The Hwaduk (已結業)

話說個FD想食韓國野，但又唔想食油淋淋個D炸雞，上網見到呢間野唔錯就黎試下佢係利園附近，係銅鑼灣中算係比較冇咁嘈既地方!一入到黎，見到老闆原來係韓國人黎架!當天既人唔算多，唔會太嘈，環境舒適，冇限要食幾耐，好適合一班朋友一齊黎食下野，傾下計。我地叫左個烤雞配年糕同埋蘑菇薄餅，真係好抵食，二個人share真係飽到捧著個肚。首先，烤雞配年糕入面既烤雞十分惹味，有獨特既韓式醬味道，少許辣味，但係令人忍唔著係咁食，仲要係全隻烤雞，雞件既部分十分齊全，配上有咬口既年糕，佢既年糕有烤過架，外脆內軟，年糕都吸收哂韓式汁，十分入味。而我地本來以為個蘑菇薄餅會好細個，驚唔夠飽，點知見到係原個薄餅既時候已經留哂口水，見到滿滿既芝士與品嚐到香濃蘑菇既時候，好感受到餐廳既誠意，而且見到佢地自己有一個好大既烤薄餅機既時候，完全感受到薄餅係佢地既主打菜。飲品我地就叫左杯荔枝同埋西柚既水果清酒，見到張圖已經知佢係呃Like必點既飲品。黎到既時候果然冇令我地失望，佢既清酒甜度適中，而酒味就唔係好濃，D果汁亦唔會好似有D舖頭咁整到沉哂底，個清酒好fresh，令我地去掉油膩感。下次應該再會黎，因為呢度唔會話太多人好嘈，都

和朋友在銅鑼灣行完街，想吃韓國炸雞，上網見到這一間感覺幾高級，於是走上去試試看，結果都幾驚喜！我們兩個叫了一份烤雞配年糕和一份韓式芝士薄餅，份量好足！烤雞是一隻雞的份量，其實足夠三個女仔吃呢！烤雞年糕很濃味，少少辣，帶甜，而且雞塊有少許脆口。年糕亦都好有咬口，醬汁惹味，愈食愈起勁！另外有少少沙律伴碟，而且有清新薄荷的sauce，食完雞塊年糕再吃一口沙律，感覺即時減少飽濟感，中和了兩種口味。而芝士薄餅有濃郁的芝士鋪面，配以蜜糖，超級夾！我們還叫一杯pink sangria 和一杯white sangria 清新之餘甜甜地，有少許酒精，很適合女孩子們。另外，店家是韓國人主理，講韓文同英文，而且好好禮貌，笑容可掬。真心值得再去。

銅鑼灣一向都有好多高級餐廳選擇，今日嚟到開平道1號Cubus27樓嘅The Hwaduk，坐低發現呢度老闆同侍應都係韓國人wor...The Hwaduk 無論係餐廳裝修同食物都充滿著韓國風情，餐廳嘅枱燈係用木製嘅，好有原始樸素嘅感覺，俾人感覺坐得好舒服。依間餐廳個烤爐係特別訂製，所以主打係食烤肉同薄餅，二話不說就點左呢度嘅招牌菜－香辣烤雞（$198）同埋海鮮湯配烏冬（$188）。平時韓國炸雞就食得多，烤雞就真係第一次，估唔到有意想不到嘅味道！雞經過烤焗後油份少左好多，但係照樣可以鎖住啲肉汁，肉質唔單至更嫩滑，而且唔會過肥滿口油！再加上味道唔會只係留係表面嘅雞皮上，而係內裏嘅肉都可以食得出醬汁嘅惹味！醬汁嘅辣味係漸漸滲出嚟，愈食愈辣愈過癮⋯⋯鮮嫩多汁，食到lam lam脷，鍾意食辣一定要試吓！！烤雞另一配菜－酸白蘿蔔，食幾件雞之後再食幾粒酸蘿蔔，可以令口感清新，仲可以解解膩，成為左呢碟烤雞非常重要嘅配角。飲品方面就叫左杯非酒精調配飲品－藍莓Sangria ($88)，果汁味濃烈而且係選用新鮮果肉！每款水果味都好出，唔會話邊種水果特別搶，味道清新香甜，抵讚！最後講返個海鮮湯配烏冬，賣相唔

