Time Park Lounge

营业中

休息中

平時冇蒲開如果唔係有人帶路都唔知原來呢個位有間酒吧係有好嘢食，開到地牢仲要超大間，啲位坐得好舒服✨本身主要目標係個燒牛丼，但轉咗新menu好似消失咗好可惜，不過叫咗其他款都唔錯，小食揀咗個打卡味超濃嘅蟹肉脆燒賣，係用脆卜卜嘅春卷皮做杯，再將蟹肉碎釀滿，面頭有三文魚籽同黑魚籽做點綴，香口得嚟味道帶鮮，唔錯✨主菜就有薯仔麵團，口感煙韌軟糯，中式腐乳汁感覺其實似芝士仲多過腐乳，可以再重腐乳香多啲，而慢煮雞胸就冇得輸，質感軟腍肉味夠香✨另一款意大利飯成碟都係紫色好搶眼，除咗賣相之外連個味都好特別，蝶豆花菠蘿干邑汁，啖啖飯都係甜甜地咁，似甜品多過似主菜，如果鐘意食芒果糯米飯應該會好鐘意呢個✨ 至於燒西班牙黑毛豬腩都幾高質，個豬味超香，加上燒到外面脆脆地咁然後咬落又幾彈牙好唔錯，不過如果先慢煮咗再燒相信會更加完美✨

今日本身相約朋友到尖沙咀飲酒傾計，點知臨時畀人甩底，結果自己去搵個優美寧靜嘅地方食下嘢，飲杯酒relax下， 上openrice睇過介紹之下決定去位於棉登徑嘅Time Park Lounge有傳統嘅餐牌同ipad餐牌，餐廳及飲品嘅款式非常之多重定期會有不同嘅推廣，今次係只要逢星期日24喺某社交平台上打卡就可以享有所有小食半價，十分之抵餐廳環境十分優美，每個角落都有不同嘅設計， 天氣熱熱地，先嚟叫一杯冰凍嘅啤酒降下溫， 放鬆下個人食物方面我叫咗本餐廳嘅招牌菜，自家製蟹肉脆燒賣，菜式嘅設計同擺款睇得出十分用心，打卡影相一流之餘，味道亦十分之好。咬落去滿滿嘅蟹肉填滿成粒燒賣，形成外脆內軟嘅口感，加埋三文魚籽同黑松露醬，原來燒賣都可以做到咁高貴嘅境界！Time Park 燴海鮮扁意粉菜式一嚟到嘅時候我以為去咗法國餐廳度食飯，擺設同樣十分用心精美，意粉上有大大粒嘅帶子海蝦同蜆肉等，配上特製醬汁，令人食指大動十分回味總括而言，雖然今次畀朋友甩底，要自己一個食飯飲酒。但餐廳絕對值得一班人或者小情侶去拍拖談心，皆因環境十分優美，坐得舒適寬敞

係尖東翻工，放工想去附近Happy下，唔一定行去諾士佛臺咁遠，所以同事帶左我去呢到，好近尖東站行落樓梯，餐廳分開兩邊，一邊主要係飲酒，另一邊主要係食野。餐廳以森林為主題，有好多木系裝飾，天花一片漆黑中有一盞盞小燈，好似夜晚既星星，好有feel，好岩同朋友飲酒談心。齋飲酒食野有啲悶，都有遊戲玩。#西班牙燒乳豬配啤梨蘋果醬 $268外皮脆，肉嫩滑，可分別點海鹽或啤梨蘋果醬，同檥好食，個人比較中意啤梨蘋果醬，中和翻乳豬皮既油膩感。#香煎帶子露筍意大利飯 $148擺碟細緻，可惜飯煮得有點淋，冇左意大利飯既特點。#Purple Rain $88椰奶同紫薯結合。#Gold Smoke $118未飲先聞到陣煙燻味，酒味唔算太重，好易入口。

