Top Blade Steak Lab (希慎道)

营业中

休息中

終於食到呢間flat iron專門店✨ 之前響何文田硬係覺得好隔涉，而家銅鑼灣都有咁近當然要去試下啦不過講嘢食之前首先要讚一下呢間舖啲服務先，店員全女班，最勤力嘅短髮女店員無時無刻咁加水加薯條實在值得一讚，但發生咗件事更需要讚：.當晚同外國朋友去幫襯，不諳港性嘅佢走去問店員可唔可以幫手叉電，然後長髮女店員表示得iphone線冇samsung，然後朋友就傻更更走去買條線諗住叉，正當短髮女想施予援手時有個中性打扮店員即刻斬釘截鐵咁no咗幾聲.響香港呢種公園看更式嘅唔做唔錯式應對係好正常，畢竟碰瓷黨近年愈來愈多，萬一叉壞又要賠所以情願no咗去就算，所以都合情合理的.不過估唔到長髮女其後主動問我地係咪要叉電，幫返我地之餘短髮女都為中性女果幾個no而特別落力咁serve我地，兩位比看更更有人情味嘅好員工響香港真係好難搵❤️廢話講完就講返食物，叫咗最基本嘅香草平鐵牛扒，賣相好似好靚，內裏透紅咁，然後食落肉質都幾嫩但同時伴隨著好大陣燶味，浪費咗塊咁靚嘅肉，反而個漢堡包塊肉堅正，超濃肉香又唔會乾柴✨當然仲有無限添加嘅薯條啦，好似好揼本咁有勁重嘅黑松露味，但同時超級鹹搏你勁飲嘢😂 有機會會想試下高級版嘅扒

今晚嚟到銅鑼灣食晚餐，特登嚟呢間人氣餐廳試下😘 7半左右到都幾多人！價錢最平150幾蚊已經食到，有牛有豬揀嘅(^^) 我地都加左份salad & mushroom soup😀😀 沙律夠fresh! 仲有d番薯干同吞拿魚碎💁🏻‍♀️ 蘑菇湯真心幾正！夠creamy得嚟又要多蘑菇片🤤今晚嚟到銅鑼灣食晚餐，特登嚟呢間人氣餐廳試下😘 7半左右到都幾多人！價錢最平150幾蚊已經食到，有牛有豬揀嘅(^^) 我地都加左份salad & mushroom soup😀😀 沙律夠fresh! 仲有d番薯干同吞拿魚碎💁🏻‍♀️ 蘑菇湯真心幾正！夠creamy得嚟又要多蘑菇片🤤主食要左1份prime flat iron( medium rare,$268)🐃 肉質好嫩，煎得好好，肉汁鎖哂係入面，食落very juicy! 面都烤得幾惹味😝下面薯蓉都幾重奶味，食落會有陣陣薯仔香🤩另外要左豬鞍架($160)🦔份量好多大份的！又厚身😗食落油脂會四散，好香口🌟配上下面d紅椒洋蔥食味道更豐富，而且冇左個陣肥膩feel😌😌 薯條係任食架！即炸的，會有店員過嚟幫你refill😇薯條係幼身，但即炸好脆口！加上松露鹽真係冇得輸👍🏻

今晚黎到銅鑼灣搵野食，好想食牛扒，見到呢間咁簡潔既餐廳係門口睇左menu就想試下餐牌都好易明，唔係有好多花巧野～野似就叫左茶，友人就叫左枝啤酒～～食薯條飲啤酒又好似爽d叫左牛扒再加左沙律同餐湯！餐湯好好飲，好creamy好有差荀味！沙律都好新鮮好有清新既感覺～～呢度d黑松露薯條店員係會不停幫你refill, 因為去得快所以都出得快，店員不停咁撈薯條！薯條又熱辣辣，充滿左黑松露味！仲要脆卜卜簡直係人間一大享受可以任食真係正，未食到牛扒都飽左一半同友人一齊叫左最豪華個隻扒肉質鮮嫩，建議既熟度都非常之咁岩岩好！食完之後齒頰留香.... 打到我都留哂口水，好想再去食！跟餐既薯蓉都好好食........ 總括黎講呢間扒房都令人非常之滿意！

