Tonkotsu 8 by 三田製麵所 (Citylink)

营业中

休息中

六點幾左右多d肚餓，於是上左Citylink想試試新野，本著想食烏冬既心入左間拉麵鋪，但原來佢地無烏冬，得拉麵，唔緊要啦。睇真d餐牌，雖然無咩一蘭果d咁貴，但都唔係叫平，但如果好食既話都值既，食開湯拉麵既我叫左個68蚊既撈麵想開開眼界。除左碗麵仲上左一小碗海帶湯，唔係好知係單獨飲定要倒落湯既，味道有d似吉野家既烏冬湯，幾清甜。講番碗麵，其實蔥、韭菜、肉碎、紫菜同粟米既配搭其實唔太夾，蔥同韭菜都太多太攻鼻，食淨好多。肉碎都只不過係少少辣既肉，唔太惹味。拉麵雖然多但好細同好淋，唔太合我口味。68蚊仲要再加一，無下次了。

剛到沙田，本想飲茶，可惜太晏，已經完了下午茶。附近搵到呢間拉麵店，見位置舒適，又係3田製麵所，所以一試，但上台時都既賣相都一般，麵質不算特別，湯底亦未算出眾，叉燒都比較鞋，雖然價錢比豚x平，但質量都係成正比，下次賣少少都會食返另一間。

午飯時間在連城廣場見間間食肆都已有人等位，惟獨 「三田製麵所」仍有少量位，雖然有機會中伏，因趕時間，還是入去吧！打開餐牌，以日本拉麵店來講，選擇很多，有麵丶有飯及小吃。我選了豚骨拉麵（$68）和餃子套餐（3隻餃子加汽水/茶）（$28）。餃子煎得香口，皮亦很薄，可惜餡料不足，亦無乜肉味，只是中規中矩。👌🏻👌🏻拉麵上枱時滲出陣陣香蔥味，樣子也吸引。食日本拉麵，先要喝一口湯，味道唔錯，有豬骨香味而不咸，也不太油膩。拉麵落單時可選擇「硬」丶「軟」和「適中」，我選了適中。果然適中，麵很滑亦煑得啱啱好，有點彈牙。唯一不足的是豬肉片不單子份量少，雪得死實，毫無肉味及質感。如果能夠用較佳的豬肉及在不加價的情況下，生意必定大增，我也會繼續幫襯。

沙田友又再出動搵食。係沙田星期六既晚上, 周圍都係人人人~~~~搵食要等位係好痛苦既。呢晚決定上去連城挑戰。上到去人頭湧湧, 苦苦思索今晚食乜好。細心觀察下呢間拉麵店條隊郁得快d, 就排左隊, 不到5分鐘, 就到我地了。餐牌食物數量選擇不多, 拉麵有五款, 另外有吉列咖喱飯等等。既然是拉麵店, 食飯就無意思啦～不假思索就點了原味拉麵。5分鐘後就上麵啦。賣相ok。先試再愛溫泉蛋。溏心蛋係正既。而差燒不肥, 但份量偏少。麵口感不錯, 軟硬適中, 同樣份量偏少。而且地方十分狹窄, 又要搭枱坐。食客體驗不太好。

沙田連城好多食店 今次返工前去了三田製麵見環境幾舒服本身諗住是旦食 不過食出有小驚喜出面既拉麵店講緊要100蚊以上呢間只係60多本人唔食spicy叫了原味豚肉拉麵有得揀麵質地 我穩陣波選了硬麵 佢又整得出奇地高水準，一句講完平靚正。多口一句，哈哈 食完呢個拉麵令我又想去日本食拉麵了

服務態度惡劣，跟親戚朋友行街，去到附近肚餓就諗住食下野，見到間間都要等位，係得佢唔洗等就是但入去食啦,點知個個侍應真係衰到冇人有d態度，我哋每叫一樣野佢都會大大聲講佢聽得明叫我哋講清楚d,每點一樣野佢都係禁，大哥啊！我冇話你聽唔明，你唔洗強調你聽得明，等到d餸來左佢又掉係枱勁冇禮貌，我媽問佢囉多隻碗比個小朋友佢就話佢好忙，有野就一次過講，真係嬲到我呢，如果唔係親戚跟小朋友都係度我真係會忍唔住罵佢，如果係我哋有問題先都仲有得講，但係冇囉！我知你係大陸落嚟唔知幾耐，但你都唔洗不停強調你聽得明囉，你唔明我唔會怪你，咪慢慢寫囉！我都冇話你呀，份工唔想做咪唔好做囉，搵客人出氣？都唔知做咩間野我見2個侍應2個都大陸人，有一個仲唔識講講廣東話，我都唔知自己係咪穿越左返大陸。總之未試過禁受氣。

