Todai (已結業)

日期：19-6-2007同男友行行街，係時候醫肚，心血來潮就入咗黎食自助晚餐．之前有聽朋友提過，不錯，咁就試下無防！我係俾果ｄ長腳蟹吸引住，好甜，我食咗好多啊！壽司，三文魚刺身，蝦天婦羅，麵豉湯，甜品，生果．這間的食物不錯，可以同港島香格里拉比比．．．不過都係唔太多款式選擇．蝦天婦羅：剔走麵粉食，都不錯．麵豉湯：鹹得黎又唔口乾．壽司：四四方方一件，十幾款，吞拿魚，青瓜，鰻魚，帶子，生蝦，腐皮，櫻花，黃金，點上wasabi，嘩！沖上腦了．甜品：桂花糕，忌廉咖啡泡芙，rum酒蛋糕，唔太甜，幾好味；芒果希甸就好粉喇！朱古力味雪糕好正，橙味雪芭酸到我醒身一番，哈哈！生果方面：西瓜同密瓜，一個字”淡”，菠蘿就好鬼甜，糖漿黎架姐．服務：都幾有禮貌，笑容okey ，斟茶都頗密．

如果todai唔係以壽司同海鮮作招徠o既食店都仲好少少佢入面o既壽司款又少, 又唔吸引所謂o既海鮮見到都唔想拎甜品以為幾好, 點知拎個panna cotta係融既我仲未試過佢o既dinner buffet不過而家都無興趣試喇希望愈大失望愈大不過同朋友一齊食, 始終都係開心既~

今日幫個fd慶祝生日七個人去左Todai環境唔錯我地先食日式食物D魚生刺身都幾好食壽司D飯就硬身少少魚生飯味道唔錯長蟹腳肉質好厚略嫌唔夠鮮甜冷面烏冬好好味至於熱食方面都OK尤其係燒排骨同燒魷魚筒朋友話D忌廉湯好好飲應該係用靚忌廉煮個度有師傅即場淥野包括菇類﹑蔬菜﹑面類同餛飩面類仲可以選唔同配料朋友試過中式點心都覺得小籠飽同餃子唔錯甜品選擇都算多而且細細件可以試多幾款都得仲有人即場整班戟配埋個雪芭仲好食而且食物補充得好快侍應生服務態度唔錯每人$118加一由12點食到2點半都算OK

同朋友提早慶祝生日, 知道佢一直鍾意食日本0野+ buffet, 又見呢度d comment 唔差, 就0黎試0下. 真係好好生意, 第一次見訂了檯都要排長龍入座的!鹹食款式唔算好多, 質素亦參差:- 生蠔: 唔得, 賣相差, 亦唔多新鮮, 食了一隻已經唔想/唔敢食落去.- 蟹腳/蟹鉗(見圖): 咁多樣冷食最好係呢樣! 肉質結實, 多汁.- 刺身(見圖): 得三文魚, 吞拿魚, 鱆魟魚同希靈魚籽... 最好食係三文魚(腩), 都幾靚. 希靈魚籽都唔錯, 酸酸0地脆卜卜咁. 其他就非常一般.- 壽司(見圖): 呢個選擇多d, 但就係元氣0既quality, 大家自行判決好唔好食喇.- 冷烏冬: 汁唔錯, 都幾彈牙.- 其他冷盤: 我淨係試了Parma ham + 蜜瓜, 味道還可以, 不過Parma ham 一般靚, 亦奇怪點解唔多夠鹹.- 燒牛肉: 呢個唔錯, 汁好香, 肉幾juicy.- 芝士煙肉焗蠔: 好過生食, 明顯d 蠔唔新鮮啦.- 味噌蛋黃焗青口: 超唔得, 青口超腥, 超唔新鮮, 味噌蛋黃都蓋唔過腥味!- 芝士龍蝦: 排了10 分鐘隊, 就係為0左件咁0既0野?

