Time Park Lounge

营业中

休息中

見朋友仔呢排愁眉苦面， 諗住約佢一齊食飯兼傾計 ，搵個好地方慢慢談下心。 見到網上有唔少人都推薦尖沙咀嘅呢一間lounge ，一於入去試下。入到去環境非常唔錯，感覺好似入咗個歐洲風嘅小酒館，而且周圍都好多裝飾品，最特別嘅係室內有棵樹，感覺好似入咗個魔幻森林。喺咁嘅環境下一邊飲酒，一邊傾偈，實在舒服不過。嗌咗兩杯 cocktail，叫咗 一杯 荔枝Mojito，同埋一杯vampire didy， 兩杯嘅造型都非常別緻， 感覺到好有心機， 尤其呢杯荔枝mojito，充滿薄荷香，非常好飲。餐湯同前菜都好唔錯，尤其係呢一個蟹肉脆燒賣， 用一個好似春捲咁嘅脆皮包住蟹肉絲，加埋上面嘅魚子，感覺高貴得嚟，又開胃惹味。呢一個燒乳豬配啤梨蘋果醬都好好食， 尤其係個乳豬，個皮脆得嚟好似食緊薯片，豬肉又好嫩，滿滿都係juicy嘅肉汁。美國CAB牛扒都煎得好香，好有牛味， 肉味好香濃， 加上用咗香草同大蒜墊底，食落味道好有層次好香口。不過女仔永遠都係鍾意食甜品，最後我哋仲叫咗呢個咁豐富嘅法式甜品拼盤，入面有齊唔同甜品，例如檸檬批、芝士蛋糕、朱古力慕絲等， 襯埋cocktail咁食 ，感覺真係好滿足。

Time park lounge位置唔算難揾，非常接近K11，而且附近都有好多著名餐廳，人流幾旺。餐廳位於地庫，空間好大，而且所有裝修同裝飾都好用心，打造到好神秘，每一個角落都好有外國味。職員好快就遞上ipad menu，仲會同我地介紹一下特色飲品，誠意可嘉！👍🏻Set dinner for 1蘑菇忌廉湯 + 沙律蘑菇蓉好香，配脆多士好夾！Set dinner for 1自家製蟹肉脆燒賣春卷皮包住蟹肉，好足料，蟹肉好鮮，呢種煮法完全顛覆左傳統燒賣，好創新好成功！Set dinner for 1鮮蝦海膽三文魚籽扁意粉扁意粉嘅質感係我喜歡的，配埋個汁好match，三文魚籽冇腥味，仲有3隻大蝦，如果以set dinner黎講呢個價錢食到呢個質素真係好抵食。我地另外都嗌左兩款主菜燒美國頂級肉眼扒 🥩🥩🥩好濃牛味，脂肪同肉嘅分佈比例剛剛好，伴碟嘅薯仔只係簡單用香草調味，仲有點橄欖香，我係食哂全部薯仔嘅😂😂😂西班牙燒乳豬配啤梨蘋果醬🍽如果二人食就嗌1/4就夠，都有10件8件，份量比想象中多。燒乳豬皮脆肉滑，而且無骨，名符其實嘅啖啖肉。順帶一提啤梨蘋果醬可以中和返，唔會因爲食太多肉而好漏。

喺尖沙咀K11周圍都有唔少風味獨特嘅餐廳，今日就嚟到位於嘅Time park lounge。🌳位置唔算難找，但平時行尖沙咀都好少會經哩頭，比較唔起眼。餐廳位於地庫，沿著長樓梯行落去，充滿神秘感。地庫餐廳空間好大，座位唔算特別多，有好多空間都用嚟做裝飾擺設，設計好精美，先係有獵槍、火爐、書櫃、仲有一棵高大嘅樹延伸到天花，就算二人檯都好闊落，比到人好舒適嘅環境用餐。哩棵樹好有睇頭，等野食到嘅時候同男友不停研究佢嘅裝修兩個人咩都想試，所以今次都嗌左幾多🙈🤪先係一人set dinner🍽有忌廉湯同沙律，分量岩晒一個人，忌廉湯質地濃郁，好多蘑菇碎，好香，沙律菜亦好新鮮🥗自家製蟹肉脆燒賣黎到頭盤，呢個脆燒賣賣相10分精美，高級燒賣，呢道菜好有創意，先係外層脆皮，裡面裝滿一淡淡嘅蟹肉，外脆內軟，為口腔帶來一股衝擊！鮮蝦海膽三文魚籽扁意粉面頭鋪有好肥美嘅海膽，醬汁完全沾滿住每條扁意粉，個人比較喜歡食扁意粉，因佢口感厚實，更加掛汁。三文魚籽好新鮮冇腥味，蝦肉雖然唔大隻，不過肉質好彈牙，廚師仲好細心預先搣咗蝦殼，淨係留返條小蝦尾。然後就黎到我地好期待嘅肉眼扒同乳豬！燒美國頂級肉眼扒 $358今次叫咗七成熟

