Tuen Mun Baguettes

营业中

休息中

今日經過，特登行去買個越式法包嚟食😍😍😍叫咗香茅豬肉法包同埋青檸紅茶😘香茅豬肉法包一如以往咁好食🥹🥹🥹由於今日我係即買即刻坐咗喺隔離啲凳食 所以個包仲係熱辣辣 同埋好鬆脆😍 啲配菜同埋香茅豬肉勁夾 個醬都超好味😍😍😍😍😍而青檸紅茶就一般啦😚個包我一個女仔都食唔晒，絕對可以兩個人share😇一個包加一杯嘢飲都只係40幾蚊我覺得好抵🤪❤️同埋我覺得呢一個真係全香港最好食嘅越式法包，如果經開屯門真係好值得買嚟食❤️

Tuen Mun Baguettes 𓂃𖠚∗ᤲ𑀇 屯門達仁坊24號好運洋樓地下15號舖Shop 15, G/F, Lucky Building, 24 Tat Yan Square, Tuen Mun𖡘𖤣 (˙-˙ ٥) (˙-˙ ٥)𖦞 越南雞肉法包𖦞 越南咖啡· ┈┈┈┈┈┈ · ꕥ · ┈┈┈┈┈┈ ·𖦞 越南雞肉法包 $39小鋪選擇唔多 主要有 雞肉法包 豬肉法包 牛肉法包當中我最愛就一定係 雞肉法包 份量豐富 口感十足 法包脆口 有驚喜 包身鬆軟​​煙靭 雞肉嫩滑惹味有肉汁 中間配有青瓜肉醬連酸甜嘅越式配菜 開胃解膩 但個人嚟講 略嫌配料可以凍啲 配上即炸雞肉 冰火兩重天 口感會更好 *如果一人食會飽到上心口  建議就分半兩份食啦* 𖦞 越南咖啡 ＋$8野飲就相對普通 係平常越南咖啡冲包味道 · ┈┈┈┈┈┈ · ꕥ · ┈┈┈┈┈┈ ·܀ ‎‎‎܀‎‎܀‎‎܀ Follow @chillfoodbasis for more 📸

今日同朋友買家具，買到晏一晏，咁就緊係要抖下啦！去左屯門朋友激推既越南法包到買野食😂😂。朋友介紹食雞肉🐔同豬肉🐷，就2樣都試齊佢，仲要左2杯🥤🍵，一杯青檸梳打，一杯檸茶。（本身想要咖啡☕，不過太晏啦，下次先再試）買左之後再等車上到屋企，個包🍞凍左，心諗，會唔會好難食😂（明明係自己造成🙈）點知又好有驚喜‼️ ▪️先講包底🍞，幾香口脆口（熱應該再脆啲），入面質地緊密，有咬口（唔係一啖風🌬️既面包）。包既入面有一層幾厚既肉醬，唔會太咸，幾惹味❣️ ▪️雞肉🐔，肉都幾嫩幾滑，仲有啲肉汁～香料味幾香👍🏻 ▪️豬肉🐷，幾有驚喜，啲肉易咬開，有小小肥肉位，燒得好香，香料配得幾好，食唔出有奇怪味，油香四溢🤤 ▪️配菜，酸菜🥕，青瓜🥒幾脆口（新鮮啲⁉️） ▪️到野飲啦‼️要提醒大家一句❗我犯左天下所有（男❓）人都會犯既錯🤦🏻‍♂️走左冰🧊‼️呢2杯野飲，我地飲左一啖，就覺得好普通，唔特別好味🙃，之後就擺左入冷宮⛄，食下野先～點知過左一個鐘左右，拎反出黎飲，發現2杯既啲檸🍋sss味出晒黎，唔太甜，又順口，仲好爽，配啲香料🐔🐷🍞食都真係幾夾！

依個包揀直係令我對越南野食完全改觀。睇youtube見人介紹已經好想食，第一次為左依個包專登入屯門！依個包真係好脆同埋好香！成個包咬邊個位都好好味，啲肉汁滲晒落個包，但都仲可以維持到脆卜卜咁，同埋好多涵好足料超級好食。另外再嗌多左個越式春卷同埋青檸梳打，春卷塊皮好薄，一咬就斷開。個涵又係好滿好豐富。而青檸梳打就正正常常，覺得啲食物好食啲。所有野都係即嗌即整，全部都係新鮮熱辣辣。大概要等5分鐘左右，餐廳冇位坐不過餐廳對出有好多張櫈