行完銅鑼灣 又試下另一間烤雞舖先 呢度環境舒適 空間大而闊落 舖面裝潢都幾雅緻 仲有落地玻璃添 可以望出街外風景 慢慢食 好放鬆  MENU都有幾多選擇 唔單止有招牌既烤雞 都有pizza, salad, 湯等等 都有好多種酒精或非酒精飲品可以揀 啱曬大家既口味原來呢間舖係韓國人經營架 難怪食物水準咁好啦首先係前菜 醃蘿蔔 好味 酸酸甜甜 好開胃我地兩個人點左C8照燒汁烤雞($208) 有成隻雞既份量 好多 而啲雞同醬汁真係好好味雞肉嫩滑唔油膩照燒汁好多 又入味 唔單止烤雞外層有味 入面啲雞肉都有香濃醬汁味而隔離仲有一啲沙律 可以換下口味另外都點左 P5烤牛肉pizza($138) 都好大份 餅底好薄脆 面頭又有好豐富既材料唔單止有牛肉 仲有好多芝士添 芝士同牛肉味都好出 好match而且最surprise係芝士仲有拉絲效果 好正最後當然係飲品啦 我地分別點左荔枝梳打($48) 同埋無酒藍梅桑格利亞(S)($88)荔枝梳打正常 唔會太甜 而藍梅桑格利亞就好好飲 好fresh 好濃藍梅味 推薦全部食物都係即叫即做 但上菜都好快 服務又好 今次都幾滿意

呢排日日食雞食到傻仔 煎炸蒸炆樣樣齊🤮今日同男朋友試下。。。。烤雞餐廳位於Cubus21樓 全佔一層 老闆係韓國人 所以無論餐廳嘅裝修同食物都充滿韓國味道餐廳環境舒服之餘 好有feel特別係呢個位 玻璃底下一排玫瑰花透視咗廚房入面一大個爐 係意大利火山岩嘅烤爐 烤出嚟嘅雞juicy 得嚟又健康（比起出面啲炸雞）我地叫咗一份炸雞，一個pizza，2杯drinks烤雞Pizza 呢個8吋大size pizza上佈滿芝士Na ! 雖然好似好多芝士，但又唔膩口所以我一次過食咗3件都唔覺得滯🤪而且pizza唔會油林林又脆又薄炸雞年糕呢一款炸雞有小小辣又甜甜地年糕炸完煙煙un un 加埋啲汁惹味又開胃溫馨提示: 如果覺得滯嘅話，可以食下醃蘿蔔，清下口又減下油膩感覺男朋友話食炸雞唔可以冇酒自己嗌咗燒酒😲我飲咗一啖，好勁酒味！可能係我自己唔識飲啦，但佢話ok 好飲而家梗係飲non alcohol drink la😛Ice fruit tea 可以揀唔同味mix我揀咗peach+mango+litchi應該真係果汁嚟，冇藥水又唔會假好飲😎名不虛傳的炸雞雞肉嫩又juicy 有時仲會食的脆脆地嘅皮其實除咗烤

銅鑼灣午餐時間，周圍都係上班族，去邊度都要排隊先入到。唔想同人迫，所以決定同同事搵一個安靜既地方，一邊食野，一邊吹下水。行到去Cuba都有好多選擇，中日韓式都應有盡有。同事話想食韓國野，所以黎左呢間位於Cuba既韓式餐廳。上到黎21樓，見到落地玻璃都有少少景觀，最緊要係空間夠大，唔洗點樣等位就入座。驟眼睇落店員都係韓國人，自問唔係好識講韓文。除左睇韓劇成日聽到阿朱媽，撒拉HEA之外，就咩都唔識。好彩韓國人店員都好友善，英文都唔差，好輕鬆就叫到野食。同事叫左藍莓凍茶，我自己就叫左西柚梳打。整體味道唔錯，有新鮮水果味，一D藥水味都冇，不過同事話比較偏甜，但我自己比較鐘意飲甜野，所以覺得唔錯。餐牌主要以烤雞、炸雞同pizza為主，也有炸雞薯角拼盤供選擇。我地最後決定左叫一份烤雞炸蝦拼盤，因為可以一次試曬幾款野食。對於我呢個唔係太鐘意食炸野既人黎講，呢份拼盤一D唔油膩。烤雞食落去沒有任何既雪藏味，配合埋芥末醬同蛋黃醬，食落去酸中又帶甜。。而且烤雞同薯角都係即叫即做，食落個陣都仲係熱辣辣，已經加曬分。再加上有白蘿蔔同沙律做拌菜，食曬成份炸雞都唔覺得油膩!! 不過拼盤份量比較多，我地兩個人最後食剩