窮遊香港-尖沙咀鋸扒好地方.呢日講下尖沙咀一間 係地底小小酒吧林林風既西餐全部位都係靚梳化 好舒服（可睇圖）是日放工黎呢到坐下睇下書表示好放鬆😊（餐牌睇圖）.⭐️燒美國頂級肉眼扒$358叫左5成熟 等左大概20分鐘終於上 望落好似好紅但食落其實肉質口感唔錯但怕生既朋友黎呢間就建議叫7成熟啦肉汁都夠 後面有烤薯配菜2個人分比較好.除此之外 是日仲有跟前菜。沙律。湯。甜品.整體高質 環境寧靜舒服但價錢相對比較貴.（題外話：如果坐最入 網路會收得唔係咁好 而呢個時候 店員問我要唔要wifi 細心加分）.#TimeParkLounge (尖沙咀)地址：尖沙咀棉登徑13-15號棉登大廈地庫.⭐️評分：味道：4.5/5環境：4.5/5服務：4.5/5抵食：3.5/5.‼️想睇更多資訊

而家舖租貴，餐廳好多時將枱迫到密一密。有時講下心底話都擔心搔擾到隔離。 但呢度就唔會啦~~~枱與枱之間有一定既空間， 大家可以暢所欲言。 整間餐廳都以外國風格為主, 牆上壁畫更可以瘋狂打卡。 餐廳內有不同特式擺設，更有遊戲俾大家玩。 叫咗兩個set dinner 額外加咗一客雜錦小食拼盤，每個set 都會跟湯，沙律，甜品。餐湯和沙律會係餐廳精選 南瓜濃湯 香甜味濃，順滑，唔會有顆粒。 沙律 沙律菜無苦澀味，醬汁份量剛剛好。醬汁味道酸味適中，正正可以好開胃。 海膽汁燴墨魚仔 呢個前似一杯飲品多過食物，高腳杯配上醬汁加沙律菜，視覺美感加分。墨魚仔爽口彈牙，沾上海膽汁更為提鮮。 自家制蟹肉脆燒賣 炸燒賣就食得多，脆燒賣就第一次試。脆脆的薄皮，配上鮮甜蟹肉，三文魚籽，格外鮮味。 燒西班牙黑毛豬 $238 黑毛豬充滿肉汁，嫰滑，配上鮮果醬汁令到味覺提昇。 海鱸魚柳配海鮮忌廉汁 $199 海鱸魚柳外脆內軟，皮帶少少鹹味，混上魚肉，味道剛好~ 雜錦小食拼盤 $98 拼盤有3樣， 水牛雞翼，炸魷魚，炸薯角 水牛雞翼，醬汁帶甜，感覺唔到辣（信義妹係嗜辣的，味覺不能作準），皮脆肉

今日無帶諾諾，因為約咗朋友Girls talk😗搵咗位於尖沙咀近K11 嘅地庫西餐廳Time Park Lounge 食飯傾計。 當日6點就到，所以未有其他客，可能自己揀靚位坐，環境氣氛好好❤️佈置好有心思👍 Dinner set 由$199-378 都有，以環境同地段嚟計唔算貴，我同朋友叫咗 燒西班牙黑毛豬$238 同 海鱸魚柳配海鮮忌廉汁$199，而前菜叫咗 海膽汁燴墨魚仔 及自家製蟹肉脆燒賣（兩粒）；食完晒因為重傾緊，所以再加多個雜錦小食拼盤 $98。 上菜唔算慢，傾計時間又過得特別快，是日餐湯連沙律就嚟啦，湯係南瓜湯，好味，唔會好稀，應有水準級數；要讚嘅係餐具，碗嘅隔溫好好，賣相令人好開胃👍 前菜：自家製蟹肉脆燒賣 賣相好靚，亦好有獨特性，味道唔錯，但唔係好覺係蟹肉😂 前菜：海膽汁燴墨魚仔 同樣賣相好精緻，汁有少少辣，墨魚仔食得出好新鮮，加埋溫室豆苗（唔肯定？）食好新鮮主菜：燒西班牙黑毛豬$238，擺盤靚，賣相好吸引❤️厚肉，但唔難切，入口唔乾身，點埋芒果醬汁食到有鮮甜肉味🤤，火速食完主菜：海鱸魚柳配海鮮忌廉汁$199,擺盤有少少過咗火😅，講返魚柳份量有3塊都ok,

