Vision 8

营业中

休息中

今日老公book左荃灣一間西餐廳同我食晚餐，係未出發之前，我以為間餐廳會係商場入面或者地鐵店附近，但佢帶左我去一內街入面，舖面出面因為大廈裝修緊，所以唔係甘起眼，但入去食完之後覺得老公真係冇揀錯。入去食個陣係未爆滿，好快就滿哂，冇book檯的話walk in入唔到，感謝老公有book檯一坐低點完餐就會有3個唔同的熱辣辣的包配黑松露醬，我最鍾意白色四方形個個包，一撕開有好軟綿綿的口感燒牛肉羅馬生菜炸洋蔥圈成個沙律菜的份量唔係好大，但足足有9塊燒牛肉🤩，牛肉好容易咬開同好惗，熟的程度剛剛好，羅馬生菜新鮮爽口，加埋蜂蜜芥末醬正!香煎比目魚配菠菜忌廉汁燴天使麵比目魚個皮煎得好脆，魚肉保持到好嫩滑，幼細的天使麵可以掛到好多菠菜忌廉汁，食落仲有好香蒜味，好岩我🤩蘋果木燒西班牙豬鞍扒豬鞍扒好大塊！燒到表面微微脆但切開都係好juicy，下面的薯仔係粗片狀好有咬口，仲有其他小蔬菜配埋一齊，成個好味又飽肚心太軟🤩個心太軟係出色！一上個心太軟個陣見到佢係郁下郁下，個皮好薄，一切開d朱古力漿就湧出黎啦🤩熱辣辣好好味，仲配埋雪糕食唔會浪費左d漿😁

Vision 8一直都係我同朋友好鍾意去嘅西餐廳，價錢合理而且味道都好好！🍴烤美國極佳級肩胛牛扒 $288我哋揀咗五成熟，醬汁揀咗芥末籽汁，配菜方面都有幾多種類，有椰菜仔、紅蘿蔔、仲有好多薯蓉，薯蓉有唔同質感嘅薯仔，而面頭亦有輕輕烤過。牛扒質感好好，牛味非常香濃，食好多都唔會厭。🍴小元貝西蘭花忌廉汁燴意大利飯配加拿大海膽 $198入面嘅小元貝真係好多，忌廉汁配上西蘭花好夾，令意大利飯增添好多口感，海膽亦都味道鮮甜。🍴香煎蟹餅伴沙律配油醋汁 $148沙律菜好新鮮，香煎蟹餅幾有驚喜，入面真係有蟹肉，幾鮮味。🫕龍蝦忌廉濃湯 $88 湯好鮮味，點麵包係另一種享受，入面亦有真龍蝦肉。

而家近近地想食西餐都黎呢度，幾舊水食酒店級數，款式又多，去邊搵。龍蝦忌廉湯個龍蝦頭味超重勁鮮，但絕對唔會好咸；野菌忌廉湯配黑松露油，絕配黎，最鍾意食菇味嘅野，黑松露香帶出嘅野菌味好有層次！餐包有三種，烘熱嘅麵包香軟，其中一款薄薄一片充滿牛油香味有香脆，當然有我最喜愛嘅黑松露牛油。叫小食拼盤嘅小食份量十足兼香口，粗薯條、魚手指、雞翼、魷魚，百零蚊但質素double都唔止，黑松露沙律醬真係點咩都好食。我一早計劃左，一個鮮菇蜆茄醬燴意粉、一個5成熟烤美國極佳牛肩胛share食，就可以食哂呢度拿手野。意粉出色度係醬汁同意粉熟度，仲有鮮蜆肉多；牛肩胛位置鮮嫩多汁，5成保留肉汁，配紅酒汁仲提鮮肉味，仲有個芝士薯仔伴菜係超香濃芝士味。鍾意食黑松露嘅呢度都實岩食。

最近見都幾多人嚟呢間喺荃灣嘅西餐廳食飯🍴個位置都幾唔顯眼～但性價比幾高！上次就試左個蘋果木燒西班牙黑毛豬鞍扒🇪🇸份量十足 豬鞍扒超好切 燒得好香 肉質唔鞋鎖實晒啲肉汁😋

