Top Blade Steak Lab (新城市廣場一期) (已結業)

呢間一直都係我嘅懲罰List 入面，之前仲睇埋 #餓底TV 條片真係好吸引，終於搵到位可以捉埋男友嚟試下~呢間主打食係牛，但對於唔食牛嘅我都仲有豬選擇。一到去侍應會問返係未第一次嚟，會介紹返Menu上每個Items, 而且仲留意到我之前話叫豬，都介紹返個豬鞍係粟飼豬，入口會比較甜(雖然我食唔到邊到甜)。叫左一個Flat Iron, 5成熟，男友嘅味覺就係好好食好淋好有肉味。叫佢試吓蘸埋碟邊嘅鹽，更加好食~而我嘅粟飼豬油脂好香，輕微微嘅膻味唔討厭，厚身啖啖肉，再配埋酸酸嘅洋蔥碎好解膩~兩碟都有原隻蒜頭，無蒜嘅辛辣同蒜味，反而滑又淋身，反而似食緊薯仔，好特別~呢到薯條係無限叫，第一轉唔駛自己落單，預設咗嘅~薯條比較幼身，但入口夠挺身，配埋檯上自己任落嘅黑椒已經好夠，配埋少少茄汁已經好正~之後想叫可以用QR CODE 落單~ 不過之後我地想叫多份薯條又怕食唔晒，問過原來可以搵待應落單叫半份，讚~~另外叫咗個餐湯+藜麥沙律，南瓜湯好Creamy, 而藜麥沙律估唔到個底滿滿嘅蟹肉絲，非常好食~~唯一比較普通就係杯Lemonade, 可能所有野都偏濃味變得佢比較薄同淡身~下次叫返酒精類可能會開心D

呢日黎到沙田topblade食下牛~ 未夠7點門口都好似有D人龍, 原來都係等緊安排入坐~ 等左冇耐就入得啦~ 入面既座位都幾舒服, 仲有個籃可以俾你放袋~ 一入到去店員已經問我地有冇黎食過, 如果冇既話佢就會介紹下個餐牌! 店員介紹得好仔細, 仲會話俾你聽每款牛最好係配幾成熟, 如果對生熟程度冇乜概念既, 都可以聽從店員既建議~ 咁樣舊肉就會係最岩食! 我地都叫左prime 級既flat iron, 揀左店員推薦既3成熟, 真係冇介紹錯~ 我地一落完單, 店員就即刻幫我地落左兩碟薯條, 之後食到咁上下, 仲問我地駛唔駛refill! 佢既薯條係粗薯條, 有好香既黑松露味, 超好食! prime 級flat iron充滿住牛味, 食落入口都覺得好香…. 伴碟仲有薯蓉同蕃茄, 食落勁Creamy! 超吸引! 已經諗定下次食乜!

What a joyous surprise. Make sure you come here for some PROPER steak!We stumbled across this place in new town plaza with no queue outside. We went in nervous that the small queue indicated poor quality - how wrong we were.We honestly had the best steak we’ve found in HK in 5 years - for $150 a person. The top blade is a good size. Tender, well seared and seasoned. Melts in your mouth.Unlimited chips and nice drinks add to the lovely experience.0 grumbles - only downside is that we’ll be spendi

男朋友同同事食過一次之後一直話要帶我嚟試下，不過成日喺附近嗰陣都好飽食唔落😂今日去沙田醒起有分店，lunch特登食少啲留肚😆好在醒起要book位，8:30去到門口仍然人山人海😱果然非常高人氣～坐低之後staff會問你係咪第一次食，介紹下menu 3款牛有咩分別同埋是日特別版牛、是日餐湯、是日小食。另外仲有無限refill薯條，食完可以掃QR code encore🍟🍟🍟話說我一直以為平鐵牛扒係講緊平價鐵板牛扒🤣🤣🤣原來係Flat Iron譯音，指牛三角肩對上嘅部位，仲係牛肉第二嫩滑部位，今次真係長知識了💡-🥩是日特別版招牌平鐵牛扒 $238是日特別版係3小時低溫慢煮牛，設定左5-7成熟無得自選，staff表示呢款同390日穀飼牛都係肉質比較嫩，牛味較重，如果想牛味重啲會推薦穀飼牛🐮配菜粟米都唔錯，薯條我覺得好普通無乜味試食左一條就收手，主角都係牛扒😝-🥩美國390日穀飼Prime級平鐵牛扒 $268呢款有比較之下果然係牛味重啲，兩款相比牛肉口感實淨啲，比較有咬口，男朋友同我都覺得呢款好食啲😋今次我仲成功挑戰5成熟🤣✌🏻-🍋Iced Dirty Lemon Tea $40男朋友話飲到咸咸

