The Oyster House (已搬遷) 新店位置

同事生日，老闆出錢出力請食飯，同事揀附近比較高檔少少既西餐廳，平時經過lunch time好爆，所以同事一早訂定位，一行5人好在預留位，因為都好多人，以為好貴，原來價錢比我想像中低食！Lunch set 有5款選擇自家製餐包+ 湯or 沙律 + 主菜 +甜品 +餐茶我點了炭燒加拿大豬柳配薯菜 set lunch 都係$138 ，呢個價錢抵食又飽頭盤：吞拿魚，甜椒，蛋沙律新鮮沙律主菜：炭燒豬柳堅好味！炭香味又香口同事點了牛扒，我有份share食，太好味，有炭香，腍身沒有筋 甜品：香蕉蛋糕太太太好味，真係原條香蕉，唔係流！呢個係lunch set 既焦點，佢變咗做主角食哂先唔記得影相餐飲：咖啡普通一般，可能俾甜品搶哂鏡呢個價錢真抵食！唔使老闆請自己都俾得起啦

朋友到香港，帶佢吃Oyster，十年無見，搵佢嘅最愛 - 蠔。呢間野朋友想試，咁緊係gogogo 啦。去到，餐廳感覺好舊，減左少少分。蠔方面，朋友係專家，佢話一般。弊在d蠔開爛左。都算。朋友想order Kumamoto 蠔。個經理先生話無，仲講左句野，我地真係充分明白咩叫茶餐廳服務⋯⋯⋯都不如。「呢度廿幾隻蠔喎，都唔夠你order呀」呀請用重音加上不屑嘅表情。very nice! 我朋友當堂呆左，朋友係歐洲學廚，算係業內人，去左好多年，但廣東話係曉聽嘅。之後用英文問我香港嘅服務業咩事？我都唔知點答。整體感覺而言，一般啦，但我唔會再去。新觧，服務好嘅，有好多其他選擇。哎。真係無諗過寫open rice⋯⋯估唔到呢個係我第一次⋯⋯⋯⋯無奈

每個月一大班朋友gathering多數選擇呢一間， 價錢合理， 環境適合一大班朋友，地方雖然有點細，但整體氣氛幾好，似舊式西餐廳, 朋友生日飯多數揀呢間，因為Banoffee Pie香蕉拖肥批已經令人回味!Signature dish ! 可以話係鎮店之寶，原條香蕉，餅底係精髓， 每次黎必食既甜品， 必推介餐包係自家製正宗意大利包 ，唔係街外買返黎既包，口感似蛋糕，好重香草味，正！生蠔肥味又新鮮蜆炒意粉， 多香草蒜蓉，十分惹味!蕃茄多士亦很香口，不過要襯熱即食

生蠔新鮮，食物美味招呼好好但要早book位位置都好容易找到侍應招呼好熱情，相當有禮貌。對食品介紹資料非常詳細。唯是坐位比較緊密，空間太細但如果班朋友一齊坐又另外覺得熱鬧。

不知所謂，話下午茶時間全menu 7折，沒錯，係全Menu 七折，只要經OpenRice 網上訂位就可以。但都驚條款唔夠清楚，再打去餐廳確認，'你地真係下午茶餐全menu 七折？下午茶menu 同晚上menu 唔同？' '唔會，一樣menu , 全單七折'咁就中伏啦，話明叫oyster house，當然為左食蠔而嚟，坐底立刻點生蠔，侍應話'唔好意思，生蠔除外，其他七折' 有沒搞錯？訂位既時候唔講？算，出嚟食，為開心，佢個侍應話不如點兩杯house wine , 就可以6折食蠔，雖然我都唔飲酒，都算啦，嚟左又費事搵第二間食.....蠔方面，都算新鮮，點左差不多兩打，有4-5隻唔係太新鮮，開蠔個師傅好差，開爛6-8隻蠔，當然，開蠔唔係個個專業，但你間餐廳係叫oyster house ，開到d蠔爛我就真係覺得一隻都嫌多....最後，埋單，個侍應話'唔好意思，你地應該每人點兩杯house wine 先可以食蠔有折' 不知所謂，完全所有野都係講d唔講d, 真心想呃錢，個百幾個好評，真係好值得懷疑⋯⋯一定唔會再去‼️