午餐包沙律或餐湯，及餐飲（凍飲+$4、特飲+$15）。沙律正常。南瓜湯勁濃郁且甜，麵包外層微脆內層超軟，湯同包都好味道。#3 香煎大蝦配椰菜花蕃茄忌廉汁燴意大利飯（$88）賣相平凡，但味道超凡。個汁超好味，淡淡蕃茄味唔會太over，令忌廉汁唔會太heavy，即時有2個層次，飯粒煮得恰到好處，配埋椰菜花碎有爽口口感，好味道。4隻蝦彈牙。PS：好快已經賣哂。#5 烤安格斯西冷配黑椒汁（$128）要咗5成熟，火侯控制得很好，煮得剛剛好，而且烤得好靚。所以即使塊牛比較普通（這個價錢都預咗），食落都令到件事提升了。另外炸薯角都好味道。Apple Crumble with Vanilla ice-cream（$65）食完主餐追加一份甜品。蘋果金寶一上枱已經好香，上層香脆，下層蘋果甜。唔太好甜品嘅我都覺得幾好食。

話說最近同男朋友去左間幾有情調嘅餐廳 叫做vision 8 🐻🐻好鐘意依間餐廳 不但食物質素好 而且環境好有氣氛 好適合慶祝節日❤️ 餐廳員工又好有禮貌 會同你傾下偈 🐻🐻十分推薦🥰🐻🐻食咗:餐包有三款滿足你唔同口感嘅需要 一款係薄而脆 一款係鬆軟 一款係法包咁外脆內軟 配埋佢個黑松露牛油 食到🐻🐻停唔到口🥹燒牛肉羅馬生菜炸洋蔥圈配蜂蜜芥末蛋黃醬 - $148燒牛肉厚切有口感 半生熟 一啲都唔‘孩’😍 洋蔥圈香脆清甜唔厚粉 生菜新鮮爽口 每一啖都食到佢酸甜嘅蛋黃醬 係十分醒胃又豐富嘅前菜🌟Rate: 8.8/10龍蝦忌廉湯 - $88依個係🐻🐻飲龍蝦湯唔覺得過咸嘅第一次🥲 十分足料 內裏嘅蝦肉十分彈牙👍🏻 🌟Rate: 8.5/10野菌忌廉湯配黑松露 - $78依個都係好足料 啖啖蘑菇粒 但忌廉湯仍然相當綿滑 最正係佢有淡淡嘅黑松露味增加左層次🥰 🌟Rate: 8.6/10煙三文魚配千島醬薄餅 - $138依個係必食推介‼️ 依個薄餅係薄身嘅(唔係厚批）佢餅邊脆口但冇燶 而近中心嘅位置就軟身同鋪滿芝士 芝士底下有千島醬同洋蔥 味道很搭 最出色嘅係佢千島醬嘅味冇掩蓋三文魚嘅煙薰味 每一啖配埋

是晚荃灣撐枱腳👯‍♀️ 睇OP食評個個都話老闆好nice，小店都有服務👍🏻當晚都好多情侶幫襯。～餐包熱度滿分，自製黑松露牛油無得輸～燒牛肉羅馬生菜炸洋蔥圈配蜂蜜芥未蛋黃醬平時少食呢類沙律，驚喜地發現燒牛肉份量都幾多，僅僅熟，雖然係凍食但都有肉香，汁醬都剛剛好不膩。～蘋果木燒西班牙黑毛豬扒 芥末汁豬扒燒得好靚，切開有肉汁，肉質鬆化，肥膏唔多，所以覺得好正，本人唔食肥膏的。底層有一片片焗薯仔，芝士焗過香噴噴。～龍蝦忌廉濃湯個湯超熱，熱到燙口，我地好滿意。龍蝦湯質地滑溜，好濃好濃，飲落仲有頗多蝦肉粒粒，係爽口嘅，超班。～香煎比目魚配菠菜忌廉汁燴天使麵比目魚油香十足，魚皮有煎到脆口，少少焦香。天使麵偏軟身，同菠菜忌廉汁都幾配襯，熱辣辣好好味。

