Tuen Mun Baguettes

营业中

休息中

✨飯類都有驚喜由係未搬舖之前已經有食法包，到搬左係新舖之後覺得乾淨啲衛生啲，新舖的確遠左小小但有時都會掛住行去買。平時都主要係食法包，但今日好肚餓就決定試下佢啲飯。🐔炸雞肉飯 $52開頭叫炸雞飯以為會係有粉醬包住嘅炸雞，食落係同法包餡嘅雞肉相似。打開睇原來飯係包埋一隻煎蛋，菜心、配上小小豉油同葱油，睇落份量好似普通。一路食先知原來配醃蘿蔔絲同紅蘿蔔絲，配上飯食好清新。雞肉份量都可以，食落都有汁唔會乾。配上紅蘿蔔絲解左雞嘅油膩感。食食下就食完成碗飯，加上配料食完就好飽。凍咖啡 配餐 加 $8☕️咖啡味濃，同一般越南咖啡一樣偏甜。飲飲都都有少少上癮🙈如果平時食開法包，都不妨可以試試佢個飯。轉下口感，雖然配料同法包大致上相似，但食落都有驚喜。小店主打外賣，見到有時有比食客坐係旁邊快快食完。放飯時佢地有時都比較多單，都要等耐小小，有需要可以打去電話落單先☺️

見到咁多好評，仲講到係正宗越式法包店，所以專程從外區入來試～order 了一個香茅豬肉法包$42和跟餐加$10的越式凍咖啡。等了約5分鐘就有。豬肉料多，肉質不錯，肉質處理比越南好👍🏻 配上蘿蔔絲青瓜絲和芫荽。但法包🥖令人失望🥲 我已即場食，但法包完全不是外脆內軟，仲有啲靭，完全唔係越南正宗好食法包😫😫凍咖啡太甜，比越南仲要甜😶‍🌫️ 總評：價錢相宜，但食物失望而回，完全比唔上越南地道法包🥲 唔值得專登入去食

好鍾意食但真係可遇不可求嘅小店經過十次八次可能只係撞啱一兩次有開就算有開門都好多時冇晒我想食嘅嘢佢個扎肉法包好好食 平時都係叫呢個不過今次有啲肚餓就叫咗撈檬同飯拎走叫咗一個越式春卷撈檬一個香茅雞肉撈檬一個香茅豬扒飯佢個魚露酸辣汁好好食少少辣得嚟係好爽好惹味嗰種個香茅雞肉好好味 好嫩唔鞋口春卷都唔錯 但如果可以將一條剪成兩嚿會更加方便客人食香茅豬扒飯冇諗到佢仲加隻蛋落去哈哈就當係bonus啦連配菜都唔少㗎 夠晒飽肚三樣嘢百五蚊都唔駛 好抵又好食下次再試下佢啲撈麵先 好似未見過越南舖會有撈麵食

📍Tuen Mun Baguettes屯門達仁坊24號好運洋樓地下15號舖🐷🥖香茅豬肉法包 $39🐥🥖雞肉法包 $39🫔越式春卷 $35🍋🥤凍青檸薄荷葉梳打 +$8今日接女朋友收工之後番左屯門搵野食，今日繼續係女朋友推介系列😆呢間越式小店淨係做外賣，食物既款式唔算好多，有越式法包、撈檬、撈麵同飯。我同女朋友一人叫左一個法包，跟住叫一個小食同一杯野飲。兩個人食到飽晒，加埋都係$121😆想讚吓佢地既法包，除左足料之後，豬扒同雞扒都煎得好香脆😋法包烘熱完好鬆軟，入面塗滿肉碎同酸蘿蔔。本身擔心食咁大個包會有啲厭，但係佢地真係整得好好食😋佢地既春卷同平時既越式春卷唔一樣🤔層皮有啲似腐皮，而餡都好足料🤤雖然佢地款式唔多，但我諗我得閒都會想去食番同樣既野食😆😆#bunnytummy_新界#bunnytummy_屯門#bunnytummy_越南菜#bunnytummy_外賣 #香港foodie #食好西 香港美食 #hkfoodblogger#hkfoodie #hkig #香港好去處 #拍拖好去處

