Top Blade Steak Lab (新城市廣場一期) (已結業)

下午想早啲去食晚餐，祗有午餐餐牌沒有薯條任食，想等五點叫晚餐菜牌，職員話晚餐菜牌按人頭計叫餐，又唔早啲講清楚等我叫咗一份午餐後再問佢先講，今時今日嘅服務態度真係完全唔掂，呢啲咁嘅食店應該要一早執笠，絕對影響香港服務業嘅形象。食物嚟度嗰陣溫度唔係保持得特別好，牛扒亦唔係特別，個人覺得比起outback差好多，除非係想薯條任食，否則俾多三幾十蚊，唔駛限時限刻交抬，而且呢間餐廳嘅薯條亦算係中水平，試一次冇所謂再多一次就唔好搞

今日去開沙田買野 係新城市度覓食 朋友話地下有間食扒的有任食薯條 一定飽咁話 就決定去試下 基本上差不多七點已經要排隊 好彩我地都係等左十五分鐘左右等候的時間順便望定佢門口張menu 一坐低店員已經走黎向我哋介紹返佢個餐牌Flat iron係第二嫩滑的部位 就決定要一試佢個390 day prime grain fed 另一個主菜就叫左 today’s guest chef flat iron落左單唔夠5分鐘 已經有薯條送上解解餓有胡椒粉同埋茄汁可以配 都有細心位放左消毒啫喱係隔離墊好個肚之後望下餐廳 原來佢特色牆係count 緊Social Media ge like 🤣第2 嫩滑的平鐵牛扒 好易切 易入口 食落都有好raw的感覺 是日精選就多d燒左的味道 同埋都會有少少牛根 但又唔會食唔到 配埋粟米蓉幾惹味另外配左兩杯飲品 人均三百左右 果然真係好飽足 大食的人可以再refill薯條🤣

相信唔少人都認識「Top Blade Steak Lab」呢間專食平鐵牛扒嘅專門店餐廳，我由佢喺何文田開第一間店就已經開始幫襯。不經不覺喺幾年之間，佢仲托展至銅鑼灣同沙田，好犀利👍。我同朋友平日晚上去新城市廣場食飯，佢話未食過Top Blade，所以就帶佢嚟食吓。估唔到成八點半鐘都仲要等位😅，但好彩店員們好有活力，做嘢快手，等咗十分鐘左右就入得。另外，佢哋對菜式內容非常熟悉，態度專業，抵讚。餐牌多年來都無乜點變，而且好似仲無加價添😍。主菜選擇得五款，貴精不貴多，包括三款牛扒、豬鞍同漢堡包，價錢由$150至$268不等，另外仲包薯條任食。我認為呢度絕對稱得上係性價比高之選！美國390日穀飼Prime級平鐵牛扒($268)，店員向我哋介紹Flat Iron即係翼板肉🥩，佢係成隻牛第二嫩滑嘅部位，僅次於牛柳。呢款美國390日Prime級牛扒質素稍勝其他品種，牛味較為濃郁🐮，因此用簡單嘅調味都已經好好食。醬汁係青胡椒忌廉汁，味道唔會太搶，唔錯。牛扒建議生熟度為三成或五成，我哋要咗五成熟，廚師控制火候得宜🔥，你會見到肉身呈嫩粉紅色，肉質亦如期望中細嫩。呢款牛扒伴旁仲有薯蓉添🥔。是日特別版招牌平鐵

最近新城市多左好多關於毛孩的活動除了毛孩公園開返之外，更有個小市集呢日過黎買完野之後就直接食埋晚餐之前一早已經留意到呢間扒房，Menu選擇唔多只有五款主食,另外有沙律、湯、小食同甜品供應落完單之後，店員主動送上熱辣辣薯條薯條落左松露油，好香，只要你食得落，仲可以任叫任食美國390日Prime穀飼牛扒店員推薦3/5成熟3成熟，中間淡紅色，又唔會有血水，牛味好濃而且充滿肉嚼勁重點係唔會過韌，薯蓉又夠香滑西班牙栗飼豬鞍架豬鞍扒嘅份量好多，又夠厚肉，食起黎又都唔韌檸檬茶，配上自家制檸檬糖水清新又唔會過甜，可按自己鐘意糖度加落去

