Tokio Joe

营业中

休息中

成人$490Menu如下一坐下，每人一隻焗蠔，每枱一客魚生刺生任食的前菜任食的壽司卷任食的燒物任食的天婦羅任食的甜品每位一客主菜：魚扒、燒牛肉、燒羊扒都不用另外收費酒精任飲，我地無加，淨飲熱茶總結: ——用餐體驗對得住個收費，食物質素幾好，無食到大伏野。——羊扒雖然size唔算扒，叫羊件較貼切，但勝在燒得剛剛好，好軟熟好有肉汁。——LKF roll係龍蝦肉卷和吞拿魚卷，兩款都包住海膽做餡，好有誠意！——甜品檸檬雪葩超解膩！食完又可以食多輪😆另外雪糕係綠茶紅豆口味，個人覺得好好味，而且有紅豆俾我感覺好有誠意！——餐廳服務幾好，職員收碟加茶好主動好勤快，完全無試過要我們要求的。職員見我們在自拍又主動為我們拍照📷任食餐廳黎講，係少數落單無錯無漏過，讚👍🏻如果大家週末想食好西可以考慮下不過記住卜枱

2021年12月12日(日)我和基哥來食日本菜週末壽司早午餐WEEKEND SUSHI BRUNCH成人每位$490，加一服務費後，每位實付$539鰤魚主題鰤魚即係油甘魚野生叫鰤魚，養殖叫油甘魚職員基本講解之後，先來每人一客嘅焗生蠔及刺身，跟住就自己同職員落單，每客嘅份量不多，炸物及燒物仲可以一串、一件咁叫，咁都幾好，食幾多，叫幾多，不會浪費。職員都有禮及快手，不斷幫我們加水、收碟、落單。先來每人一客:焗生蠔沙律醬焗生蠔，生蠔新鮮，沙律醬好酸，開胃菜。再來刺身(每枱一客):鰤魚腩、呑拿魚腩、呑拿魚、油甘魚、三文魚、牡丹蝦圖中為二人份量，正常新鮮刺身，沒有特別魚油香。食到中途自己Order主菜：（每位可選一款)1.照燒鰤魚腩2.燒牛肉伴芝麻3.燒羊架4. +$100 灸燒壽司盛盒5. +$200 佐賀和牛厚燒我地要左2.燒牛肉伴芝麻 及 3.燒羊架燒牛肉伴芝麻五成熟，肉嫰，冇乜特別，和牛他他好味好多。燒羊架冇羊味，冇騷味，冇鹽味，乜味都冇，唔好食，勝在肉嫰，有一件忌廉薯餅襯托住，佢嘅忌廉係金寶忌廉湯味道。無限量供應:壽司卷:呑拿魚腩龍蝦卷、香蔥芝麻鰤魚卷、彩虹卷、香辣呑拿魚卷、野菜卷我哋

今日公司請食好西, 黎到蘭桂坊而間日本野食😋而個係佢地最貴既lunch set~佢仲有其他平dd既lunch set,但公司請, 梗係食貴d啦😝😝😝今次食左 Joe's Signature Lunch ($529)~首先前菜係吞拿魚沙律🥗吞拿魚好新鮮, 醬汁好fresh好開胃😋😋然後有6件壽司: 和牛, 海膽, 吞拿魚,油甘魚, 左口魚, 牛油果卷🍣仲有細舊鮑魚, 同醃蘿蔔~全部壽司都勁厚切, 又新鮮,個人覺得最好食海膽😋😋完全唔苦!!💯👍🏻🍣🍣🍣🍣🍣🍣🍣🍣🍣🍣🍣🍣🍣🍣🍣然後仲有和牛烏冬, 炸蝦+炸魚天婦羅🍤同埋勁勁勁好味既西京燒銀雪魚😍👍🏻👍🏻勁入味, 仲好焦香, 💯😍最後仲有西瓜同埋綠茶紅豆雪糕~好滿足😋😋😋唔洗錢既野食特別好食😋不過而間既魚生真心新鮮, 可以自己俾錢再來encore😝👍🏻

