The Market

酒店好新, 餐廳設計好特別, 好有特色, 尤其係 buffet 檯的設計和擺位, 美觀之餘亦好 practical, 有助分流, 唔會排晒長龍. 雖然人多, 檯與檯之間有D迫, 但天花的木條設計令聲音唔會反彈, 所以唔會好嘈. 食物種類超多, 全部都好合心水, 有好多特色食品, 又有大量貴價食物, 冷熱盤甜品賣相都好靚, 令人好興奮, 好吸引. 自選沙律配料多, 有好多進口貴價蔬菜, Mixed Salad種類都幾特別, 意式番茄伴水牛芝士D番茄紅紅大大, 用料好靚又新鮮, 唔係一般普通貨色. 芝士款式多, presentation好靚. Parma Ham 大大塊, 好味. 刺身有七款咁多, 帶子好大隻, 厚肉又鮮甜, 甜蝦同魷魚都好掂, 唔會一堆堆放晒出黎, 整左七小碟 display, 由廚師係另一個雪櫃拎出黎切, 衛生之餘又企理. 生蠔係 US Rock, 即叫即開, 分左右兩條隊, 唔洗排長龍, D蠔好鮮甜. 龍蝦好大隻, 好多膏. 冷盤海鮮有蟹腳, 青口, 大蝦, 翡翠螺等等, 全部都好高質素. 熱盤海鮮都有唔少, 中式炒蝦碌好夠鑊氣. 熱盤陣容非常強勁. 大部份都好好味

Book左三個月，終於都等到嚟呢度食buffet喇一入去已被甜品桌吸引我們被安排座窗口位,雖然係九曲十三灣,但都好,可以當做運動座低後侍應就送上一杯菊花茶,味道淡淡的,正好清清味蕾第一轉即攻冷盤,我食左勁多蟹腳,味道好鮮甜，而且絶對唔駛爭，佢地不斷補給。另外我極推介左上角的龍蝦鉗，好多肉又鮮味。青口味道都唔錯。第二轉熱食：由於種類太多，只介紹必試推介羊扒及牛扒必試，夠肉味，而且生熟度啱啱好，正！片皮鴨：兩位師傅專責，皮脆，薄餅暖暖的，細細件，食多幾件都可以喇沙：好有星加坡的味道，好正宗，蝦亦好新鮮(題外話:呢個Counter有兩位師傅負責，建議等年長啲嗰位，佢整出嚟既專業啲)海南雞飯相對冇咁出色，雞肉唔滑，飯亦唔夠香但值得讚既係每樣都細細碗，客人可以試試又唔會浪費最終回就係我至愛的甜品編:以lunch buffet嚟講呢度啲甜品簡真係超水準，而且最鍾意佢地每件都切得好細，客人可以試多款之餘又唔會浪費！檸檬撻係呢度既招牌，酸度啱啱好，個撻皮鬆脆，個檸檬餡一咬即破，好滑！一口一件，我一共食咗三個呀榴槤撻都好香榴槤味，個餡就唔係滑身既榛子撻亦係個人推介，淨係面嗰粒榛子已經好抵食，粒粒都係蜜糖

近呢年紅極一時, 新酒店Hotel Icon---The Market 價錢驚人, 訂位氣人~ 通常要預早1-2個月訂位~Slogan---Unlike any other~即管睇下點唔同先~~ 其實Buffet區唔大, 但勝在大部份區域都有廚師on serve燈光光暗適宜, 因有時候太暗會令到buffet區感覺不好~刺身新鮮+多款款式選擇 生蠔鮮味+海水味十足... 就算沒有辣汁及檸檬汁味道也非常鮮甜~三文魚凍, 魚膠粉可能太多, 令到整件魚凍口感不太好...Parma Ham+Salami 水準不錯... 海南雞飯份量不多, 這亦是自助餐環節內重要的一環,因為要盡量試齊各式各樣的食物, 就要控制份量!!! 油飯少硬, 雞肉嫩滑有雞味, 做法細緻, 欣賞!! 喇唦味道出色, 材料正宗, 但用瀨粉來作麵底, 失色!!羊架因現烤關係, 靭度適中, 不會失手的~蟹粥味精不重, 蟹的鮮味完全在粥底內滲出羊肉咖哩肉淋味重, 但印度薄餅又凍又硬!! 相映成趣...椰汁燉雞, 椰香, 但湯略淡...甜品確實不錯, 由其榴槤Tart, 暖烘烘的榴槤餡十分不錯...綠茶類甜點亦十分出色... 茶味濃,

