Todai (已結業)

個幾月前生日同男朋友去左todai 食dinner~~哈哈~~果然冇辜負我期望~~好味d壽司真係有好多款~~聽聞長腳蟹係lei間野ge必食之選味道幾好~至少唔"梅"另外即整ge芝士龍蝦都好好味~~見到有3,4個人排隊就好排定如果唔係就會突然之間多左好多人我排左第2輪先拎到仲有d甜品都唔可以錯過ga~~especially係疏夫利 成間野我最唔滿意就係服務態度我準時去到之後佢安排左個位比我雖然個個位拎野食好方便但我想2個人坐(佢安排個位同隔離枱隔條"喇"JA)當時周圍D枱都未有人坐得1, 2張寫住留座佢個經理個樣好唔滿意亦唔滿意我換枱SO 最後都冇換到~~

星期一我D股票有小小想斬獲加上加左小小人工, 就諗住即日BOOK TODAI 食..點知打幾次都話FULL..所以真係食既要早D BOOK..我朋友O係入面做..即刻幫我BOOK到個靚位...海鮮方面真係唔錯.....最好味係3文魚..同埋要我同男友一齊排左15分鐘既芝士龍蝦...我唔食得蝦..敏感..唯有俾晒男友食...其他既甜品都唔錯..款式算多..加上有BUFFET CARD..8折..所以唔駛500 2個人..真係抵呢^^ ..食得好開心..

之前去過幾次呢度食dinner buffet, 已經覺得抵食, 今次係上佢website時見到原來lunch buffet係差成倍既價錢, 所以諗住試下比較下一倍價錢差別, 食物質素又會有幾大差別呢?一試之下發覺, 原來主要少左既係生蠔, 海膽壽司, 三文魚子壽司及芝士龍蝦等, 其他既冷盤, 熱菜, 甜品等等, 基本上同夜晚分別唔大。但甜品就比夜晚差少少, 指既唔係款式, 而係個甜品質素, 唔知係咪擺得耐, 部份cake有少少溶或過腍既感覺。以$138食到個lunch buffet都算係好抵, 嚮尖沙咀D酒店求其食個tea buffet都要咁上下價錢, 所以都係超值之選!

是晚去左傳說中既Todai朝聖~!!!我本來期望主力食生蠔，蟹腳，魚生食飽但去到試左以上幾樣後，發現味道普通，唔夠鮮甜，試左幾舊後唔想再繼續食落去，如果全晚都食死呢d實在係虐待，我不能理解隔離木台d姐姐仔/哥哥仔搏命拎搏命食生蠔同蟹腳，於是我改去咩都試下~Todai 食物款式都好多呀，最多既係海鮮(魚生有三文魚，吞拿魚，劍魚with蟹籽，子母魚(大慨咁既名))同壽司(海鮮壽司居多，飯並唔大舊，竟然有海膽壽司呀...)，(你會想擺落口既)熟食都唔少，有炸蠔，炸軟殼蟹，天婦羅，牛扒，田螺，蛋黃蒸蝦，etc，仲有15分鐘派一次既芝士蒸龍蝦~!甜品方面都唔少，我鍾意細細杯既疏乎里同經朱古力噴泉洗禮既棉花糖，而d galato就好果汁/o者喱汁味唔掂啦~~~雖然款色真係唔少，但所有食物既質素都只係比普通好少少(當然你可以話街外面o個d更垃圾N倍)，冇邊樣話好食到dup一聲，咁既價錢黎講的確係貴左d~!

Todai的自助餐一向都幾人氣下而小妹當然都想見識一下啦話說個日突然好想食自助餐但打了去好多間酒店都full晒失望之際來個最後一擊即管打去問下啦個時係早上10:xx點知佢竟然話有位<~我個心有d唔信一一"因為知佢一向都幾爆12:00 lunch準時到唔係15分鐘內個booking會取消(特別多謝男友打的去攞位)好喇食物sushi為主打有2x多款款款都細細件不錯refill 味道可以全為手握的賣相幾好有蟹腳不過真係冇咩味...韓國泡菜冇咩料到唔正宗生果有4.5個選擇普通啦呢區我推介醃牛肉沙律係沙律區味道口感都相當不錯薄薄地生但好好味正!!!熱食方面普普通通都係細細件擺得好靚但冇咩特出之選天府羅麻麻唔脆不過佢係即炸出來的餃子肉食都一般啦燒牛肉麻麻我個日食有d"壓"pizza 可以啦不過唔特出甜品方面一般般十幾廿款選擇但有d放得耐溶溶地但一小口一小口的可以試晒特別推介一口mint芝士幾特別法式焦糖燉蛋都幾好整體而言不停refill 個個區都有人睇加水快清潔衛生算幾唔錯值得再去

