Top Blade Steak Lab (梭椏道)

营业中

休息中

是晚同frd黎到何文田覓食，黎到呢間係何文田同旺角交界既扒房，諗住用openrice攞左位先點知好快就有位！但朋友未放工，店員好堅持要等齊人先入得，因為用餐時間得一個鐘？！ 望一望佢收幾點，哦原來收十點，但都冇理由唔比個半鐘人食野姐後尾店員見我地已有三個人到都勉勉強強比我地入去坐低睇下食咩先，臨入去前仲要提多次用餐時間得一個鐘😂當時八點幾，我就唔信九點幾仲有人排隊入黎食會趕我地走囉！佢收十點架嘛！Menu得四個選擇，有三個都係牛，選擇困難症既人岩哂啦 咁岩我地四個人，一於就試勻佢四個扒！叫完第一時間店員就拎住一大兜黑松露薯條加入我地啲碗度，都幾特別喎望落就感覺唔油膩兼無味，但食落有陣陣黑松露香氣，好新鮮好正！第一份牛扒率先上到就係guest chef flat iron steak (medium) 一睇個樣就已經流哂口水，店員仲提醒我地要點切先最好 調味唔係太濃，所以食到好濃既牛味，五成熟岩岩好，一啲都唔韌，再點埋佢自家製既汁，係真係好得超juicy!!第二份就係香草扒，切埋比我地，有garlic伴碟。但食完第一碟再食呢個都有啲失色，因為果碟真係好稔好好食，呢個口感相對有啲硬同韌再黎

係附近諗緊食咩好， 見到openrice 附近有呢間未食過諗住去， 但係星期六晚好多人等，所以end up 今日星期日去食lunch.1 點都係得三枱，非常好，唔駛等 Menu 都係果四個選擇， staff 有介紹每一個option 嘅肉 同埋煮法 , 同埋recommend 幾成熟。兩個人分別揀咗第一款嘅Herbly Flat iron steak (recommend 5 成熟）同第四嘅豬鞍架（recommend 9成熟）。 本身豬牛都鍾意， 但係因為食過好好味嘅豬鞍架，所以非常期待。主菜未上，先上薯條。 幼薯條+脆卜卜+黑松露seasoning , 唔錯，心諗。。Yeah 今日有食神～加住salad 同忌廉蘑菇湯， 個湯非常creamy 同smooth ,蘑菇都好味。 (不過我唔鐘意奶味重嘅嘢，同行友人好鍾意）Salad 係真常嘢主菜出現， 首先係steak.海鹽係畫龍點晴嘅。。。蒜頭如果燒耐啲會好食好多，呢個係半生嘅。到我期待嘅豬鞍架。。。。第一眼。。。好似無咩調味喎。。。白哂哂嘅。。。塊皮。。。。點解連住嘅脂肪。。。有必要留住咩？？(緊本係肥膏。。所以唔食得。。。。）食一

本身滿心期待去食呢間，因為係英國食過FLATIRON 好懷念個味道 咁岩有朋友係網上見到廣告 就決定一試。見到Openrice 有得遙距攞籌仲覺得幾好，唔洗係門口呆呆咁等，見仲有4-5 張枱就到我地，就係門口等叫籌，點知有個籌號後過我地，又係四個人但先入座過我地，於是上前了解發生咩事。個侍應解釋話因為佢現場Mark 籌，我地頭先唔係現場，所以當我地冇拎籌，係我地問題。我地當然覺得唔合理，攞完籌唔係順住號碼叫，現場Mark 籌的話，咁點解要開放遙距拎籌呢個服務？我認我地犯賤，最後等左1hrs 45mins，入座前仲比左說話我地聽，入面的侍應態度都好唔友善，好似唔歡迎我地唔做我地生意咁。講返食物，可能期望太高，加上食過另一間FLATIRON，我覺得好普通，以後唔會再黎。

終於有新嘅平民牛扒餐廳，唔使再食花園喇~聽人講top blade呢個位嘅牛扒唔多地方有得食，一係就好貴，呢度$150仲可以任食薯條，其實幾抵。初初一上枱，望落係覺得份牛幾細下，但食到一半真係飽飽地。肉真係幾軟腍，肉味幾濃，都算厚肉，但最鍾意嘅係佢有陣炭香味同香草味真係好很!鍾!意! 本人食唔見血，所以7叫成熟左右，火喉都掌握得幾好。蒜頭焗完好香甜，鍾意蒜頭嘅人不妨一試。呢度嘅咖啡都可以試，因為用Espresso做底，唔會好甜。