契哥就黎做老襯,當然要賀一賀佢,地點由未來阿嫂決定,佢選呢度,佢話食過幾好自己好少食buffet,一來我食得唔多,其次口味問題,我都有好多野唔食,我唔食生蠔,唔太鍾意食貝類,對要自己拆殼的蝦蟹無興趣,天婦羅等等的炸野又驚熱氣唔太想食,又唔喜歡食甜野,呢個buffet對我來說真係好唔抵係食d魚生壽司叫回番少少本,魚生佢得三文同吞拿,但都好普通,壽司就多款d,其中海膽壽司最好,老公排隊拿了龍蝦,分左d俾我,我認為好麻麻,唔值得排隊對我來說如果食魚生壽司唔會黎呢度,但都係我口味問題,見契哥,未來阿嫂,同老公都食得開心,咩都抵番晒對於我來說同人食飯最緊要對方食得開心

今晚一行十人0黎呢度同好友Gor Gor 慶祝生日~ 上之0黎Todai 已經係一年之前, 今日6:30 0的人已經排緊隊入去, Todai 果然仲係好受歡迎呢度0既食物選擇都幾多, 宜且re-fill得幾快, 食物細細件等你可以有空位再試多0的野, 而味道都幾好. Todai 食物之中最受歡迎就係蟹腳, 生蠔, sushi, 燒金龍蝦同埋梳乎里, 今晚小妹都試哂, 哈蟹腳味道幾好, 生蠔見到個樣好細以為唔多好, 但都幾鮮甜, 所以食左1打, 哈哈, 不過龍蝦就煮得過火, 有0的硬, 梳乎里就未夠火喉, 濕左少少~ 整體今晚食物各人都滿意, 仲食得好飽

男朋友23號生日..所以尋晚預先幫佢慶祝生日...地點係我揀..因為我平時行美麗華時見到d食物好吸引..所以襯大日子去下...順帶一提..家父從小就對我講自助餐通常都係比垃圾你食...就因為呢句說話..我由細到大只有食過少於五次ge自助餐...(所以我尋日食自助餐之前剩係食左一個麵包)故事講完..尋晚我地一行八人..六點三尖咀地鐵站等..上到去已經好多人等緊入位..因為男朋友同另一個朋友都遲d先到...所以入到去我地自己食野先...o個度有好多款壽司..不過我食得最多應該係海膽壽司..刺身只有兩款..吞拿魚同三文魚..我不斷都食三文魚..仲有長腳蟹、生壕等..我剩係食左一隻長腳蟹..熟ge壕我都勉強可以食..但生壕ge口感會令我想反胃...仲有熱盤..帶子、炸蝦天婦羅、長腳蟹等..其實仲有好多野無食到...甜品都有好多款..我地最鍾意係玩人地個朱古力噴泉..朱古力噴泉剩係得綿花糖同薄荷芝士..蛋糕都有好多款..全部細細件..有個椰汁布丁都唔錯..我仲食左梳芙利同埋pancake...食完咁多野落肚真係好飽...不過我都唔知回唔回本啦...每人連加一$308..請埋男朋友食每人盛惠$35

專登請一假同男友食lunch buffet。lunch 冇蟹腳、生蠔、刺身等，不過有龍蝦鉗。試左少許龍蝦鉗肉，好"un"，o趙左我好耐時間。壽司、蛋糕同夜晚食差不多，不錯。見到雪糕櫃有雪米糍，冇試到，賣相好差，似一個個迷你光酥餅。以為會有燒牛肉點知冇，得燒羊脾，少許蘇味，幾好味。可能耐冇去食，或者之前冇留意到...-沙律菜新鮮。有款係蜜糖柚子生菜。係柚子蜜味道，少許醋，好食。-小籠包、燒賣冇乜特別。-炸蝦天婦羅不停炸，男友不停拎左好多轉，佢話好好食喎(唔食得海鮮，所以我冇試)計埋加一每人$130，夜晚食我就食唔到回本o勒，lunch 對我黎講抵d

I just go with mom today for lunch. Maybe it is still easter holiday extention. When i arrive there at 12:00pm, there are at least already 200 peoples on queue. Food: if you like japanese food , like sushi, you will happy for those variety of them. *sushi has at least 15 stlyes* The hot chinese dishes is just ok. like japaneese beef + rice, chinese seafood mussels* Dim-Sum style : Sui Mai, japanese dumpings, * No oyster on lunch buffet. * Today there are provided Canadaian crab - not sweet. * i