「Top Blade Steak Lab」由何文田開到嚟沙田，想好想試到超想試，今晚經過沙田一於嚟試下啦！沙田分店嘅「Top Blade Steak Lab」餐廳格局有啲似cafe feel，入面坐嘅9成都係後生仔，好有活力呀！當晚用餐時間只有70分鐘定90分鐘（唔係好記得），食物價錢由百幾蚊去到最貴既$268都有，第一次黎當然要試下最經濟嘅「herbly flat iron steak」，呢個香草平鐵牛扒可以增量50％，只係加多$50。當中所有扒類都有free flow fries食，fries lovers緊係爽爆啦！「herbly flat iron steak」叫左3成，切開仲有少少血水流出，食落有咬口有牛味，性價比算最高，見好多人都係點呢款，值得一試。之後另一款我地叫左「today’s guest chef flat iron」呢隻招牌特別版平鐵牛扒每日限量供應，好彩今晚仲有，上碟擺盤靚仔過先前個隻，牛扒一樣叫3成，食落好淋非常有牛味，超級好食呀，如果有得增量就好喇！！！！飲品方面叫左香港奶茶同羽衣甘藍雜果汁，奶菜普通，但果汁出色，配薯條食非常解油膩呀！！

同朋友專程來新城市廣場食貴價牛扒 Menu就得幾款揀 我就揀咗一份普通嘅 flat iron牛扒 店員仲專登過嚟介紹牛肉嘅部位俾我哋 服務一流😚😚叫完之後先知原來薯條係任叫嘅 於是我哋就食咗兩盤薯條 薯條是即叫即炸的 非常惹味🤨🤨同埋非常熱氣食完喉嚨痛😔😔正餐牛扒需要等一等先上既 不過佢真係肉質嫩滑 配少少鹽冇乜太多調味已經好好味🤩🤩另外我哋仲叫咗佢個豬鞍 非常大份根本可以足夠兩個人食😋😋佢每碟主菜都配半個蒜頭 係特別炸出嚟嘅蒜頭好香 我朋友將它吃光了🤪🤪

牛扒唔少香港人都好鍾意食😍，所以今次就試下呢間牛扒專門店睇下專門店喺咪真喺好食啲😆！而我哋就試晒3種唔同價位嘅牛扒～ 8安士 (可+$50加量50%) 呢款叫左7成熟，呢款性價比高🌟，雖然較平但食落唔會好鞋，味道方面唔算好濃郁嘅牛肉味反而有啲似豬柳漢堡嘅味道🤣。建議加量50%因為都係加$50，係抵食之選伴碟：焗蒜好多人嚟呢間食嘅其中一個賣點喺薯條可以任食，即使食完牛扒唔夠飽都可以加薯條食到你飽！薯條就不過不失，勝到熱辣辣出爐，各位薯條迷嚟食就啱晒🤩飲品方面就叫左 & ，飲品就無咩特別