呢間餐廳係尖沙咀旺區既地庫，雖然附近有好多餐廳，但因為地庫位置有少少隱閉。一入到去就比佢既裝飾吸引左， 有一隻大木馬係走廊盡頭，另外都有beer pong機，同一班朋友黎仲可以玩下game!不過我地今次黎主要係食晚飯既，餐廳都有一人餐，比起散叫其實幾抵架。 1️⃣ 帶子意大利飯，不得不說帶子幾鮮甜，唔係雪藏既，而意大利飯都有al dente 既感覺，幾有口感不錯。2️⃣ 西班牙乳豬1/4隻，份量唔多， 豬皮都幾香脆既，都有油香👍🏻

本身想食完晚飯之後，同朋友去飲嘢邊傾計，點知朋友話佢有好介紹，就跟咗佢去試下呢一間既係餐廳，又係酒吧嘅lounge，一邊摸住酒杯底，一邊談心兼食飯。一入到去已經見到非常有情調，吧檯分兩邊。有調酒師係度，飲品選擇超豐富。 環境靜靜地而且好舒服，好適合傾計relax， 又或者男女朋友拍拖都啱，因為個氣氛都幾浪漫。仲有枱可以玩 beer pong，下次可以約多啲朋友嚟玩。Dinner set 由前菜、沙律、湯，到主菜、甜品都有，價錢都合理。先嗌咗杯Cocktail，呢杯 Vampire Didy賣相好吸睛，味道酸甜清新，好啱女仔。精緻嘅沙律同磨菇湯，尤其個湯好滑好Creamy，味道唔錯。前菜就揀咗個銀魚柳蕃茄莎莎配多士，咸咸地嘅魚柳加埋蕃茄莎莎好開胃，多士薄得嚟好脆，夠惹味。朋友就嗌咗個啤梨蘋果醬配烤乳豬，不得不讚個啤梨蘋果醬，打得非常幼滑，甜甜哋配埋嫩滑多汁嘅乳豬好夾，唔會太油膩，而且乳豬皮好脆，好正。而我嗌嘅呢個美國CAB肉眼扒都好高質素，燒得剛剛好嘅五成熟，肉質鮮嫩，外面又夠香口，配埋個芥末醬食，絕對係牛魔王嘅至愛。最後就緊係要嗌多個甜品拼盤，淨係擺盤已經好吸引，尤其檸檬批同個chee

聽說尖沙咀有一間特色餐廳，地點就在地庫，很容易就找到了，地點好特別！裡面有很多不同的裝修設計，比較有feel。餐牌上我們就點了幾款不同食物嘗試一下。自家制蟹肉脆燒賣$88最特別是外層是香脆的，裡面主打也是用了蟹肉，也有三文魚子等，咸香十足，亦都鮮味充足。香煎白鱈魚配海鮮忌廉汁$278喜歡吃魚的我當然一定要試一試，白鱈魚肉質嫩滑，海鮮忌廉汁香氣迫人。也有其他不同款式的蔬菜🥬好健康！低溫慢煮雞胸配中式腐乳意大利薯仔面團$168呢個最標準就系佢個慢煮雞胸好嫩滑，仲有腐乳味道幾香！薯仔面團甜甜地，好得意，值得一試。不妨來到試一試特色食物，喜歡飲酒的人選擇也有很多呢！

同朋友好耐冇見，想去酒吧食飯同埋飲下酒傾計，見到呢間都近就黎試下呢到都幾有氣氛，座位夠闊坐得舒服呢到既set都唔算太貴，晚飯時間去仲可以有happy hour價呢個餐湯奶味好重，唔錯，仲有兩塊薄薄既多士同埋沙律食，擺盤都好靚呢個係銀魚柳多士蕃茄沙沙，好食！酸酸地好開胃呢杯係海膽汁膾墨魚仔，個汁係辣辣地，入面有三文魚籽同墨魚仔，份量唔多但係都好開胃，好食去到主菜，呢個係燒西班牙黑毛豬，肉唔算大塊但係燒得唔錯，肉好多汁，不過如果可以比啲調味料我地自己調下味就會更好鮮蝦海膽三文魚籽扁意粉，蝦好新鮮，海膽都算幾甜，唔錯最後仲有甜品，完成左滿意既一餐呢到既飲品都整得好靚，又有氣氛，傾計傾得好開心

