Top Blade Steak Lab (希慎道)

营业中

休息中

我非常推介呢間餐廳，位置非常就腳，就係銅鑼灣既鬧市附近，好適合平時同朋友一齊放左工或者放學之後黎吹吹水食下飯。呢度既野食非常出色，前菜係一個沙律，佢有肉又有藜麥，十分健康又好食，另一個重點係呢度既黑松露薯條，佢係可以任添的!係任食而且佢既質素係非常好既，每一次都係一大兜熱辣辣咁拎出黎，勁好味，又脆又有滿滿既黑松露味，一見到就勁開心!呢度既主菜牛排，真心不得了，佢整得十分之林，加上特製醬汁，根本冇得輸，好味，推介鍾意食牛排既人一定要黎試試!另外呢度既飲品都係非常之有特色，都會推介大家試試。

返工真係好大壓力 一定要食好啲先對得住自己！行過呢到見到呢間裝修有格調既餐 又食肥仔burger就二話不說走左入去🤩見到餐牌就感受到呢間餐廳好邪惡全部都係食肥仔野😂店員仲細心介紹每一個餐 一路聽一路流曬口水☺️先上左side dish 係我最愛既黑松露薯條🍟😽話明食好野就梗係叫最貴個餐😂我呢個steak 一見到就心心眼 好厚肉同埋完全睇得岀有幾juicy!!!!!!!雖然店員推介3成熟 不過我都係驚太生 叫左5成熟🥳但5成熟既肉質都好嫩好正呀 肉汁完全鎖住 又香牛味！完全值呢個價錢🤤另外我地叫左終極burger!! 配沙律做side dish!呢個好味到傻左！配合醬汁完全一流🥰個免治肉又係勁入味連沙律都配埋黎麥好高質！飲品我地叫左店舖自家製既dried lemon tea! 同埋我最愛既bless apple tea!

今日貓貓約左朋友特登黎呢度食牛牛。最近好似好hit，貓貓梗係唔會錯過。貓貓覺得佢既餐廳設計好靓。俾貓貓一種高級又chill既地方，好適合港貓打卡靓靓。食之前侍應會介紹menu，原來餐廳既牛係用牛第二嫩既地方叫flat iron。貓貓order左個香草平鐵牛扒。原來有成舊蒜係側邊，烤完之後特別香。一塊塊食，再食牛扒。味道好夾，好靓既口感。貓貓覺得medium既牛扒烤得拿捏得好好。真係medium。肉質夠嫩，又有水份。原來flat iron既口感真係唔同啲。保留住肉汁原本既鮮甜同水份。原汁原味再加左香草香，簡單但超級好味！睇下啲肉質幾靓！原來餐廳薯條係任食。貓貓點會放過呢個難得既機會呀！食薯條，食到一陣清新既松露味。薯條有松露味真係第一次食，好好味。貓貓濕左個嘴。薯條啱啱炸出黎，貓貓係咁叫侍應添加薯條。390日谷飼prime級平鐵牛扒。呢個既肉質再唔同啲。咬落去貓貓已經濕左個嘴。牛肉同脂肪混合得好！好靓既牛扒。牛扒係medium rare。更加食到水份爆出黎又甜既感覺。牛扒既色澤睇落去已經好吸引。加少少醬之後，肉質變得更甜。好難選擇因為原味好鮮好靓，加汁又豐富左甜味。薯泥都整到好幼滑好香！

牛扒好之餘，其他嘢都好重要。咁樣你先會覺得佢值得番黎。店員先講解，後推介，我地照跟，因為佢講得自然，無令人唔舒服。肉質好，生熟準，已經有八十分，淨番落黎嘅加減分位就係醬汁同埋配菜。Flat iron 同 prime 390，除左價錢分別，但係我想講，兩者都handle到，我自己比較中意有𡁻頭嘅肉，唔好太肥。伴牛嘅配菜比較簡單，醬汁相對出色。任食薯條，有陣陣松露味，點會唔好食到最後已經飽咗七成嘅情況底下，問我食唔食甜品，係熱情果撻，我本身好鍾意熱情果，所以我哋兩個人要咗一件，結果差唔多一個人食晒。酸酸甜甜，甜甜酸酸，餅仔濕濕軟軟，係我中意嘅質地。想分享下一件小插曲，我偷聽到隔離枱個女仔食唔到件豬扒因為覺得條片太肥，店員二話不說收走佢同佢講冇問題唔好意思之前冇同佢解釋清楚，好有禮貌咁同佢講唔好意思，仲主動提議送個甜品俾佢補數。呢啲咪令人舒服，開心，會番轉頭囉！