荃灣除咗出名天橋數量多，有堅離地城嘅外號，食肆數目都多不勝數，成街都係卡路里😆😆中、西、意、法、日，火鍋、串燒、壽司，高級嘅、親民嘅，選擇多多唔怕冇嘢食，最怕你有選擇困難症！我同老公今晚就揀咗食西餐撐枱腳😘😘餐廳位於兆和街，細細間，走平實低調路線，水泥牆加埋柔和燈光都頗浪漫舒適！7點鍾入座，不久已有不少已訂位嘅客人陸續入座，好快已有八成滿，睇嚟都好受歡迎有不少熟客。食物有質素，就連餐包都有兩款，上檯時熱辣辣，配個松露牛油醬，松露加埋牛油香上加香非常正。龍蝦忌廉濃湯$88個湯好濃郁，龍蝦味非常重，忌廉令個湯更香滑，裏面仲有一粒粒龍蝦肉，真材實料嘅！野菌忌廉湯配黑松露菌油$78個湯好杰身，飲落去滿口野菌，既香且滑大滿足。炸粗薯條配黑松露醬$58薯條連皮炸，粗身肥嘟嘟而且份量大，好抵食。蒜片欖油西洋菜配意大利扁麵$108意大利扁麵加埋西洋菜，呢個配搭好特別，但又幾夾喎，一啖有兩個質感兩個味道，西洋菜獨有嘅香味加埋蒜香🧄我喜歡💕威靈頓牛柳$348威靈頓牛柳喺呢度嘅招牌菜，用黑松露醬包裹住牛柳，再包上酥皮去焗，火候掌握係好重要嘅，要做到牛柳嫩滑唔太熟真係好考功夫！牛柳熟度剛剛好，夠淋滑有牛味正喎

餐包十分鬆軟 本身已經帶有咸味 配上黑松露味牛油 🧈一揸即刻被包上嘅熱力溶化 都幾香口好食 令人忍唔住想食 但偏咸酥炸芝麻雞翼🍗雞翼熱辣辣 多肉汁 炸皮唔厚好脆 似放題雞翼煙三文魚凱撤沙律🥗上枱個陣經已勻處理醬汁 菜清爽翠綠🥬 三文魚唔算重口味🐟整體味道幾清新 朋友覺得醬汁多左D 我就覺得岩岩好西班牙風乾火腿薄餅🍕薄餅底 口感硬脆 幾好食 唔會太膩 幾欣賞洋蔥🧅 芝麻菜🥬香氣十足 亦為薄餅帶黎水份Parma ham 豬味重🐖芝士🧀唔算濃 但幾好食蘋果木🪵燒西班牙黑毛豬鞍扒🍖豬扒有肉汁 亦帶有煙熏香味🍂櫻桃蘿蔔 紅蘿蔔🥕 椰菜仔 薯片蓉🥔做配菜 特別係薯蓉好好食😋心太軟表面輕微焦脆 流心 香朱古力味🍫雪糕🍦係有沙冰感嘅雲呢拿雪糕會定時見隻碟污糟幫手換碟 態度十分好 對每位食客都有講有笑餐廳平日都多人去 枱椅空間唔大 會聽到隔離位聲音

有水準嘅西餐廳，餐廳座位唔算多，weekday夜晚都幾熱鬧，serve我哋嘅侍應好有禮貌，每次我講”唔該”，佢都誠懇地回番”唔使客氣”，即刻加分，佢同啲客都有講有笑，餐廳氣氛幾好!! 🔘炸薯條配搭黑松露醬好香，屬於偏粗嘅薯條，外脆內軟，凍咗都依然好食!! 🔘燒牛肉羅馬生菜炸洋蔥燒牛肉呈粉紅色冇血水，口感軟熟，羅馬生菜爽脆新鮮，蜂蜜芥末醬汁同牛肉好夾!!! 🔘鮮菇蜆肉茄醬意粉鍾意意粉嘅口感，夠彈牙掛汁!! 🔘燒西班牙黑毛豬扒用上有骨的豬鞍扒，都幾厚身，連着肥膏嘅部位最好食，配菜有紅蘿蔔、椰菜仔同忌廉焗薯!! 🔘心太軟嚟過幾次都冇食甜品，今次試完有驚喜，流心效果好滿意，朱古力味濃郁!!

