Top Blade Steak Lab (新城市廣場一期) (已結業)

呢間餐廳知道左好耐，不過一直都未有機會去試，咁岩喺沙田搵食咩，朋友喺商場飲指南見到就即刻選定😋😋餐廳只賣平鐵牛扒，即係牛肩部位，相對少運動到既地方，所以肉質都比較嫩，不過間中會食到少少筋位，不過都好幼，唔難切走👌🏼🎈是日特別版招牌平鐵牛扒 $238是日精選呢樣野就真係要睇緣份，而我今次好有緣份同3小時慢煮平鐵牛扒相遇🥰點菜既時候職員有好貼心提醒我地個扒係大約5-7成熟👍🏻雖然係5-7成熟，不過因為低溫慢煮既關係，所以塊扒特別嫩滑，淡淡粉紅色又唔會有血水👍🏻👍🏻另外伴碟既牛油烤粟米、露筍同粟米蓉都好好味😋😋絕對係一次美好的相遇🥰🥰🎈美國390日穀飼Prime級平鐵牛扒 $268餐廳最貴既扒都係$268，當然要叫黎試試😋😋叫左3成熟，生熟程度處理得岩岩好，兩邊亦都煎烤得好香，簡單配碟上既海鹽已經好好味👍🏻👍🏻🎈 無限添加薯條 $0係我最鍾意既幼薯條，新鮮熱辣炸起，真係食唔停口。仲提供埋QR code自己想點幾多都得🤣🎈Dirty檸檬特飲 $45🎈無酒Mojito $48兩款飲品都好fresh，好岩配熱辣辣既薯條😝

最近開左連鎖嘅新式扒房Top Blade ，岩晒我呢d食肉獸！去果日係平日晩上1800度，排左15分鐘就入到lucky！一入坐店員會詳細介紹menu嘅項目，非常抵讚。成間舖頭只賣牛三角肩對上位置，係牛排最嫩肉味濃嘅位置，整體食物水準偏高。是日特別版招牌平鐵牛扒(每日限定) Today’s Guest Chef Flat Iron ($238)每日限定嘅肉味較普通牛扒濃郁，牛扒叫左medium，黎到生熟度岩岩好，我個人比較怕切開太生流血水，但medium切開肉質呈粉紅色，食落juicy嫩口肉味濃，再配上洋蔥圈、炸洋蔥絲同醃洋蔥等，每一啖都食到唔同嘅配搭。美國390日谷飼prime級平鐵牛扒$268叫得prime果然唔同d，肉質比每日限定再霖身d嫩口d，兩款都係叫medium，食落口感真係有分別！一切落去肉汁爆晒出黎。個人覺得以性價比黎講，prime真係好抵食！薯條炸薯條係任食嘅，自己可以任意加鹽加黑椒調味。凍Dirty檸檬特飲$45同一般凍檸茶好唔同，有少少似咸檸七但檸檬味更突出，真係好特別嘅！真係要飲過先知岩唔岩口味！

經過幾次呢間野都係要排隊同埋比去簡約嘅裝修吸引到入面嘅環境都幾闊落我係點左$268嘅 美國390日牛扒我係叫咗五成熟嘅 一嚟到已經好香望落去塊牛扒好靚仔😍 切開仲靚咬落去好好好淋 完全唔會話咬唔開或者黐住晒啲牙 好高質一定要趁熱食 入面冷氣都幾大每一啖入口都好香牛味 暫時黎講喺香港我食過最好食嘅牛扒🥰不過佢個醬汁就冇咩味同埋好水 食唔出到底係咩隔離嘅薯蓉亦都好出色 好綿滑 用嚟解油膩一流另外要重點推介去呢度嘅薯條🍟主菜嗰啲就人手落單嘅 有其他薯條飲品就可以用QR code手機落單佢啲薯條炸到好香脆 同埋有一浸黑松露味懷疑應該係用咗黑松露嘅鹽？成個感覺都好香 忍唔住食咗好多 😂而且仲要係免費 不得了兩杯嘢飲係檸檬特飲 同 白啤中規中矩 個人比較鍾意白啤

之前經過見裝修幾靚都想入去試下, 今日就同朋友去左試. 我地大約7點左右去到,見到都要等位, 等左大約15分鐘就入左去.店員為我地帶位後有細心介紹餐牌, 店員亦都推薦我地試下佢地既美國390日穀飼Prime級平鐵牛扒, 肉質比較嫩滑. 另外枱上已經有茄汁 黑椒同 揉手液 十分之貼心我地分別叫左三份牛扒, 一杯日本三得利生啤, 一杯有檸檬特飲同一杯可樂-美國390日穀飼Prime級平鐵牛扒 $268牛扒可以自己選擇幾成熟, 我地叫左兩塊七成, 一塊五成.肉質嫩滑多汁冇筋, 碟上仲有小小鹽 點埋令牛味更加突出, 三塊牛扒都煎得岩岩好. 另外配埋薯蓉同蕃茄仔一流, 薯蓉入口好香滑, 蕃茄仔都好甜.-Whisky Dirty Lemonade $75味道幾特別, 檸檬配上威士忌 正好可以解膩-日本三得利生啤 $55淡淡既啤酒味 好易入口 唔錯- 可樂 $26可樂係罐裝上 唔怕冇氣-薯條新鮮炸起既薯條 仲有啖啖黑松露味 仲可以任食, 正!!!

