The Oyster House (已搬遷) 新店位置

生日飯黎呢到補數黎到已經俾佢既海鮮併盤吸引左呢個海鮮併盤非常抵食星期一至二只需加99蚊而且侍應哥哥會教你由淡味既帶子食先再食青口，海膽，鮑魚最後先食生蠔帶子好肥美，啖啖肉，完全無腥味，青口夠大隻，鮑魚好鮮甜，海膽雖小但都好新鮮好甜，生蠔仲好有海水味咸咸地好鮮味加埋之前侍應哥哥既推介叫左杯智利白酒好襯好好食之後叫左主菜有羊架同埋三文魚主菜之前會有餐包送既個包皮邊硬左少少但係包入面好軟熟好香仲有橄欖油同黑醋配合好再食多幾舊主菜叫左羊架，5成熟侍應姐姐會問要唔要mint jelly 同黃芥末我地2樣都要好襯個羊架食落口唔會太穌不過5成熟黎講我就覺得熟左少少似6至7成不過都係淋身另外主菜係煎三文魚配蘆筍檸檬汁個汁底做得好creamy加少少檸檬汁魚味好出而且條魚仲好滑係到食得好開心最啱約埋三五知己黎飲下酒食下飯傾下計

老公生日原本今晚book左食自助餐不過佢同我一樣都唔係大食之人姐係好快飽。。。所以寧願用d錢食d最想食嘅野仲好而我同老公近年喜歡左食生蠔而呢間餐廳我係第二次黎。。。我覺得質素ok 所以book左3點比老公試下一去到比原定時間遲左少少起門口見到close 😨😨😨勁驚！明明打電話book左又有email回覆但門口無關仲有個人坐左起最入食緊飯😅行入去佢仲話已經落左場😳😳😳不過佢check完個booking簿就無辦法之下安排我地坐。。。可能有d錯啦。。。原來佢地今日無做tea 做到3點落場平日就有做 (因為明明記得有tea set)所以。。。我們是包場嚕😂😂😂點菜前先點杯飲品先天氣熱飲啤酒最好我就點左杯floris fralse 有d苺果味，甜甜地易入口老公就點左la chouffe 好清唔會有苦味因為點完菜就有麵包上了熱左嘅麥包都不錯啊，點d黑醋同橄欖油食😋因為點左個假日lunch set有得點沙律or湯個沙律都不錯😊Lunch set嘅主角有四隻蠔啦元貝一粒甜蝦一隻螺一隻同花甲個蠔就定左係呢四隻有美國西班牙法國同紐西蘭始終我都最中意係法國，爽脆那種太過creamy我同老公接受唔到我食最大隻

今年的新年和情人節來得特別近，真讓人有點措手不及的感覺！慶祝節日，由從前喜歡到一些著名餐廳，到現在漸漸變得重視私人空間，喜歡去小店享受安靜浪漫的環境及品嘗水準菜式。我們這年也特別選擇了在謝斐道街巷上的Oyster House提早慶祝情人節！謝斐道入夜後，人、車均不多，為在街道上的幾家餐廳造就了靜謐的環境。Osyter House的裝潢帶小法國餐廳的風格，坐得舒服。喜歡後面用蠔殼造的燭臺，是用兩個單面的蠔殼背對背黏合而成，很合Oyster house的名字吧！帶蒜及香草味的麵包口感帶天然的粗糙，沾上黑醋及橄欖油很開胃。要慶祝節日，當然要小酌一杯！店員推薦下，點了杯House wine白酒。我們各要了一款不同的沙律。喜歡日式口味的定會喜歡三文魚帶子刺身伴紅菜頭沙律。帶子刺身大大片，配上白酒的化學作用真的很好。帶微甜的紅菜頭原來加上巴馬臣芝士的口感也不錯。(Salmon and scallop sashimi with beetroot salad)另一個是香煎鵝肝配巴馬火腿風乾牛肉伴無花果沙律。肥美的鵝肝煎得金黃香口，外脆內軟的豐腴口感真叫人著迷。巴馬火腿和風乾牛肉夾著哈蜜瓜和無花果吃，十