There were 3 ways to cook the flat iron on the menu and of course we tried them all. The verdict is go cheap or go big!! Although the cut for all three were equally good, but the flavour for the slow cook is not as rich as others. We added the salad and soup. This option (+48) made the meal more balanced, but I was disappointed with the choice of salad (lettuce, tuna, quinoa and sweet potato) and the soup was pumpkin, tasted more like tomato and carrot. Service was very pleasant and helpful in e

朋友仔是先喺網度搵到間餐廳 其實就係喺 利園斜對面， 如果喺希慎嗰邊行過嚟會仲快過時代廣場a出口行過嚟， 所以搵嘅時候都搵咗一陣間。 店鋪唔係好大，但環境都ok幾光猛， 不過嚟嘅時候最好就預先預約咗先因為都幾爆場， 點去哋嘅扒餐仲可以加錢要埋任食薯條 ，沙律同埋加錢點餐飲紅酒不錯，幾易入口， 配牛扒一流呀 自家製 蕃茄湯， 味道偏酸 ，飲完開曬胃薯條任食 包你過足口癮用藜麥製作嘅沙律健康又飽肚美國390日谷飼prime 級平鐵牛扒，係呢度既招牌菜，係用最頂級既牛肉制作而成， 味道較濃牛肉味較重， 食完的確令人好回味呀， 而且以呢個價錢可以享受到咁既質素，都真係好值得推介客席主廚漫鐵牛扒 係用紅酒提子汁慢煮的，5成熟剛好，入口超腍，好好咬口，食完都唔會覺得好溜

好耐冇食扒，正當諗緊食邊間好，朋友推介食呢間。Menu上面有3款牛扒1款豬扒同1款漢堡選擇，我地叫咗2個個medium嘅美國390日谷飼prime級平鐵牛扒，1個西班牙粟飼豬鞍架，加咗個沙律同湯，再嗌埋飲品。Medium嘅牛扒:肉質鮮嫩，一啲筋都冇，同埋係真係做到5成熟，唔會煎到好乾冇曬肉汁，啱啱好。同埋牛扒會配埋薯溶，啲薯溶好滑好軟綿。豬鞍架:朋友就覺得肥瘦啱啱好， 而且唔會煎到太乾身。湯：我地去個日係蕃茄湯，係偏酸，係好濃郁好天然嘅蕃茄味，唔會覺得飲緊味精。沙律飲品：我地分別嗌咗真dirty檸檬特飲，香草mojito，酒味唔會太濃，唔太飲酒嘅朋友仔都可以試下。值得一提係呢到嘅薯條係任食架，啲薯條上面係加左黑松露鹽，鍾意食黑松露嘅我忍唔住食咗兩碟。甜品:

牛扒來了！這次來這家感覺很高檔次的牛扒餐廳店內位置不多，需要齊人才可以入！特色的盤子很讚的薯條，可以任吃！每次都是熱騰騰的然後很脆很新鮮，裡面還加了一點點黑松露調味！這個餐湯正常水準藜麥沙拉!感覺很健康！吃邪惡東西前要裝一下健康！味道不錯是酸醋沙拉🥗飲料我叫了有酒的mojito也不錯，不會很重酒味！牛扒到了我叫的是268的那種牛扒店員介紹3成吃比較好！超級軟的肉！牛味重！而且耶個薯溶很重奶油味很滑的那種！這是我朋友點的紅酒慢煮牛扒，帶點甜！建議5成熟吃！性價比很高！薯條超讚