夜晚一個人收工咁啱經過呢度附近😳呢間餐廳又一直好想試🤫所以就行左過黎試試佢😜今次叫左個香茅豬肉法包加個薄荷特飲🤤即叫即整所以都等左一陣😆個法包入面好多豬肉好足料好嫩😋同時有淡淡嘅香茅味配埋佢個醬同埋脆口嘅法包仲有少少蔬菜係一個完美嘅配搭😍至於薄荷特飲幾清新幾fresh☘️加幾蚊黎講都可以試埋佢🤏不過本身比較大食所以食完一個對我黎講唔係好飽😂建議如果2個人黎可以叫3個包食🤫咁就可以試多兩款了😉但呢間係外賣店黎所以要企係到食或者坐喺街嘅長凳度食🙌🏻價錢：8/10味道：8/10服務：7/10環境：6.5/10

第一次入屯門，估唔到因為趕時間，結果行左陣商場加買左個法包就走左lmao。個包幾好食，以前係越南買過同類野食都覺得唔好食，估唔到香港食到個真係正既法包🙈而且老闆好好人，見我地趕就好快整左個俾我地，好耐冇係香港遇過咁好既老闆/店員，感動🥺如果你睇到既話多謝你!!!有機會再入一定再去買~

😬我個人覺得幾好食 同埋好足料🤤 小店係越南人開的 食物主打越南法包 同埋檬粉個日想食埋春捲 可惜賣嗮🥲雖然真係有少少遠 身為區外人 我都覺得值得久唔久去一次 住附近既就一定要食🩷☺️唯獨一個缺點就係佢只限外賣🥡 食法包都還好 但係食麵既話就真係麻煩少少 我見附近都有個公園 有凳 可能要坐係個到食👀扎肉法包（$39）法包超級脆 食到裡面麵包又保持到鬆軟既口感🥖 即使我哋唔係即刻食都唔會淋嗮 扎肉係側邊煎到脆脆哋 應該用左雞肉扎肉 而且精綷就係個肝醬超級香 仲超級大方咁🤓 配菜方面有大量醃蘿蔔同埋青瓜🥒 酸酸哋同成個包幾夾 有幾fresh🥗香茅牛肉撈檬（$48）大大盒 好抵食！撈檬個隻好香 酸酸哋 好重魚露同埋越南香草味🌿 同埋唔係好辣🫶🏻 餐廳絕對唔吝嗇牛肉份量 超級多 牛肉好重香茅味 煎得好香 煮得啱啱好 唔會過熟 仲係好淋🤞🏻隔離都配左唔少生菜🥬、青瓜🥒、芫茜 令到成個餐唔會太膩 配埋牛肉食好解膩👍🏻越南咖啡☕️（$18）我覺得咖啡味幾香 可惜可能夏天太熱🥵 搞到冰溶得太快 咖啡味變得好淡😿📍 Tuen Mun Baguettes (屯門)地址：屯門達仁坊24號好運洋樓地下15號舖

非常喜歡食banh mi嘅我，係屯門發現左寶藏！一間一啲都唔起眼的小鋪頭，竟然有平靚正越南包！佢個香茅豬肉法包真係不得了！巨型又足料，而且只售$39🤩 連肝醬都非常多，肉又多😂男朋友點左雞蛋越南包，平時唔中意食包嘅佢都話好好食。即叫即做，麵包脆脆，熱辣辣正！係一間小小的外賣店，中午2點幾去不算多人。只有幾個客人排隊。老闆態度親切，應該係越南人😆屯門人must try👍🏼 真係好鬼大件，好味又抵食。

之前成日聽人介紹屯門有間法包好好食，今次終於有機會一嘗佢真身。由於現在冇咩堂食位，我都係買完企係側邊食。試左一個法包同撈面。法包十分足料，肉質好多汁鮮甜，配上配菜，覺得真係可以比美自己係越南食過既法包。撈面同樣出色，十分足料飽肚。呢個價錢絕對係100分，一定會再回訪！

><之前大概係5月中去食 唔熟路搵緊鋪頭位置之際突然聞到好香嘅嘢食味 所以就locate到🤣🤣香茅豬肉法包/ 雞肉法包(39)個包拎到返去仲脆身煙韌材料滿滿 肉腍入味 肝醬好食 法包有3/4前手臂咁長 食到飽晒春卷(35)似素餡料 唔油膩要蘸汁先夠味青檸梳打/越式咖啡(+8)咖啡幾香滑見佢新出咗粟米奶同煎餅 好吸引><><><><><><><><><><Tuen Mun Baguettes屯門達仁坊24號好運洋樓地下15號舖