聞名已久的廉價扒房，今晚一睹其風采，果然，沒有令我失望～ $150、及 $188 的扒，種類是一樣，只是煮法不同。$150，香口肉味重、肉質嫩而有口感，我比較喜歡這個煮法。$180，肉質較腍、有𡁻頭，配上黑椒汁，更野味。如喜歡喝酒的朋友，不妨點杯紅酒，餐廳嚴選的紅酒，與牛扒配合得天衣無縫，這個方面，我非常欣賞，有靚牛扒，當然要配適合的紅酒（並非貴就好），達到享受美食的最佳狀態、味道更上一層樓。由於，每種扒的重量只有 8oz，比我平常吃的重量少，加上，真的很好味，所以，我點了兩份吃（$150）～ 牛扒，是我其中的至愛，一向幫襯開＂簡約生活＂（中文翻譯）、及間中觀摩吓中環的貴價扒房，當吃了這間扒房後，我想以後也會減少吃其他的扒房，（前者餐廳）年紀大，肉眼扒相對油膩，已吃不消、中環的扒房，多數吃派場，$1000 塊扒（二人份量），食咗曉飛咩～兩個人，三塊扒、加一個 extra、一杯紅酒，埋單 $600+，我建議餐廳轉用檸檬水提供給客人，等客人吃完扒消吓滯，可以再點甜品，餐廳提供只有一款甜品（熱情果蛋白批），看 Openrice 的食評及照片，應該幾不俗，下次必點來吃。

本人非常鐘意食薯條，又有輕微貧血問題，於是另一位帶我黎呢度食，一次過滿足願望同解決問題（牛含豐富鐵質，有助改善貧血<<我相信大部分人都知嘅）。坐低會有人介紹menu，4個主菜各有咩特色，建議5成至3成熟。奈何我岩岩先飲完兩個月中藥，叫做調理好身體，中醫又千叮萬囑唔好食生冷野。小妹實在唔敢冒險，食左生野唔會死，但搞到要重頭調理過就咪搞。講返正題，我要左豬，另一位要左牛5成熟，（😂我唔記得個名，總之係menu嘅第二項）一份做set落完單，侍應就會夾薯條落你個碟。個薯條超！級！香！係牛油嘅香味，又脆，好好食。重點係無限添食！我覺得咁樣幾好，食客唔會有等好耐都冇野上嘅感覺，不過其實都唔洗等好耐個牛冇血水👍🏻，另一位切邊位俾我食。我個豬係有調味，好味，又唔乾。是日靚湯係磨菇忌廉湯，errr，我覺得係金寶價錢唔算平，但食物係高質嘅，worth to try

猶記得細個嘅時候屋企環境唔算太好，所以特別記得有一次爸爸帶我哋去高級餐廳鋸扒慶祝節日，當時年紀輕輕的我都不知開心咗幾耐（失禮失禮）。而家我大個女出嚟做嘢，開始稍為有少少能力，就趁住今日年三十晚嘅大日子帶爸爸媽媽同老公來依家朋友試過都話超正嘅steak house團年，好好慶祝一番今次的目的地叫<Top Blade Steak Lab>，睇地址見係何文田初初仲以為好遠，但再認真睇地圖先發現其實只不過係新世紀廣場過少少，近勝利道嗰邊，即係寵物街果頭，一啲都唔難去！去到才發現原本想食嘅<390日谷飼Prime級牛扒 >沒有供應，確實有少許失望。但一家人難得專程嚟到，所以照原定計劃進行😎😎😎由於今日係年三十晚團年，所以選擇食西餐的人不算多，好快就可以安排入座，真係超好彩！！餐廳內簡潔的裝修令到牆上的幾盞色彩鮮明的霓虹燈更加出眾，猶如漆黑中的螢火蟲呢。由於老公都有寫食評的習慣，所以他和爸爸的那份牛扒就交給他寫。先介紹我和媽媽共享的蔬菜沙律，女士總不習慣啖啖肉吧。新鮮爽脆的沙律菜配上清甜的番茄再輕撒上黑醋汁，酸酸的非常開胃媽媽想喝湯，今天的餐湯是忌廉蘑菇湯。 口感香