今晚黎左Top Blade 食晚飯，之前一直想試，但每次經過都唔少人，今日平日早少少過嚟好快有位。呢度主打食flat iron + 任食薯條, 最basic既餐只係$150, 好抵食。我地點左一份USDA Prime Flat Iron同埋Today’s chef. Today’s chef 係慢煮牛扒，餐廳建議3成熟。牛扒8oz, 慢煮牛好嫩好重牛味，就算係3成熟都唔會好生，好味。而USDA Prime Flat Iron重味更濃，比較有咬口，5成剛剛好，Vi比較中意呢款USDA Prime!呢度重點可以任食薯條！用QR code落單，唔洗1分鐘薯條就送到，新鮮即炸熱辣辣，一共refill左2次！野飲方面點左Dirty Lemonade同dirty lemon tea。另外再試左小食蟹餅，啖啖蟹肉幾唔錯。

一坐低就已經嚟咗兩客薯條，用黑松露油炒，好香！仲要任食。店員亦都好細心講佢menu上精選菜畀我哋聽。最後我哋揀咗today’s guest chef flat iron同埋us prime 兩款牛去食。today’s guest chef flat iron今日呢個係慢煮flat iron牛,配上忌廉粟米蓉肉同埋新鮮grill粟米. 先講一講牛扒, 因為係慢煮嘅關係就算你望落去可能比較熟但入口都十分嫩滑, 滿滿嘅咬口同好濃香嘅牛肉味,諗唔到配埋忌廉粟米蓉,兩者嘅口感十分配合,可以將牛肉嘅油香帶入去粟米蓉裏面, 而牛肉每咬一口又有返粟米既甜味, 出乎咁夾 而鮮烤粟米每一口咬落去都好脆好甜,食得出係好新鮮嘅。美國390日殼飼PRIME級平鐵牛扒我哋揀咗medium rare出嚟嘅效果十分完美, 見到中間嗰部分鮮紅色就已經感覺到呢一塊牛扒係好好食嘅。第一口入口,已經知道自己冇叫錯，極濃郁嘅牛味同埋肉質嘅滑度。千祈唔好唔記得點碟上面嘅海鹽,因為會令牛味散發出嚟更加強烈，配菜配上好creamy嘅薯蓉。都係classic 牛扒一定會有既。飲品方面我都要再一杯dirty lemonade同埋一杯mo

聽過好多次Flat Iron嘅大名，今次終於有機會試吓😂沙田新城市呢間扒房主打Flat Iron平鐵牛扒，西冷、肉眼就食得多，Flat Iron真係第一次食～不過其實我唔係好食得出唔同部位嘅唔同🤪但單單就呢塊牛扒而言，味道係好食嘅😋meun上面寫推薦5成熟，而我覺得呢個生熟程度真係啱啱好！平時最怕啲牛扒好韌或者好多肥膏，但呢塊完全唔會！而且牛味都幾香幾濃～仲有任食嘅黑松露粗薯條🍟側邊仲有黑椒可以任加啱哂我😝

呢區比較少扒房選擇而呢間扒房比較特別既就係食flat iron啫係牛三角肩對上既肉位冇咁肥 但仍然肉質嫩滑 肉味比一般肉眼西冷更濃係坊間較為少見既Menu上比較簡單 餐湯同沙律都不過不失仲幾抵食一場黎到當然試下最靚既美國390日穀飼prime級平鐵牛扒叫Medium rare真係做到岩岩好肉味好濃 而且好嫩滑 火喉岩岩好薯條方面 今次未係好熱 可能放左一陣建議第一次比少d客人有時一次過食唔哂會凍左寧願每次少少 之後再加

