Tonkotsu 8 by 三田製麵所 (Citylink)

营业中

休息中

沙田新城市附近食肆多不勝數，成日出去食飯嘅我哋，都差唔多間間都食過晒，新年嘅日子間間食肆都好多人排隊食，所以過咗嚟連城廣場呢度睇吓有咩食，見到有間拉麵店，之前都未食過，又唔想排隊食其他，呢間室外又有位，所以就食依間啦雖然要坐室外，但天氣唔算好凍，都冇問題嘅我哋兩個點左「豚骨拉麵配黑麻油湯底」味道都不錯，蒜味很濃郁另外再外加了加叉燒、半熟蛋 叉燒肉質適中，半熟蛋煮得好入味我地其中一個加左炸雞套餐可以多餃子同炸雞兩款小食餃子唔駛蘸醬都好味炸雞炸得都好香脆，味道帶鹹，好惹味，皮再脆更好雖則食物都唔錯，但服務就好差因為當侍應生將食物奉上時，不小心撞跌我的筷子，筷子經過我的腳再跌在地下 筷子依舊留在地下，只是去取了另一雙筷子給我期間一句「唔好意思」都沒有其實人誰無錯，禮貌是必須，尤其是服務業希望可以改善一下

已經知沙田無咩野好食，諗住就腳就係連城食野就去行街。加上又好耐無食拉麵，諗住試下，點知一試就中伏，相機都唔想拎出離影。講返啲食物，我地叫左個原味豬骨叉燒拉麵，鐵板咖哩炒飯同炸蝦球。拉麵: 份量較少，叉燒都係得一塊咁多，麵質食落無彈性，湯底都好普通。鐵板炒飯: 只可以話係合味道咖哩海鮮杯面嘅炒飯版。炸蝦球:比想像中細粒，但算成餐飯最好食嘅野。另外，落單都非常混亂，前後落錯幾次單，埋單果陣仲差啲收多我地錢。

行過連城廣場見到有間新拉麵，見到個8宇以為係8番，打算無視，但睇真啲見到佢寫住三田製麵所，就決定食呢間了！排隊嘅人唔係好多，等咗一陣就有得入去了。我地坐室外座位。我地分別叫咗一碗黑麻油拉麵同炸雞撈麵。作為一個炸雞控，如果有炸雞食，我多數都會點的。所以今次叫咗邪惡嘅炸雞撈麵。配料有辣肉醬、蔥花、木魚碎、紫菜絲，仲有隻蛋喺中間，每啖都有濃郁香味。麵身彈牙，係我鐘意嘅口感，撈麵麵質好緊要，此點佢做到了。下次口痕想食炸雞的話我會再食呢間！

本身呢係以為銅鑼灣間三田製麵所嚟沙田開鋪 ，入到去， 發現原來冇沾麵食！ 咁我就嗌咗香辣豚骨拉麵食， 友人嗌咗黑蒜味個豚骨拉麵。 我個麵食落不過不失咁啦， 幾香辣嘅，啲辣油， 塊肉都幾特別，幾好食，不過好薄， 唔係好夠餸 。但係不過不失又收咁貴，就唔抵食仲有加一真係好貴我揮手叫個侍應加單叫咗好耐都冇人應，後尾先加到單。加個麵底 (正常分量嘅面嘅一半 )，就咁另外一碟麵要收十蚊， 真係覺得特別孤寒，本身整到唔夠食，跟住要人畀多十蚊，去買番啲面嚟食後尾再叫一件炸雞食，粒炸雞真係好細粒，仲要收9蚊，仲要加一真係好唔抵。下次如果真係咁想食好西嘅話 ，都係去遠啲去銅鑼灣間三田製麵所食仲好，又係八十幾蚊，仲食到好飽都得。 又或者cheap cheap地去禾輋嗰邊食米線都係40幾蚊都搞掂。 呢間我真係唔會再去😓

連城廣場都算係沙田火車站附近最多餐廳的地方之一，今天經過，見間新開的拉麵店，又沒有人排隊等候就入去試試，點知就是中伏的開始⋯⋯點了一個黑麻油豚骨拉麵，廚房出菜速度極慢，足足等足半小時先將拉麵送到，期間已經催了三次，侍應們都漫不經心的樣子！拉麵店一般都很少會收服務費，這店還要收取加一，完全不知道那來的服務可言？😡😡😡😡😡

抱著期待的心情去食，不過不失。不用等位，企企理理，而且設有儲物籃於凳底，扺贊。麵的湯底達到標準期望，但叉燒卻不如人意，沙律也一般般，以此價位，相信可以有更多選擇。

lunch時間, e間唔洗等位, 於是入去食下.我叫咗 面有得揀硬, 軟, 適中, 我揀咗最後者.剛剛上菜時, 面身偏硬, 但食到中段, 浸耐咗, 軟身d我中意.湯的辣度可以接受, 但飲時小心嗆.朋友叫咗 炸雞拉面], 湯偏咸仲有叫咗 , 睇落靚, 但冇餸的!