最近留意到一間扒房，食既唔係一般肉眼、西冷、T~Bone，而係牛小肩，作為牛扒愛好者，一於全家出動朝聖，食團年飯位於勝利道附近，算係幾方便。通窿石屎牆，好有格調，燈光可以穿透之餘又唔會覺得無乜私人空間每張椅後面都有一個燈箱，寫左我既心聲Order之後waiter會奉上黑松露炸薯條，薯條係即炸的，熱辣辣而且薯條係用薯仔切幼絲炸的，並不是開粉配上陣陣松露味，食到停唔到口 。仲有個重點係: 免費任添的，大胃王唔怕唔夠飽外加$38蚊有多一碟沙律同樽裝可樂，沙律酸酸地，好開胃，蔬菜亦都好新鮮屋企人都Order左支手工啤，佢話麥味比較重由於無晒390days + corn feed prime flat iron所以我order左Guest chef's flat iron steak，伴碟有2個醬左上:牛骨煮成既汁，再混埋一D黑椒，同牛扒好夾右下:情人節限定，紅酒朱古力醬，朱古力味好濃，幾特別的碟上面有D鹽花，可自行調節味道。牛扒火喉好好，5成熟既顏色牛扒口感一流，牛味十足。Waiter同我地講牛小肩比較難處理，花好多時間處理D筋，所以先會有咁出色既口感。薯蓉都好好食，好幼滑，忌廉味好濃。Her

傳統年三十晚團年飯多數係中式，一家人食，今年我反傳統，單拖鋸扒牛扒好Juicy 牛味都唔錯，薯條不停refill，而且每次都熱辣辣，好脆，重係我至愛skin on, 加左松露鹽，好香要提一提個朱古力紅酒sauce, 味道幾得意，開始諗會唔會有d怪，試過，覺得都幾夾，不過如店員提示，不宜太重手值得再黎

$150任食薯條再加高汁牛扒😳😳 正呀🤣🤣雖然牛扒唔算大份但整得啱啱好😋😋 五成熟鎖得住個肉汁唔會太厚又唔會太生真係好好食🤪 但重點係佢薯條無限refill😳同係罕有既Flat iron 牛肩！🌚當佢見到你d薯條食到七七八八就會主動幫你fill 開聲都唔洗唔洗怕老尷🤭🤭 而且仲會包碗湯 認真高汁🤤 雖然舖頭唔算大 但平日去都要排隊先入到去架 紀念日呀生日呀又可以諗小一個地方lu🌝🌝

晚飯時間去, 排了接近一個小時, 很期待的說，但應該不會再去排。牛排選用牛肩肉的flat iron是Top Blade的賣點, 平時真的比較少會這樣煮（烤肉倒是很多）。但個人不太喜歡牛肩排, 肉質有點太軟腍, 還是比較適合烤。牛排很juicy, 但吃上去似乎不像牛肉本身的水分, 而是外加上去的水, 而水太多了, 牛肉的味道被dilute掉, 甚至多到差不多整個盤子都鋪上了一層水, 大概是因為牛肉是wet aged而不是dry aged吧？(蠻好奇如何才可以好好出色地烹調水分很高的牛排🤔) 調味Ok, 很淡很淡的香料、牛油和鹽, 個人很喜歡這樣淡的調味。另點了蘑菇湯(不錯)、豬排(太硬太乾, 部位肥瘦不均勻, 不推薦), 薯條是truffle口味的, 蠻驚喜。服務不錯, 店員很用心, 能感受到廚師也很用心, 算是頗decent的一餐。唯上菜速度須加快一點, 因為每桌享用時間限時一小時, 有15分鐘用了在等待的話有點不合理。價錢約$200/位，加上須排隊一小時的話, 性價比則較低了。期待烹調能更進一步。