食盡荃灣之西餐 — Vision8————————————————————荃灣多美食就係人都知嫁啦，但今日真係好想介紹呢間離荃灣地鐵站只需幾分鐘路程嘅西班牙菜餐廳俾大家😛餐廳既門口唔係特別搶眼，但係內部既裝修同偏暗嘅燈光幾有情調😛 一入到去就見到老闆同客人有講有笑，仲見到有塊板上面有好多唔同客人嘅留影，似乎好多人會選擇呢間餐廳用作慶祝節日或生日用途🤔🔸 煙三文魚凱撒沙律 $128三文魚有五六塊， 芝士同麵包碎亦都非常足，沙律菜係我鍾意食嘅菜唔會苦😋🔸 炸粗薯條配黑松露醬 $58炸薯條嘅份量令人震驚😱多到我唔知點形容，應該要3，4個人分先得， 薯條外脆內軟，熱辣辣新鮮炸配埋黑松露醬，正呀！😋🔸 蘑菇配意式辣肉腸薄餅 $138薄餅焗得好好， 個餡夠juicy得黎，外圍嘅邊邊有又脆卜卜🤩d芝士有拉絲效果，味道亦夠濃😋🔸 蘋果木燒西班牙黑毛豬鞍扒 $258豬鞍扒嘅擺碟好精緻，上枱聞到好香嘅木燻味🥰， 豬鞍扒切開會見到pinkpink地，係燒得啱啱好， 唔會熟過龍，肉質咬落去保持到嫩滑😋好有豬味🐷🔸心太軟 $68呢個心太軟冇得彈❤️，雪糕好夠凍又唔水，心太軟又夠熱d 朱古力流一禁就曬出嚟，夾埋一齊

呢個星期好多野做好攰，趁星期五放工就見下朋友傾下計輕鬆下。我地特登揀咗間坐得舒服又啱傾計既西餐廳，餐廳燈光柔和舒適，令人好放鬆。餐前有三款麵包，全部都熱辣辣。麵包有軟有硬有脆，再配埋黑松露醬，讚！餐湯係粟米忌廉湯，啖湯幼滑濃郁，而且入面有唔少香甜既粟米粒👍🏻酥炸芝麻雞翼（＄68）雞翼係即叫即炸，嚟到既時候香氣撲鼻。雞翼呈誘人既金黃色，上面綴咗唔少芝麻。雞翼微辣，咬落去嫩滑多汁，十分惹味！小元貝西蘭花忌廉汁燴意大利飯配加拿大海膽（＄198）嗰飯十分creamy，小元貝頗有鮮味，海膽口感綿密，味道鮮甜。西蘭花切得細緻，同意大利飯融合得很好。烤美國極佳級肩胛牛扒 （＄288）我地揀咗七成熟同紅酒汁。牛扒上碟既時候已經幫我地切好，好似迷你版既聖誕樹幹蛋糕咁，好可愛~牛扒既牛味濃厚，肉質具彈性，但食落唔會太膩，唔錯！另外好欣賞佢既薯蓉保留咗薯仔粒既口感，所以軟綿得嚟有咬口。Apple crumble 配雲呢拿雪糕（＄65）平時好少食Apple crumble，見到有就忍不住點了。蘋果焗得熱辣辣，帶點微酸，上面層奶酥甜甜地，兩者好夾。將雪糕加埋一齊食，一凍一熱互相交融，唔錯！跟餐一人一杯野飲

