The Hwaduk (已結業)

銅鑼灣有間韓國餐廳，今日一人行來吃個湯窩暖身。聽聞餐廳的烤雞出名，一個人吃不到太多就叫個湯窩。簡約裝修。韓式魚蛋湯窩。清甜湯底沒有過多的調味，魚蛋款式多入口鮮甜彈牙，內有蔬菜和雞蛋，健康不油膩。

同朋友出左銅鑼灣行街,行到有d肚餓,就去左The Hwaduk tea一tea醫下個肚先!呢度裝修唔錯,地方都幾大,好多座位,枱與枱之間一d都唔迫,好有空間感!我地叫左個烤雞八爪魚拼盤,呢個拼盤非常夠份量,醬汁亦跟5款咁多,BBQ醬,茄醬,芥末醬,沙律醬,泰式辣醬任均選擇,雖然得八爪魚4隻腳但已經好多,多到食到有d流,上枱後侍應會幫我地將八爪魚剪返細細粒比我地慢慢享用既,唔係自己搞真係有排切,八爪魚焗得好香口,味道好鮮甜同彈牙,配埋伴碟既醬汁一齊食非常惹味烤雞肉質嫩滑,味道調得唔錯,唔會太大件方便我地享用炸薯角新鮮炸得出黎黃金香脆,好香薯仔味,伴碟沙律蔬菜為主,配既沙律醬味道唔錯仲有小吃酸蘿蔔,酸酸甜甜,食落好開胃,最後驚唔夠飽仲有3件韓式飯團,味道亦都唔錯!飲品方面就不過不失!

呢日係朋友同我提早過生日，咁之前見到評語ok，咁就黎試！因爲只有2個女仔所以只點左1份烤雞年糕，魚旦湯同埋1杯藍莓beer烤雞雞肉好嫩滑，無炸雞咁乾咁熱氣，有d位都食有脆卜卜！我認為都幾好味，5想熱氣但又想雞可以黎試下湯就無咩特別但勝在足料！只是呢到夜晚都幾full,人手不足可能要找服務員要等比較耐！朋友叫他們拎蛋糕都叫左幾次，等左15-20分鐘，不過都無辦法要體諒咁拎到黎，我估係老闆（韓國人）黎都好nice同我講happy birthday

今日同屋企人幾個人，去左附近開平道1號The Hwaduk食lunch，menu有晒圖片，方便我地揀食物，唔洗估估下，又貪呢度舒服，侍應態度良好，價錢亦都合理，所以間中都會黎食下！韓國菜除左韓式燒烤好食之外，呢度既pizza都幾好食，今次我地揀左韓式芝士薄餅，遠遠已聞到香濃既芝士味，厚厚一層香濃芝士鋪滿全個pizza，一d都唔流之餘，芝士好香滑，面頭焗都岩岩好唔會過燶，pizza個底焗得脆卜卜，好似食緊超濃芝士餅乾咁，非常好食！ 韓式什錦魚蛋湯，好多款唔同既魚蛋組合成呢碗湯，魚蛋唔粉仲好彈牙，有款仲好特別有餡料，有菜加少少韓國粉絲食落相當特別同有口感，另外配料仲有獅子狗，同菜，金菇，令碗魚蛋湯更加多野食，湯底好濃既魚湯味好甜，加多幾杯飲品，就食到大家飽飽繼續行街！

是晚來到銅鑼灣開平道食肆臨立的Cubus。位於銅鑼灣的餐廳，價格高昂是當然的事。不過查看過開飯的評價，我發覺此店的定價較為合理。最初都覺得很奇怪，一家韓國餐廳配上烤雞，會是怎麼樣的景況？電梯來到二十一樓，看到大落地玻璃窗，感覺開揚。雖然景色絕對不是優美，由窗內看出去也是看到附近的樓景，不過空間感還算是不錯。座位部分是私隱度高的卡座，而我們是晚被安排的是近窗的普通座位，空間也很充足。打開餐牌出現一系列的烤雞菜色，有烤雞沙律、烤雞Pizza、烤雞小食拼盤等。當然還有少量其他韓式食品，不過說烤雞是此店的主角，相信沒有人會異議。飲品都是不便宜，不過來吃炸物，飲品也是必需的。我點了Lemon Squash ($48)，用上檸檬及青檸，甜中又有酸，很開胃的一杯餐前飲品，味道也符合預期。主菜方面，我們選擇了烤雞炸魷魚拼盤($308)，餐牌圖片十分吸引，不過實際的食物賣相只是一般。薯條在沒有預先通知下變成薯角，魷魚也炸得過火。主角烤雞不過不失，雞件都頗嫩滑，可惜幾乎沒有調味，連一向喜歡淡口味的卡米拉也要配上它們的醬汁才能入口。伴菜的沙律很酸，不太配合香港人的口味。店員服務有禮，主動前來為我們剪開魷魚。

