影片
更多
2019-06-04
57 浏览
牛扒好之餘，其他嘢都好重要。咁樣你先會覺得佢值得番黎。店員先講解，後推介，我地照跟，因為佢講得自然，無令人唔舒服。肉質好，生熟準，已經有八十分，淨番落黎嘅加減分位就係醬汁同埋配菜。Flat iron 同 prime 390，除左價錢分別，但係我想講，兩者都handle到，我自己比較中意有𡁻頭嘅肉，唔好太肥。伴牛嘅配菜比較簡單，醬汁相對出色。任食薯條，有陣陣松露味，點會唔好食到最後已經飽咗七成嘅情況底下，問我食唔食甜品，係熱情果撻，我本身好鍾意熱情果，所以我哋兩個人要咗一件，結果差唔多一個人食晒。酸酸甜甜，甜甜酸酸，餅仔濕濕軟軟，係我中意嘅質地。想分享下一件小插曲，我偷聽到隔離枱個女仔食唔到件豬扒因為覺得條片太肥，店員二話不說收走佢同佢講冇問題唔好意思之前冇同佢解釋清楚，好有禮貌咁同佢講唔好意思，仲主動提議送個甜品俾佢補數。呢啲咪令人舒服，開心，會番轉頭囉！
牛扒好之餘，其他嘢都好重要。咁樣你先會覺得佢值得番黎。
店員先講解，後推介，我地照跟，因為佢講得自然，無令人唔舒服。
肉質好，生熟準，已經有八十分，淨番落黎嘅加減分位就係醬汁同埋配菜。
Flat iron 同 prime 390，除左價錢分別，但係我想講，兩者都handle到，我自己比較中意有𡁻頭嘅肉，唔好太肥。
伴牛嘅配菜比較簡單，醬汁相對出色。
任食薯條，有陣陣松露味，點會唔好食
到最後已經飽咗七成嘅情況底下，問我食唔食甜品，係熱情果撻，我本身好鍾意熱情果，所以我哋兩個人要咗一件，結果差唔多一個人食晒。酸酸甜甜，甜甜酸酸，餅仔濕濕軟軟，係我中意嘅質地。
想分享下一件小插曲，我偷聽到隔離枱個女仔食唔到件豬扒因為覺得條片太肥，店員二話不說收走佢同佢講冇問題唔好意思之前冇同佢解釋清楚，好有禮貌咁同佢講唔好意思，仲主動提議送個甜品俾佢補數。
呢啲咪令人舒服，開心，會番轉頭囉！
张贴