荃灣意大利菜，雖然環境雖然細細，但食物質素同服務態度都非常高質。之前食過，已經念念不忘。係拍拖或兩三知己相聚的好地方。先上一籃熱辣辣既麵包，仲配有黑松露味牛油🧈好好味😋。三款麵包都各有特色，薄脆、鬆軟、軟脆，三種口感。蕃茄忌廉湯 $45今日嘅餐湯係蕃茄菜湯，蕃茄味好濃郁，超級熱辣辣。V8 經典蟹餅沙律 $148炸蟹餅裏面有好多一絲絲嘅蟹肉，真材實料，好鮮甜，外皮又好脆，仲有洋蔥嘅香味，配埋沙律食好Fresh。煙三文魚千島醬pizza $138 一拉就出長長芝士。煙三文魚咸咸香香，加埋火箭菜同芽菜清新嘅味道能夠。🍕餅底係薄脆。蘋果木燒西班牙黑毛豬安扒 配紅酒汁 $258豬鞍厚身，啖啖肉。一入口就有一陣好香嘅煙熏味，肉質軟嫩Juicy，邊邊位嘅肥脂燒過後仲香口，配菜有芝士薯蓉，紅蘿蔔，椰菜仔。低下的薯蓉都好有誠意，有好香奶油味。心太軟配雲呢拿雪糕 $68最後甜品畫上完美句號。超好食！係我食過數一數二好食的心太軟。一切開d朱古力醬好澎湃咁流出來。焗到外層朱古力蛋糕有少少脆，朱古力味好濃郁，熱辣辣配上冰凍嘅雲呢拿雪糕🍦，超級正！好出色！

係荃灣放工係地鐵站附近見到依間叫Vision 8 既西餐廳~燒牛肉沙律:🥗5-6塊牛肉,凍食~肉味好重🙊🙊比目魚菠菜天使麵: 一上枱就feel 到好健康😂 忌廉味唔太重唔太漏😌蘋果木燒西班牙黑毛豬鞍扒:size 大過塊面好有驚喜😍好香野外燒烤香氣🤤咬落仲好juicy🤤HK$258 黎講我覺得幾值👍👍另外佢仲有歐陸套餐~又有生蠔~同埋Apple Crumble 做甜品🍎 好適合同好朋友, 三五知己小聚食用😚😚

二訪呢一間位於荃灣兆和街嘅西餐🍽仍然比餐廳別出心裁嘅菜式同埋溫暖人心嘅細節同服務打動🧏🏻‍♀️🧏🏻‍♀️沒有華麗嘅裝修，但絕對會令你滿載而歸🫶🏻一入到餐廳，就被牆上張張手寫嘅餐牌吸引咗，📜🖌感覺回到過去，入咗一間舊式高級西餐廳咁，手寫嘅餐牌推介住每日特別佳餚，配上搞笑得意嘅插畫😬😬唔覺意都望咗好耐，我哋揀好食咩之後，侍應就送上餐前麵包，總共有三款麵包🥖🍞🥐全部都係暖暖的，配上配黑松露牛油🧈淡淡松露清香，打開你嘅味蕾香煎蟹餅伴沙律配油醋汁（ $148 ）🦀🥗前菜我哋叫咗蟹餅，切開蟹餅，綿密豐富嘅蟹肉滿瀉眼前🥛忌廉嘅牛奶味將蟹肉味道昇華，而沙律用上左黑醋汁，正好中和蟹餅嘅飽和感🍃🌿甘筍忌廉湯（ $45）🥕🥕甘筍經過牛油翻炒之後再熬成濃湯，甘甜美味，一口接一口🫕香煎比目魚配菠菜忌廉汁燴天使麵（$148）🍝🐟呢度菜式係令我今晚最經驗嘅一道菜，比目魚香煎火候掌握得十分之好，不多不少，表面香脆，切開放入口魚肉在口中溶化🥹🥹留下陣陣魚油香氣，出色，菠菜忌廉汁調味亦做得相當之好，用燴麵手法炮製，每條麵都沾上醬汁，作為多醬人十分滿意💯💯烤美國極佳級肩胛牛扒配芥末汁（$288）🥩🥩肩胛牛經過慢煮處理，牛味極濃