情人節又點會少得正餐呢，出哂名整平鐵牛扒既餐廳有新搞作，同世界冠軍朱古力大師既zChocolat玩crossover，朱古力同牛扒都係我至愛點可以錯過呢。牆上面放左五顏六色既燈做設計，有牛仔帽有牛角包咩都關牛事，除左有普通卡位仲有幾張高台位可以望住外面街景食，幾有外國Feel。卡位用上左格格既水泥牆隔開，透光之外又好有特色，每個位上面仲有字燈位，全部都係同Steak有關好岩番餐廳主題。門口呢張告示好有趣，話俾人知加開埋星期一，但係用左字典做告示好有創意，大家患有星期一症侯群既朋友仔可以黎喇。卡位用上左幾工業風既設計，銀色台同牆身，成個美式工廠既感覺出哂黎。未黎牛扒之前有任添黑松露薯條，店員炸好就會拎左一大兜出黎夾俾你，夾到成盤都超滿，仲可以無限添加，即炸熱辣辣又有陣陣黑松露味。主角緊係《390日谷飼Prime牛扒》($248)，平鐵牛扒其實係牛肩肌肉，要人手起筋好曬時間又花工夫先有得食。而且呢隻全無抗生素荷爾蒙使用，食得好安心，三成熟果種嫩紅色真係流哂口水，就咁食牛既原汁原味已經好正。今次2月既特色醬汁就係呢個crossover既紅酒朱古力，煮到幾傑身，點少少超濃朱古力味既zChoco

之前見到呢間餐廳嘅推介就一直好想去試下 所以今天就特登黎左旺角東 一落地鐵就用openrice個function攞位 好方便 去到等左10分鐘左右就入得👍👍兩個扒各要左一個 要左medium rare 一d都唔鞋 食落去好軟好juicy 個薯蓉都好香牛油味加38蚊要左忌廉蘑菇湯同枝裝汽水 個湯比平時飲嘅好味 有d驚喜薯條係有黑松露味 但加左茄醬 就算唔中意陣味都可以食到 而且一炸好就會主動幫你refill😂呢個價有咁嘅質素算係好好 d服務態度都好👍

今晚接老婆大人放工，去了位於旺角近何文田那邊的Top Blade Steak Lab鋸一鋸扒餐廳七點多已經全滿，雖然今晚天氣仍然寒冷，但門口有暖爐照顧大家，非常細心Menu望落簡簡單單，但店員會逐樣野慢慢介紹~抵讚餐廳環境唔算好大，不過幾有情調，昏暗嘅燈光加上紅紅藍藍紫紫嘅燈，都幾有氣氛~下次可以約多幾個朋友嚟聚一聚😬忌廉蘑菇湯@忌廉湯味道香濃，每一口濃湯都帶有蘑菇的味道，而且提升了忌廉湯的口感，層次豐富😋忌廉湯口感柔滑，相互配搭得十分不錯👍🏻松露味薯條@幼身薯條~松露味馥郁芳香，突出同時不失濃郁薯味仲要可以無限添加，邊有得輸識食薯條一定要有茄汁390日谷飼Prime級牛扒@店員推介食medium rare~果然不失所望上枱時脂香肉味澎湃撲鼻，牛扒肉味濃郁，肉質軟腍，入口嫩滑🤤打呢篇野時口水又流喇😆血水均勻散布於整塊肉扒中，切開不會滲出太多血水。一咬，肉香在口腔中迴盪！豐腴的脂香中散發極濃的肉香，口感腍滑😋😋😋

牛仔嘅logo餐牌簡單易明 主要就係選擇你想食嘅牛扒種類/豬 加野飲了😛我就絕對係比呢度既任食薯條吸引到我來既😍果然都無令失望😋望落薯條白雪雪 但其實黑松露味好重好香！就算無脆卜卜 但每次食少少保持熱度 熱辣辣更加好食薯香味都好重 點吾點茄汁都咁好食❣️加左$38要汽水同沙律 菜好新鮮爽口👍🏻另外朋友叫嘅英國手工啤$48 淡淡既果味 幾啱女仔飲😽牛扒方面 我叫既係390日谷飼prime牛扒$248叫既係medium rare 咬落去肉汁好多好juicy 牛香味亦都會更特出 好食😋至於朋友叫嘅係客席主廚平鐵牛扒$188叫既係medium 牛嘅質感會實身啲好咬口d 牛香味都係好重 不過會無上面果個咁滑~但我覺得兩個都好好食因應返自己鍾意而選擇