平日都見到好多人去食，今次早少少去。唔洗等，直入。由門口嘅裝修黎睇，已經俾我一種唔同嘅感覺，暗得黎有足夠嘅光線，餐廳入面有好幾塊LED燈牌，但唔會俗套，好有離開左香港嘅感覺。🤣呢度係用QR code點餐，即是話黎錯都應該係自己按錯😆 餐牌上有嘅選擇唔多，但樣樣都好吸引。若果你因為個招牌而諗住入黎食牛扒，係，牛都有幾款你揀，不妨問下d靚仔有咩分別。我哋2個人，好自然一人叫左一款，互相分享一下。我唔係好識形容，但只能夠講兩款都好食，肉質好粉嫩，好香牛肉牛脂味，但食落口唔會膩。呢道除左牛扒，最特別嘅地方係薯條任食，好鍾意食薯條嘅朋友有福了，薯條係完全免費。我哋唔想咁熱氣，所以只係2個人分一碟。雖然免費任食，但佢個薯條唔會hea，係好香薯仔味，好香脆架。另外，我哋仲叫左一杯dirty lemonade。飲得出係最新鮮嘅檸味，酸酸的，好醒胃，仲幫助去油解膩添。望落好似平時茶記檸茶反左個茶底咁，但飲落完全係另一回事，值得推介。除左視覺同味覺，播嘅歌都係好襯間餐廳。如果唔係多人等位，我諗會坐多一陣，chill返下。

晚餐時段walk-in，本身怕商場會多人，所以好早去食，咁岩真係有位唔駛排隊，一坐低有員工會為你介紹餐牌上的選擇。餐牌上的選擇不多，因為都係主打牛扒，亦都有free flow薯條可以食，大概$150到，確實抵食。最後叫左一份flat iron, 一份豬鞍，薯條好快就上到，熱辣辣食落脆既，所以應該唔係擺左好耐個d, 不過嚴佢咸左小小。牛扒就好食既，肉味重，叫左medium rare而上菜都係一樣熟度，但有驚喜反而係豬鞍，好大塊，連埋肥膏脆脆地，肉質口感好好，但食到最後都有啲偏油，因為肥膏都幾大舊，建議唔好食曬，食小小配豬鞍已經好好食！

一黎嗌左兩塊扒三成熟 黎到之後 常溫仲要七成熟 睇落係攤左好落 咬落口感似橡筋 無乜牛味 薯條都係常溫 一d都唔熱 好似無樣野係即嗌即整咁 完全不值一試 唯一讚賞既係 因為佢整定曬 所以上菜速度快👍🏻👍🏻

同另一半去食dinner，因為無預先book所以只好walk-in，見超多人等入坐，名氣的確唔錯嘅，個等咗半個鐘先入到去，個staff知我哋第一次食所以都有介紹下menu咁，唔錯(可以講慢小小😂)，入去叫咗個Ultimate Burger同50%extra Flat iron steak (medium well)，叫咗杯kale green mixed 同cocktail mojito。首先出薯條先嘅(可以免費任加)，but...好硬，真係好 硬🙂，係我食過最 硬嘅薯條(可能我哋後生仔牙力唔好。。)雖然份薯條係熱嘅，同埋松露味好重(幾surprise👍🏻) 但真係好硬。。之後出flat iron steak，er... 我記得我係叫medium well，結果佢overcook咗，上面嗰層扒已經似八九成熟，下面嗰層。。變咗well-done，老實講真係好難咬。。🥲不過，同staff知道咗之後竟然換咗份全新嘅medium well比我，嗰下我真係好感動🥲🥲😭😭都證明佢哋服務態度真係好好👍🏻Ultimate Burger其實還可以，只係覺得可以再大份小小🤏🏻(因為個價都唔平)，塊漢堡

一路都聽過唔同嘅朋友介紹Top blade Steak Lab 讚佢哋大件夾抵食 我哋就試咗沙田新店依間鋪嘅店員好貼心 我哋揹住個袋 佢哋一見到就俾個兜裝住我哋個袋 👏🏻👏🏻👏🏻Dirty lemonade+石榴汁依杯lemonade味道酸酸甜甜 帶有少少rosemary味道 好清新😎佢哋嘅牛肉全部都係同一部位（flat iron） 只係唔同grade嘅牛 仲有一款豬同burger揀 主菜款式貴精不貴多 我哋揀咗390日穀飼Prime級嘅flat iron😜😜店員推薦最好食係三成熟 我開頭都驚三成熟會太多血水出 但嚟到真係好好味🥰🥰無乜血水 肉質嫩滑 唔韌、唔乾身 水準十分滿意👍🏻👍🏻👍🏻薯條雖然係任食唔駛另外加錢 但一啲都唔馬虎 每一碟上枱時都係新鮮炸好😻😻😻 熱辣辣嘅薯條加埋松露鹽食到停唔到口 🤩🤩我自己就encore咗兩碟薯條😋😋