認真！真係要試下！好味又抵食嘅高質牛扒！Top Blade嘅價錢好合理，但係質素絕對係對得住個價錢有餘！！special set（$268）係Picanha西冷，店員推薦medium。一上枱個份量已經令我好驚喜！可能係我食過最大件嘅扒！1.5舊啊有😻7成熟，所有野都啱啱好阿！仍然好juicy但係無血淋淋嘅感覺，食落軟硬我自己覺得非常好，味道亦唔會太淡或太咸，唔需要另外用sauce👍除左牛扒，另一樣好抵食嘅就係薯條！佢哋嘅薯條係任食！係menu睇到嘅時候以為任食可能會普普通通啦。但係我完全錯晒！個薯條係黑松露薯條！好香黑松露味之餘，薯條仲好脆！係脆阿，唔係硬阿！好味到我refill左幾次！🤘🏻熱情果撻（$48）雖然好飽，但仍然要叫甜品😃我個人覺得酸左少少，不過食食下有去除左d油膩感同消滯嘅感覺！個撻底仲好好味，好厚實！雖然只有一個，但係份量絕對夠2個人食！大家真係要嚟試下阿！唔會後悔！

好抵食！真係好抵食阿！首先一定要講嘅係Top Blade嘅薯條係任食架！仲要係高質，因為有淡淡嘅黑松露味！真係食到唔想停阿，店員見到我就食晒，仲會好nice咁幫我refill薯條！♪( ´▽｀)當然除左薯條之外我有食牛扒啦，我食嘅係Flat Iron，5成熟，無血淋淋嘅同時肉質仲好鮮嫩，口感非常適中！（因為我好驚食太生嘅牛肉T^T）其實5成熟都係店員幫我決定，本身我都驚會唔啱自己食，所以結果非常令我喜出望外阿！真係好好味！另外一定要提嘅係個薯蓉！我本身好怕食薯蓉，因為我唔鐘意食落好似吞唔到落去嘅感覺。但係，呢度個薯蓉係勁滑！又滑又綿！係我食過最好味嘅薯蓉！如果薯蓉都有得refill就好啦！哈哈( ・∇・)最後係個甜品，每日都唔同架，我食嘅係熱情果撻。作為結尾嘅甜品我覺得好好阿，因為酸酸甜甜嘅味可以消一消滯，消一消油膩感！整體而言，Top Blade真係cp值好高，價錢好合理，但係係水準之上！！

話說朋友推介呢度嘅牛扒，一於黎試下，真係名不虛傳！！！門面好貼題，係一頭牛呀🐂店舖設計係走型格路線~我地點咗<客席主廚平鐵牛扒>同招牌<美國390日谷飼Prime級平鐵牛扒>，加$48就有藜麥沙律同自家製湯！今晚餐湯係蘑菇湯，煮得非常creamy，亦落咗好多蘑菇。無諗過個沙律係咁大Pan！蕃薯條甘香👍🏻藜麥撈咗吞拿魚，又幾夾wor！重點黎喇！薯條係任食！薯條新鮮炸起，加咗黑松露粉，正！！店員亦好貼心，見我地食咗一半就幫我地添，好邪惡呀！主角係佢：<美國390日谷飼Prime級平鐵牛扒>不得了！塊扒好厚身，但係非常嫩滑，嫩滑程度媲美和牛，高質到唔洗點汁都好Juicy好夠肉味！<客席主廚平鐵牛扒>比起Prime，佢肉質比較結實，肉味亦較濃，Grill味重d。值得一讚係，店員真係好貼心，會教我地點切塊扒會好食d💞🤩推介<Dirty Lemonade>! 如果你好似我咁唔中意飲太甜嘅嘢，呢個好適合你！檸檬加埋rosemary syrup好夾，飲落好開胃👍🏻下個月出咗糧，我要再黎食，獎勵自己！

之前聽到唔少關於呢間餐廳嘅幾好嘅評價， 所以期望都幾高。因為一早喺openrice度攞咗位， 所以去到就已經可以直入最埋邊嘅大枱坐。店員好熱心咁同我哋介紹 佢哋嘅主打 — flat iron steak， 就建議我哋揀medium rare。因為之前聽過話呢度其中一個賣點係任食薯條， 但餐牌寫住只係附送一份，所以我哋同行嘅人就問咗店員確認一下。 不過店員面對我哋咁唐突嘅問題， 態度都仲好好， 因為如果我哋唔夠食都可以refill畀我哋， 尤其因為我哋揀嘅餐咁啱個價錢同晚市一樣。 我哋原本全部人都揀薯條， 店員仲專登提多次我哋話薯條可以飲食，我哋可以 揀埋沙律同湯嚟試下。個沙律我只係食咗個車厘茄但係感覺幾新鮮，爽脆多汁。 啲薯條就好好食， 我估計係即叫即炸， 熱辣辣脆卜卜， 而且仲有黑松露味。不過，食得多就感覺鹹咗啲，要點啲茄汁中和下；另外，如果係粗薯條外脆內軟嘅話就仲好啦。我哋部分人聽咗店員推介叫咗flat iron steak，其他人就叫咗豬鞍。Flat iron個份量同豬鞍相比細好多，我望住對面個豬鞍餐覺得好吸引。講返塊牛扒，個質感我覺得幾特別。明明食落係冧嘅，但唔知點解又要花好多