都有年幾無幫襯過,今次老友生日,一行6人4/4復活節前收$278/位,試左有:生蠔(細細隻)魚生(得salmon & tuna)壽司(款式多,蠔卷,鰻魚卷,軟殼蟹卷,海膽,油甘魚好得!) 天婦羅(蝦,好味又鮮嫩)梳乎里(好正,細細個,剛剛好) 烏冬(好滑!)反而對長腳蟹興趣唔大,無味! 服務好,添茶密,可以慢慢食,慢慢傾,開心的一餐!

24 March 2007 (Sat) - 晚飯好耐冇黎呢度，睇返自己對上一個呢間嘢既食評，己經係一年多前，但係我想講呢度既水準依舊係咁’得’！訂位時話冇晒有椅背既位，好在去到時，因有人cancel booking，我哋可以轉去有椅背既位坐，真係開心好多，食得飽時都可以挨下嘛！繼續不斷食壽司，我覺得我生出黎就好似係食壽司咁，我差唔到只係食sushi就算咁，最鍾意佢個油甘魚壽司，好美味，一定要食！！不過今次食個生蠔，好似冇之前食咁好味，比較猩，都並唔係唔新鮮！仲有佢個炸軟殼蟹就真係麻麻，好燶，不過個炸蝦（唔係天婦羅嗰隻）郤又好好味，我以為會炸粉味重啲，但點知郤好重蝦味，正！！然後我又食咗四個雪糕球，真係唔肚痛都偷笑啦，今次’不’雪糕個大叔好好人呀，呢度啲人啲服務態度真係好好呀！另外，佢哋斟茶就唔夠密，好在我哋坐喺張擺茶壼既地方隔離，所以次次都自己黎！總括呢度依然係咁好食，嘻嘻，要再黎～～

今次是我第二次在Todai食自助餐,上一次是食晚餐，印像好深，因為好多食物可供選擇。所以今個復活節再去一次，不過今次是食午餐。食物的選擇依然都十分多，不過少左一些貴價食物，例如龍蝦。不過價錢都算抵，質素同服務都好好。

開咗咁耐第1次幫襯~生蠔, 長腳蟹, 魚生, 壽司, 龍蝦, 天婦羅, 羊比, 甜品等等... 食到我無停手無停口!!生蠔細細粒, 都算過得去!!長腳蟹大大隻, 源源供應, 味道尚可!!魚生得2-3款, 選擇真係比較少, 呢方面有點失望!!壽司款式多,有我最愛既海膽壽司! 大家千其唔好錯過!!龍蝦每15分鐘出一次, 要排定隊! 係類似芝士焗龍蝦, 但味道麻麻!!天婦羅有蝦, 冬姑, 蟹柳... 留肚食其他野, 無試!!羊比... 唔好羊&留肚食其他野, 無試!!甜品款式好多, 有即製pancake(餡料可選香蕉, 藍苺, 紅豆, 士多啤梨&桃), 有朱古力噴泉(記得點1個叫薄荷芝士, 我覺得d味好match, 正!!), 有梳呼里, 有細細舊芝士蛋糕, 有朱古力, 有曲奇, 有雪糕, 仲有雪米糯米糍等等... 多到唔可以樣樣試呀!!仲有即製湯麵, 湯, 泰式炒飯... 等等...一定會再嚟過...

Lunch buffet good woh, variety food - sushi fresh and fill in small portion each time (nicer and cleaner); tried the laksa which is ok but not chlli at all (can't expect a real malaysia type); dessert are nice too. I saw a couple of times that they clean up the food counters and those sauce plates.I found their staffs are helpful and family friendly with 4*+ hotel sevices. They will offer help for the children whenever they need them. One of the staff with 1 handful of plates and keen on getting

我黎左todai好多次喇因為真係唔太貴又好食我平時好鍾意食魚生又鍾意食甜品todai太多野都好好味最記得係佢既pan-cake因為我次次都叫佢比多d士多啤莉我熱騰騰咁.. yummy!其他甜品都幾好不過太多不能盡錄!去試下啦!