這天與4個朋友一同去吃牛排，我們大概7點到，然後很快就能進去了。 餐廳環境不錯，簡單裝飾，不用太花巧。 坐下點餐，服務員過來給我們介紹不同扒的特色，很好，3種扒我們都叫了試試，叫了之後就有服務員給我們新鮮炸的薯條，很好吃，熱乎乎，脆脆的！而且是無限添加的呢！然後因為是叫了餐，所以有海鮮忌廉湯和沙律。沙律不錯，不過我的那碗白湯就有點沙，朋友的沒事。牛排方面，香草牛排鹹了一點點，不過挺軟的，好吃。 然後穀飼牛那個更厚身，口感棒棒的！

今日同老婆🐷嚟呢間 steak House 食牛扒，之前聽朋友講質素唔錯，薯條任食，而且氣氛唔錯於是就黎撐檯腳首先我哋叫咗美國390日谷飼prime級平鐵牛扒，係一位好熱情既店員推薦，我哋叫咗medium rare呢一款牛扒真係超級值得推介首先佢真係做到medium rare嘅嫩滑質感，一切開，仲見到粉紅色的肉，但又唔會唔夠熟同出曬血水，而且肉質非常柔嫩juicy,我地都不約而同覺得本身咩汁都唔點已經非常夠味，食得出牛肉自然的鮮香呢度既番茄湯都好抵讚，真係食到一粒粒蕃茄蓉架！而且味道濃郁，唔似其他餐廳咁用水溝稀曬再加調味料。除咗番茄湯，仲有一款幾酸甜開胃既藜麥沙律添另一款主菜就係客席主廚平鐵牛扒，呢一款亦唔錯，肉質tender，香草味濃郁，加上香草汁，必有另一番風味值得一讚嘅係因為牛扒即叫即煎，而係等牛扒嘅時間，可以任食薯條! 薯條唔單止熱辣辣，仲有好香嘅黑松露味，我忍唔住食咗3 rounds添。正餐食飽飽緊係食甜品啦，呢款熱情果芒果批整得真係唔錯。佢揉合左熱情果同芒果本身既酸，香，同甜，食完扒再食呢件蛋糕，膩感全消，真係一流飲品方面我哋叫左Apple cider,冷壓蘋果伯爵茶同埋v

該晚準備在銅記睇神探pikachu就早啲同囝囝黎到附近覓食早就聽聞何文田有間打住flat iron旗號嘅扒房一search呢到竟然開咗間分店，就碌都碌到入去試店舖不大但裝潢別緻，燈光微暗有情調座位亦舒適，不會與鄰桌太接近而影響聊天一坐下侍應就拎menu俾我地著我們先看一看及後再介紹一下呢種幾貼心唔chur嘅服務方式令人超受落!menu簡潔清晰，主菜有五款除牛以外，亦有豬鞍架同漢堡可供選擇而本人較膚淺，通常以價格高為好食指標呢間扒房對我黎講仲有另一重點就係薯條無限refill!薯條炸得剛好，香脆有熱度，仲灑上咗黑松露鹽好令人上癮侍應介紹時我已經流曬口水佢話，Flat Iron，牛嘅膊頭位，入面有條肉係全牛第二腍嘅部位，傳統用黎做免治肉，但自從有醒目仔用人手切割根膜出黎，就成了Flat Iron Steak。加上牛隻以穀飼餵養，肉質有所保證，食落會好香好腍軟。所以香港很少餐廳供應，一黎該部位被人忽略，二黎工序繁雜。佢仲強烈建議應該揀廚師認為最好食嘅medium rare一上枱，肉面係網燒紋狀，內面呈令人垂涎嘅粉色嫩肉鐵板旁灑上點點海鹽，秘制燒汁同埋伴有奶滑薯蓉急不及待切一口，咀嚼時嗰種嫩滑

今次食下呢間flat iron專門店, 之前在何文田不太方便，現在另有分店係銅鑼灣。店內裝修簡約型, 以黃色為主。主菜款式貴精不貴多, 店員會無限添加新鮮炸好的薯條, 每款主菜可另加錢配沙律及餐湯甘筍湯質感濃稠，味道甜美, 藜麥沙律缺乏醬汁但勝在除了沙律菜之外，還有纖維高的藜麥西班牙栗飼豬鞍架認真大件, 厚厚的，散發肉香，肉質柔軟多汁 美國390日谷飼 Prime 級平鐵牛扒medium rare, 牛扒肉味濃厚賣相幾好，內裏透紅咁, 牛扒十分腍身，輕蘸海鹽已經夠提升味雷真 Dirty 檸檬特飲 - 加入威士忌及檸檬乾，味道酸得來幾獨特