唔知解，今日好想食buffet，我晏就12:00 p.m.已打電話去book，知問幾間都話已經full晒，因咩會咁旺架？最後，我都放棄食buffet念頭。但去尖沙咀行街，都唔知食咩好？知去到美麗華商場，見到Todai 有人排隊，於是我走去八，原來係冇book位人可以即場睇有冇後補位，當時係6:00 p.m. ，佢話6:15 p.m.會派飛，然後6:45 p.m.開始叫位，所以我姑且一試。我係第5組人，係我後面仲有成廿幾人，仲有好多係日本人/ 韓國人添！期間，我都嘗試過打電話問其他酒店buffet仲有冇位，但間間都full晒，oh no!!!!! 最後唯有乖乖等位。 有咩好食？刺身：有三文魚、吞拿魚、鱆紅魚& 希靈魚籽我只係食三文魚& 希靈魚籽，喱兩樣都幾新鮮，唔錯！壽司：有好多款揀，如鰻魚、熟蝦、海、三文魚& 各式卷物，質素都幾好！可惜，冇我最鍾意食北寄貝。麵豉蛋醬焗大蝦o.k.啦！試無妨！煙肉芝士汁焗蠔味道唔錯！Pizza 我試時已經凍，所以唔好食。熟食有天婦羅、日式雞串燒、軟殼蟹、炸雲吞、炒飯、意粉、中式粉麵......雪花蟹腳都好新鮮，肉質好鮮甜。芝士鐵板龍蝦即整架！師傅整一次

我一向都係食開真係日本人開既日本菜,唔知ToDAI係唔係,不過lunch日本同事請客,所以去試下。環境唔錯,一入去比我覺得好大,想像般大。坐位可以,不過見佢地好多圓台,夜晚可能會唔太舒服,無乜私人空間感覺。由於入面係自助餐,於是睇下多唔多野食,發覺真係好多野食。日本野為主,但其他菜色都唔少。Sushi出其地唔錯,個飯既味同埋口感非常之好,刺身都好新鮮,仲有我鍾意食既甜蛋,興奮!其他菜色都好食,lunch有小籠包同餃子潻,平日上海飯店唔可以食好多,呢度呢0的細細粒,我食左好多…有好多日本先有既前菜,一般港式日本料理係唔會見到既。幾好!服務員態度OK,唔係特別好,但唔叫做衰。

壽司及海鮮助餐:星期一至五lunch每位$118加一,12點開始,2點半完結.即使平日lunch都會full booking,強烈建議早幾日book定台,如果唔係就要即埸排隊.手握壽司種類極多:三文魚,蟹子,毛茄,劍魚,吞拿魚,沙鑽,mock皮魚,黃金白飯魚,青瓜蟹子,立魚,腐皮,青魚,瀨尿蝦等等... 卷物及箱押壽司都有好多花款,極之精彩. 所有刺身壽司都十分新鮮及有鮮味. 壽司飯細舊結實,酸度適中. 熱烈推介左口魚壽司:魚油勁香,回味無窮. 玉子都好出色,又甜又有旦味. 午市手卷有三種:三文魚,蟹子同埋(唔記得左). 係壽司方面,呢個buffet完全爆分.海鮮方面,是日有加拿大蟹鉗.蟹鉗size一般,算多肉但係無鮮味.勝在瘋狂refil絕無冷埸,份量補救欣然接受.還有調味過既魷魚同青口作冷盤,又酸又甜幾醒胃.沙律有羅馬生菜,火箭菜,現成mix好既雜果沙律,蟹肉沙律(真正蟹肉絕無欺埸)...生果有西瓜,蜜瓜,波羅,雜果...冷盤仲有數款日式小食,螺肉,8找魚,中華沙律.刺身有辣味三文魚,蟹子劍魚,帶子.熱食有中式包點,小龍包,牛肉燒賣,pizza,燒牛肉/羊肉,天婦羅,燒魷魚,炸薯餅

我去過依間餐廳2次(我之所以去咗2次,第一次係去試下...第2次係d friend 死唔信我講...拉我去...)老實講....完全唔覺有咩咁好食雖則唔係話好難食,但我個人認為同"好好味"或"好食"依d字眼完全扯唔上關係lo.........我上黎睇過幾次...發覺個個都講到依度d野食食完"曉飛"咁,好誇張.....唯一可取既地方係d員工真係好好脾氣/忍得...因為...我去2次食野遇上好多極度討厭&難頂既食客因為拎唔到隻龍蝦發難.....講粗口臭罵d廚師呀打尖仲臭罵d侍應姐姐呀...等等但佢地依然笑瞼迎人咁對住佢地...實咗好難得!!(因為係連我見到都有d想走埋去打佢一身...)

