影片
更多
2016-11-24
123 浏览
啱啱又韓國玩完返嚟，但係好似未玩夠咁，韓式食物點都意猶未盡，返到嚟仲好想食韓式炸雞同啤酒，於是就上網查一查 ，發現到呢間銅鑼灣嘅樓上餐廳，原來係韓國品牌想打進香港市場， 決定去試一試。因為怕多人等，所以訂位訂咗六點， 去到時可能都係比較早，所以餐廳都仲冇乜人。我同表妹首先嗌咗兩杯嘢飲……一杯係桃味啤酒，一杯係西柚啤酒。由於秋天天氣仲係好熱，所以飲落去非常之透心涼，又解渴，香港真係好少地方有呢種啤酒飲，感覺幾特別，有韓國風格。坐低咗之後，發現廚房有一個好特別嘅爐。問一問侍應，發現原來係一個意大利式嘅薄餅焗爐，專用嚟焗薄韓式焗薄餅，好似好專業，咁就要真係要試一試啦！ 我哋就嗌咗一個蘑菇薄餅，因為係即叫即整，所以都要大概等咗25分鐘先嚟。蘑菇同芝士份量啱啱好，唔似美式薄餅咁芝士過多。薄餅餅底就有啲啲厚，比較乾身，冇想像中咁鬆軟，唔可以同意大利薄餅相比，但係都係覺得唔錯，嗜好辣嘅我加上咗辣椒汁更加好味。跟住就再嚟咗一客香蒜炸雞加八爪魚。 炸雞有十幾塊，份量足以三個人分，蒜香味好重，雞肉唔乾，好多肉汁。 所以我食完一快又一塊，三人分量，兩個人好快就食曬。八爪魚腳切件，一口一塊，煙煙靭靭，非常彈牙
我同表妹首先嗌咗兩杯嘢飲……一杯係桃味啤酒，一杯係西柚啤酒。由於秋天天氣仲係好熱，所以飲落去非常之透心涼，又解渴，香港真係好少地方有呢種啤酒飲，感覺幾特別，有韓國風格。
坐低咗之後，發現廚房有一個好特別嘅爐。問一問侍應，發現原來係一個意大利式嘅薄餅焗爐，專用嚟焗薄韓式焗薄餅，好似好專業，咁就要真係要試一試啦！ 我哋就嗌咗一個蘑菇薄餅，因為係即叫即整，所以都要大概等咗25分鐘先嚟。蘑菇同芝士份量啱啱好，唔似美式薄餅咁芝士過多。薄餅餅底就有啲啲厚，比較乾身，冇想像中咁鬆軟，唔可以同意大利薄餅相比，但係都係覺得唔錯，嗜好辣嘅我加上咗辣椒汁更加好味。
跟住就再嚟咗一客香蒜炸雞加八爪魚。 炸雞有十幾塊，份量足以三個人分，蒜香味好重，雞肉唔乾，好多肉汁。 所以我食完一快又一塊，三人分量，兩個人好快就食曬。八爪魚腳切件，一口一塊，煙煙靭靭，非常彈牙，沾上韓式醬汁，又有另外一種風味。薯角時間啱啱新鮮炸出嚟，配上炸雞，令我食唔停口。麻麻地沙津嘅我，就淺嘗了旁邊的沙律配菜。食完呢餐之後，冇辦法啦，真係有排先至可以減到肥！
张贴