餐廳design舒適, 可是餐檯之間距離太密, 感覺有點侷促, 若輪檯客人說話大聲, 還感覺有點嘈食物放面, 若是愛吃頭盤/ 熟食/ 沙拉, 這麼的選擇算多, 味道唔錯 可是對愛吃甜品人士來說, 會是非常失望 (好睇不好吃)冷盤有: 蟹子沙拉(這店整得唔錯) 長腳蟹(肉甜,不散,算新鮮), 蝦(算新鮮,沒什麼特別), 青口(沒有吃), 咖非蟹(算鮮甜, 但個人愛吃長腳蟹), 魚生(還可以) 煙三文魚果凍 (好味) 燒牛肉沙拉 (我朋友說好好味, 可能太好味, 想去拿的時候已沒有了, 所以我沒有吃 ) 即開生蠔 (可以自行加$ order, $17/隻, 買2送1)提子包: 好好味海南雞飯: 味道唔錯,若飯粒再軟少少更合我口味千層寬麵: 味道可以, 不過吃到少少膿味,內裹牛肉碎有少許硬,芝士味不夠燒豬頸肉：鮮嫩好味軟殼蟹: 好味, 不過有少少過油煎魚塊: 好吃,但沒有什麼特別出色的評語叻沙: 唔好味, 吃了一口就放

雜菜沙律：十分新鮮，有蔬菜原有的味道。刺身：十分新鮮。Parma Ham：十分好味。三文魚凍：味道有點怪，不是人人可以接受。長腳蟹：不是特別鮮味。蝦：味道鮮甜。青口：一般貨色。蟹蚶：冇乜肉。龍蝦仔：又要花時間剝殼，又冇乜肉食。燒豬頸肉：十分鮮嫩。燒豬仔骨：太細隻，不夠多肉。燒羊架：十分鮮嫩，唯每次出爈的份量不多，要排長龍等。龍蝦湯：味道一般。中式燉湯：估唔到最好味的是燉湯，不是錯過。甜品：紅豆奶凍很香牛奶味，綠茶奶凍的綠茶味夠濃，綠茶朱古力蛋糕中的綠茶和朱古力的份量啱啱好，朱古力puff的味道一般，榴槤撻好味，但不適合不喜歡榴槤的人，自助餐甜品應選擇比較大路的味道，榴槤芝士蛋糕中的榴槤味不夠，麵包布甸味道較淡。總括來說，食物質素屬中上，但不值得等成三個月。

因為這星期日比平日貴，很易book位。$398Lunch Buffet，算貴!環境很好，很舒服，招呼也好，讚!刺身一般，不甜，但很新鮮，ok!長腳蟹：新鮮，ok!熱盤：超多選擇，蝦餠，軟殼蟹，咖喱飯，味道很好!雲吞：無試，太飽無試!中式點心：味道好!喇沙：正宗，美味馬來亞冰甜品：超正三文魚撈起：正!花膠湯：無試，湯圓：好味。芝士和沙律：有提供，可以!雪糕：M記，正!甜品：超正，尤其法國小圓餅!Buffet整體爆分，一定有下次!

好滿意的一餐老公早兩個月前已經訂位首先食凍海鮮: 蟹腳好鮮甜唔係死咸囉d蝦好爽好鮮甜我就點泰色汁好野味龍蝦仔就唔好食, 青口都ok刺身試左小小ok啦炒鴕鳥肉好野味,豬排骨好冧咖哩雞好香烤雞都好好味羊扒唔臊,牛柳好冧個水鴨燉湯冇味精好好飲甜品都唔錯仲有個榴蓮芝士撻好香榴蓮味haha

2個月前預訂了2月3日晚,去之前,問有無海鮮同刺身,接電話位人兄答:環球美食. 問有無蟹同龍蝦同刺身, 佢都係答: 環球美食點知……滿心歡喜……..去到…搵唔到刺身同生蠔..,後來先知只有吞拿魚,係特備刺身,所以是晚沒有其他刺身,激死我,因為朋友同我都鐘意食帶子同三文魚,隔離枱個個都媽媽聲………點值5百幾蚊. 吞拿魚一般,有根………..個腩位都無分比人. 成晚最好食就係龍蝦,爆羔,又唔老.長腳蟹好瘦,青口唔錯,蝦就有D梅,龍蝦湯好飲不過唔熱,炸軟売蟹好油,海南雞飯D飯唔熱. 出名既喇沙,居然好..難食. 味似冬陰功,入口好多粒粒香料,沒有椰香味.蟹粥想要一舊蟹,點知佢話無人食蟹架,只係要佢既味,開口問都無,咁之前見到咁靚既羔蟹去咗邊. 個粥係好淡味,無蟹羔.甜品,馬卡龍做得幾好,其他就麻麻. 西瓜中間係爛既,唔甜,密瓜都係唔甜. HK498 + 10% = 548/位. 完全無驚喜,唔值咁既價錢. 唔知係咪因為新年後,所以無咩好野食.