呢間餐廳一直埋藏係我嘅bookmarks度，今次終於試到你喇！一坐低就有枝豆作前菜，味道爽甜，撒上海鹽，極之開胃！刺身拼盤有8款什錦刺身，刺身非常新鮮，個人最中意拖羅，非常肥美，質感細滑而且入口即化😍 牡丹蝦蝦身味道鮮甜，食落爽口，享受完刺身仲可以食埋廚師處理好嘅蝦頭，蝦頭經調味後炸得極之香脆，非常入味！卷物方面點左個辣壽司拼盤，有吞拿魚、帶子同三文魚卷，辣味一啲都唔重而且啱啱好，味道特別，開胃又惹味！配上我最愛嘅牛油果，口感豐富亦唔油膩🥰牛舌係我地最中意嘅食物！牛舌燒得剛剛好，以黑椒同鹽所調味，香氣十足，口感有嚼勁，牛味香濃，食完之後好想再encore🙈食完仲有麵豉湯同水果作結，超滿足！

位置係LKF..吃完正嘢就可以落去飲杯野chill下..十分之好..嚟呢度感覺有d似番屋企咁，唔使淋吃咩..交比華師傅就得啦..距仲會記得你鍾意吃乜同唔吃d乜..吃吃下又會叫你同距飲番杯傾下計當晚吃完前菜、刺身、吃左個蠔之後…😩😩我就叫華師傅可以唔使上d熱食了…因為個蠔太正..吃左4 round😅（本人喜愛吃蠔.仲要加埋本人喜愛既紫蘇葉..其實仲想叫多幾round😌）..再加埋個海膽飯..完美的一晚

❀ Tokio Joe #中環 ❀❗️蘭桂坊超過20年老字號 omakase驚喜多籮籮❗️——————————————————位於蘭桂坊嘅日本餐廳，裝修富有濃厚居酒屋感覺，原來已經開業超過20年。餐廳推陳出新，新穎嘅卷物一向係佢哋嘅賣點之一。而家晚市嚟到有omakase選擇，包括多種前菜、壽司、刺身、燒物，大部份味道都幾特別又好食😋環境氣氛相對輕鬆，並非高級omakase餐廳咁拘謹，甚至有啲人都會飲得幾醉，不過服務都算還好，最緊要係食物好味🤣！.✷𝑀𝑒𝓃𝓊✷☞ Matsu $1400 pp♥ 吞拿魚淮山伴生蛋黃蛋黃醬非常濃稠，撈埋滑溜嘅吞拿魚一齊食，配上爽口嘅淮山，真係好開胃☺️.♥ 前菜三道有極高質超好食嘅焗蠔，芥末蛋黃醬配上芝士真係極之濃郁。隻蠔creamy到無得頂！另外仲有紫蘇葉三文魚天婦羅🍤、鮮味左口魚包香蔥及蠔慕絲，幾特別。.♥ 鮮蟹肉海膽魚子醬跟住有個一口前菜。將三樣最鮮味嘅高質海產配埋一齊，鮮甜海水味喺口中爆發出嚟都幾滿足🥰.♥ 刺身分兩輪呈上。第一輪係薄切油甘魚配上香蔥、酸汁。呢道就相對普通。然後再有粒貝、石門貝、中拖羅、油池魚、牡丹蝦、帶子，質素不過不失。最後仲有炸蝦頭，充

今次試嘅日本菜係位於蘭桂坊Tokio Joe好多朋友都有推介，我哋今晚就去試試先😍◭ Joe’s Seared Sushi Combo $320(Seared Toro, Seared Wagyu Beef, Grilled Salmon)三款壽司入面最正係和牛，入口即溶😋其次當然係拖羅壽司，好肥美；最後係炙燒三文魚壽司，不過不失🙊◭ House Special Roll $195 呢到有多款特色卷物，我哋揀咗牛油果軟殼蟹卷，食嘅時候，軟殼蟹仲有暖暖地👍🏻好鬆脆😆◭ Beef Amiyaki $280呢款網燒牛肉醬汁味道好特別，同牛肉味道好夾，望落似好細碟，大概二人份量，兩個人食啱啱好Tokio Joe 壽司好明顯比其他壽司店係偏細件，但味道同食材高質、新鮮，整體不錯的👍🏻我哋遲下會再去試埋佢嘅廚師發辦同其他卷物🥰