我發覺身邊不乏喜歡食蠔的朋友！  近年來，香港興起蠔吧，   專為愛食蠔的人而設！  除了供應蠔及酒之外，還有西餐！ 早前，在朋友口中得知灣仔有間餐廳，以前主打意大利菜，經翻新轉形後，改名為 The Oyster House！  位於灣仔謝斐道，地段易搵！ 一於相約喜歡食蠔的好街坊，他絕對是一位 Super fans！約他去食蠔真是最好不過嘞！   並慶祝相識 5 週年！ 當我們一去到餐廳，大家都覺得比預期細！  酒吧西餐廳格局，店內昏暗格調浪漫，而且裝潢幾有歐陸感！ 以酒吧西餐廳來說，這裡的桌子拍得很密，缺乏空間感，太迫狹的環境，令人很有壓迫感！  況且，我們被安排坐在近門口的二人桌子，感覺自成一角，我坐在靠牆的座位，實在窄到連褸也脫不下來！ 先送上餐包鬆軟略帶濕潤的餐包，打開味蕾！亦可解一點肚餓感！ House White Wine $65白酒味道不算強烈，容易入口！ 雜果賓治 $40一點雜果卻沒有！  是否送錯給我呢？入口只是味道酸甜的一杯果汁而已！  勝在口感冰涼！或多或少都令人失望！ 店方供應的蠔來自法國、美國及南非...等地！ 生蠔南

公司一齊食lunch,上網見這店有不少好評,於是試下了。lunch set,是日餐湯或希臘沙律+主菜+甜品+餐飲。微熱的餐包,口感鬆軟不俗呀。西蘭花湯,味道濃郁,幾好味呀。炭燒西冷扒配薯條沙律,$118,炭燒西冷扒,5成熟,但不像5成,熟了點,口感有點硬,炭燒味都幾香口,味道正常水準,熱騰騰的粗薯條好味呀。香蕉拖肥批,蛋糕中間夾了香蕉,好特別呀,香蕉味濃郁,味道香甜,幾好味呀。熱咖啡,正常水準。lunch價格尚算合理,甜品幾好味,熟食比較普通呀。

位於灣仔的The Oyster House，開放式的地鋪，以木色為裝潢主調，甫踏入只覺像置身於溫暖的意式小屋中，浪漫氣氛油然而生。暈黃燈光配合桌上的燭光，情侶們來一頓燭光晚餐肯定甜蜜滿瀉。不過店面不算大，餐桌距離較為貼近，私密性略嫌不足。皮面活頁簿造形的Menu，以文字配搭食物照，簡潔而清晰。食品由前菜、沙律、餐湯、主菜、意粉/意大利飯、甜品都飲料一應俱全，選擇還真不少！海鮮拼盤海鮮拼盤的$99推廣優惠最吸引，二人分量的拼盤已有5種海鮮，食材新鮮，性價比超高！新鮮空運生蠔：帶著淡淡海水味的新鮮生蠔，入口嫩滑，蠔味濃郁加拿大海膽：色澤金黃的海膽味道甘香，配合青瓜同吃帶點清新北海道帶子：晶瑩似白玉的鮮帶子非常嫩滑，每口都是鮮甜日式磯煮鮑魚：磯煮鮑魚軟身入味，嚼勁十足馬來西亞熟蝦：新鮮的橙紅色，肉質爽口，上桌時已去掉蝦殼方便女士們可優雅地享用。海膽紅蝦 $88@精緻似日式料理的海膽紅蝦以小湯匙盛載，色澤鮮黃的新鮮加拿大海膽置於剔透的紅蝦上完全覆蓋，綴上三文魚子、青瓜片，再灑上紫菜。湯匙小小方便一口吃下，海膽味濃、青瓜爽脆、三文魚子爆開後的咸鮮、紅蝦的甘甜…不論味道口感都非常豐富芝士煙肉焗蠔