一班酒店要好的舊同事，雖然已各有發展，但也保持聯絡，而且定期的舉行飯聚聯誼，了解市場的最新動態之餘，大家吃喝玩樂，也總是開心。今次就去Hotel Icon的The Market食自助餐，據說這裡又是非常旺場的地方，早一兩個月訂檯是必然的事。好在得到Kristy的安排，還有人面甚廣的Director Ken協助，才能以超抵的半價享用這裡的自助晚餐。開餐！大家首輪都是向生蠔、長腳蟹、龍蝦等海鮮進攻，我也不例外。開邊龍蝦任食確實是一大賣點，可惜，我吃的那隻龍蝦有欠鮮甜，蝦羔亦甚少，問及在坐的各位，評語一致。相比之下，長腳蟹較好，起碼是多肉又鮮甜。海蝦、翡翠螺都只是普通。認識我或者有留意我文章的朋友大概可知，本人吃東西是沒有咸甜冷熱的次序之分，也解釋了我為何第二Round便走去取甜品。幾款蛋糕都試勻，大致都幾有水準，如朱古力蛋糕味道濃郁；綠茶味的就香醇，中間有朱古力脆脆；Cheese Cake的芝味亦對辦。除了蛋糕外，這裡的三款奶凍同樣好吃。甜品過後，又回到印度食品那邊。Nann，是軟熟，用來包裹香辣的Tandoori Chicken又得，包裹著層次豐富的咖喱羊亦得。至於其他的熱葷，羊肉可以多

農曆新年的時候，到了Hotel Icon的green吃下午茶，順便預約The Market，等了一個月，終於可以試試!價錢並不便宜，連加一要五百多元，所以要求一定不低。這裡不走華麗路線，裝修舒服，切合大學教學酒店身份，服務不錯，回答問題有禮。至於食物，有即開生蠔，雖不算很有海水味，但合格有餘。剌身一流，大件，新鮮，肥美。甜品有很多不同的選擇，雪糕是Movenpick，macaroon更有六款選擇，甜品迷不能放過！

不經不覺,跟身邊人共渡了超過廿個寒暑,結婚前,總是四大發明-----粥粉麵飯長伴左右,再不然就是車仔麵,想來一次FINE DINING?可以,只須要激嬲另一半,就有借口去一次半次,否則免談.近十年的情人節,要顧及囝囝口味,多數會在家中弄九大簋,今年心血來潮,早一個月前已訂好檯,跟太太來個lunch buffet,算是小小心意吧!可能訂檯的人多,放飛機的人亦不少,店方是有幾種招數對付,要訂檯請先留下信用卡號碼,當天不見人,就照樣過數,又或是一個月內消費,相信已嚇跑一些死要霸檯的客人.只可惜遇上太太腸胃不適,卻依然要頂硬上,否則不知何月何日再去.雖然是閒日的中午,卻遇上情人節這等大日子,全場火熱爆滿是意料中事,而且只在夜場有加價,中午訂價照舊,以二百五十元的BUFFET,又找不到可以挑剔的地方.一如既往,未夠鐘絕不會放客人入內,但可供客人休息等候的長沙發,實在不夠用,稍為令人不滿.由於是日全院滿座,,取食物時偶有踫撞的情況出現,但並不嚴重,只是煮叻沙的一位中年師傅,全程黑面,十問十不應,由始至終都不理會人,服務行業至少都應有一定的禮貌吧! 是日午餐,就由海鮮打開序幕,刺身中有章魚,三文魚

生日唔得閒~~今日女友同我補祝...聽聞呢間野好多人book~~都好似要成個月前book~~一去到...嘩...好多人拎龍蝦!!!!我都唔執輸拎返隻食先~~結果: 好正!! 好多肉!!!睇下隻帶子刺身~~幾大隻???!!!! 超好味, 超甜而家一路打一路肚餓!! 三文魚刺身都好肥美~~好新鮮~~燒三文魚壽司都唔錯, 可惜唔係即燒蠔我唔食既, 冇得評...長腳蟹都唔錯...冇太咸既"海水"味...好鮮甜!!!燒野個邊唔錯~~腸仔羊架都做得幾好...講左咁多好食, 其他呢?熱食麻麻地...海南雞好"un"薄餅太乾....種類又少~~~~甜品...冇咩食...但雪糕好好食~~食左幾球啊!!!!!!總結:海鮮冷盤, 刺身壽司一流!!!熱食種類少, 味道麻麻!!!雪糕好正!!!