讚1.好多年前食過，經過再黎，原來變左裝修，感覺好似光猛左好多2.款式係多左野揀，叫左吞拿魚卷物、焗蠔、漬刺身，卷物係幾好味噃，吞拿魚茸劈得夠碎，魚肉有油香，焗蠔果層醬料少少酸酸地，幾開胃，蠔肉都多準，刺身既汁都惹味彈1.卷物又好壽司又好，啲飯都有啲硬身

一直留在家中抗疫, 我跟老公是慕名而來, 滿心歡喜好期待去Tokio Joe 的。但是甫進入餐廳量完體溫, 就已經聽到壽司師傅好大聲除低口罩喺下巴隔住幾張枱咁同客人嗌 “司琪姐, d 野好食嘛?” (我仲以為做戲嗰個李司琪, 但係望吓又唔係) 個sushi bar 喺餐廳嘅正中心，全餐廳嘅人都聽到。我問帶位嘅侍應哥哥”壽司師傅做嘢唔使帶口罩嗎?” 侍應哥哥帶點尷尬答”我會同師傅講”。到我地坐低壽司師傅仍然好似喺茶餐廳咁個口罩掛住喺下巴大大聲同嗰台客人傾偈。侍應姐姐擺低餐牌, 我又再問”壽司師傅做嘢唔使帶口罩嗎?” 侍應姐姐好有禮貌咁同我講”佢咁做係唔啱嘅, 我去同佢講”。然後佢即刻去壽司師傅講。壽司師傅聽完之後態度不屑, 好唔順氣咁樣帶返個口罩上佢塊面。我善意地同壽司師傅講”你掂完口罩要洗手喎” 佢嘴角上揚一臉得戚咁答”我對手要掂壽司係唔可以用酒精消毒嘅”。我心諗咁你就唔好拉開個口罩講嘢啦。佢連洗手嘅意欲都冇。此刻我地就決定離開餐廳, 因為我地唔敢食佢對手掂過同佢啲口水噴落嘅壽司。現場所見有差唔多一半人係外國人, 可能佢哋唔識得分辨呢個根本唔係一個日本師傅, 而只係一個茶餐廳級數嘅中國

Been here over 10 times mostly for business lunch , consistent good service and good food. It’s a bit dark inside but I personally like the vibe, tables are pretty close to each other but acceptable. Will come back for sure

老牌與潮流並存嘅新派居酒屋，由菜色設計到環境裝修，完全冇諗過會係一間開咗超級廿年嘅老店，隔咗咁多依然咁潮不愧為蘭桂芳餐廳正因為開咗咁多年，最近餐廳推出新menu當中有個rock and roll combo，結集咗六款唔同風格嘅新派卷物，見證廿年嚟飲食潮流嘅變遷。由最初嘅經典彩虹卷到慢慢轉為炸物同牛油果為主調，再到加咗微辣嘅免治魚蓉甚至將壽司拎去炸，當然到最新潮流索性將牛油果取代壽司米成為無飯卷物眾款當中至愛spicy tuna crunch，底部壽司飯炸至黃金色加上頂層堆到成座山嘅吞拿魚蓉，魚蓉除咗打得幼滑仲加咗少少脆片增加口感，層次感非常豐富。另外新menu嘅其他菜色都好吸引，兩款前菜均以吞拿魚為主要食材，沙律用幼嫩且重魚香嘅赤身位配以淋上酸甜並重嘅沙律醋汁，兩者結合相得益彰而吞拿魚他他更加係完美表現新派日菜嘅風範，將魚油香極重嘅拖羅打成軟滑非常嘅魚蓉狀，同時混入帶有墨西哥風嘅微辣脆脆以增添口感，再用生菜包住嚟食，以清新感解決膩口嘅問題，成件事非常出色至於主菜方面就偏向穩重路線，燒牛肉夠惹味，除咗微焦香仲帶牛香，而且以芝麻醬增甜減膩，令味道上再多點變化，同時又唔會搶咗個牛味，好過大