韓菜是熱氣的嗎? 某程度上, 我認為是的. 炸雞、辣辣泡菜鍋、鐵板....吃後覺得會很上火, 得知The Hwaduk的炸雞很出名, 就與朋友去了看個究竟, 但今勻吃的倒是很健康.    雖然一心想吃香辣烤雞、蒜香烤雞, 但一翻開餐牌看到幾款新出烤雞, 就轉軚了!生果配烤雞, 有香蕉、藍莓、蘋果、菠蘿等, 醬汁均勻地沾滿雞件, 無骨雞件的皮較脆, 有骨雞件的肉較滑, 各有取捨. 雖然醬汁是生果煮成, 但甜度絕不過火, 反而比想像中低, 因為全是生果本身的甜味, 吃時不妨多沾醬汁, 雞件會更好吃. 另外亦有小碟的醋蘿蔔, 還記得那年到韓國旅行, 店員教我們先吃雞件, 然後吃醋蘿蔔, 又或者兩者同時放進口咀嚼.與朋友各點了一杯飲品, 這陣子喝得太多酒精, 所以我還是要杯Grapefruit Squash好了. 好清新, 酸酸甜甜, 配香辣炸雞會很出色. 朋友亦點了一杯與我那杯相似的, 不過是Grapefruit beer, 份量足足多一倍啊!! 朋友說這杯beer也很好喝, 西柚味啤酒, 不死甜, 幾有特色!慣常吃的薄餅是米白色的, 但The Hwaduk卻是褐色的, 因為用了較健康的黑米

今日睇緊地圖要塭去呢到食嘢，見到坐大廈都幾靚下，又要上到成21樓，以為自已塭錯，點知真係無去錯，環境好好，好舒服。牆邊嗰排全落地玻璃，成個場好大，地方好寬闊。坐低左先知道原來呢一間韓式嘅餐廳有別於其他韓國餐廳，佢主打嘅食品並唔係，炸雞，唔係芝士年糕，又唔係部隊鍋。佢主打嘅食品係用意大利火山岩製的焗爐所焗製出嚟嘅食物，例如pizza同招牌烤雞。圖中好可愛的師傅用支篤篤棍喺度放緊個Pizza入去呢一個特製嘅烤爐嗰度焗。今日叫左個好得意的食品，係呢到嘅特有烤雞配水果。先講下個烤雞，係我最中意的烤雞(終於唔使食炸雞)，烤出嚟嘅雞真係無油膩的感覺，咬落肉質好有彈性，有口感，好肯定係天然嘅雞，無嗰種落左d乜粉乜粉改變肉質。食落去好有生果的甜味，老闆說係全天然的甜味來的。用天然的甜再加生果的果香拌落烤雞。創新得來又好味。上碟時生果同雞都均勻地上唒醬汁，但又唔會擺到好亂。一層層的堆疊，好有美感，睇到己經想食。韓式辣味鮮螺肉拌麵--螺肉上碟時已經係起肉，食落去味道鮮，又唔會有螺嗰陣腥味。配上青瓜，蘿蔔，洋蔥等配菜，撈埋韓式冷醬，味道好fresh ，又唔會太辣，剛好可以比d刺激感，又唔會遮蓋各材料的原有味

今日同朋友出左銅鑼灣行街，行完去左The Hwaduk試韓國菜，餐廳格調唔錯，柔和既燈光，裝修以簡單為主，地方都幾闊落，座位整整齊齊，比人感覺好舒服！因為我地得3個人，所以試得好少野食，淨係叫左烤雞薄餅，d餡料好多，有雞肉，黃椒，靑椒，紅椒，洋蔥，蘑菇同超多超多芝士，非常香噴噴同香脆好味，薄餅底做得好好，一食就知麵粉好靚，做得好香脆鬆軟! 韓式雜錦魚旦湯，濃郁湯底配埋好彈牙既魚旦，唔會太淋既魚腐，仲有好多款式既魚旦，款款唔同味有d仲有餡料，款款都好香魚味，仲有獅子狗，菜同青口，青口食落都好鮮味幾大隻，鍾意食魚旦既朋友一定要叫黎試下！最後加埋幾杯mango squash，飲品賣相好靚，飲落好香芒果味，都幾飲唔錯既!

