Top Blade Steak Lab (希慎道)

营业中

休息中

一直想試呢間嘅牛扒，礙於人多要排隊等位一直卻步，今日終於食到。傍晚六點黎到冇乜人，一入去就有得坐。店員會介紹menu，最後決定叫248蚊嗰塊牛扒，店員推介médium rare 係最好食。未有牛扒先有任食薯條，黑松露薯條超級香，熱辣辣好好食，唔點茄汁食原味係最正，忍唔住一條接一條。店員服務好好，會主動密密添薯條，一定食得飽！主角上場，八安士牛扒，肉質真係好腍，好juicy, 牛味好濃郁，超好食，八安士好快就食完，但都幾飽。另外有薯蓉伴碟，好香牛油味，配牛扒一流。Dirty lemonade 又係一杯精品。入口酸咪咪，非常消滯，檸檬味好重，同平時的lemonade 好唔同，好值得試。

終於過了一連兩星期的繁忙工作，可以來個小休息，到銅鑼灣和朋友吃Long Lunch。Top Blade Steak Lab位於銅鑼灣希慎道，從地鐵站出發不用十分鐘便到，地點十分方便就腳。這裏的午餐選擇十分多。除了lunch set之外，還可以單點其他，花多眼亂。我們一行二人點了兩個午餐互相分享。藜麥沙律(⭐⭐⭐⭐💢)清新爽口的開胃前菜。不同的沙律菜配上藜麥和吞拿魚，吃起來甜甜酸酸，十分開胃 。美式薯條(⭐⭐⭐⭐💢)新鮮熱辣炸成的薯條吃起來十分香脆可口，不會像麥當勞那些因放耐了而變得軟身。簡單的配合海鹽已經很好吃了。最重要的是薯條是無限Refill，我們足足加了兩次。客席主廚平鐵牛扒(⭐⭐⭐⭐⭐)我們叫的是Medium的熟度。表面煎得剛剛熟，切開裏面還有點紅，有少少血水。味道方面，牛扒吃起來超軟嫩，油脂甘香自口中滲出，肉味十分香濃。相比起日本和牛，我更為喜歡這種美國出產的牛肉，吃起來更有嚼口，而且有牛味教人回味無窮 。西班牙粟飼豬鞍架(⭐⭐⭐⭐⭐)這份豬鞍架份量十足，差不多是牛扒的三倍。大食的朋友也一定會吃飽。豬鞍架店員推薦是九成半的熟度，始終豬肉要較為小心。吃起來當然沒有牛扒那樣Jui

岩岩開張咗一個月，每次都經過都會俾佢嘅香味吸引。終於，係星期六晚食到啦。我地去之前有打電話問下有冇位，因為大約六點半，時間尚早，去到岩岩好有兩人位，唔使排隊，不過都坐滿哂。👉🏻Guest Chef’s Flat Iron Steak(客席主廚平鐵牛扒) $188肉質幾嫩，但因有太多筋，令到整體較韌。👉🏻Usda Prime 390days Grain Fed Flat Iron(美國390日谷飼Prime級平鐵牛扒) $248肉身唔係有好多脂肪，唔會入口即溶，但食落同和牛一樣嫩滑。👉🏻任食黑松露薯條黑松露同薯條好夾，薯條炸到好香脆，想一食再食😋。❗️小心熱氣🔥

我地一坐低店員開始介紹服務不錯，店員講解都幾詳細於是我地就叫左一份Herbly flat iron Steak & 是日推介仲加左super food salad & house soup 沙律加入藜麥、吞拿魚、車厘茄非常開胃。薯條係幼身薯，一般脆。可能係唔夠熱～店員久不久會問下要唔要加薯條服務態度真的不錯另外仲有Bless cold press apple earl grey tea其實加埋薯條，未等到主角已經飽左７成份量蠻多的～性價比真係唔錯終於等到２位主角我地個肚突然又餓返啦～賣相不錯呢～仲有朱古力醬Herbly flat iron Steak 牛味濃郁，肉質好厚實加左朱古力醬味道好特別呢款係是日推介　但期待既心情使我忘記了佢個名嫩口多汁，配上蒜粒食將味道提升