平日八點幾都好多人排隊，呢間扒房主攻年青人，提供優質扒類食物❤️ 座位都坐得舒適， 枱與枱之間都有距離。食得好放心👍🏼枱面亦有提供消毒洗手液，仲有主動提供口罩套俾你🥰呢間餐廳嘅薯條係可以任食，熱辣辣非常新鮮🤤店員仲會主動問你會唔會refill 😛我哋見人人都有add 黑椒鹽。我同我家人都食到有少許黑松露味，未問清楚黑椒鹽係咪有黑松露成份。 我叫咗一份ultimate burger ($160)Burger 牛肉 好厚身，好足料！ 漢堡扒味道好濃郁，再加埋濃郁嘅芝士👍🏼🤤老公就叫咗一份390日殼飼平鐵牛扒，老公叫咗medium well， 牛肉味嫩 ，牛味濃郁，保留到牛肉肉汁😍

呢間餐廳嘅吸引之處當然係佢地嘅薯條係無限添加😍店員會好詳細咁同客人介紹menu同埋推介是日special而餐廳主打食鐵牛Flat Iron，Flat Iron屬於牛第二嫩滑嘅部分，所以基本上食落都唔會好韌😋🍟任食黑松露薯條嚟到呢到最開心嘅緊係可以任食薯條😍點完餐無幾耐店員就為每位客人送上一人一碟薯條🤤薯條帶有陣陣黑松露香味，仲要任食，所以可以幾條幾條咁放入口😍枱面仲有茄汁同黑椒可以點🥫薯條唔算好熱，但係都夠脆🥩Herbly flat iron steak $150店員推介我地叫五成熟，廚房嘅生熟程度都控制得非常好！牛扒切開夠粉嫩，食落juicy有咬口，但未至於韌，雖然帶有啲啲筋但係算易切得開，牛味唔算好重，本身唔算好有味，但點上伴碟嘅海鹽可以令到牛味更有牛味😋牛扒份量唔算太多得8安士，如果唔夠食仲可以另外＋$50將牛肉份量增多50%🍔Ultimate Burger $160上菜個陣漢堡中間插住左把刀，好有氣勢😆麵包係烤過先上，外脆內軟，而且好香好香牛油味！漢堡好厚夠juicy仲好有牛味，口感軟熟😋配料芝士、生菜、蕃茄同洋蔥，芝士半溶狀態，夾埋一齊食好正😋伴碟仲有啲沙律菜，可以中和返牛嘅

餐廳環境簡約坐得舒服，餐枱上有酒精消毒液同口罩紙袋供應，夠哂乾淨衛生。入座後，店員會問你之前有冇食過，如果冇，佢就會介紹一次餐牌上面嘅食物，十分細心。而扒房常見嘅西冷同肉眼呢2個部位，呢度係冇嘅，反而Flat Iron呢個部位其他西餐廳好少見到，正正係呢度嘅主打菜式。Flat Iron係喺牛肩胛部位里面屬於軟嫩嘅部分，肉味非常濃厚，肉質嫩滑。聽完店員介紹後，叫咗兩款唔同嘅牛扒。落完單之後，店員會送上新鮮熱辣嘅薯條，薯條有淡淡嘅黑松露味，全部新鮮即炸，入口夠哂香脆。美國390日穀飼Prime級平鐵牛扒牛扒煎到啱啱好，表面微焦，Medium嘅熟度控制得宜，肉汁能夠完全鎖住，切開呈現粉紅色，食落牛味香濃肉質嫩滑，點少少鹽嚟食，食到牛肉嘅原味，非常juicy！是日特別版招牌平鐵牛扒牛扒經慢煮3小時烹調，鎖住牛扒肉汁、保留幼嫩肉質及濃郁肉香。簡單嘅擺盤加海鹽點綴，冇令人失望，牛扒嫩滑，牛味突出，而且入口唔會帶筋，唔錯！飲品試咗番石榴汁，酸酸甜甜，好開胃。另一杯係無酒精Mojito，飲品帶有輕微嘅薄荷味，非常清新解膩。