今日，同朋友生日，搵左一間有格調既餐廳食飯慶祝。呢間餐廳既環境真係好好，有大大張梳化比客人坐，可以好chill咁坐喺度享受美味既晚餐，另外呢度既燈光營造到舒適浪費既感覺，好岩同另一半或者閨蜜過黎。呢度仲有bar檯，可以點埋酒飲。呢度有小菜、甜品同埋啲小食可以選擇。我地叫左兩個主菜同埋一份甜品。我叫左個燒西班牙黑毛豬腩配蝶豆花菠蘿干邑意大利飯，呢個意大利飯好特別，係有少少甜既，同埋蝶豆花令到飯有好靚既紫色。朋友就叫左香煎蘆筍意大利飯，creamy又好食。仲有呢個好fancy既高級法式小甜點雜錦！

約左知己今晚要聚，預先已經卜左位，可能太早到，全場得我自己坐係到，不過店員們都5會點催落單，非常自由，襯人少少影下周圍，開頭睇左dd人地食評同相就覺得尼到應該似一般飲酒Bar咁，氣氛熱鬧，但一落到去完全同想像5同，入到去好似去左外國咁，旅行感好正，有忍唔住想打卡既衝動朋友到左就落單，叫左2個set share同加左2杯野飲，應該係因為尼到主要都for人飲野傾計，而且都有基本既happy hour時間，所以無餐飲，不過前茶甜品都有既 佢地用I pad menu影出尼5清楚就無影是日餐湯係番茄忌廉湯，入口濃郁，質素厚身，而且得細細個，5會似出面飲到你飽左先果種，擺盤好令，但我地張2人台太細，只係岩岩好擺得晒前菜就不得了，我地叫左一個招牌自創燒賣同海膽汁魷魚面，老實講燒賣外形就滿分，食落如果太相信燒賣尼2個字難免有少少失望，口味有點點咸，加魚子同魚子醬都互相襯托，幾好味，但5算突出。海膽汁魷魚面就不得了，我超中意，一口既size, 個汁入口有海膽鮮味，但第2口開始就辣，5食得辣既要三思，但食得就會愛上，魷魚面既口感真係無得彈，真係食過你就知推推推飲品方面，由於知己係老手，我交晒比佢決定，傳說

門口有點細, 位置在BASEMENT,在外兜了一會才找到,裝修有歐陸感, 燈光有點暗, 人不多, 很適合三兩知己傾下, 我本人向來都不喜歡限時餐廳的, 喜歡這種有悠閒感的朋友喜歡芝士,所以點了芝士拼盤, 其實我不太懂分芝士的口味。我隨意點了杯SNOW ELF, 很大杯, 酸酸甜甜的, 不錯, 另外點蟹肉脆燒賣, 外脆, 蟹肉多, 我蠻喜歡的

環境好，裝修別緻，適合三五知己飲酒談心。是日同兩位好友共聚晚餐，服務很好。但上菜速度十分慢，而且份量較細，所以一致認為這裡較為適合飯後吹水或happy hour好去處。In addition, we were arranged to be seated in an inner area, which somehow it is a bit hard for us to reach the staff for dish order or drinks refill. It would be better if their staff would walk around the restaurant from time to time to offer additional service to different tables of customer.

同朋友慶祝生日梗係要食d佢地未食過 仲要大家都鐘意飲酒一定㨂間有特色的酒吧酒吧香港就多但野食都咁好既酒吧就好少見仲要d dishes 係其他地方都好少有 叫左蟹肉燒賣- 必食辣魚乾-送酒一流海膽三文魚他他杯- 一般腐乳汁慢煮雞肉薯團- 好特別 好好食 fusion菜薯團好QQ 雞肉好滑

呢間餐廳其實都係早一排嚟食嘅，不過由於係比較深刻嘅一間餐廳，所以就算隔咗一段時間都想幫佢寫返篇食評同女朋友一齊嚟到酒吧，發個酒吧非常陰暗同有情調，好適合兩個人嚟拍拖，侍應亦都非常殷勤主動介紹餐牌同酒低溫慢煮半生牛叉燒米型粉我相信唔使多講，淨係睇賣相已經滿分啦，牛肉用燒叉燒嘅方法嚟烹調，十分有趣，食落啲牛肉都係好腍同埋好有肉汁，米仍奮力都非常之有口感同煙韌香辣海膽汁配三文魚闊條麵雖然分量相對細，但這味菜認真色香味俱全，用酒杯裝住紅色嘅三文魚，衹能夠話係打卡神物，味道酸酸甜甜辣辣噉樣，十分惹味低溫慢煮原隻鮑魚上菜嘅時候，啲仙氣真係好澎湃，浮誇之後，見到入邊啲鮑魚都切成細塊，再加埋大大粒嘅蟹籽，鮑魚十分彈牙新鮮，蟹籽嘅味道好濃郁，混合嚟食真係好好食Foggy 每逢去到酒吧，我都鍾意侍應爲我介紹嘅cocktail ，今次佢哋推介呢隻Foggy ，係一直有煙熏味嘅雞尾酒。同一樣道理，呢杯酒嘅擺设都係好靚，而且飲落真係好濃烈嘅煙熏味，感覺好特別，冇介紹錯Smoke in your eye 女朋友叫呢隻酒，都好明顯係比女仔嘅酒，有粉紅花花喺上面，飲落就冇foggy 嘅濃烈，反而有少許荔枝味，都係一杯