朋友約咗喺灣仔lunch, 係一間好有情調嘅餐廳！一坐低就會為客人遞上暖水同餐包我地3個女仔，叫咗2個set lunch,同一個海鮮刺身拼盤前菜要咗個沙津同蘑菇湯呢個沙津有哈蜜瓜同巴馬火腿，火腿咸香味好香，加埋甜甜嘅哈蜜瓜，原來又幾match喎！有驚喜！磨菇湯係用磨蘑菇攪成溶，所以好濃嘅磨蘑菇味，不過就唔係人人接受到咁fresh嘅磨蘑菇味叫得oyster house, 當然要試下佢嘅生蠔海鮮刺身拼盤。生蠔有唔同size,來自唔同嘅地方，我地由最細隻食起，大隻細隻都各有特色，大隻就啖啖肉，細隻就好鮮甜！無論大細隻，都食得出好新鮮！其它嘅海鮮例如鮑魚，都一樣好鮮味！之後主菜係5成熟嘅牛扒同pizza牛扒中間帶點鮮紅，但又唔會滲出血水，good呀！肉質都好嫩！Pizza上面有啲羅勒葉，更加帶出咗個pizza香味，同唔會令人覺得膩。蕃茄醬更加係我地至愛！最後甜品時間Tiramisu甜而不膩呢個香蕉批好好味呀！

今年係我同老公既第七個情人節，感覺有如第一年既情況一樣緊張，老公為每個節日都準備好一切，為我帶來神秘感，今次他選擇了我曾經向佢提及友人介紹既餐廳，雖然係情人節，但餐廳並沒有規定食set dinner,可選擇set dinner 或散叫，我地最終決定散叫及order 海鮮拼盤，海鮮拼盤佢會配一支紅或白酒第一道出場既係牛油果三文魚沙律，牛油果切成細粒配合清新的沙律，煙三文魚不會太肥膩，每樣份量本身跟沙律配合得天衣無縫，但食到最後還有太多橄欖油，令沙律頓時感覺油膩之後等了大約15分鐘，海鮮拼盤上場，生蠔集鮮甜，肥美，海水味於一身，果然名不虛傳，帶子味道略為淡及薄，鮑魚咸味剛好，不會太咸或太淡，肉質林身牛扒做到我們要求的4成，但不太有肉味帶子意粉，起初望第一眼沒有太大好感，覺得平平無奇，但食完兩啖之後，深深被乾蒜及香草味吸引，就算再飽，都要多食幾口 ，帶子煮得熟度剛好，一入口鮮味充滿口中，下次再去既時候，一定再試多幾款生蠔

朋友約食lunch，點知約左我地黎食好野，餐廳裝修很華麗，很適情侶黎食個浪漫既情人節大餐～ 由於係lunch既關係我地三個人叫左兩個set lunch 再加個海鮮拼盤～係閒聊期間就先上個鬆軟既餐包同磨菇湯 麵包點少少醋同橄欖油食開開胃先～另外呢個磨菇湯就以磨菇打成容去煮湯，所以入口有超強烈磨菇味，同有口感跟住就上埋個前菜～ 有兩款沙律，而我就比較喜歡有蜜瓜同火腿個款，咸咸既火腿配上甜甜既蜜瓜，口感很有層次再黎上主菜了 朋友叫左個牛牛，而我因為想留肚食生蠔，所以揀左食呢個超多茄膏加芝士既pizza，pizza切開仍有一絲絲既芝士糾纏著，而餅底脆卜卜，同平時食個啲有很大分別，而係pizza面上廚師落左啲香草，另pizza唔會「獨孤一味」我期待已久既海鮮拼盤上場了～ 佢呢度既生蠔都幾受歡迎，因為淨係午餐時間都有幾檯客人同我地一樣點左海鮮拼盤我地經過相討之後就決定「由大至細」咁食～我覺得細隻個啲入口好重蠔味同海水味，而鮑魚因為有用醃過既關係有很重既醬油味，同生蠔形成個強烈對比上甜品！ 下面的香蕉味甜品（因為我已經唔記佢叫咩😂）比較好味，因為入口唔算太甜同漏，同埋細細舊岩曬食完個set