去連城搵食，發現多了間拉麵。睇到餐牌上有飯賣本來就想走，但抬頭見到“三田製麵所”幾隻字，價錢又偏平，決定一試。入店，招呼ok，前台果位冇乜反應，但帶位嗰位有禮貌。店內主要係四方枱，吧位得三個。入座冇人幫手拉椅我唔覺得奇怪，自己來; 一拉椅就見到椅下有籃，呢點值贊。侍應奉水，係常溫水，但明明見到每張枱都有一壺檸檬冰水; 噉嘅情況我真心覺得由得客人自己斟水先係明智，客人唔喜歡冰水先俾室溫水。點嘢食，選擇不多，1豚骨，2加黑油，3咖啡。點菜哥仔問麵要硬，軟，適中? 我揀硬，同伴揀適中。望下麵包，有女仔落手，可能搞頭頭尾尾。麵到，幾快。麵身幾幼，爽口，味就冇乜。份量唔算多，女仔都唔怕太飽; 大食男就要加小食先得。以佢嘅麵質，硬度揀“適中”嘅話要食快啲先得，唔係最後會偏淰。湯其實唔錯，稀身，但其實夠料，只係我偏好重味啲。骨味唔多，應該多數人都接受到。黑蒜油會鹹啲，更合愛濃味人士。正常豚骨湯可以飲晒，唔覺口乾，應該冇乜味精。玉子每碗標準半隻，好入味，但唔流心，所以應該叫糖心蛋。叉燒一塊，麻麻哋，好瘦。仲點咗件炸雞，脆口唔嚡。整體而言算係碗好拉麵，特別啱鍾意有質素幼身拉麵嘅人，可惜在配菜唔多得。不過

上次經過見佢做緊試業冇緣一試。今次lunch time見佢冇人排隊，門面又乾淨開明，就入去試一試。叫左個豬骨湯叉燒炸雞拉麵，落單時侍應會問個麵嘅硬度要幾多，適中或淋d,算細心。買相都算好好，整齊吸引。味道就一般水平，感覺湯低味道偏重。本來以為食完會好口渴，但食完唔飲水都ok. 睇黎湯低好足料。

任憑你怎樣喜愛拉麵,如果份量不能令人有足夠飽肚、那最基本進食目的已告失敗。。。走進細細車站圍內,又看上新店登場固不作多心舉步已踏足店內、拉麵類設有八款亦有咖喱飯類供應小食亦可跟作餐如:餃子、炸雞、雞翼、蝦球、沙律等叫來一個正常份量完全沒有追加狀態下豚骨拉麵香辣版HK$66.另加一消費辛辣版湯底非常刺辣,以日式拉麵來講以是中上之位、呷上之湯頭也非常濃厚,陣陣肉香 隨著辡度一同輸送嘴巴中 可惜超凡薄刀功下豚肉僅得一片,肉質雖稔但質地略嫌過瘦、是否多帶兩分油脂口感更令人滿意?至於碗內淺楬色「半熟蛋」亦稱不上半熟,以為「八分熟蛋」,視覺上已令人失色,溏心態功力好取决於水溫時間五分半,六分、多於七分鐘下蛋黃已被強迫性浸熟,「溏心」亦已告失敗。。。麵條屬於幼身版,纏住湯汁度亦只見一般、混進湯裡也沒有預其中理想,最最最為失望份量頗少筷子只作三次來回以夾畢完成,女生們也可能有感太細少~~走出店外想想其實店子可能迎合客人會要多一份小食或飲品?誰曉得有我這般一個孤寒客只要一碗拉麵算?整個食麵中湯底可能是最值得讚之一項。

我真係好無言。價錢已經啪得上豚王，到d面煮到一夠夠，痴埋一起。叫個黑蒜味仲要唔記得調味。得個冇味豬骨湯。拉黑。但咖哩味都算可以，就係稍微有點濃。對比其他拉麵店，冇得自選面的類型和配料，已經輸成條街。款式都好少。其中最好吃應是9蚊一塊的炸雞，哦。不過係套餐先有得加。唉，開店前train好d人先來啦。