Steak and Frites is nothing new. The classic French bistro food was introduced to Hong Kong by La Vache. Others followed suite and now we have another. This one is called Top Blade Steak Lab.It opened recently in Causeway Bay (apparently, they have another branch in Hung Hom). Serving steak and all yo u can eat fries, boyfriend and I were interested. The restaurant is bright and shiny with a yellow and white color scheme. We arrived around 6 and there was no queue. But  a crowd formed later into

之前聽朋友介紹有間新扒房Top Blade Steak Lab 非常驚喜～所以今日放工就一於同另一半嚟試下 ～餐廳裝橫簡約得來帶點潮味。特別欣賞牆上嘅漫畫風格海報，配合彩色玻璃做隔牆，非常時尚。一坐低，侍應就好細心同我哋介紹菜式 同埋 解釋最重點食材  － Flat Iron 平鐵牛扒Flat Iron 被評為成隻牛第二嫩滑，而嫩滑程度只僅次於  Filet Mignon 免翁牛柳。我同另一半都係第一次試食哩個部位，所以都十分期待。點完餐，另一侍應就夾咗啲薯條係我哋碟上～！薯條係免費架～ 仲可以無限添加最正係～ 每條都新鮮即炸～熱辣辣～非常脆身！面頭仲灑上黑松露鹽～超惹味～！連平時少食薯條嘅我，都忍唔住添加2次～！⭐️雜菌忌廉湯 ( 跟餐 ）個湯非常足料！好多雜菌！⭐️藜麥沙律 ( 跟餐）材料都幾豐富 ，包括有沙律菜、吞拿魚、藜麥 同 番薯。非常健康～～ 酸酸甜甜～ 好醒胃！⭐️美國390日谷飼prime級平鐵牛扒 (  $268 )侍應推介我哋叫medium rare。 一上碟，粉紅色嘅肉質就非常吸精！火喉控制得非常好，完全無Over Cook！ 表皮帶點香脆，但內裡肉質嫩滑非常！牛味香濃

環境4分：門面有D日式，入面D畫就西洋得好新潮，樓面幾高，爆場唔算嘈，可以畀四分。衛生4分：地方，枱面，餐具好乾淨，一樣四分。服務5分： 服務員快手快腳，唔囉唆，添薯條速度非常之快同密，可以畀五分。味道5分：1)      任食薯條幼身鬆脆，好好食。2)      忌廉蘑菇湯味道好香濃，但就唔會話好杰果隻，好light。3)      沙律菜分量都算足，清新爽口，沙律汁又唔會太酸，可以中和任食薯條嘅飽肚感。4)      美國390日谷飼Prime 級平鐵牛扒，推介medium rare。一上枱時見到D肉都算紅，但食落又冇血淋淋嘅感覺，塊牛扒好嫩滑同埋好淋。服務員真係冇介紹錯，全場最貴，但真係物有所值，絕對畀五分。抵食5分：268蚊有塊咁靚嘅牛扒同埋任食薯條，雖然地方冇酒店五星級扒房咁靚，但係服務員同食物絕對比得上，絕對成為鋸扒首選！

要食好食既牛扒有時總會予人一種高級既感覺皆因真係一分價錢一分貨，啲部位稀少就會貴，有啲嘢係無得呃人平時食牛嚟嚟去去都係食嗰啲位，今次就第一次嚟試flat iron餐牌好簡單，侍應會每款都介紹下有咩特別可以加餐湯同沙律最正係有得任食薯條揀埋嘢飲就可以等食個碟係用嚟之後放薯條好清新解一解食肉既油膩Dirty Lemonade $45朋友大讚，酸酸又有汽，好爽但可惜有rosemary唔係好啱我今日個湯係蘑菇湯好可惜我都係唔食蘑菇😂😂😂越香越濃既蘑菇就越唔啱我🤫依個湯既菇味好濃郁，飲落有好多蘑菇蓉都係朋友好鐘意😂係好飲既應該，只係我唔鐘意嗰陣菇味上扒既時候就會放埋薯條個扒好粉嫩medium rare真係啱啱好好嫩滑可以唔使點用力咬薯條好香脆放嗰陣一啲都唔慳家見我地食到咁上下，仲會好主動refill食到好食同埋咁嫩滑既牛扒嚟講，價錢都算親民