住咗咁耐都講唔出屯門有咩好嘢食，但自從睇咗條YouTube片，就認識咗依間係新墟其貌不揚嘅越式法包店。店舖選擇唔多，食過咁多次，最愛都係雞肉法包，第二係豬肉法包，第三係牛肉法包（有次試過有啲啲柴）。真係次次都飽到上心口，肉量豐富，中間仲會夾埋酸甜嘅越式泡菜，開胃解膩。今次仲叫埋個春卷撈檬，春卷會另外分開放，所以拎到番屋企先食，佢都仲係脆卜卜，而且又係大大條，性價比十分之高，女孩子同人share都好足夠。

不愧為友人大推既屯門名物， ，雖然店鋪真係唔起眼，但呢間越式法包，包既外圍非常脆口，入邊有勁多粒大大既雞肉，仲有粉絲、羅白、青瓜、肉碎，加左呢d口感更多層次，食落唔會得個肉字，仲有爽口感！兩隻手大既法包俾佢d餡料塞到爆晒！食完勁滿足，絕對對得起佢39$既價錢！利申：真係食唔晒！強烈建議大家二人分享😋😋😋兩個人一人食一半應該岩岩好，下次有機會試埋佢個招牌豬扒包先！

(っ◔◡◔)っ ♥ 香茅豬扒ᴮᵃᵍᵘᵉᵗᵗᵉ 🥖♥ HK$36同樣即叫即做所以要俾啲耐性去等😜個法包焗得好脆..辣手架😂豬扒調味夠足料，無骨無根位配上酸蘿蔔絲好fresh 嘅感覺🤤一試愛上😍(っ◔◡◔)っ ♥ 冰越式ᶜᵒᶠᶠᵉᵉ 🥖♥ HK$8有驚喜嘅一杯咖啡☕️啡味濃..亦唔係上凍下暖嘅凍咖啡😂對我嚟係甜左d 啫整體超抵飲😍😍小店以外賣為主🤗款式唔算多勝在店外有個公園空間人流唔多疫情下掃街都安心☺️

之前喺社交平台一直都有人話呢一間嘅發包，非常之唔錯，今日終於有機會試到店舖位置係新虛附近，淨係做外賣，永遠都會有客人喺出邊等緊，我買嘅時候就見到有兩位警員一共買咗10個以上嘅香茅豬扒發包👍雖然我係第一次幫襯，但係睇得出佢已經加咗價喺網上搜尋之前可以做到$30樓下而家接近要$40 不過以佢嘅受歡迎程度，我覺得呢個價錢都尚算合理呢個法包我叫佢切開一半，睇得出非常之足料，而且入邊蔬菜（應該有微微醃製），同埋好似吞拿魚蓉嘅肝醬，味道配合得非常之唔錯👍 我再食嘅時候已經係隔咗六個鐘夜晚，用微波爐叮熱，法包依然非常之脆口，而且入邊嘅豬肉非常之入味，值得推介！

《不負責任食評 — Tuen Mun Baguettes》評分：🌕🌕🌕🌕🌗總評：係youtube見到有人介紹落開屯門又去試下越式法包賣$38個都無乜期望但又比我想像中足料同好味😋香茅豬排無乜香茅味但唔會炸到好乾好鞋 味道都ok配料仲有啲甜酸醃蘿蔔、肝醬法包仲要脆而不硬呢個價錢黎講真係好高質🤭🤭🤭另外叫左青檸梳打 配埋薄荷葉好清新越式咖啡濃郁又唔苦兩杯都係$8杯 好抵食😻推介屯門街坊試下🫶🏻唯一係外賣店 可以坐門口食但如果夏天要坐街食實熱死🫠