都有一排冇食過好牛～見呢間唔貴得黎又近近地，一於同老公試下裝修新淨，掛左幾張幾有趣既畫menu貴精不貴多，主食除左一款係豬，其它全部都係牛～侍應主動介紹左唔同主菜既特色及建議熟度，我地一場黎到就試下最top既prime級同埋今期限定既picanaha beef先～side dish我地今日唔太想食沙律，問左可以兩個都要湯咁叫，就加左個combo～不得不讚一下，呢個湯真係非常濃郁好飲，絕對落足料唔係一般罐頭野跟住就到左重點之一，任食既新鮮薯條最正既點係竟然有黑松露味呀d薯條真係非常高質，任食呢下真係要忍手唔好食咁多住，食埋主菜先繼續飲品我地分別叫左dirty lemonade同really dirty lemonade，分別其實就係後者加左whiskey唔會太甜，酸都幾夠酸，食牛食薯呢d咁濃味既野refresh 下就最～老公都表示加左whiskey既都幾大分別，個味幾有趣，下次屋企飲都可以試下溝埋佢flat iron prime 到～就咁睇都已經非常吸引，食落就非常鮮嫩有牛味份量唔細，薯蓉都好味，對得住個價值得一提既係佢地既醬係自製既，仲要好神奇係朱古力醬之前真係未試過咁樣食，係佢推介下

最近同朋友慶祝生日， 朋友話想食牛扒， 驚呢間餐廳價錢ok， 好評有幾多， 就決定嚟試下。餐廳裝修得都幾摩登， 位置亦都算寬闊， 坐得幾舒服。我哋兩個人分別叫咗美國prime牛扒同 豬鞍。美國prime牛扒我哋叫咗medium， 牛扒嘅牛肉味濃郁， 食落肉質都算嫩滑， 會咬一啖都有淡淡嘅肉汁係口， 味道非常之唔錯。其中我最令我驚喜嘅係牛扒下面嘅薯蓉， 食物非常之creamy， 有非常之重嘅忌廉香。豬鞍得煮得啱啱好熟， 肥瘦適中， 食落肉質既唔會太硬， 亦唔會太肥膩， 非常之好食。佢嘅配菜係一嚿爆香咗嘅蒜頭， 每一啖都有非常之香既蒜香味， 相當之惹味。lemonade係手工製嘅， 飲落味道偏酸， 令人相當之開胃。 薯條係任食嘅， 唔夠可以再添， 唔使擔心唔夠飽。是日甜品係熱情果批， 味道相當之自然。

今晚去銅鑼灣逛逛，晚餐好想鬼想食牛肉，聽講係禮頓道附件開咗間專食牛扒的餐廳，今晚一於去試一試先，我們行咗幾分鐘终於找到間餐廳了。我們今天晚飯早開餐所以好好唔洗等位，一入去就馬上有位，侍應馬上奉上餐牌，另外呢一間餐廳有樣特别之處，就係脆炸薯條任食，重要係黑松露薯條，侍應係會不停refill比我哋，好正的。我哋首先order咗忌廉磨菇濃湯同埋雞肉凱撒沙律，忌廉湯真係好好飲，忌廉味好濃呢，沙律同配菜好flash下，食完頭盤後馬上就到主菜了。主菜利害了，就係美國390日谷飼prime级平鉄牛扒，店主建議五成熟就足夠，我們當然相信，真係幾掂，完全唔會血淋淋，而且肉質鲜美，好有咬感呢，完全係高級質素，冇介紹錯呢！喜歡食肉者不妨一試

今日去咗朋友介紹嘅一間專食牛扒餐廳，即使係平日夜晚都人頭湧湧。店員係我地一坐低已經好仔細介紹餐牌，餐牌選擇不多，但貴精不貴多。我地分別揀左美國390日谷飼Prime級平鐵牛扒同埋西班牙粟飼豬鞍架。另外加$48就可以有餐湯同沙律。由於我同朋友仔今日都唔係好肚餓，所以就冇加到。餐廳其中一個賣點就係可以無限refill薯條，係未上主菜之前就可以食住薯條先。店員會適時問下食客加唔加薯條，薯條炸得十分香口，仲有淡淡ge黑松露味，上枱熱辣辣，我地都忍唔住加左兩轉。主菜美國390日谷飼Prime級平鐵牛扒，我地揀左medium rare，賣相十分吸引，牛扒生熟程度岩好，口感十足，肉汁鎖於肉內，好juicy。牛扒配上朱古力醬，創意十足。另一份主菜西班牙粟飼豬鞍架，分量超多，豬鞍面積仲大過我隻手，重點係食落好好味，一d都唔韌，食到停唔到口，好滿足。朋友點左杯紅酒配牛扒，我就點左冷壓蘋果伯爵茶。多謝朋友帶左我黎呢間餐廳一試，多左個食扒好地方。