book左枱，準時8點入去，搭3左右落單，隔左陣就有湯同沙律。個忌廉南瓜湯好香，但飲落口係好神奇地完全一啲味都無！之後叫左啲酒都開始上，居然就咁倒既紅白酒都可以淡到無味。。。之後就等main course...等等等，好彩4個人可以傾下計hea下。傾下傾下9點搭10 快樂不知時日過，main course終於到！好期待既野食呀！個飯同個雞肉薯仔黎到 簡單係想像唔到既特別，雞個汁咸到可以送一百碗飯，另外燒豬肉個飯係甜到好似食dessert咁，但舊豬肉係燒得真好食既，都不足以令四個男仔飽。非一般特別，但係都唔係樣樣都係差，佢個頭盤沙律諗返起就回味到比錢果一刻...要體驗法式慢活可以到訪一下，環境氣氛係正既😉

希望個老闆可以睇到如果真係有心做，就俾多點heart,plz.叫2人set＄398，尖沙咀黎講唔貴。頭盤Soup n salad ，個樣唔錯，不過個湯真係不知所謂，好奶水，沙律都係咁上下。令外叫 Mocktail 紫薯xxx，大家睇下個賣相好麻麻，奶七成紫薯三成。小食個蟹肉餅ok，炸魚就過得去到主菜我同老婆等左30有多，等都唔係問題，最後我果個慢煮雞胸都唔錯，老婆西班牙豚肉，真係好唔得，個皮脆到好似食膠咁，脂肪8成回豚肉2成。甜品都唔使講幾款食物賣相都係差不多，都有啲草係度好wild feel.今晚最唔得係個迷你湯，再講多次不知所謂。好似飲緊平時沖俾個仔飲既奶。食完嬲嬲地，去左附近食串燒補數。

跟很久沒見的舊同學相約放工飲嘢，同事推薦最近去過打卡好正的酒吧，啱晒鍾意影相嘅我哋酒吧在地庫，街上門面不大，一不留神很容易走過了頭。沿樓梯往下走，牆上掛有照片，樓梯盡頭分左右兩邊坐位區。右手邊坐位牆壁上繪有彷若倫敦地鐵月台的壁畫，勾起那些在倫敦的日子，好有親切感穿過拱門就是另一個世界，猶如進入獨角獸的森林一家店有兩種截然不同的場景，絕對啱曬我哋，影完相，我哋選擇留响現實世界。除咗飲品，我哋仲叫咗4個小食，雖然係小食，原來份量都唔少，搞到要捧住個肚走。精緻的小木箱裝住脆燒賣，上面放有三文魚籽、黑色蟹子，仲加埋金箔點綴，好貴氣脆卜卜的春卷外皮，包住滿滿嘅蟹肉，蟹肉帶點咸鮮香，好睇又好食呢個小食外觀似杯飲品，好得意橙黃色嘅海膽汁，白色嘅闊條墨魚，仲有面頭一撮苜蓿芽，好精緻。墨魚薄片軟韌有咬口，食落辣辣哋，咬破三文魚子卜卜聲，醒胃又過癮龍利柳卷住蔬菜一齊食又幾鮮味喎點埋開胃嘅香橙汁慢煮雞胸又腍又滑內有一粒粒，初時以為係芝士團，原來係意大利薯仔麵團，好得意，煙煙韌韌帶芝士香，好好味太飽嘞，剩下好些麵團沒吃完，可惜。我杯Snow Elf顏色好靚，影相影到啲cream都幾乎溶味道酸甜清新，好好飲淺紫