眼見周圍餐廳排晒長龍呢間條龍短d就試下啦叫左個咖哩拉麵咦～又幾香喎湯比較"結"身, 啱啱好可以掛係麵條上面湯同麵一齊放入口更好加錢試埋餃子炸雞套餐雞夠香脆, 餃子多醬選擇價錢都算合理啦不過只收現金就比較唔方便啦…

今日過左黎沙田呢邊 約左舊公司的同事們 一齊食飯飯啦 放lunch 前佢地就決定左 食呢間 “三田製麵店” 呢間我之前都食過 覺得幾好食下 ！！今次再黎幫襯啦 😆 套餐小食 🥟🍘🍡豚骨拉麵🍜 原味 $63 揀左個原味既拉麵 我個人覺得拉麵就應該要原汁原味先好食！！！ 湯底 選用上濃縮既豚骨精華湯底 拉麵 系自家製既細麵 客人可以選擇麵既硬度與軟度 ！！ 我揀左麵硬 食落好有口感 豚骨拉麵 🍜 香辣 $66朋友鐘意食辣 揀左呢個香辣味 望落去成碗都好紅.....好似好辣甘...！ 試啖先🙈 原黎五系好辣 辣中有的回甘 豚肉都好大塊下 ❤️

今日去到沙田新城市廣場，打算睇戲。之前，搵地方食嘢，見到有一家三田製麵所拉麵館，我不嬲對三田製麵所品質有信心，走入去試吓沙田分店。不過今日極度失望叫咗一個咖喱撈麵、一個炸雞咖喱飯。白飯黐埋一舊、濕野，完全都唔鬆軟，睇落好似已經放咗好耐🙈。米飯同米飯之間已經黐埋一舊，喺相入邊睇到，變咗一個白色嘅一舊野，令人難以有食慾。😿咖喱汁，太鹹。曾經喺日本，試過三田製麵，入邊嘅咖喱飯。辛辣得來，非常好味，絕對唔會太鹹，日本米飯亦都係非常鬆軟，而且有飯香。如果單單以咖喱汁，配白飯的話，都可以食到一大碗。但係這質素，並冇出現到喺香港分店，店舖實在需要大幅度改善！咖喱撈麵，非常濃烈味道，對重口味來說，應該不錯。有大量蒜頭、洋蔥味道。但是粟米，暗淡無味，可能是冰凍貨色，完全沒有粟米香！而且整體來說，非常鹹。餃子，一間拉麵館其中一個靈魂食物。竟然放到好似垃圾一般， 三舊餃子，黐埋一齊，好明顯已經放咗好耐，更加唔好講入邊任何肉香都沒有。吃完之後，口中有一進揮之不去的味精味道，需要另外買一杯茶，去解決口中揮之不去的味精。🤮三田製麵，喺世界都頗有名氣！估唔到嚟咗香港，喺沙田有分店竟然如此不濟。怎麼說，香港都是美食天

典型日式拉麵店舖豚骨拉麵 （香辣湯底）HKD$66加玉米 ＋HKD$9碗內有煮滿滿香濃的香辣湯底，豬骨味香濃而透著辣味，拉麵底而面鋪豚肉、溫泉蛋及蔥花。豚肉跟平常日本拉麵店一樣，以薄切入口薄嫩為賣點，輕盈而易入口。溫泉蛋蛋黃橙黃色而半流心，香滑。拉麵爽口彈牙，配上香蔥及濃湯而吃，味道不錯。玉米比較普通，沒什麼驚喜。拉麵店位置普遍較細，用膳時間也不會過長，不太適合久坐聊天，不過平日吃飯卻是一個不錯選擇。

以前的我很喜歡吃拉麵，特別是北海道口味的，濃濃的豚骨味或者鹽味，配以彈牙口感的粗身拉麵香厚厚的叉燒，到日本旅行的時候，幾乎是每天也會吃一遍。拉麵品牌中我特別喜歡山頭火，日本的山頭火和香港的店(現在好像没有香港店了)也常光顧，只是近年有點轉變，覺得光是一碗拉麵, 作為晚餐，好像不夠豐富(可能是年紀大了的關係吧)。所以最近幾年，也鮮有想到吃拉麵。今天經過沙田，晚餐時間想找一些平常比較少吃的店和類型。在連城廣場逛了一會兒，決定吃Tonkotsu 8拉麵，懷念一下。這家店店門有點小，我們兩人選了BAR枱位置。吃拉麵一般留店時間不長，吃完就走，所以BAR枱也不是太差。 我們點了一份原味豚骨拉麵套餐，配有炸雞及烏龍茶分享，另單點一份黑麻油豚骨拉麵。原味豚骨拉麵是想像中的濃湯，湯底很濃很香，拉麵的質感剛好是我喜歡的硬度和粗幼。叉燒屬於厚切的，而且肥瘦適中，個人覺得跟名牌拉麵店可以比拼。黑麻油豚骨拉麵主要也是以豚骨作為湯底，不過加上黑麻油，整碗拉麵的味道跟原味的明顯不同。我不知道是因為實際上它跟原味是不同湯頭，還是豚骨味給黑麻油香味蓋過了。這一款拉麵主要是滿滿的黑麻油味，其他如拉麵，叉燒也跟原味是一樣