之前買了團購現金券, 今晚經銅鑼灣, 就順道一試傳聞中的美味烤雞。今晚大約9時半來到, 一踏入餐廳就被嚇倒了, 完全無食客? 包場的感覺怪怪的。店員安排我們坐梳化座, 餐廳內燈光比較昏暗, 又沒其他食客, 那種靜, 讓人感覺有點不太自然。我們點了京蔥烤雞和韓式芝士薄餅, 等了約10分鐘左右, 食物就送上。京蔥烤雞份量不是太多, 不過雞件質素不錯, 沒雪藏味, 皮下脂肪很少, 肉很雪白和結實。而且烤焗時間剛好, 肉質不會過乾, 仍能保持嫩滑。不過略嫌醬汁味道不夠濃, 京蔥味不夠香, 味道上有點令人失望。一般吧！韓式芝士薄餅這個薄餅主要是芝士為主, 另外會有一小碟蜜糖配合同食。薄餅雖不是脆身, 但軟綿綿的口感也不錯呢! 味道方面, 略嫌芝士味比較淡, 不夠香濃, 反而塗上蜜糖食味道會豐富一點, 整體都是一般。食物質素整體不是很差, 但都沒有驚喜之處, 只屬一般而已。不過值得一讚的是, 店員們服務都很好, 經常面帶笑容, 亦很親切的詢問和聆聽我們對食物的意見, 實在難得。特別提一下, 店員大多是韓國人, 幾乎都不懂中文, 只能用簡單英語溝通, 留意哦！今次使用了現金券, 所以只需約$250

同朋友食炸雞 THE HWADUK 餐廳係韓國菜 ，其實我已經食一次 因為我覺得好好食所以今次特登帶朋友一齊試下 分享下呢間餐廳^^我自己係野飲方面就叫左杯 芒果果汁 同款仲可以叫燒酒架不過我個人飲唔到燒酒 所以只好點杯果汁 而且野飲份量足 好少野飲飲足成餐都仲有 我真係食到最後仲未飲曬 ^^大大杯 正呀環境舒適 讓人感到輕鬆 座位寬敞 坐得舒服 同朋友吹水都吹得特別開心由於朋友喜歡PIZZA , 所以叫左個PIZZA食PIZZA幾香口 個底脆脆地 YUMMY我另外點左碟烤雞 就是:蒜香雜菜烤雞我個人好喜歡食呢類烤雞 貪佢無咁熱氣 烤雞蒜香味濃 又香又好食 份量又足 大大碟 仲有D菜配埋 超MATCH 100%推薦 炸雞無咁熱氣 無咁乾真真 位置唔難搵 方便 ^^ 同朋友食完行下街就各自散BAND啦﹗

午餐來了好多高級食店的銅鑼灣一帶，近來常去食韓國菜，見到"The Hwaduk"會想起韓式料理，原來店做的食物是幾正宗的，十足十像在韓國開餐，餐牌展示出好多吸引人的韓國菜相片。今次來了烤牛肉薄餅，食落熱餡料有烤細牛肉粒，很似置身美味景地，一入口就好令人滿意味道，將注意力集中在用料身上，當然薄餅軟硬合適是不可少的功夫，都唔知要食餡料先定食薄餅底先，一同食是最正。海鮮湯配烏東，其中有2隻中海蝦、青口、魷魚、蜆肉... 中海蝦好鮮嫩配上濃湯好食得大口吃一面飲海鮮味的湯，好大隻青口是海鮮中突出的味覺，好多的大魷魚及小魷魚都咬著食得多，蜆肉充滿海洋的鮮味，一邊尋蜆肉怕食少了，加上各式蔬菜配料，令烏東口感發輝出來更大。加左冰的無酒精藍梅桑格利亞，望住已夠消暑，飲落有濃的藍梅味。