香港的食肆競爭激烈，不少店子喜歡在經營一段時間後，皆改改形象搞吓新意思，從前主打意菜的小店，現在轉形為 The Oyster House，以性價比高的生蠔招客。門面設計有灣仔區美式酒吧之感。座落於灣仔酒吧區，離地鐡站不遠，但位於較靜的謝斐道就要懂得找，寒冷的周六晚，街道上果然行人不多，但內進卻是另一番景象。店內當然有大酒吧，裝潢有幾分意式的感覺，不要以為座位無人，其實全已被訂位留座，我們7點前到，7點半已全滿，周末訂位是必須的。每枱必吃生蠔，尤其是好酒的人仕，因為只需每人點選酒類兩杯，便能六折享用美味生蠔，例如法國蠔后 Gillardeau，原價$49/只，優惠後只是$30/只，超值！可惜這夜的同伴不喝酒！我們亦先來四款，隨店員推薦。 四款生蠔: Rollex, Spanish Rock, Boudeuse No.4, La Boite a Bijoux No.2首嚐南非的 Rolex， 想不到質感黏稠 creamy 味香甜，第一印象極佳，相比其他三款來自西班牙或法國的，更能令我們留下印象，似乎是市場又有新發現，這夜又上了一課。餐前麵包 不錯， 樣子有少少似 banana bread

灣仔謝菲道和駱克道，一向酒吧林立，晚上燈紅酒綠，是愛蒲人士熱點。但亦很多西餐廳，白天以西餐奉客，晚上才變身西餐酒吧，經營手法十分靈活。星期六下午，就在謝菲道一間叫Oyster House的西餐廳來過悠閒午餐。這店近銅鑼灣，離灣仔那邊較遠，故沒有那麼多「鬼」，環境比境清靜。餐廳佈置簡潔，梳化座位十分舒適，門口玻璃門一列排開，可看街景。可惜謝菲道相對峽窄，沒什麼睇頭。Oyster House主打生蠔，但小弟腸胃對生蠔比較敏感，還是選擇普通午餐為妙。SET Lunch有多款選擇，配是日餐湯或沙律、甜品和飲品。最後叫了香煎羊扒配薯條沙律($138)和香煎三文魚配薯蓉時蔬($128)。前菜叫了希臘沙律和南瓜湯。希臘沙律有水牛芝士、沙律菜、青椒絲、紅椒絲、生菜和車厘茄，再配黑醋汁，開胃可口。南瓜湯南瓜味濃郁，湯夠熱，跟上香軟面包，十分好味。主菜香煎羊扒配薯條沙律，五成熟羊扒，肉冧味鮮，惹味可口，羊扒共有3塊，再配薯條，超值抵食。香煎三文魚配薯蓉時蔬，三文魚煎得香滑嫩口，蘸上醬汁，再配香軟薯蓉，更加好味。甜品香蕉拖肥批，賣相不錯，入口鬆化好味，最後是餐茶，凍咖啡和凍檸檬茶。Oyster House，

早在月初已約了朋友出黎食生蠔，想不到呢個星期六氣溫突然下降到6度，嘩，香港真係好少咁凍，十年難得一遇，更加要出黎感受下，個plan唔轉，繼續出街食食食。我地三個人黎到灣仔嘅oyster house，店員示意坐較埋邊嘅位置，無咁凍嘛，再送上熱水，好窩心，即時暖返哂。兩位同行者都非食力派，簡簡單單叫兩份周末海鮮午餐算，$298有海鮮有主菜，夠啦～先黎個烤暖左嘅香草包，包本身已帶有淡淡嘅香味，就咁食已好好味。但麵包加黑醋同橄欖油又真係好正，又香又酸更醒胃。兩個餐一個要餐湯，一個要沙律，兩款都試下嘛。是日餐湯係雜菌湯，極香濃嘅菇味，飲落粒粒菇茸，真材實料，個人覺得好正，但同行嘅友人似乎不太欣賞。沙律黎了，嘩，睇見就覺得正，巴馬火腿包哈蜜瓜，火腿咸香，油脂入口甘香，加上甜甜嘅蜜瓜真係好夾，中央有沙律菜，加了少許黑醋吊味，新鮮清爽，正。主角來了！Seafood platter，有四種蠔，來自France，Canada，USA同South Africa，仲有Japanese style boiled abalone，Hokkaido scallop，Argentina red shrimp，Fran