又一次,作為BUFFET愛好者及OR的粉絲,不得不到訪在OR評價頗高的THE MARKET.選擇星期日晚上到訪,沒有指定日子,但預約後仍需等待兩個月...沒有太高的期望,以平常心迎接這晚來臨.自助餐沒有分時段,1830-2200,早了十分鐘到達,接待處已開始安排人客入座,並可開始取食物,讚!記錄客人預約情況的預約紙全為電腦PRINT OUT,雖然一般的手寫預約紙不是大問題,但看著自己的名字及電話由電腦打印出來,感覺是不錯的,讚!枱與枱之間有寬闊的空間,裝修很雅致,環境很舒服理想!是因為客人平均需等待個多月以上嗎?客人的質素相當相當高,不會高談闊論,不會無禮插隊,大讚!!!CHARGE!!! 食物款式數量不算特別多,但每款賣相很好,我吃的所有食物評價都在中上,所以整體感覺很不錯~冷盤: 8款蔬菜,很新鮮. 8-10款DRESSING,正常. 4-6款芝士,4-6款凍肉,6-8款冷盤包括蘋果沙律,雜菇沙律,芝士冷番茄等等,原來數目都不少! 還有水果區,西瓜哈蜜瓜大菠蘿,想不到原來(未去皮的)香蕉火龍果都很受歡迎,超搞笑~刺身: 只有三文魚,章紅魚(不確定),帶子,甜蝦,八爪魚.款式不算多,

訂左枱兩星期先有枱,唔緊要等咁耐希望值得點知食左就出事.... 頭盤: 蟹腳無咩味..要點左汁醬先有味道.... 青口好瘦... 仲要有幾隻無肉...so sad 凍蟹鉗都ok.. 好過食蟹腳... 魚生...同一般坊間日本餐廳無咩分別..都ok新鮮 好彩d 生蠔都食得下..建議大家可以主攻d生蠔 湯: 老火湯都幾好味道..感覺好似無咩落味精 喇沙: 味道麻麻...不過不失 主菜: 燒羊架...都可以接受到... 果件魚..就真係一般..感覺麻麻.. 海南雞飯..雞唔夠滑..感覺似叮叮..野食甘.. 甜品: 都係其他buffet有既野,質數都算幾好!! 依個可以加番分 總括: 以佢既價錢可以食到其他更好既buffet,但環境方面都幾好個主題唔錯 鍾意試新餐廳既朋友可以一試... 侍應質素一般,比較被動... 同埋無咩笑容 唔知係新人定咩事...服務果度要扣少少分數

機緣巧合之下終於有機會來到近一年人氣急升位於HOTEL ICON的THE MARKET。位於HOTEL ICON二樓的THE MARKET，位置及空間感不算太大，但坐下仍覺舒適。想不到工作日的午市仍然全院滿坐。自助餐大概分了兩種，精緻或多選擇。要又多選擇又精緻的真的很難，而THE MARKET很明顯地是走精緻的。全部食物加起上來有差不多五十種，大概一半熱不凍食。凍食的話海鮮其實不多，有凍蟹鉗、凍蝦、青口、刺身、煙三文魚及火腿等等。唯獨最近的自助餐都沒有生蠔吃，令人十分沮喪。是否最近因為衛生問題都沒有太多海鮮？喜歡吃海鮮的話可能不夠多選擇，但海鮮尚算非常新鮮。其中我試了兩碟刺身，分別有三文魚、吞拿魚、魷魚、甜蝦、立魚及墨魚。個人認為酒店選用另一較細的碟來裝刺身雖然比較衛生，但好像多此一舉。每次刺身師傅都不能給太多給客人，二來其賽很不環保，要多洗幾千個碟。另外喜歡吃壽司的人應該比較失望，這裡只有刺身而已。另外刺身旁有一些冷盤，是煙鴨胸，味道十分不錯，值得多試一兩碟。另外青口也算合格，不過SIZE比較小，試幾隻就足夠了。之後吃熱吃，當然少不了肉眼扒及羊架，肉眼扒味道沒有平時酒店吃燒牛肉的水準