沙田新城市真係越嚟越多好野食！🙃今日同好朋友食呢間Top Blade好驚喜🥳🥳🥳本身呢間野平時好多人排隊，好彩我哋今日早咗少少嚟先有得坐梳化咋😅本身諗住減肥，但係見到佢個牛扒又真係好似好吸引，所以一人叫咗一份🤟✌🏻🤟✌🏻我朋友食5成熟，個粉紅色好靚，佢話火候啱啱好喎😀我食7成熟，好滿意呀，因為熟得來又唔會硬晒，真係要讚下佢本身390-day牛扒嘅質地真係非常靚，先做到呢個效果👏🏻👍🏻👍🏻👍🏻😜爭啲忘記咗要讚下個薯蓉，好滑好香，同個牛扒好夾🤪🤪佢個番茄湯都幾有heart架，有粒粒蕃茄喺裏面，口感非常正😎 by the way,佢個薯條炸得好好食，夠挺身，good!!!😉我叫咗杯breakfast tea, 我朋友就叫咗杯凍檸茶，個點綴位係放咗一條香草做裝飾，成件事即刻升咗level 👏🏻👏🏻👏🏻🥳🥳🥳沙田都有嘢食㗎✌🏻✌🏻✌🏻

今日同老朋友敘舊，佢建議食牛扒，仲話可以無限添加薯條，好似好吸引咁喎餐廳食物款式簡單及清晰，主食主要有五款，及少量沙律、湯和小食。我哋每人點完一份主食，店員就立即送上兩碟薯條，薯條係偏長及幼身嗰種，食落口熱辣辣，非常香脆，同時帶有黑松露香味，非常好吃！客席主廚限定平鐵牛扒，牛扒非常香濃及嫩滑，配菜有四款不同煮法嘅洋蔥，豐富了整個主菜的口感。美國390日谷飼Prime級平鐵牛扒，呢塊牛扒嘅淋滑程度比限定平鐵牛扒更加高，果然係Prime的級別，一入口就已經比濃濃嘅牛香覆蓋住Iced Dirty Lemonade-清新得黎又唔太甜無酒精既Mojito，唔甜，但十分清新。

Flat Iron牛扒係一頭牛中可謂相當特別,原本一個平平無奇而且價錢相對便宜既部位但經處理過後就可以變成一塊口感嫩滑無比既牛扒,完美地打破平野無好,好野無平既道理.USDA prime 390-day grain fed flat iron 以薯蓉伴碟,煎成焦香朱古力色既牛扒內卻帶住香嫩既粉紅色,令人垂涎三尺.肉質果然無令人失望同預期中一樣嫩腍細膩,雖然無太多牛脂既牛花但肉味都好濃香.咬入口充滿肉嚼勁又唔會過韌.薯蓉打行香滑,味道重牛油香但唔會過膩.Herby flat iron 配上原個烤蒜頭及rosemary做伴碟,經烤香過既蒜頭無晒辛辣味,反之帶出蒜頭既甜味.雖然係餐牌內最入面既Flat iron,價值相宜但質素絕對唔會求其.牛肉質感同樣香嫩,但對比prime flat iron既口感會較韌及肉汁無咁多.但以咁既價錢黎講,佢既質素已經係好top！Free flow fries 幼切薯條新鮮炸起夠晒香脆,除左以鹽作調味,薯條亦帶一陣牛脂香味,呢一份牛脂香味令薯條風味完美地昇華.Iced Dirty Lemonade 自家特調既檸檬茶,底下既檸檬加入少少焦糖,入口除左甜味及檸檬既

Bookmark 咗呢間餐廳一段時間，今日終於有機會黎試一試傳說中嘅flat iron星期六，食得早少少，6點半都仲係唔需要等位，但到咗7點商場突然之間變得人頭湧湧，建議可以早少少嚟食。一坐低店員會問你係咪第一次嚟，然後會好詳細咁介紹餐牌上各項食物，連飲品都會介紹吓，呢樣服務真係做得唔錯食飯之前我見過OpenRice嘅review，牛扒嘅水準唔係太穩定所以我叫咗個最入門嘅香草平鐵牛扒五成熟(8 oz)。點完餐之後店員好快就送咗一碟熱辣辣嘅薯條上台，新鮮炸起真係好評松露味都突出，不過覺得可以再脆啲枱上面有茄汁同胡椒俾大家自己加，我呢個番茄狂就喪落茄汁好快牛扒都上枱，份量對我嚟講啱啱好，牛味唔算濃，冇overcook，肉質雖然唔係好嫩但係都唔會過韌，我就覺得啱啱好，係好食嘅 下次會想試下升級版嘅flat iron，想試肉味重啲香啲嘅扒