朋友生日就同佢食餐好既，佢甘中意食牛就上網睇邊間正，見呢度有4款牛同1款豬就黎試下。❤️西班牙豬鞍 $160由於我唔太好牛亦唔太食得，就叫左豬鞍試下。呢個豬鞍最正既位置係d油脂，超香，做到入口即融，好正！豬鞍咬落唔會硬，岩岩好，但未算係超嫩滑。佢仲有個芥末醬掂，不過豬鞍食落已經好夠味所以就冇點掂醬。個蒜must eat，唔會臭又解到油膩🤟🏻❤️美國390日谷飼Prime級steak $268呢個係朋友點，望落超正既感覺，所以我都偷食左一小塊。牛味超重，但唔會un，朋友話超好食😂❤️任食薯條每人都refill左1次，超好食！夠哂熱又好香松露味！❤️餐湯，沙律 +$48 餐湯係蕃茄湯，超香蕃茄味，唔會太酸，不錯。沙律係藜麥沙律，入面仲有d呑拿魚，夠哂fresh。❤️Dirty Lemon $70呢度既lemon飲品係主打，唔會太酸又可以解下膩。叫既呢杯係有whisky但份量唔多，好易入口。❤️百香果芒果批咬落去先係酸酸地既百香果，之後就有芒果既味，好特別，又唔太膩！

朋友喺銅鑼灣返工，嚟過呢度食扒讚不絕口，所以今次就搵埋我一齊食。呢間小店嘅薯條仼食，本來見到任食都冇乜特別期望， 估唔到好食到停唔到。薯條炸得香脆又唔油膩，鹽香味剛剛好，仲有淡淡的黑松露香。$48 可以跟沙律同餐湯，沙律嘅份量就略嫌少。忌廉蘑菇湯，非常creamy，而且材料豐富，每一羹都食到蘑菇，如果可以熱啲更好。真dirty檸檬特飲，價錢雖然唔平，都值得一試。用咗焦糖煮過嘅新鮮檸檬，有少少rosemary味道，甘甜又清新。美國390日谷飼Prime級平鐵牛扒，唔算係好大份，但係因為薯條任食，最後都好飽肚。medium rare得啱啱好，入口油香味超濃，用伴碟嘅鹽調少少味已經好好食。Guest chef’s Flat Iton Steak 聽侍應講叫5成熟，佢哋介紹話，首先係將底面煎香，然後用慢煮嘅方法，伴以果汁煮熟， 所以食落口除咗牛香，仲帶啲甜味。最後兩個人埋單$670，雖然都算中上嘅價位，但值得

去開銅鑼灣趁sogo 特價shopping行完街同老婆同佢朋友搵食醫肚, 大家都想食西餐又唔食連鎖野, 就試下呢間旺中帶靜既小店~位置係時代附近, 開始向跑馬地果邊行, 所以人流冇銅鑼灣咁誇張, 可以食得舒服安靜唔洗逼~招牌當然係食牛扒啦, 但係除左牛之外都有靚豬, 仲有另一個賣點新鮮即製任食黑松露薯條!任食同即製已經吸引, 仲要有濃香既松露味一枱4人落完單未食扒已經食左5~6盤湯同沙津因為驚冇肚食薯條所以4人淨係加左兩set不過沙津都好足料, 加埋黎麥係面好fresh 又感覺健康d, 冇咁大罪疚感湯就非常creamy, 完全係幸福既肥胖感飲品除左我要左really dirty 之外, 其它都揀左dirty lemonade~呢度lemonade 唔係簡單用檸檬, 而係燒完再用, 味道新奇冇咁澀, really dirty 再加埋whiskey, 最岩shopping 完或者happy friday 呢d 心情飲主菜方面我試左入門級既flat iron, medium rare生熟程度唔錯, 火喉掌握得好牛扒鮮嫩多汁, 加少少鹽唔洗花神野已經好正伴碟除左有常備既任添薯條, 仲有燒原個蒜