屯門區無乜好食嘅越南嘢，但太耐無食就係OpenRice 搵吓，見到呢間好多正評就試吓。香茅豬扒飯豬扒味道夠，但飯就比較多（女仔食一定要叫少飯，食唔曬。）加埋啲越式泡菜，酸酸咸咸都幾開胃。越式凍咖啡+越式豬肉法包咖啡甜度適中，個人認為比一般茶記咖啡好飲👍🏻而且只要$8，好抵飲✨稍嫌法包豬肉味道太淡，加上可能外賣關係，個包有啲奀，唔夠脆，可能即時食會好味好多，個人認為比飯略為遜色。喺屯門西鐵站行過去都唔係要太多時間，識路嘅話好快就識到。但原來因為前排電視節目介紹過，朝早十二點幾去到都已經有唔少人叫外賣了，我叫咗呢三樣嘢都大約等咗15-20分鐘，不過職員都有跟到order次序出單，所以都OK。但如果天氣熱要喺無冷氣嘅情況下等，都會有啲吃力

🫔香茅豬肉法包💰$36😈今日又想推介一下性價比都幾高質既良心小店💛呢間係一間專食越式Style既法包🥖佢呢到不設堂食只供外賣😝要推薦既係呢個香茅豬肉法包🥖但咁大個包同埋超多餡都只係$36勁平🤤佢個香茅豬肉超入味同好重香茅味😝而法包都好香脆佢入面仲有少少酸酸地既菜咁☺️夏天食都幾開胃🤤同埋老闆都好好人我話想影張相😩佢仲將個包擺上碟到俾我睇😣影完再幫我Pack返入袋💛其實佢個凍咖啡都吸引不過我買左幾樣野都無手拎了🤣所以下次會再岀Post分享一下個凍咖啡

小小店舖 好有街頭小食風味法包長身 足料又平價難怪咁多人去食🥖GRILLED POAK BAGUETTE 🐖GRILLED CHICKEN BAGUETTE 🐓香茅味都唔錯 肉質較為乾身有唔少菜絲做配料 多啲更好食飽會有啲口渴 有少少咸個SODA整得唔好一飲已經冇氣又冇味

份量足 味道好 越南法包好食今日又叫左個飯同麵 ，量大又好味再加埋咖啡岩岩好位置雖然唔系咁顯眼但系都唔難搵 希望佢地繼續努力推介系牛肉法飽同埋雞/牛肉撈麵，飯類不過不失啦

真係唔知點形容呢個法包，又平又好食，真係唔係普通嘅性價比高...$36一個咁足料嘅越南法包，真係唔知去邊到搵。外賣小店，無位堂食，如果唔係住附近，就唯有坐公園凳食。雞肉超級juicy，醃料非常好味，帶一點甜味，好香嘅炭燒味風味。法包底有肝醬同沙律醬，非常非常好食，配埋酥脆嘅法包，真係要即刻坐低食。多料到爆出黎，好多蘿蔔青瓜絲，可以解膩。老闆仲推介左佢地嘅越南咖啡，每杯只係$8，良心價錢唔知去邊度搵。

Tuen Mun Baguettes 🥖 呢間越式法包成日都聽到人話好好食😋終於有機會塊試到😍間鋪只有外賣🥡主打越式法包🥖但都有少許飯類同粉麵🍜今次我只係買左法包🥖我其實好怕食法包🥹因為普遍都偏硬🥶牙力唔夠既我⋯ 好難咬開🤪但呢間嘅法包食外脆內軟😯好易咬😍連細佬都食到😋法包入面除左有滿滿的肉😳仲有越式泡菜（白蘿蔔同紅蘿蔔絲）、肉醬、青瓜🥒、芫荽因為有泡菜同青瓜，即刻入面有滿滿的肉都唔會覺得膩🥰但我自己略嫌啲肉醬濃味左啲🤨不過呢個包絕對值得再食😋❤️🧡💛💚💙💜❤️🧡💛💚💙💜❤️🧡💛💚💙💜❤️🧡💛💚💙💜#food #foodie #foodiehk #yummy #yummyfood #baguettes #pork #beef #bread #tuenmun #tuenmunfood #banhmi #親子 #美食 #美食推薦 #越式法包 #法包 #好味#屯門 #屯門美食 #屯門小店 #越式店小胖子與排骨