如果不是朋友仔的介紹, 不會懂得走到這幢高級食肆商廈搵食。初時都有點怕價格會否有點嚇人, 原來這間韓式食店和一般的韓食餐廳價格也差不多 , 不但環境舒服, 食物和服務也很有水準。這間餐廳原來真是韓國人經營, 除了招牌和MENU 是韓文的(當然也有中英文), 連廚師和服務員也是韓國人呢~招牌中的曲線標記原來代表他們特設的烤爐, 所以烤肉就是他們的主打食品。平時吃韓式炸雞較多, 這次我們當然點了這兒的招牌: 香辣烤雞平時最愛炸物的我, 覺得這個烤雞比炸雞更好!烤焗後雞油焗走不少, 但亦能鎖住肉汁。它的肉質不但更嫩滑, 而且不會過肥滿口油。味道不會只停留在表面的雞皮上, 內裏的肉也能吃到醬沫的惹味。加上他們標榜以100%天然材料醃製, 可以吃出用上大量番茄, 新鮮蔬果和蒜茸等醃製, 除了微辣亦有甘甜。沒有常見的泡菜作小食, 店家準備的是酸蘿蔔。雖然味道是較酸, 但它卻十分醒胃, 有爽口減膩的作用。除了蘿蔔的微辛外, 還混有水果的甜香, 跟烤肉十分MATCH。這兒的食物分量也不算小, 所以我們只點了兩款食物。其實在吃第一件雞時也送上了這聞起來已很想吃的PIZZA烤牛肉薄餅不但帶着濃厚肉香, 同

韓國餐廳開到成行成市 ，要搵一間好食嘅其實都幾難 ，喺銅鑼灣竟然畀我搵到一間隱世嘅韓國烤雞 ， 佢啲烤雞好juicy好入味， 令你食完忍唔住要即刻食另有一嚿。呢個香辣蔬菜烤雞係我誠意推薦俾大家， 雖然冇試過其他款式嘅烤雞，但係呢個已經滿足咗我嘅胃口。另外仲有個炸魷魚配薯角， 佢用鐵板上， 上到枱啲 薯角 仲係好熱嘅 ，所以小心啲食，如果唔係就會辣到個嘴 ，店員都好細心畀我影完相先幫我剪開塊炸魷魚。荔枝桑格利亞同藍莓桑格利亞, 兩杯果汁味都好濃,值得推介。

已經第二次來呢一間銅鑼灣高級韓式餐廳，實在太懷念佢嘅炸雞。今次餐廳明顯比上次來嘅時候多左人，8點半後仍然有人入座，生意不錯。一坐低之後即刻叫咗個烤雞黎食，今次叫咗京蔥烤雞，呢款就係佢係出邊平時比較少食到。另外叫咗個海鮮湯烏冬，配合返少少澱粉質嘅嘢食，會比較飽肚。另外仲叫咗一杯藍妹啤酒同埋檸檬燒酒。不消10分鐘，烤雞就出現了，店內用上的京蔥，不會很大條，而是切成絲，亦不會用上太青太生的京葱，應該是怕味道太強烈吧。烤雞配上烤雞汁，伴著京葱的味道，感覺新鮮和入味。雞肉白滑又夠嫩，不多骨，吃了很多後還是不夠喉，而且不會覺得油膩和有罪惡感，感覺健康。另外海鮮湯亦伴隨烤雞登場，烏冬好滑好長，柔韌度剛剛好，入口易斷又彈牙。湯裏面有各式各樣的海鮮，包括海蝦、青、大蜆和魷魚等。全部都被湯浸過好，份外入味。海鮮的份量亦相對多，足夠兩個人吃。海蝦很新鮮，殼和肉分明，容易分離。吃完烤雞後，湯能夠清除口中的味道，加上湯的溫度夠熱，胃內感到十分溫暖。另外檸檬燒酒也很大杯，有汽燒酒有香葉、青檸和檸檬助陣，配上冰塊，涼透心呢！最後結帳每人二百多塊，挺合理的。