今次order咗香茅豬肉越南法包店員另外推介話今日有粟米汁新整就都買咗支試下個法包一拎上有好重手點知打開個袋除咗好鬼香之外d饀料真係好多除咗滿滿嘅香茅豬肉入面有青瓜、紅白蘿蔔絲、肝醬一咬法包就聽到好清脆嘅聲音入口一d都唔乾而且香茅豬肉加上配菜酸酸甜甜真係會令人一咬再想咬真係好好味而且價錢一d都唔貴真係性價比高如果添記係食歷史呢個係食味道而order咗嘅粟米汁個人就覺得好似飲緊日本果d粟米湯咁不過係凍嘅version

終於試左屯門越南法包☺️揀左雞肉法包～食落有驚喜🫶🏻好抵食兼有質素！重點係即叫即整～新鮮滾熱辣，但剩係得外賣🥡☺️話說小編唔係第一次食越式法包🥖依款性價比高，大家記住得閑去試吓❤️1️⃣越式雞肉法包 $39越式雞肉法包拎上手好有重量大大份～包身咬落口感鬆軟唔乾，雞肉份量幾多有3-4嚿食落惹味仲有好多肉汁～仲有啲雞皮起面好香口～裏面餡料有肉醬、酸蘿蔔絲、青瓜🥒同少量芫荽～食落開胃又唔膩超好味🤤個人認為如果多番啲芫荽更正😆2️⃣凍青檸薄荷葉梳打 跟餐加$8飲落好香濃薄荷葉味幾清新🍋有淡淡青檸味走甜都唔會酸同梳打水好夾～雖然唔算大杯，值得欣賞凍飲無冰🫰🏻

上次長征屯門點會食個粢飯就擺⋯⋯口😈真正目的係呢一間越南法包呀🤤老闆係純正越南人🥖來港創業選擇帶自己家鄉美食法包款式唔算多 但即叫即製 某類食材係需由越南訂購返黎甚至簡單到⋯肝醬都係店家自家製😚連法包都係有自己食譜叫廠家照做有質素有誠意 定價又貼地😆😆火速走紅絕對合理⍥ 越式雞肉法包 ❙ $39大約等左8分鐘法包熱焫焫 好重手🥰😍非常香脆 唔會介親上顎雞肉布滿外圍份量雖然唔係逼爆🫶🏻但呢個價錢黎講算十分慷慨而且juicy有肉汁 一啲都唔乾 海量自家製紅蘿蔔絲及蘿蔔絲 唔會過酸 但又令成件事幾清新🙌🏻肝醬係每日自家製 更顯誠意💓⍥ 粟米奶 ❙ $19比我隻史‘s眼𥄫到雪櫃有粟米奶😎大約手掌咁上下高身又係小店自家作品有奶香之餘又不失粟米香甜飲飲下仲有層腐皮咁既野十足十煲奶時面頭果層皮😚如果想健康少少呢個粟米奶係一個唔錯選擇😌

放假長征屯門，當然要把握機會掃掃街😆今次終於經過食到聞名已久的Tuen Mum Baguette🥖鋪頭比較隱蔽、唔起眼，要花啲心機先搵到😛不過味道的確值得前來一試。位於何福堂附近，新墟過條天橋去對面大排檔果邊。建議食完法包點，可以順路去埋很得輝食炸脾，同隱啡嘆杯咖啡，咁就係prefect tea😙豬肉越南法包 $39平時一個法包都要50up，而呢個價錢來講質素非常高。所有配菜、豬肉同汁比例啱啱好，去開屯門不妨一試👍🏻

牛肉法包- 法包外皮夠硬夠脆，包身軟熟，剛好用手拿著吃時包身不會扁塔，吃到最尾餡料仍可夾在包中而不會漏出來👍🏽- 餡料有牛肉、青瓜絲、紅蘿蔔絲、酸菜、芫茜、肝醬，餡料份量足夠，味道酸甜鹹混合起來非常惹味，令人忍唔住一口接一口吃下去。如果喜歡芫茜的朋友一定愛不惜手，牛肉不是嫩滑的那種，是烤得帶點焦香而很惹味，而且牛肉份量不少，吃到最尾都仍有牛肉，完全是良心的表現👍🏽- 即叫即整，等待8分鐘左右，$39可以滿足你一餐的需要，屯門人引以為傲的推介小店👍🏽