二人buffet, 閒日2005 年暑假係美國食過Todai, 到今日先食香港呢間.蟹籽拌劍魚(a): 口感唔錯, 劍魚本身覺得唔係咁好食, 加左蟹籽係面好好多雪花蟹腳(b): 食落去同美國食過既阿拉斯加長腳蟹差不多, 蟹肉都係好鮮甜. 麵豉蛋黃醬焗大蝦& 煙肉芝士汁焗蠔(c): 兩者都係每次限拎一隻, 次數不限, 但唔駛排. 焗大蝦幾特別的, 初頭以為麵豉蛋黃醬唔好食, 但事實係呢種味道配上大蝦特出到兩者既味道. 焗蠔就一般啦.芝士鐵板龍蝦(d): 師傅整一次要二十分鐘, 一底整三十幾隻, 排隊就起碼排十五分鐘先穩陣有得食. 呢個毫無疑問係好好食既, 芝士香濃, 龍蝦d 肉又爽口彈牙, 正諗住揾生蠔, 但揾唔到唔知點解, 又冇問人, 跟住又唔記得左食.~_~同美國比, 香港貴d 之餘, 野飲冇得就咁任飲, 要叫左一杯先有得無限添飲, 比較遜色.埋單$567.6

其實, 論食物質素我只能給90分, 它打正旗號是壽司海鮮自助餐, 款式雖多但素質仍未能拿滿分! 某些壽司的賣相很不吸引!! 其中較為失望的是沒有刺身, 頂多只有三文魚粒及帶子粒, 吃得不夠過癮; 而天婦羅又炸得不夠香脆。不過值得一讚的是每款甜品均是細細件, 可以試勻每一款又不怕吃剩而浪費!以此價錢與親友高高興興來吃一餐, 不錯, 所以仍會比笑臉!!

食物品種尚且算多,味道尚可接受,整體ok啦...

今天是長假期的最後1日,lunch4人跑來試吓,很久未食過buffet,嚇然見到1條等入坐的人龍(全部是訂了位)。唔喺呱老友,咁誇張?食物擺放大致分3個區域i)冷/生食物ii)熱/熟食物iii)甜品i)冷/生食物-有沙律,蟹腳,青口,魚生飯,壽司,魚生,卷物,手卷-只揀咗蟹腳,青口,魚生飯,壽司同卷物來試-蟹腳是大,肉喺實,但毫無鮮味可言。青口就細隻,同樣無鮮味-魚生飯味道唔錯,飯撈咗蟹子,有切粒的魚生-壽司同卷物的種類好多,而卷物比壽司出色dii)熱/熟食物-有燒羊腿,多款中式點心,淥湯粉,焗蠔,龍脷柳,雞柳....-只試了燒羊腿,廚子幫忙淋上燒汁,肉質是嫩,但無嘜羊味,1般,但欣賞配醬的細心因有法式芥末籽醬,英式芥末醬,薄荷汁iii)甜品-有好多款細小的糕點,朱古力噴泉,生果片,雜果粒,雪糕,crepe,啫喱粒,creme brulee,幾款cookies,2-3隻home made朱古力-是我主攻的對象,試咗多款細小糕點,生果片,雪糕,creme brulee,coconut pudding,home made朱古力-比較吸引的有blueberry mousse cake(攞咗3

25/6去左食dinner buffet,七點入去既時候原來裡面已經入左好多人,不過個場真係好大。野食方面,壽司真係幾好,refill特好快,又多款,細細件咁;蟹腳值得一讚,不斷refill而且新鮮;蠔就一般;熱食選擇唔算多,但係個鮑魚一出就已經好多人排隊,打晒蛇餅,結果食唔到,有d遺憾!甜品方面,d cake唔差,又係細細件咁,可以試多幾隻,雪糕有專人不,唔洗自己搞,呢個安排幾好...全體buffet係唔差,係嘈左少少,因為太多細路,價錢都唔係貴,所以一定會再食!

今日老媽子生日, 帶左佢黎Todai 一試真係估唔到咁既價錢lunch buffect $138, 仲好食過三百幾蚊既會展dinner buffet甜品- 有好多細細件既cake, 好處係可以試多幾件, d cake 都幾好食, 特別係藍莓cheese cake有朱古力噴泉, 可惜得棉花糖, 無生果仲有桂花榚, 好清甜, 好好味雪榚方面有雪芭, 無咁肥, 不過味道就無乜特別, 一般啦講下壽司, 壽司好多選擇, 有成廿款咁多, 蟹子壽司好有鮮味, 賴尿蝦壽司都唔錯, 壽司都係細細舊咁, 食多幾件都唔怕飽住個肚至於熱葷, 美國燒骨好惹味, 蒜蓉焗青口出奇地好味, 我平時唔食青口, 都食左四隻, 另外蝦餅同小龍包都唔錯, pizza 就食唔食都罷就, 太普通不過最失望係無長腳蟹....我一心諗住有得食, 不過有龍蝦腳食, 還可以啦, 我都食左五六隻overall 黎講我覺得呢間野俾到驚喜我, 好食過好多酒店, 好多酒店食過一次都未必會再去, 但Todai價錢抵, 野又好食, 值得再去