話說沙田新城市裝修完咁耐, 好似都未認真行過。 咁啱今日約朋友黎行街, 佢話而家多左好多新野食, 仲介紹左lee間專食牛扒既店, 仲幾親民價錢, 就黎左試。7點未到, 門口已經要等位, 平日黎講都幾誇張。入到去坐, 好熱鬧。 雖然人多, 好彩侍應都算快手, 落單, 出菜都算快。一坐底介紹左d扒就上薯條, 佢d薯條可以任添架, 真係犀利。 佢地既薯條比較幼身, 有淡淡既黑松露味, 唔會太咸, 幾新鮮同埋好香, 果然會令人忍唔住係咁食。我地叫左佢既每日限定: 平鐵牛扒。 因為佢係專門食牛扒既舖，有d信心, 我地就叫左5成熟。 果然不負眾望, 5成熟好好味。 煎得非常到位。 肉質軟熟, 牛味都非常之香。佢比美國既平鐵牛扒薄d, 但口感真係好juicy, 伴菜燒粟米又超甜。美國390日谷飼Prime級平鐵牛扒。 真係煎得好靚。 質地比較厚, 但依然稔身, 又香又好食。朋友仲叫左杯紅酒襯返個紅肉, 我就叫左dirty lemonade。 2杯都好唔錯。因為太多人啦，所以每枱只可90分鐘用餐。 好食既店真係會有d唔夠喉，希望下次再黎試多d野。

喺沙田呢個最大嘅商場搵地方食晚飯，見到呢間餐廳外面企左好多人，應該好受歡迎，所以入去食飯餐。坐低已經可以有個免費嘅薯條，侍應仲俾咗一張電腦bar code，如果想refill仲可以免費加潻薯條，攪到個氣氛好好，一坐低已經好開心。我同朋友都分別叫咗一牛扒，一份五成熟，一份三成熟，其實我都唔識分幾成熟，不過侍應建議咁樣係最好食，咁就聽佢介紹啦！香草平鐵牛扒($150)，五成熟，有一個原個garlic伴碟，garlic熟咗之後有香甜嘅味道，伴碟牛扒都唔錯！美國390日穀飼平鐵牛扒($268)，三成熟，有mashed potato 伴碟，牛扒口感好嫩，mashed potato有香濃嘅牛油味，配牛扒就啱晒😋！

遲遲未跟好兄弟慶祝生日，有點愧疚。知道他喜愛吃牛扒，便帶他到這間少數主打Flat Iron的扒房。Flat Iron這個部位絕對罕有，一隻牛大約只有約5公斤。除去筋位後，會變得嫩滑無比，再經21天濕式熟成(Wet-Aged)處理，肉質維持柔嫩之餘，更多了份牛味。美國390日穀飼PRIME級平鐵牛扒 - $268穀飼牛本身油花較多，PRIME級更是美國牛扒中的頂級，油花分佈均勻得如大理石，牛味好濃郁。雖然店員推薦三成熟才能品嚐出最佳口感，但個人還是怕生，選擇了五成熟。牛扒表面煎得有點焦香，切開中間非常粉嫩，入口柔軟無比。薯蓉好綿密，帶點牛油香，還有粒會爆汁的車厘茄。香草平鐵牛扒 - $150每份足八安士切成五片，五成熟肉身也好粉嫩，充滿牛脂香，簡單的海鹽和香草調味已經好突顯本來的味道。想濃郁一點的話，可以試夾著旁邊的烤焗蒜頭花，裡面的蒜頭金黄軟糯，又軟又甜。任食薯條法式薯條主打幼身，即叫即炸，特別酥脆爽口，連皮即炸薯仔味更出。薯條本身已經有白松露鹽調味，有濃郁香醇的松露香，基本上不必再以茄汁調味。Dirty Lemonade - $45Grilled fresh lemon, rosem