雖然在港島區工作，但由於家住葵青，所以選擇晚飯地點時總偏愛選址荃灣港鐵沿線，晚飯後可一程直達屋企。不過這次因為相約了一位家住灣仔的朋友，放工後就特意來到這區會合友人。晚飯地點跟港鐵站不算太近，基於本身是個路痴，加上又少到這區，所以還是請友人帶路比較好雖然少到灣仔，但其實很喜歡那種靜中帶旺的感覺，雖然同是商業區，但生活節奏就是較其他的慢一點。終於來到餐廳，地方不算太大，牆身上掛上一幅幅掛畫在裝飾，再加上暗淡的光線及放滿大量酒瓶酒杯的水吧位，感覺蠻有情調及氣氛除了美酒及生蠔外，Oyster House還有提供大量其他美食，餐牌上分有廚師推介、前菜小吃、沙律、湯品、意大利粉、主菜、薄餅及甜品等，大多菜式還蠻特別的麵包翻看餐牌的其間，店員就先為我們送來一籃麵包，以及一樽黑醋橄欖油。香草包切成一片片長方狀，香草味香濃，但咬開時感覺鬆軟，但質感就比較鬆散，有著蛋糕的口感，感覺特別，沾上黑醋後同樣好吃生蠔 來到Oyster house當然要點些生蠔，店方約有提供12款蠔，而我我們就挑了3款一試，分別是Willapa bay，Rollex & Desse Blande。新鮮生蠔即叫即開，再放在冰盤上，

The Oyster House 這間餐廳開業了好一陣子，雖然很近公司，但遲遲因不同的原因錯過了造訪的機會。適逢同事提議吃西餐，筆者亦把握機會建議試試這間新店。還記得 The Oyster House 未開業前原址也是一間西餐廳，感覺上裝潢氣氛和舊店差不多。一如附近同級的西餐廳，因地段矜貴，餐桌擺位難免擠擁了一點。單看店名，不難想像生蠔才是餐廳的主打美饌，奈何午市到訪，只能在云云午市套餐中任選其一，與各新鮮生蠔只能緣慳一面！意大利香草包是首先送上的美食，包身暖暖的，食感香軟。倘若包邊能做得再脆一點，絕對更合筆者口味！前菜餐湯沙律二選一，近排天氣嚴寒，來一道熱湯怎樣看也是較合時的選擇。一碗橙黃色的南瓜湯，瓜香清甜，滑度則中等喇！主菜香煎三文魚扒配薯蓉時蔬，三文魚選材厚身，或許因烹煮時間稍長，魚肉略為鞋了一點，不夠細嫩。配上的薯蓉混入相當份量的牛油搓成，固然香口美味。筆者同一時間淺嚐了一枝香煎羊架。羊架約八成熟度，鬆軟度都算合理，但味道方面羶味頗強，有失預算。不過，另外兩位同事們同時品嚐羊架，並未發現有類似評價及情況，是否個別食材問題則無從䅲考了！甜品有兩款選擇，分別是香蕉拖肥批或木槺布甸

成日o係openrice排行榜見到呢間餐廳, 所以趁星期5晚黎試下, 餐廳細細間, 幾有情調, 但枱同枱之間有點迫~見到menu有好多選擇, 見到有chef's special就諗都唔洗諗, 叫左幾款試下~ Vi同朋友點左海膽紅蝦, 法國藍青口, 巴馬火腿生蠔卷, 翡翠螺, 烤豬鞍, 而甜品就點左Tiramisu同埋香蕉拖肥批~一落單店員就送上面包同olive oil, 面包暖既, 但太濕同實, 食左一啖就無食~之後黎既fruit punch就幾好飲, 好濃果汁味, 不錯~呢個法國藍青口配白酒蒜蓉汁比想像中多, 一上枱已經聞到個汁既香味, 食落幾彈牙好香白酒味,唔錯既小食~而呢個海膽紅蝦好特別, 好似去左日本餐廳咁, 個海膽好creamy鮮甜, 而且有一大塊, 紅蝦亦好爽口, 2樣野夾埋好味道, 不過$88一件真係幾貴~再來一個小食,翡翠螺好大隻彈牙, 旁邊配左辣醬幾好食~巴馬火腿生蠔卷係個幾特別既配搭, parma ham同青瓜包住生蠔, 點埋沙律醬, 食落好fresh, parma ham味道好出, 所以咸味蓋過左生蠔既味道, Vi都係中意就咁食生蠔多d~黎酊oyster hous