食韓國炸雞既餐廳有好多，但烤雞既未聽過。有朋友介紹食呢間，話幾正宗同冇咁油膩。餐廳裝修簡約，以木做主題，光線柔和，座位又夠大，好岩約朋友聚會。搭架半玻璃𨋢一入黎就見到玻璃窗廚，廚師係到整pizza，廚房企理，感覺衞生。店員服務幾好，幾友善，帶我同朋友坐窗口位，又解釋餐牌。餐牌設計值得一讚，夠colourful，令我地樣樣都想試。我地最後叫左一碟烤雞配年糕、一個烤雞pizza、兩杯Soju，份量好多，食到好飽。烤雞配年糕：平時食烤雞食兩三件會覺膩，呢碟烤雞我地食5-6件都唔濟。醬汁酸酸甜甜，配外脆內軟既年糕好開胃，如果再多幾舊年糕點醬就好烤雞pizza: 賣相同餐牌一樣，好足料。餅底夠脆薄，好似餅乾咁，岩哂怕油膩既我。佢仲有個新出既種子pizza系列, 感覺好fresh, 下次一定會試。Peach & Mango Soju: 韓國水果燒酒，以前未飲過，值得一試。酒味唔算濃，冇蓋過水果味，又夠氣，好得意。

高溫炮製的少油韓國烤雞當然是女生最愛。環境很寬敞，用上木質裝修，十分簡約自然，中午時陽光曬入來，邊嘆烤雞，邊飲啖Soji，揀了近窗位置坐，風景果然很正，十分享受～餐牌的選擇有：沙律、薄餅、烤雞、拼盤、冷麵、豬手、年糕等韓式食物；為了心大心細的朋友，餐廳還提供 Combo 兩個組合，即可同時滿足兩個願望。香蒜烤雞 $198 避開煎炸，烤雞不會熱氣和油膩，油分得過份，使人吃完又想再食。高溫烤爐炮製的雞件外層烤得金黃酥脆，而且醃得好入味，撒上蒜片更惹味。原因是烤雞經意大利火山岩建成的烤爐炮製，烤雞不經油炸，而外表金黃香脆，不會覺得油膩，雞的肉質嫩滑又不會諧口，更健康。韓式什綿魚蛋鍋 $178 韓式湯底濃郁，內有多款韓式粉絲福袋和魚糕，除此魚糕外，也有上海白菜和椰菜等蔬菜。 加入青口、金菇、紅蘿蔔的魚鍋，湯底清甜非常，用上多款海鮮煮成的魚鍋分量頗多，要朋友齊齊Share。韓式餐廳怎可以缺少Soji，有酒精或無酒精飲品都有供應。Peach Squash $48 果味濃郁，夠大杯超足料又冰凍，口感極爽～Fruit soju / beer －Mango beer 芒果 $88水果啤酒共有六個口味，揀

啱啱又韓國玩完返嚟，但係好似未玩夠咁，韓式食物點都意猶未盡，返到嚟仲好想食韓式炸雞同啤酒，於是就上網查一查 ，發現到呢間銅鑼灣嘅樓上餐廳，原來係韓國品牌想打進香港市場， 決定去試一試。因為怕多人等，所以訂位訂咗六點， 去到時可能都係比較早，所以餐廳都仲冇乜人。我同表妹首先嗌咗兩杯嘢飲……一杯係桃味啤酒，一杯係西柚啤酒。由於秋天天氣仲係好熱，所以飲落去非常之透心涼，又解渴，香港真係好少地方有呢種啤酒飲，感覺幾特別，有韓國風格。坐低咗之後，發現廚房有一個好特別嘅爐。問一問侍應，發現原來係一個意大利式嘅薄餅焗爐，專用嚟焗薄韓式焗薄餅，好似好專業，咁就要真係要試一試啦！ 我哋就嗌咗一個蘑菇薄餅，因為係即叫即整，所以都要大概等咗25分鐘先嚟。蘑菇同芝士份量啱啱好，唔似美式薄餅咁芝士過多。薄餅餅底就有啲啲厚，比較乾身，冇想像中咁鬆軟，唔可以同意大利薄餅相比，但係都係覺得唔錯，嗜好辣嘅我加上咗辣椒汁更加好味。跟住就再嚟咗一客香蒜炸雞加八爪魚。 炸雞有十幾塊，份量足以三個人分，蒜香味好重，雞肉唔乾，好多肉汁。 所以我食完一快又一塊，三人分量，兩個人好快就食曬。八爪魚腳切件，一口一塊，煙煙靭靭，非常彈牙