尖沙咀K11附近有好多餐廳不過好多間都冇set dinner行過Time Park Lounge門口見到set dinner menu 就行左落basement😂餐廳嘅裝修幾得意竟然室內有棵樹😂Sofa都幾有心思，舒服又有個書櫃同隻Unicorn幾有Harry Potter feelSet dinner 先有細細碗南瓜湯同胡麻沙律👍之後上appetizer 海膽醬墨魚仔另一個appetizer 係蟹肉脆燒賣呢個照正😍😍勁多蟹肉啖啖超正主菜叫左個牛扒睇落好似好紅（可能燈光問題）食落生熟程度同調味去啱啱好😍😍😍一個主菜係黑毛豬好厚身，又好有juicy最後個甜品細細件唔會太滯

Time Park Lounge 喺尖沙咀嘅棉登徑，要先沿樓梯往下走，感覺隱密。店內的裝修別樹一格，燈光設計佈局用心，就像置身於歐陸式的古老大屋之中，有樹、書架、屏風、火爐、木馬等大量的木元素，感覺溫暖舒服。作為酒吧餐廳，又點會冇Beer Pong？另外仲有張遊戲枱，可以玩Digitalise 嘅各種Board Game！Cerveza negra $88生力廠出的黑啤，甜味和苦澀味很平均的一杯，不錯！套餐有沙律、麵包和餐湯，沙律菜葉新鮮爽脆；南瓜湯香濃幼滑；麵包薄而脆，點湯食真係一流！前菜：自家製蟹肉脆燒賣以香脆的春卷皮取代傳統的燒賣皮，中間的餡料是塞得滿滿的蟹肉，又鮮又甜，有創意得黎又好味道！前菜：海膽汁燴墨魚仔墨魚仔爽口彈牙，香濃的海膽汁加入了適量的辣味，仲要熱辣辣，非常惹味，推介！主菜：燒西班牙黑毛豬 $238豬肉軟腍，用刀輕輕一拖已能切開，而且原材料夠高質，肉味香濃，唔洗點汁已經好正！主菜：海鱸魚柳配海鮮忌廉汁 $199魚柳煎至兩面金黃，魚肉結實鮮味，魚皮位極為香口，很不錯的主菜！甜品是石板街口味的蛋糕。

朋友話呢間幾岩拍拖 所以就Book左黎同男朋友兩周年紀念😚呢度係柏板既隔離 細細個入口落到地庫 我地兩個人佢都比左張3-4人台 好闊 坐得好舒服而且環境好清憂 好浪漫有小小音樂 唔會太嘈 好岩first date黎食裝修得好有格調 好classic既西式風格有一個酒吧咁 座位間有個大酒櫃隔開大家好高私隱度 好有「私竇」feel有個暖爐 柴火 同埋有隻大木馬好岩打卡🥰 見到都有家庭黎聚會～成家人開枝紅酒 🍷好識享受一個set都係$199 價錢又唔貴啵我同男友一人叫一個包左沙律 🥗 南瓜湯 前菜 同埋 甜品沙律同麵包都好好食 沙律酸酸地有胡麻醬麵包好脆 南瓜湯勁濃勁香 遠遠都聞到前菜有幾款 試左兩款⭐️銀魚柳多士蕃茄莎莎銀魚柳細細條但味道好濃郁 有點微鹹配落好清新既蕃茄莎莎好夾令成個脆麵包都好好食⭐️自家製蟹肉脆燒賣呢個好好食！脆脆地既春卷皮中間係蟹肉沙律咁 好多蟹肉絲 必點🍽燒西班牙黑毛豬（$238）燒到外層好香 切開入面好Juicy 食落口感好好 保留到好多肉汁唔會乾 🍽海鱸魚柳配海鮮忌廉汁（$199）冇骨 魚皮煎到好香 食落魚肉好嫩滑有三大塊～再配埋小小菜

今晚約左個好耐無見既朋友食飯，所以就想間餐廳舒舒服服咁食飯傾計，又想方便，於是就搵左呢間喺棉登徑幾出名既Time Park Lounge。首先去到呢間餐廳第一印象就係個裝修好有特色，玩味十足，座位闊落舒適，感覺唔錯。至於食物方面真係比我想像中好好多，因為lounge一向比我感覺係飲酒為主，食物質素普通，但呢間既食物好有驚喜。首先一定要講呢個西班牙燒乳豬配啤梨蘋果醬，乳豬肉非常嫩口仲有陣陣既炭烤味，肉味非常甜美，皮脆又香口，個醬好特別，好配合到個乳豬，絕對係我喺香港食過最好食既燒乳豬之一。西班牙辣肉腸扁意粉都好食，辣肉腸份量唔錯，少少辣令到成碟意粉變得好惹味，麵質較硬我個人十分喜歡。最後令我有驚喜既係呢碟水牛雞翼，皮好脆肉好彈牙又入味，估唔到一碟普通既雞翼都可以煮得咁出色，呢間餐廳真係好有誠意，一定要encore