這幾天要到灣仔會議中心做嘢，朋友提議在謝斐道一帶搵食，看到這店的門面及入面的環境都唔錯，應該可以同朋友靜靜地傾吓偈，便入去試試。我叫了廚師精選魚扒配蕃茄甜椒，侍應介紹今日既魚係鯖魚，雖然我不太喜歡食鯖魚，但也不抗拒，但對其他款式冇興趣，就試試吧！鯖魚做得唔錯，外皮做得很脆，但個汁就麻麻，跟餐的帶子湯，有點薯仔蓉，味道不錯。朋友叫的芝士煙肉蛋意大利飯，他說麻麻，他只吃了一半，跟餐香草雞柳菠蘿沙律，他沒說好不好吃，只看到他食咗兩啖，味道如何，我不知道，但肯定的是不啱朋友口味。我要的凍咖啡也較淡，跟餐甜品也沒有驚喜。

喺OpenRice見到佢下午茶有七折book咗4點三，但係自己唔啱搵咗好耐去到已經四點57分，跟住個男人應該係老闆態度好差，話到咗五點就冇七折但係OpenRice之前係冇寫，佢即刻寫返落去，冇折都冇所謂照食，跟住佢哋就叫我叫野飲四杯可以啲蠔有六折，我地下午茶都叫咗＄1000先至對我哋有笑容，問我哋想食海水味重定係淡啲嘅，我哋話食淡啲嘅，但係嚟到12隻有10隻都好咸，同我好想講當日子得我哋一台， 冇生意都咁串

開開心心來到這店同朋友慶祝生日。我們頭盤叫了生蠔26隻，見到餐牌話叫10隻以上有優惠，但原來用了生蠔優惠就不可以叫一支酒送一支酒開平費。計過數，用生蠔優惠着數D！點知到我們結賬時，店員又話要每人要飲2杯酒先可以用生蠔優惠。我們共10人要我們叫4支酒！！！！我們已經叫了3支！真是氣頂！！！之前已經向店員問過，佢又無講！！！！埋單先講，簡直老屈！！！！食物質素亦不合格！！忌廉湯好似BB糊仔！蜆意粉好咸！沙律汁好似水！服務差！永不再來！！！

Arrived at the restaurant on the wrong day but the restaurant was amazing accommodated us both for dinner...Food was out of this world! Seafood platter was so fresh and very tasty! The rib eye steak was cooked to perfection...What made it better was the friendly staff... they made for a perfect night!

同朋友黎試呢度啲生蠔，有唔同國家，有海水味重，有creamy,食落真係正 配2杯白酒價錢重平啲，之後再點左個帶子意粉，同埋pizza,都係唔錯，服務員態度良好，細心講解，會再返啅

食在香江，眾所週知，香港匯聚環球美食，想吃甚麼都很容易找到，好友從未吃過生蠔，但又躍躍欲試，帶她到灣仔地舖一間小餐廳，有來自七個國家的生蠔，有美國，法國，愛爾蘭，南非，西班牙，蘇格蘭和紐西蘭，品種有十五款之多，實在是蠔客的福音。選了較淡味的美國Yellow Stone和愛爾蘭的Irish Rock和法國的Majestic No. 1，前兩款肉的厚度不算單薄，可嚐到味道清甜，肉質爽脆，海水味較淡，至於Majestic No. 1，則要先說說故事，法國與愛爾蘭蠔農是很好的生意伙伴，原先蠔的前半生住在愛爾蘭，至後期「移居」至法國養殖，吸收兩地之海水養份帶來更不一樣的味道，蠔味甘甜，瑤柱位極甜美，三款蠔都是入門版的選擇，適合初吃生蠔的好友，配一杯 Chardonnay白酒，更是相得益彰。好友初試生蠔，點到即止，以免過猶不及，點了充滿意大利風味的Bruschetta Toscana作頭盤，在烘脆的麵包上放了番茄粒，洋蔥粒，香草，橄欖油，羅勒等，清新了口腔，感覺健康。好友喜歡吃雞翼，介紹她試這個Chicken Lollipop，將雞翼的肉堆砌往一邊，造型似棒棒糖，油炸後撒上帶辣的調味粉，刺激了味蕾