今日去銅鑼灣一試The Hwaduk餐廳，一出升降機就有位好好禮貌嘅侍應姐姐嚟，今日出奇地少人，所以侍應都對我地招呼周到。餐牌上除咗必食嘅炸雞之外，仲有沙律、薄餅炸各種海鮮拼盤 同埋好多飲品。不過難得嚟到，就當然要叫一大盤蒜香炸雞，同烤牛肉薄餅，奬勵下自己辛苦工作啦。唔好以為薄餅好油膩同好似食緊麵包，呢個烤牛肉薄餅真係另一回事。夠熱係第一個要讚嘅事，新鮮出爐、即叫即做。烤牛肉唔會好咸，呢個咸度適中，又香噴噴。從中間睇，有一層芝士，但唔油膩。薄餅嘅厚薄適中，唔會硬到法包或脆到餅乾咁。 加上表面上帶甜嘅醬汁，好夾。炸雞嘅醬汁同薄餅嘅醬汁味道差不多，不過就真係太多汁。炸雞都十分入味，肉質比我想像中好，份量十足。唯獨是蒜味唔太突出，可以重手少少都冇問題。食炸雞當然要配啤酒，餐廳有好多唔同嘅手工啤，我就揀左1664。侍應介紹之下仲揀左杯White Sangria。我杯1664嚟到，夠多泡，食左一個鐘，到飲最後一啖都咁凍！杯White Sangria嘅水果味都幾突出，餐廳又好有心機切新鮮水果至薄片，又睇很又飲得。今次叫左兩碟加嘢飲已經好飽，下次可以再試下個拼盤、叫杯啤酒，同朋友嚟食餐大！

已經好耐無嚟過銅鑼灣行街食飯，特別撞正SOGO Thankful Week 更加唔想喺大街附近搵飯食，行下行下就行咗過嚟禮頓道附近，所以就決定去試吓呢間韓式烤雞。入到去個環境光猛，寬闊，坐得好鬆動，心情都好啲，整體感覺呢間餐廳行優閒風。去過尖沙咀韓國街食嘢就知，根本上去個到食嘢好容易精神緊張，一來迫到可以聽到隔離枱嘅對話，二來又係咁催你走，去一兩次就算了，食飯始終寧願揀啲舒服啲嘅地方。第一次嚟食，試咗啲基本嘢先。叫咗一份招牌無骨烤雞同韓式芝士薄餅。呢份烤雞真係好驚艷。我初頭以為佢係炸雞嚟，但原來烤雞同炸雞係兩回事。用烤嘅煮法嚟整令到個雞件表面少少脆口，但保持住雞身好Juicy好嫩滑，肉汁滑晒出嚟，特別係呢度嘅烤雞唔多seasoning，靠嘅都係雞原本嘅鮮味，一啲都唔似炸雞咁乾爭爭食兩件就好銀胃又重味精。烤雞伴以三款醬同酸蘿蔔，蛋黃醬好清唔係好Heavy，辣醬好開胃，芥末醬係我三款中嘅FirstPick，酸甜並重。烤雞點醬係另外一種風味，不過我覺得唔點醬已經好好食。韓式芝士薄餅亦都好令我surprised。一個賣相好普通嘅pizza，新假期最鐘意講嘅「拉絲」唔算多，但味道比只sell「拉

去完Sogo百貨血拼完，dinner 想食烤雞，朋友之前介紹有一間係韓國人開嘅鋪頭好食The Hwaduk;一於上去試試吧！炸雞度度都有，但專賣烤雞真係比較少有！叫左個照燒汁烤雞，汁甜甜地，好惹味！烤雞感覺冇咁油膩又吾會甘熱氣，呢度嘅烤雞款選擇都幾多下，烤雞吾會好乾，食落好多汁，正，雞肉柔嫰，肉質吾實凈，而且燒汁包住每一件雞，雞既脂肪很少，果然系一隻健康雞，食多個都唔怕肥，再叫左個烤雞薄餅，雖然系即叫即做，但係上菜時間唔會要我哋等好耐，雞肉薄餅脆脆薄薄的餅底加上拉c既芝士同適量既面料，配搭得剛剛好，飲品叫左peach hot tea ，甜甜地好好味，有香香既桃味，另外一杯fruit beer荔枝味，極力推介，超級容易入口甜甜地又荔枝味，好似飲緊cocktail 甘，喺銅鑼灣鬧市，竟然有一間甘好食嘅韓國鋪頭，真心食材，地方夠大，環境舒服，全部都係韓國人，韓國人服務誠懇，好特別嘅地方係利用火山岩焗爐焗制食物！出邊從未試過，還可以一邊聽着韓國流行音樂，簡直有如置身於韓國！最緊要係環境唔嘈雜又乾淨衛生，食品質素高質數，正！去銅鑼灣食飯可以上去試下，介推