最近返工忙忙忙，終於約到好姊妹飲下野傾下計，來到這個個場，個環境真係好Chill，唔會太嘈，傾計都傾得好舒服。✨蟹肉脆燒賣-燒賣的外表，很可愛；咬下去是春卷的味道，脆脆的春卷外層，內裡是啖啖鮮甜的蟹肉，很滿足！☺️✨水牛城雞翼-這個雞翼味道真不錯！很好下酒。脆脆的外層，嫩滑的雞翼，醬汁調得悟到好處，甜甜酸酸的很開胃。✨啤酒薯條-薯條炸得十分香脆，配上茄汁真的無得輸！✨香煎銀鱈魚配海鮮忌廉汁-銀鱈魚外層煎得脆口，魚肉滑口，配上海鮮忌廉汁，帶出了魚的鮮味。✨法式甜品拼盤-十分精緻的甜品！每樣一小口，十分適合女生！滿足了飯後甜品的慾望！✨Vampire Didy-喝下去有濃濃的莓子味道，酒精亦濃，適合嗜酒的人。✨Time Park-這個味道十分有趣，面層是泡沫，喝到底是香蕉的味道的酒，愛香蕉的人應該會大愛這杯酒。環境最讚👍🏻愛好姊妹過了愉快的一晚！

老公話happy Friday同我去酒吧拍拖，我話我地都唔飲酒點解去酒吧，老公話佢同事介紹這間酒吧環境幾好，食物都好正，所以就試下，果然好介紹我一入到去就被這隻獨角獸吸引，仲有頭頂的乾花佈置，入面仲有大樹，感覺係森林下，好夢幻好特別連老公都like, 好難得呀當然唔少得beer pong, 牆上霓虹燈好正好有feel, 係打卡熱點牆上壁畫令人感到置身國外，座位sofa都坐得好舒服。除左環境正，食物都好得我地叫左香煎白鱈魚和黑毛豬干邑意大利飯，味道拍得住酒店水準！

介紹返💁🏻‍♀️ 呢間好食又好玩既餐廳👉🏻Time Park Lounge 👈🏻 真心推介大家去試下➰..裝修以外國風格為主，超多塗鴉配合偏暗既燈光，都幾特色架！同埋餐廳空間感好夠，枱同枱之間唔會擺到好埋，而且仲有2張遊戲枱俾大家玩🙌🏻.叫左個”雜錦小食拼盤”(HK$98) & “炸啤酒味薯條+ 黑松露醬”(HK$78) 🍟d 薯條好正，炸得岩岩好👍🏻超級脆！ 水牛城雞翼個醬汁酸酸甜甜👅 炸魷魚圈係用新鮮魷魚做🦑食落特別彈牙❗️..🗣西班牙燒乳豬配啤梨蘋果醬(HK$268) 以半份既size 嚟講份量都算多，食落個乳豬皮真係脆卜卜😍肉質有嫩滑，配埋個醬又好清新，正架〰️

今次帶大家黎一間隱世餐廳。起棉登大廈地鋪，大廈正口外轉彎樓梯落basement就係啦。入到去簡直就係另一個世界，剎那間感覺離開左塵世煩囂🤗入面環境充滿英倫feel，到處都有好多打卡位😚。另外又有遊戲區可以同朋友gathering ，亦有bar枱，可以坐起bar tender面前暢飲😎。座位寬敞，一d都吾迫，枱與枱之間保持有足夠既空間感，非常舒適👍🏻。。蟹肉燒賣$88薄薄既春卷脆皮包住個餡，蟹肉鮮甜又足料，再配上幾粒魚籽，又Fresh又好味🤤。。雜錦小食拼盤$98有3款小食，分別有啤酒薯條、炸魷魚同水牛城雞翼。隨小食會配有青醬及茄汁薯條好有驚喜，外表炸到好酥脆，咬落卜卜聲，真係食吾停口😋。炸魷魚都好鮮好有韌勁，炸既程度恰到好處，炸粉亦吾會太多😎。水牛城雞翼都好好食，甜甜既水牛城汁鋪滿雞翼，咬落啖啖肉，肉質嫩滑，好食。香煎帶子意大利飯$168帶子好香好creamy，飯一粒一粒好有咬口，再加上忌廉汁，整體食落幾夾，吾錯😁。。士多啤梨提拉米蘇$98 擺得好靚，牛奶朱古力好好味，不過略嫌提拉米蘇有D太甜🤔。。味道⭐⭐⭐⭐價錢⭐⭐⭐⭐環境⭐⭐⭐⭐⭐服務⭐⭐⭐⭐⭐推薦星數⭐⭐⭐⭐⭐。地址:尖沙咀棉登