今日難得約左友人吹下水update下啲八婆野，佢又鐘意韓國菜，今睌就揀咗喺銅鑼灣嘅The Hwaduk今晚早左食飯，6點幾上到去有一枱韓國人食緊，我地已經係第二枱，呢度由韓國人打理，全程用英文溝通，但menu就有中文嘅~咁岩今日轉左新meun,多咗個Premium Chicken同Premium Pizza系列，見係新野，我地揀左香辣蔬菜烤雞同雜錦芝士種子pizza加個海鮮烏冬呢個Premium 雞系列係半隻份量嘅，岩晒小妹同友人两個眼闊肚窄嘅女人仔香辣蔬菜烤雞呢度嘅材料全部都係由韓國入囗，隻烤雞食落肉質嫩滑得黎彈牙，以為佢唔熟但又唔係喎，肉質一絲絲，好有咬囗，原來佢地啲烤雞用用意大利火山岩烤爐烤成，所以一啲都唔油膩，而佢嘅香辣汁一入囗係甜甜地跟住開始辣，越食越開胃，連啲蔬菜都好入味，應該配碗白飯一流啊雜錦芝士種子pizza呢個pizza底係用黑米造成，咬落好煙un，好好，唔似一般pizza底好麵包，pizza面配料係雜錦芝士加種子，芝士味濃，種子食落好健康，其實唔會好寡，有啲咸咸地，最主要唔使下下都係肉，平衡返個囗感，再者呢個pizza系列主張無肉，岩晒健康新人類海鮮湯烏冬晚餐都係

朋友話要食韓國嘢要食雞喎，於是我哋就一齊嚟咗試新嘢呢度位置算闊落，坐得舒服睇一睇menu... 食雞要飲酒是常識吧？［Hoegaarden，$48；西柚soju，$88］Hoegaarden係樽裝嘅，侍應會幫你倒落個杯度；而西柚soju第一印象係好大杯飲落係西柚汁加蜜糖味，而soju味就比較淡，不過好清新主食方面，兩個人叫一個combo已經好夠［烤雞八爪魚拼盤，$328］朋友話想叫呢個combo，雖然我唔太鐘意尤如冇味橡筋嘅八爪魚，但冇所謂啦，一世人流流長乜都試吓囉。個拼盤除咗有烤雞同八爪魚外，仲有粗薯條、菜絲沙律，同埋飯團好大抽八爪魚！好在侍應會幫我哋剪成細細粒bite size 第一口食咗佢先，omg佢居然係鮮甜！係鮮甜！係鮮甜㗎！（重要所以要講3次）我對八爪魚嘅成見冇咗喇！點埋海鮮醬（？）更加提出到佢嘅鮮味而烤雞呢，個樣平平無奇，但食落皮脆肉嫩，亦都唔肥膩唔滴油，抵讚飯團波波入面係紫菜、芝麻，同埋麻油，超級韓國味。淨係撈呢三樣嘢我已經可以食到一碗飯喇等𨋢走時先見到呢張poster，原來啲雞係高溫烤嘅，唔怪得知咁皮脆肉嫩兼唔油

話說冇幾耐之前我都打過一篇關於韓食既食評, 唔知點解而加對韓國既食物有份執著, 好似唔食唔安落甘, 於是周為搵下睇下有邊到好食, 甘岩Fb出現左呢間韓食係我面食, 哇!!!一碟碟唔同種類既烤雞, 甘即係引誘我姐, 最後我上當了!由於餐廳位國比較特別, 如果訂左位既朋友, 要預早多少少時間去搵, 免得遲到冇得食由於本人放工時間較遲, 所以book枱既時間都較遲, 所以大家睇相就變相好似冇咩人流, 但其實係晚飯時間好多好多人, book都未必book到餐廳環境一入去我就feel到好似番左韓國一樣, 因為而加韓國大致新餐廳既裝修都係差唔多個酒水櫃野飲同韓國可以講話差唔多一模一樣, 我講緊既係飲品唔係個雪櫃, 左面既燒酒係一定要有既, 因為當時去韓國去任何餐廳都一定會見到呢支酒既出現, 可惜本人唔太喜好飲燒酒, 唔係一定要飲埋到位啦, 第一時間就更係睇睇個餐牌先啦, 唔知佢地係咪服務開韓國客人, 所以餐牌上面韓文係大大隻字, 但係亦好貼心地準備左中文同英文比唔同既客人睇一於要試試唔同餐廳既炸雞, 熱氣到爆啦應該, 不過死就死啦!!!!!!!一於叫左蒜香烤雞, 魚糕鍋同一杯青檸梳打檸檬梳打$48

The Hwaduk is a restaurant I've been thinking of trying for some time. It's located in Causeway Bay and I noticed it one day when I was headed for lunch in another restaurant in the same building. The reason for the interest is that this restaurant cooks their food in a volcanic stone oven. Not just a regular stone oven but from one made from volcanic stone.Was it better? I was about to find out.Located inside The  Cubus, a building with other restaurants that is located in one of the quiet stre