總廚整壽司不斷講粗口, 不斷說話, 做壽司最基本小說話的原則都不會, 還收天價。銀雪魚味道非常一般, 整體來說品質真的很一般, 總廚鴻話滔滔, 多少口水會噴在食物上, 衛生讓我十分擔憂, 我真的不想發表這個問題, 因員工服務態度良好, 真是一粒老鼠屎搞死全家。希望該店認真和該總廚談論一下基本做壽司的要求, 日本人對做壽司是十分嚴謹, 不要讓這種服務態度變成正常。還有該餐廳是老少咸宜, 當時還有小朋友在, 真的顧及一下客人的感受。

朋友相約我到蘭桂坊食飯，餐廳叫Tokio Joe。孤陋寡聞既筆者第一個反應係，有無搞錯地方呀？Kyoto Joe我去過好幾次，Tokio Joe直頭未聽過喎！好在，呢個朋友一向了解筆者既無知，沒有因而恥笑我。餐廳剛出了新Menu，其中包括了Rock & Roll Combo，概括而言，既有新菜色，同時亦保留了一些經典，一於向這個餐牌進發吧～        先整個蕃茄打開胃口，清甜多汁的蕃茄，簡單配以黑醋，自然清新又醒胃，有時做事真的不用太花巧的。接著是吞拿魚沙律，睇相片或許是看不出來，因為吞拿魚已被滿滿的沙律菜覆蓋著。Tuna的新鮮程度無容置疑，鋪面的沙律菜蔬爽口，根本不用太多dressing去作點綴。辣吞拿魚茸，我曾在同系的Kyoto Joe嚐過。香辣的味道幾合心，柔軟的吞拿魚茸混入脆米，豐富了層次。主角的Rock & Roll終於登場，是六款，合共十二件的卷物，主要是以吞拿魚及三文魚為主角，再作出變化。香辣的吞拿魚茸再度出場，但今次是以炸過的脆飯糰來取締生菜。米飯包裹著三文魚天婦羅，是我首次見識的創意產物。叫Rainbow的一款係以牛油果、蟹柳及玉子等作餡料，上面再鋪上吞拿魚或三

樂與怒的音樂我喜歡源自Beyond，自從家駒的離開後已漸少接觸！估不到這夜可以到Tokio Joe用嘴巴來搖滾一頓呢！ Tokio Joe可說是蘭桂坊的老店而我則是首次來幫襯，聽聞店家的新穎的卷物很受客人歡迎，那一於待我會會它吧！ 甫坐下侍應送來餐前小食是番茄沙律，以油醋汁調味還加入了香口的油葱，吃下味道清新又開胃。 接力的是Tuna Salad＄255同走酸香路線的吞拿魚刺身新鮮度無容置疑，刺身沒帶丁點酸味質感柔軟十分可口，伴碟的沙律菜亦是爽脆非常，整體表現十分不俗喔！！ 再來是Spicy Toro Tartar＄295香辣的口味令味蕾雀躍起來，帶點中式辣椒醬的口味很有驚喜，配合柔滑的拖羅混上脆脆炸片跟爽甜的生菜同吃確精彩。 到這夜的重頭戲Rock and Roll Combo＄180，這價位便可享足12件特色卷物絕對是超值之選。 6款搖滾卷物分別是ROLLS OF DYNAMIT、RAINBOW、MANGO STAR、SPICY SALMON TEMPURA 、SPICY TUNA CRUNCH、TUNA SASHIMI ROLL WITH CUCUMBE

夜晚係上環收工，本身想去銅鑼灣食壽司。但由於太塞車，所以openrice搵左間附近既日本餐廳。呢排大部分香港人一收工都係-鐘聲響起歸家的訊號-所以餐廳7點左右都無咩人，夜多少少就多返4-5枱，不過清一色外國人。餐廳裝修唔錯，不過刺身一般，壽司還可以，天婦羅建議唔好叫，因為炸粉唔好夠同仲好大浸油益味。餐廳應該主打返外國人口味，正正常常。係我食日本野嘴刁，要求高所以評價一般。不過侍應服務幾好，埋單除左酒外仲有8折一個刺身拼盤，一個壽司拼盤，一個蔬菜天婦羅同300ml清酒，埋單都係一千頭，唔算貴