已經食過幾次，專食牛嘅餐廳，幾乎清一色只係食flat iron位，唔食牛都可以揀豬🐷，職員好nice會仔細講解每到菜有咩分別同餐廳邊啲特別出名。只要叫左正餐就可以任食薯條🤩，用QR code加薯條。美國390日穀飼Prime級平鐵牛扒 $268職員建議3成熟，跟薯蓉同車厘茄，薯蓉好滑，牛扒厚得黎唔鞋，肉質幾嫩。每日限定 $238指定熟成度，估計應該5-7成熟，牛扒底有啲粟米蓉同燒粟米，粟米鮮甜多汁有啲啲炙燒味🤤，牛扒無另一款咁厚，味道其實差唔多。羽衣甘藍雜果汁 $35睇名咁健康以會好草青味好難飲，點知甜甜地好易入口，可能無攪匀，開頭只飲到果汁味，飲到底先飲到羽衣甘藍味。Dirty lemonade $45餐廳推薦飲品，有氣檸檬水加左迷迭香糖漿調製，味道更有層次

同朋友仔喺沙田行咗一日街，突然間好想食牛扒！餐廳風格係我中意嘅earth tone feel♥️😅我同我朋友見到有2個”跳字牌”，一個係社交平台 like一個係社交平台follower個count，我地超無聊，試下like個社交平台，真係有加咗一個follower count 😂<香草平鐵牛扒>牛味超香濃，亦非常之多肉汁😍我地加咗$50增量🐽正！<美國390日殼飼Prime級平鐵牛扒>推介！肉質好嫩滑！！！我地光速食完😍😍薯蓉好creamy♥️任食薯條！係有我最中意嘅薯皮☺️加黑椒食正！<Dirty Lemonade>食牛扒、薯條配呢杯drink係prefect! 唔會太酸，well balanced !

今晚去開新城市行街，大家都想据下扒，發現呢間都幾多好評，一於試下。門面唔會好突出，比較簡潔，入面都幾多座位。服務員都好殷勤，會介紹返唔同既扒類。同呢度特別之處係佢啲薯條係無限refill，可以自由配搭黑椒同鹽，仲要新鮮炸起，熱辣辣。我地分別要左美國prime 既平鐵牛扒 三成熟，牛既肉質鮮嫩，火喉恰到好處，唔會過靭，配上薯蓉，口感細滑。另一份要左西班牙粟飼豬鞍扒，上碟超大份，夠哂厚切，食落超級飽肚。豬鞍扒油脂分布均勻，咬落充滿肉汁，夠哂抵食。飲品試左自家調製既iced dirty lemonade 檸檬特飲，酸酸甜甜，帶有柑桔既果肉，好清新開胃。另一杯係mojito ，清新薄荷檸檬梳打，一解油膩感。

睇餐廳名都知係一間食牛扒既餐廳除左主打牛扒 最吸引係無限添加薯條 相信好岩一眾薯魔 餐牌選擇唔多一頁睇曬 有選擇困難症嘅朋友都唔使煩燈光比較陰暗 環境簡潔 座位非常闊落 坐得好舒服入座有限時限制 不過上菜速度好快 擺盤有薯蓉同蕃茄作配菜今次簡左7成熟 開頭一上菜時見到肉仲係紅色本身有d擔心會唔會太生 血淋淋但食落後竟然唔會 肉質軟琳 唔會韌 肉味濃烈 無血 唔會有腥味 睇落唔算好大舊 但食完已經覺得飽唔夠可以瘋狂食薯條薯條 竟然食到有少少黑松露味 雖然係幼薯條 但唔會好似大型連鎖店個隻味擺左陣食都仲脆 薯味十足無限添加嘅薯條有呢個質素我覺得好值得一讚 個人食完跟餐提供既薯條份量後已經好飽 無再添加額外份量今次淨係叫咗兩杯酒精飲品同可樂味道都正常 如果有更多飲品選擇就好

