Tuen Mun Baguettes

营业中

休息中

之前喺越南都成日食呢種法包，先唔好講食物質素普通，職員態度完全唔掂，問多幾句好似嫌你煩咁樣好似貼錢買難受咁。仲要俾我見到佢哋入邊勁污糟，見到用同一隻手摸完部手機同錢再去整個包就算有手套都係都係極度污糟。先唔好講而家疫情，就算冇疫情都完全唔可以接受，唔係話價錢唔高就可以唔使理衛生同服務態度，兩樣嘢冇衝突，如果連呢啲基本衛生同服務態度都做吾好，就真係唔建議開餐廳，總之一句講晒只此一次下不為例，當買個教訓

屯門越南法包 好吃死了🤤$36 內容好豐富佢有啲越式泡菜、有莞茜仲有啲豬潤雞潤蓉試過豬肉同雞肉覺得都好食淨係比啲泡菜夾住食我覺得都夠我滿足$8 越南凍咖啡勁爽 勁好飲🥲

話說諗唔到lunch食啲咩，淨係想食吓啲開胃嘅嘢，突然諗起呢間越式法包小店，於是就去咗買嚟食，咁啱呢日落雨，無咩人，落咗order等咗5-6分鐘就有，叫咗個香茅豬扒法包加蛋，再加多一個越式春卷(3件)，總共$70。法包勁足料，豬肉+各式各樣嘅配菜餡料夾埋一齊，成個包超過一隻手咁大，豬肉食落有淡淡嘅香茅味，焦香得嚟又juicy，配埋啲酸菜、肉醬同埋雞蛋，口感真係豐富到爆燈。另外春卷都非常香脆可口，食嘅時候配埋佢側邊啲配菜例如青瓜、生菜、酸蘿蔔絲同香草，點埋個越式醬汁，夾埋一齊食酸酸甜甜，清爽開胃，一個人食哂兩樣嘢已經好飽，但又唔覺好濟，簡直喺滿足嘅一餐。

事緣係睇到某個群組介紹之後第二日就衝咗去買，間舖頭唔算太難搵，唔熟路的話最多係圍住橦大廈兜一個圈就一定搵到。門面細細只有一個收銀櫃同埋一個細雪櫃，後面就已經係廚房，所以由落 order 到等攞嘢食都係企喺舖頭外面。等咗大約10分鐘就有得拎，由於呢間舖頭冇堂食，所以買完就急急腳咁返屋企開餐。今次買咗春卷撈檬 + 越式牛肉法包 + 凍越南咖啡，冇記錯好似加埋大概 $90 左右，真係好抵！食評：好好食，春卷有 4 大條，配埋個魚露好正，個魚露唔係一味勁酸，淡淡哋配埋檬粉食好夾。法包勁脆，肉量同配料夠多重有個醬都唔搶味，好好味😋 另外個越南咖啡都好好飲，冇記錯的話只係 $8

舊鋪已經聽人講好味，所以好想試一試。店舖距離何福堂輕鐵站兩分鐘路程，都幾方便。店面小小的，如果你想買完即刻食， 老闆會開張細枱俾你坐係出面慢慢食😇叫佐個越式雞肉法包，等佐3分鐘左右就有得拎喇！一打開就聞到超香既香茅味，個樣又好吸引！個包夠哂脆，又唔會脆到硬，非常好！肉餡好豐富，有越式泡菜、青瓜，仲有睇唔到但食到味既芫茜，仲有好似沙律醬+？鵝肝醬，同幾片扎肉，加埋沾有香茅碎既雞肉，口感好豐富！雞肉好嫩滑多汁，又唔會有雞皮同肥膏，加埋啲啲香茅既碎，好好食啊！但第一下食落去覺得雞肉味道有點淡，但食食下又覺得同埋配料一齊食，都好好味！食完又好夠飽！舊總而言，好味又足料又抵，老闆又nice!