之前同朋友講過我想鋸扒，咁岩朋友上網見到介紹呢間新開咗冇幾耐嘅扒房，睇落好似幾正咁，趁我地都已經chur晒啲功課，梗係要黎食好西🤤餐廳既裝潢同一般既扒房好唔同，簡單得黎但睇落好有活力，幾中意佢整體既環境。店員好認真咁我地介紹每一款菜式，除咗menu上既幾款扒或漢堡之外，仲會有一款冇喺menu上既special，我同朋友就分別揀咗Guest chef’s flat iron steak同special每一款主食都可以加$48有埋沙津同湯，我本身冇加到，但見到朋友既沙津好似好好味咁，我都忍唔住加返份。沙津好新鮮，忌廉蘑菇湯好足料，勁多菇🥰每一款主食都會配埋薯條，仲要係任食唔嬲！好脆好重松露香，應該係落咗松露鹽，特別好味。朋友揀既Guest chef’s flat iron steak，肉質軟腍，肉味相對黎講冇咁濃，但整體黎講都唔錯。我揀咗期間限定既special就係Picanha，係喺南美比較受歡迎同矜貴既部位黎。肉質同flat iron一樣好軟腍又juicy，個肉味相對黎講比較濃，油香好重。除咗就咁食，亦可以點嗰朱古力醬，係因為聖誕特別推出既，第一次鋸扒配朱古力醬，本身以為會好怪好唔夾，

原本都非常喜歡這小店的牛排及平日中午的 lunch set, 但之前食的一次有些失望, 之後就沒有再光顧它了。原因, 只因為中午 lunch set 的沙律。一個不算普通的沙律, 索價一百多元。原本有 flat iron 牛排切粒, 少量吞拿魚, 雞蛋, 甜薯, 藜麥, 甜椒, 紅腰豆, 鷹咀豆, 鏍絲粉, 羅馬生菜, 火箭菜等等, 再加上適量的 salad dressing, 真的是不錯的。不過一食就很失望了, 因為鏍絲粉是十分硬身的, 連用力咀嚼也咬不爛的, 只好退回服務員。服務員之後換回原本的一碟給我, 只係拎走 D 鏍絲粉, 並說稍後再補回鏍絲粉給我。Ok fine, 咁我一路食住等啦, 等左十幾分鐘, 見鏍絲粉未到, 再問, 又等。如果我先吃清光沙律, 豈不是要吃幾條白烚鏍絲粉?! 後來店員還要說鏍絲粉的硬度是正常的。因為做salad 的, 不會煮得太淋!天呀, 我不是要淋的, 我也喜歡煙靱有咬口的!但接受唔到又生又硬的啦!

同事住銅鑼灣唔熟香港問我有咩食我就同佢行咗個圈見到呢間個門面幾清新就試試餐廳播好多50s 60s 嘅jazz👍🏿Waiter好nice介紹flat iron呢個餐係咩部位原來係牛第二嫩嘅位置仲介紹咗唔同嘅煮法唔同嘅等級等等喺等塊扒嘅時候已經有好唔錯嘅前菜同湯就係吞拿魚藜麥沙律同南瓜湯沙律加咗藜麥食落感覺冇咁悶亦甜甜地南瓜湯雖然texture好濃 但味道就偏向清新仲有侍應不斷過唻自動幫你fill薯條餐飲揀咗lemonade 食扒咁heavy有樣開胃啲嘅飲品會balance啲我同同事都係嗌usda 390日穀飼牛flat iron我就嗌3成熟同事怕生 就嗌全熟全熟佢覺得都好食但我覺得既然flat iron係主推嫩滑嘅話咁好似跟侍應介紹咁講試生啲好啲我嗰塊係非常非常juicy之前通常食開fillet 但我覺得fillet牛味唔夠重我分唔到flat iron係咪真係冇fillet咁滑但佢牛味就重返啲牛味 texture 油脂 各樣都好唔錯明明食前菜都已經半飽但食佢都唔會覺得滯👍🏿$248 + $48有塊咁靚嘅扒+任fill薯條餐湯飲品非常抵

已經第二次食Top Blade Steak Lab。第一次食，係朋友介紹，果次叫左 「 美國390 日谷飼Prime 級平鐵牛扒 」- Medium Rare。本身向來食開Medium Well, 因為怕太生會血淋淋。不過店員suggest Medium Rare, 所以即管試下! 好彩有聽店員suggestions，雖然係 Medium Rare ，不過唔會血淋淋，而且口感好好，肉質鮮嫩夠juicy！食完覺得唔錯，所以今日再光顧。今次order 另一款 steak 「 香草平鐡牛扒 」。店員recommend Medium, 再一次証明相信專業意見係正確的。份量足8安士，質地柔嫰無筋，簡單調味已能帶出牛味。除了steak, 呢度既薯條絕對值得推介！雖然係任食，不過味道絕不馬虎！熱辣辣，脆而不油，味道夠鹹香，非常好食！而且餐廳毫不吝嗇，頻頻 refill，每次分量都不少！！