平時鋸扒，通常比較常見都係西冷同肉眼呢2個部位，「平鐵」Flat Iron呢個部位真係比較少餐廳會食到。Flat Iron係喺牛肩胛部裡面屬於最軟嫩嘅部分，而且肉味非常濃厚…自從倫敦旅行試過Flat Iron之後，返到香港都無機會再食到，直到發現Top Blade Steak Lab呢間扒房，正正就係主打Flat Iron平鐵牛扒。今日就專程去沙田一試！餐廳裝潢以工業風設計為主，餐廳裡面座無虛席，同一般扒房唔同，餐牌比較簡單，牛扒方面就係獨沽一味只賣Flat Iron，另外亦有豬鞍架同漢堡選擇。薯條呢度嘅薯條係免費，而且一人一碟，無限refill，即炸即上，熱辣辣，非常新觧！薯條簡直係誠意之作，每一口都散發陣陣黑松露嘅幽香，令人食唔停口，真係好好食！美國390日穀飼Prime級平鐵牛扒牛扒點咗五成熟，廚師控制得剛剛好，牛扒無太多調味醬料，主要靠碟上嘅岩鹽嚟調味。食起嚟軟腍適中，牛味香濃；另外，跟配嘅薯蓉口感軟綿，幼滑如絲，的確唔錯！是日特別版招牌平鐵牛扒 (每日限定)店員介紹呢款係以慢煮形式去烹調，所以就冇得選擇生熟程度⋯就眼見，牛扒大約六成熟，咬落肉質軟嫩，肉汁豐富，同Prime嗰塊

沙田新城市廣場食店林立，喺商場地下全部都係食肆，沒有那一間不用排長龍。既然要等位，當然要搵一間性價比極高嘅餐廳，(Top blade steak lab)係其中一個好選擇，平價plan A 只需$150就食到八安士牛扒(加$50多四安士)；而抵食價plan B $268有USDA Prime質素，實屬不錯之舉。店舖風格時尚之餘帶點復古風，格仔玻璃能擴闊視野，增加空間感。從門外看人流進進出出，大家仿彿為了品嚐高質牛扒而努力等候。座無虛席。美國390日谷飼Prime及平鐵牛扒$268，賣相十分精緻美觀，食客紛紛相機至上，實行相機食先，打卡為快。在吸引鎂光燈的照射下，各種配菜互添色彩，叫賣叫坐。番茄甜酸度恰好，配合荷蘭豆的鮮甜，加上即磨薯蓉那份綿滑口感，滿足口舌之慾。牛扒肉質鮮嫩，肉汁豐富，嫩滑程度可媲美烤牛柳（tenderloin)質感。粗薯條無限添加，採取厚切形狀，內層質感更豐富，咬開熱呼呼香脆的，還帶一縷黑松露油的香氣。Mojito雞尾酒(無酒精)$48，缺少了冧酒(Rum)的Mojito ，沒有了酒類飲品的嗆喉帶辣，反而把青檸汁，梳打水及薄荷的味道更能融合在一起，酸甜感平均，味蕾感覺

有晚約左個外國長大既食肉獸朋友食飯聚聚☺️ (哈哈哈，見到我咁形容你唔好嬲豬我啊🤭）我就提議鋸扒🥩🍴揀左好就大家腳既𝗧𝗼𝗽 𝗕𝗹𝗮𝗱𝗲 𝗦𝘁𝗲𝗮𝗸 𝗟𝗮𝗯 💛一坐低店員就好詳細咁介紹成個menu既菜式同飲品～ 就算我一時走神要麻煩佢再重覆一次，店員都好有耐性咁講解👍🏽講下叫左咩啦💁🏽‍♀️➿ 美國390日谷飼𝑷𝒓𝒊𝒎𝒆級平鐵牛扒 ($268) 我地都覺得medium岩岩好，軟冧得黎又充滿肉汁😋 而且好有牛味，蘸好少見既白胡椒汁或者岩鹽都好好食😆 仲有大大粒焗得唔會過冧既蒜頭花🧄➿ 西班牙栗飼豬鞍扒 ($160)豬鞍扒一d都唔乾，肉質鬆化，朋友話食到有d部位覺得同某燒味黃店既高質叉燒既口感差不多😋 而豬鞍入面既油脂令到整體更加香😀 ➿ 薯條 ($0)條條薯條🍟都脆卜卜der，仲有黑松露香🤤 最緊要係，任食‼️ 無懼第日爆瘡都要encore多兜，哈哈(最後真係有爆🤭）試左兩款店員大推既飲品💁🏽‍♀️➿ 𝒊𝒄𝒆𝒅 𝒅𝒊𝒓𝒕𝒚 𝒍𝒆𝒎𝒐𝒏𝒂𝒅𝒆 ($45)我飲過既lemonade都幾酸下🤢 不過呢杯唔會，味道有d似檸蜜梳打，而甜味唔係蜜糖🍯，而係焦糖味～➿ 𝒉𝒂𝒏𝒅𝒄𝒓𝒂𝒇𝒕𝒆𝒅 𝒗𝒊𝒓𝒈𝒊𝒏 𝒎𝒐𝒋