本身鍾意周圍去食生蠔，可以話係生蠔愛好者，因為呢間蠔質素鮮甜，又可以試到唔同種類，而價錢唔係特別貴，所以我第二次來食！先講蠔我揀咗三種，每樣口感都唔同，但一樣都係十分新鮮，有啲海水味較重，有啲就清淡，有啲比較大隻肥美，另外叫咗個牛扒，表面剪得好香，入面七成熟火喉剛剛好，仲有下次新值得一讚，入口冰涼彈牙，現場環境燈光昏暗，係好relax嘅感覺，我哋飲咗少少香檳，配上點左嘅食物，不知不覺又坐咗成兩個鐘了！

朋友見到呢間鋪有個海解拼盤，就即時share 左俾我~而我就緊係要即刻約人去試一下喇~7:00 去到有好多位~一坐低，侍應好好客地推介當日有咩海鮮食~一埸黎到~唔係唔食下佢個海鮮拼盤下ma~ lol ~$99/ 一客~ 我地有4個人~叫左兩客，就係下面張圖喇~帶子好鮮甜，生蠔好新鮮，個磯煮鮑魚唔會好難咬，好食!!青口同螺就唔係好特別~但係都好食~無沙的~加拿大豬鞍~ 呢個不得了~朋友之前見到openrice 有人介紹~當然要叫黎試一下~果然!真係好食~有豬味但係唔會好騷~肉的質地好軟好淋，而且仲有好多肉汁~忌廉汁煙肉意粉~個忌廉好滑~整體好香好濃~汁的質地好稠身~但唔會好膩~海鮮寬條面~其實食完個海鮮拼盤之呢個的海鮮，真係有少少比下去~雖然都係好食，但係都係覺得唔夠新鮮的好食呢~~~整體: 侍應們好貼心~會幫我地安排好等我地食完個海鮮頭盤先再上其他熱食~而每個熱食都係等我地食到咁上下先再上，咁就唔會凍左喇~但係每碟既份量，唔算好多~岩岩收工就過黎食飯的我們，食完之後我地可以再戰糖水~lol~

心血來潮，又想食生蠔。一放工就在open rice搜尋附近有什麼地方又可以Happy Hour 又有蠔食。見到The Oyster house 都幾多笑臉，所以選擇到這裡Happy Hour.我們點了很多人推介的生蠔海鮮拼盤。生蠔海鮮拼盤𥚃包括:愛爾蘭生蠔x2翡翠螺x2北海道帶子x2日式磯煮鮑魚x2紐西蘭青口x4這個拼盤星期一至四只售＄99，儘管不是頂級材料，但是以這個價錢來說非常超值。拼盤內，我最喜歡磯煮鮑魚，爽口入味，我之前在某某生蠔店也買過這類型急凍磯煮鮑魚，是同一個味道的。其餘的比較一般。這個拼盤每枱只能點一次。由於我們點了兩杯白酒，我們以六折的價錢再多點了兩隻Majestic生蠔和New Zealand Tua Tua Clam 生蠔新鮮，但偏瘦，蠔殼往住在開的時候碎了，影響賣相。Tua Tua Clam 鮮甜 蜆身太creamy 以相同價錢 吃蠔感覺比較滿足西柚巴馬火腿沙律沙律菜不夠爽脆 有點濕 但是我喜歡他的presentation 巴馬火腿捲着麵包條 賣相挻吸引。

No a la carte during lunch，so no oysters. You only can order from the set lunch menu. There were two of us，had a number of bags with us from the morning shopping. The table for two was extremely small and there was no space anywhere to put our bags. There were three empty four person tables but they refused to offer them to us，kept saying they are for four an they have been reserved. What a loads of bull...... It was one in the afternoon，who were still going to come?Picked up the bags and