終於可以一試呢間專食牛嘅餐廳啦！最期待係超出名嘅薯條🤤🤤 餐廳7點左右未full house. 過到7半已經滿場，最好就早d食啦💁🏻‍♀️ 餐廳風格幾young. 連食薯條嘅碟仔都係little Pan~ very cute^^ 我地就要左一個salad + soup($48). 沙律酸酸甜甜，好多蔬菜，口感幾好又夠refresh~. 湯係好在驚喜，濃郁香醇又多蘑菇片，非常足料！Main: usda flat iron ($248, with medium). 第一次食flat iron 原來可以咁好食，口感比較腍，完全冇渣！而且牛味淡淡出嚟，不會過分濃烈😀配上可可醬食，成件事升華左:-D 底下嘅薯蓉好重牛油味，越食牛油味會完全侵佔口腔，而且好creamy ⭐️⭐️另一個係special edition，每日限量供應嘅牛，一樣係要medium. 呢個會肥小小，牛味亦小d.但口感更好，非常有層次！配上焗左嘅蒜食會甜甜地💪🏻💪🏻甜品要左passion fruit tart. 酸甜度適中，作為飯後甜點好適合。薯條係店員會夾比你，size係麥記個種，但佢似係自家制，因為薯味十足，上面仲加左松露鹽，所

今日同朋友去左一間中價扒房食午餐,餐廳就係銅鑼灣希填道2-4號地鋪.希填廣場F1 出口大約7分鐘路程.餐廳地方吾算好大,希臘風格既裝修,地方乾淨,座位都幾舒服.不過.最抵讚既係服務員既態度非常之好,佢會同客人講解每一種扒(牛扒或豬扒)既出產地同建議食法👍👍👍聽完靚女侍應既介紹,我地分別叫左”客席主廚平鐡牛扒”同”西班牙粟飼豬鞍架”.主角(牛先生同豬小姐)出場前,靚女先俾左兩碟吞拿魚沙律我地填下肚先,個沙律都OK 架😋等左十分鐘左右, 煎得好靚既牛扒出場, 原先朋友話怕五成熟,會吾會太生,但當切開牛扒後,佢己經想也不想好快就直接擺左入口, 雖話係五成熟,但吾會見到有好多血水,吾會感覺太生,食落仲好好味.不過,為左可以食下我既豬鞍,佢都係分左三分一俾我既.😎再過3,4 分鐘, 我既豬鞍出場, 九成熟既豬肉,包住豬肉外圍既肥豬肉, 真係好正, 食落完全吾覺得肥膩,又多汁,好正呀!😍😍餐廳既位置其實好近地鐡站,行幾分鐘路,可以舒舒服服地食到高質素既扒, 又何必迫埋係電車路一帶呢! 😊😊

呢間黃色霓虹燈小店位於利園對面既黃金位置，裝修期間已經俾我呢隻精明眼見到，一直睇唔出係top table定top code? 特意翻看餐牌先知係top blade, 似乎係感覺幾有趣既獨沽幾味扒房，決定試業後搵機會黎試試，果然無令人失望！小店入面既位置好似快餐店咁 但好舒服好chill, 燈光同裝修都同一般sell扒既扒房好唔同，果然係後現代style! 今次衝著任食薯條黎，係眾多牛扒中竟然有個豬鞍，所以都決定試一試豬鞍：跟番佢建議既程度去煮，佢話會有少少粉紅但唔驚，我亦全權交由靚仔哥哥決定，仲like 埋facebook page 用$20換左支啤酒！ 最鐘意呢類既promotion 豬鞍上碟非常大，係大+厚豬扒，煎得好靚，雖然係$150既貨但擺盤都好有心思，原隻蒜頭開半燒熟，本來我唔食蒜頭的，但見到佢無論牛扒定豬扒都有配蒜頭，好奇心下決定嘗試下廚師既心意— 蒜頭燒到好淋好淋，入口即溶，有蒜香味同甜味但唔會太濃太過，完全係我唔食蒜頭都接受到既程度！ 呢隻半焦糖化既蒜頭好軟身又帶甜，所以同豬扒配真係一絕！豬扒岩上碟極香，脂肪比例平均，但一定一定要趁熱食因爲凍左會硬身同乾，但呢個時候食埋