新年回鄉探親回來，和親友餓了很久，想極快隨便找點東西吃，趁未到晚飯時間，問清楚店員有沒有最低消費便入座。因為有下場關係，便兩人吃一碗頂肚子，店員服務還可，有禮。肚子餓，Menu自然很吸引😂，在咖哩和垃麵中作出了選擇，較高檔八九十蚊的拉麵店便宜，大約68，不奢求很驚喜的味道。落單ge店員講野太快，其實不忙可以講慢點吧，隱約聽到佢問我地要唔要芫茜，同埋面嘅硬度軟、適中和硬，點知口快快講左要軟，我係比較鐘意硬的...我地點左辣湯拉麵，不久便來了，店員叫一叫郁一郁，罷明share食，一套餐具就分左兩次叫人。講翻個麵，湯底辣味適中，濃度夠，蔥都多，但以為有芫茜點知無有d失望，睇翻麵ge軟硬度，並不軟，好開心😂，如果鐘意軟，呢個麵就反而唔夠軟，一片大叉燒，但唔知點解食左半塊就好滯，奇怪，糖心蛋靚但我地係唔食ge，幾體幾滿意個麵。離開前見到隔離枱ge咖哩飯好似幾吸引，唯有下次再黎。

今日約左係九龍塘Interview，諗住出門搞掂Lunch再出發，於是就求其係連城廣場度食，上次食完牛肉麵，今日就想食拉麵，就黎左呢間，三田製麵所既附牌Tonkotsu 8⋯十一點幾都唔使等太耐，入去就有位坐。呢度主打當然係拉麵，由六十幾蚊港紙到七十幾蚊不等，另外要再加一。唔夠食都可以加套餐，不過一加又係幾十蚊。我叫左叉燒炸雞拉麵，有得揀麵既軟硬度，份量其實都好大。（題外話，呢間既姐姐好有譚仔姐姐既感覺，我懷疑譚仔俾丸龜收購左後係咪都係咁譚仔姐姐Tone講：「いらっしゃいませ 」）🤔講返正題，碗麵份量都叫大，有三塊大片叉燒、兩舊炸雞。仲有粒好靚溏心蛋，蛋黃呈流心狀。咬落口冰冰冷冷，口感得意。D拉麵我揀左適中硬度，屬於幼身麵，食落口係幾彈牙可口，冇堿水味。浸得耐都唔會變腍，係個湯底有DD太油膩，不過湯底唔鹹唔係味精水，飲落去都唔會口渴。炸雞都叫厚肉，炸到皮香脆可口，外表乾身，啖啖肉都香口既，可惜有少少吃到花生油味，影響味道。呢個麵加完一之後要$86，呢個價，我食過更加好味既拉麵，所以我個人黎講覺得有D性價比唔高，但係沙田都唔係咁多間食拉麵，所以So far差唔多啦。

偶爾路過新城市廣場，過來吃完拉麵，結果很失望，點了軟的拉麵吃起來卻像適中的面，叉燒沒有嚼勁，一份還要74港幣，實在對不起這個價格，失望，以後只會光顧一蘭，還有吃完就被問還要不要面

沙田連城不嬲都有好多野食～應該係最近🤣🤣開咗三田製麵，雖然無沾麵食，不過麵控嘅我有拉麵食都心滿意足🤤🤤🤤沙田分店正正方方，位置唔多，想食都要等齊人+係門口排隊～今日同中同四人行，都等咗十零分鐘～～咁凍嘅天氣食碗熱辣辣嘅拉麵真係好滿足～嗌咗香辣豚肉拉麵嘅我一嚟就飲咗約啖湯先～香辣得嚟唔會太咸，入口都唔會太刺激👍🏻👍🏻麵條軟硬度係落單嘅時候店員都會備註，麵條本身比較幼，揀咗適中都會比平時嘅備硬少少。最可惜係差燒得一塊，肚餓起上嚟真係要嗌多個小食啦～