃每碟都有成各7-8塊芝士同蕃茄 好抵食香煎帶子配牛肝菌意大利麵 $168帶子煎得好香 外面煎到香脆 而裡面仲係啱啱半熟 醬汁食落好creamy 口好滑 有濃郁的蛋香同奶油滋味醬汁亦都非常掛麵這碟份量真係幾多 兩個人食都夠酥炸芝麻雞翼 (4隻) $68雞翼每隻都好大 肉質幾嫩D皮炸得超脆 芝麻味好突出侍應態度非常好 佢哋會留意住你食嘢嘅進度 一道一道咁上菜 好細心荃灣美食雲集 但係大部份都係港式嘢呢間都算係一間係荃灣唔錯嘅西餐廳 價錢合理 位置方便 食品高質

這間高級西餐廳鄰近荃灣城市廣場，於荃灣也有數年的歷史。店內環境寬敞又衛生，氣氛也是不錯，適合約會及慶祝，有多款紅白酒供應。烤安格斯西冷配芥末籽汁 - $118最喜愛的西冷牛扒，比起肉眼扒的脂肪含量較少，入口不會肥膩。當中安格斯更是優質的牛種，牛肉味特別香濃，入口也較幼嫩，剛巧煎封得五成熟，切開帶點粉嫩，流出肉汁，外沿的白色肉筋，有點煙韌，配搭起來好有口感；芥末籽醬汁不辛辣，反帶點酸甜；薯菜配的是酥脆的薯角、紅蘿蔔和西蘭花。酥炸小食拼盤 - $98酥炸芝麻雞翼、魷魚圈和魚柳各兩件，還有一堆鹽味炸粗薯條，即叫即炸關係，酥而不膩，更配黑松露醬、茄汁、他他醬三款醬汁，味道變化更多層次。沙律(跟餐)新鮮的雜菜沙律以較健康低卡的意大利黑醋調味，味道較酸，但勝在開胃。Iced Latte濃厚的咖啡感配鮮奶的順滑，另上的糖水可控制甜度。