主打Flat Iron嘅牛扒店，香港比較少，但銅鑼灣就咁岩有一間。我哋七點半到，入面都已經坐左8成滿。我哋入咗嚟冇耐已經坐滿曬人，所以想食好野就要早啲到啦!我地一坐底，staff就拎左menu黎，介紹咗flat iron隻肉本身特性係會比較瘦，脂肪比唔多。仲介紹咗每一款flat iron嘅質地同牛味。美國390日谷飼Prime級平鐵牛扒 （$268）呢個肉質會比較淋身啲，牛味都好出下。呢隻非常多汁，一咬落去果下啲汁爆曬出嚟，超級juicy!!!! 佢伴碟嘅係薯蓉同埋豆，都好好食。Special: Picanha beef （$268）每日都會有一款special，今日果款就係picanha beef，係一款巴西牛肉，相對其他牛佢結實得黎外邊有層肥肉。但外圍脂肪位置就冇我哋平時食嗰啲咁淋，意外地比較結實少少，所以食落去唔會話好話好油膩，配搭埋瘦的肉度好pefect。藜麥沙律+自家靚湯（$48）叫主食可以加48蚊有湯同沙律。沙律除左有藜麥之外，仲有好多材料: 吞拿魚，蕃茄仔同柚子醬 等等。而今日既湯就係南瓜湯，都好濃。而呢度既薯條就係任食嘅!!!!薯條有淡淡的黑松露味。每次食到差不多嘅時候

同朋友慶祝生日揀左黎top blade食牛扒6點黎到大約有2-3枱人店員好快安排我地入座派完menu後介紹左今日餐湯係蘑菇湯後尾我地聽店員介紹俾隔離枱先知原來有today’s special ge steak但店員冇同我地介紹我地亦已經落完單☹️主廚平鐵牛扒整體牛味濃 但有半塊好un客席主廚平鐵牛扒呢塊淋好多 但又冇咩牛味😂390日谷飼prime級牛扒呢塊就對辦喇果然一分錢 一分貨😳伴碟既薯蓉落左超級超級多牛油guilty pleasure👍🏻豬鞍架有驚喜燒得香口 油脂豐腴燒蒜頭都好好食加$48有沙律同湯沙律冇乜特別湯味道唔錯 但越飲越稀dirty lemonade我冇飲朋友話似咸檸七餐廳另一賣點任食truffle fries聞落好香truffle味食落就係普通不過既薯條好似好harsh tim...其實味道唔差 只係網上評價太好食完覺得overrated

一想到吃牛扒,大家必定想到西餐廳。原來吃牛扒也可以非常地道,專門得來又非常普遍。 Top Blade Steak Lab 位於銅鑼灣希慎道地舖,原址曾經是地道的茶餐廳,雖然這條街上人流不算多,但亦屬於裏銅鑼灣重要的地段。 門面和室內裝修也非常簡潔,仍然保持茶餐廳簡單的神緒。 這裏的食物選擇雖然不多,不過要認真分辨不同的牛肉部份,也花了一點時間來選擇。 這店最出名的就是平鐵牛扒。 首先要解釋一下什麼是平鐵牛扒。Flat Iron 平鐵牛扒的誕生,正是十年前被專家研究分析各個牛肉部份後,誕生出來的牛肉分類,屬於牛隻上手臂部份,嫩滑程度僅次於 Tenderloin ~ 大名鼎鼎的 Filet Mignon 免翁牛柳。 提醒大家一下, 這裏提供 All you can eat fries 任食炸薯條,無限量添加,一定食得飽先返屋企。 飲食均勻最重要,所以我們也點 Quinoa Tuna Sweet Potato Veggie 黎麥沙律和香濃的薯仔湯,平衡一下大量的肉類吸收。 小小的桌面上,放置了大量的食物,等着牛扒的出場。 Bless Apple Earl Grey 冷壓蘋果

朋友話想据扒，無意中揾到銅鑼灣嘅Top Blade Steak Lab星期五晚早一步到，剛好唔洗等位。餐廳好貼心俾個籃我地放袋，唔洗直接放係地下整污糟。一坐低侍應就問係咪第一次黎，仲會主動介紹餐牌上每種扒嘅特色(仲有off menu嘅扒)，我地每人點左一份扒同一款飲品。點完餐就即刻有薯條，係任食嘅~夠哂新鮮，仲係熱同脆嘅，唔會炸得太燶。👍🏻飲品叫左蘋果茶同英國啤。蘋果茶係冷壓果汁，飲落唔甜，我中意😝而啤酒就幾易入口，無乜苦味。香草牛扒上枱果時已經切好左，就咁點旁邊嘅鹽就好好食，夠香夠juicy，我自己就好中意啦🤤朋友嘅主廚牛扒就原塊上厚身啲，有少少配菜同青醬，但就咁點鹽食都好食，比起上面果款厚啲有肉味啲。以前係英國食過flat iron只係覺得幾抵食，估唔到返香港食flat iron有驚喜🎉下次會再encore😋😋