🍽Top Blade Steak Lab沙田新城市一向係我放工之後搵嘢食嘅地方，今日就嚟咗想試好耐嘅呢間扒房，順便瘋狂食一吓呢度任食嘅薯條！🤍美國390日穀飼Prime級平鐵牛扒（$268）唔講唔知，原來穀飼嘅牛係比起草飼嘅牛肥得多，所以自然更重脂肪嘅香味！而呢個最高級嘅flat iron都冇令我哋失望，除咗切到一塊塊好方便我哋食之外，仲去晒啲筋，容易入口。食落好有好香濃嘅肉味，唔使點加其他醬汁，就咁用少少海鹽就已經可以帶出flat iron既味道。通常食呢種牛嘅時候都會叫三成熟，一般食開rare嘅人都知道通常餐廳都會煮熟少少，但係為咗帶出塊牛扒最好嘅味道，呢度真係會煮返三成，值得一讚🤍 3小時慢煮牛 配粟米、粟米蛋黃醬（$238）呢個係是日限定嘅Flat iron, 我哋都係一坐低聽完職員嘅介紹之後先至決定叫。呢個牛扒咬落都係好腍身，肥瘦均勻，比起第一塊牛扒會熟少少，而且份量都多啲。驚喜嘅係佢有配左粟米蛋黃醬，令到個餐更香甜更fresh🤍凍dirty檸檬茶（$40）佢唔係用新鮮嘅檸檬，而係用咗檸檬糖漿，糖漿嘅份量可以依個人喜好自己調節，落得越多，酸酸甜甜嘅感覺就會越濃烈🤍無酒精Moj

商場据扒要食得靚嘅都好貴，老友就介紹新開無耐嘅呢間餐廳，性價比有幾高，每位客人中任食黑松露薯條，即炸㗎 ！輕輕嘅黑松露味價值炸薯條，又香又夠晒惹味！好早嚟到都要排隊；諗左陣食咩部位最好，識食梗係食Flat Iron，牛肩胛最嫩滑部份，嫩滑軟淋嘅牛肩胛放上碟，碟上有海鹽可以調味。兩粒車厘茄有啲畫龍點睛嘅效果，食一半食粒車厘茄refresh一下，再繼續食係上策。食薯條食牛扒，點可以唔飲野，冇酒精Mojito同Dirty Lemonade，都清爽薄荷夠晒涼快。上菜快靚正，地點加食物質素值得再幫襯。

又嚟到食牛扒嘅時間啦，今次就唔出去尖沙咀銅鑼灣嗰間野去咗沙田第一城嘅時間食牛扒餐廳，其實依間餐廳喺銅鑼灣都有分店，之前見到係排長龍嘅，今日行去新城市廣場見到唔使排隊就即刻衝左入去試佢最出名嘅牛扒。食肉獸嘅我就梗係叫個最貴嘅牛扒嚟試一試佢，午餐來講200幾十蚊，我就覺得有啲期待啦，依度嘅牛扒餐就包埋薯條或者湯或者飲品，我就叫咗薯條，店員仲好好態度，問我使唔使要芥末去食牛扒。佢係用網上QR code叫餐嘅，所以喺入面要揀埋食幾多成熟，餐廳推介三成熟，但我怕太生，所以都係叫五成熟。講咗薯條先，佢比起出面嘅薯條炸得更加乾，所以入口更加脆，而且份量都多，我食唔晒。至於牛扒就可以俾大家睇吓幅圖，佢嘅牛扒煎到五成熟啱啱好，唔會太生，唔會有血水流出，同埋佢烤得好香，有牛味！我同朋友都好滿意呢個質素嘅牛扒，如果大家都唔想去依間餐廳，但知道銅鑼灣太多人，不妨試吓來沙田依間分店。飲品就叫咗一杯dirty lemonade 同茶。

高質flat iron steak 我鐘意7成熟 肉質好淋 肉味豐富 薯條用黑松露油黎炸 好香 就算唔落茄汁都已經好好食 午餐黎講 價錢合理晚餐薯條任食 我呢d薯條控 都添左兩次 服務員都好好態度 好樂意添比我 大滿足💛