The Hwaduk (已結業)

銅鑼灣好味嘅食肆就非常多，而且各式嘅餐廳都應有盡有。今次就揀韓式嘅餐廳：The Hwaduk。因為係食午餐，意為都會幾多人，點知冇乜人。食肆環境非常簡潔，望落都幾舒服。黎到韓式餐廳一定定係點炸雞，但係哩道最出名唔係炸雞而係烤雞，最主要烤雞有別於炸雞嘅雞肉甘乾身，重保留到肉汁。而我地叫咗個京蔥烤雞同埋香辣海鮮湯配烏冬。叫完大概過左十至十五分鐘左右烤雞就到，黎到枱面第一樣就係份量唔會太少，兩個人食就岩岩好夠。烤雞既口感非常好，因為同京蔥嘅配搭岩岩好，冇因為太多京蔥搶左雞本身既味，而且肉汁非常多。最好就係每件雞都配小小京蔥一齊食，咁樣令到個烤雞更加好食，再者雞肉方面亦唔係皮包骨，食落都係啖啖肉。至於海鮮湯烏冬，佢唔係一般放兩隻蝦就叫海鮮湯，湯入面有兩隻大蝦、青口等等嘅海鮮。辣度適中，唔會辣到食唔到，而且湯因為夠濃，令到湯入面每樣食物都好有湯嘅鮮味，唔比會人覺得煮完個湯再放海鮮落去就算，連湯一齊飲就非常好味。食完之後店員重會問你岩岩叫嘅野岩唔岩或者對食物有咩問題。

星期日晚同個係銅鑼灣返工既朋友食飯，佢就最愛食韓國餐，帶咗我去一間係佢公司附近經常食，比較特別既韓國餐廳。可能係星期日，個邊係寫字樓區冇咩人，餐廳亦有數枱客人，靜靜地環境幾舒服，裝修亦幾靚佢呢間餐廳有一個特別既賣點，佢地既食物主要係用”火山岩焗爐”烹調而成，其主要功能能夠令食物味道得以保存，保持外脆內軟既味道，而的確食後的確係有些不同。而睇返餐牌，佢以烤雞同烤pizza為主，價錢尼講同平時質素有返咁上下既餐廳差不多我地嗌咗一碟雞同一個pizza照燒汁烤雞佢特別既烤法的確令烤出尼既雞肉好嫩好滑，亦都保持到佢既肉汁鎖住係裏面，這方面係幾欣賞，因為保持到肉質咁鮮嫩係難既。不過燒汁就無特別驚喜，普通少少。而配菜方面，椰菜比較生，我個人中意食林d既，沙律菜就好新鮮，醬汁都非常開胃烤牛肉薄餅而pizza方面，依到特式係用火山岩爐烤，烤出黎唔似外面既咁乾身，佢餅底到餅邊幾香口亦帶點脆，而中間的範圍亦唔會好乾，芝士亦落得好多，剛來時熱度足夠，有拉絲既效果添！不過用料我認為可以再多d依到既飲品多數都係有酒精，無酒精既就水果茶同梳打，我揀咗檸檬啤酒，味道好夾，而酒味亦有總括兩個人食左一碟雞同pizza，非

去中環整野， 順便食個lunch，朋友就 帶咗我去食 韓國炸雞，我地去到唔算多人， 由於餐廳位置於廿幾樓 ，望到 出面嘅 靚景😁燒雞配年糕， 煙煙靭靭的 年糕加 埋烤，都係我 鍾意嘅味道，但友人就不太欣賞。個燒雞好 好嫩口，能夠保持多汁，而味道是 韓國甜酸醬香辣海鮮湯配烏冬天氣咁凍食，飲個辣湯 超暖身，個麵入面重有不小海鮮，有大蝦 🦐,蜆 ,八爪魚🐙同魷魚，好鮮味，而個烏冬吸曬個辣湯同埋啲海鮮味道食炸雞當然係杯啤酒啦， 佢哋呢度有啤酒燒酒同 米酒 揀。 仲要有六種唔同嘅水果味道我 就揀左檸檬啤洒， 淡淡的檸檬味好易入口而且好清新友人揀左 荔枝 味啤酒， 比較甜，友人就不太 欣賞環境同食物都

呢排睇得韓劇多，很想食炸雞咁啱去開銅鑼灣shopping和朋友找到了在開平道的一間韓式烤雞我們叫了蒜香烤雞炸雞的好處是沒有一般韓式炸雞這麼油膩而且還可以保留雞的嫩滑蒜香味不算突出，醬汁偏甜但味道還挺惹味的份量兩人食剛好香辣海鮮湯烏冬湯味偏辣，味道偏韓國人口味，味精不重裏面有蝦，魷魚。和一般的韓式炸雞餐廳都有供應的酸蘿蔔覺得油膩的時候可以清一清味蕾飲品要了荔枝梳打和蜜桃凍茶我想他是加了不同口味的糖漿配搭出不同的飲品見到旁邊枱吃辣汁海螺撈冷麵很像很惹味，份量又多下次一定要試

近期好朋友又再翻睇來自星星的你有一日就同我講好想食韓試炸雞飲啤酒就上網搵吓有乜嘢韓式炸雞好食啦比我搵到呢一間 係以烤既方法烹調既韓式烤雞店所以就黎試一試同炸既有咩分別Hwaduk係位於開平道Cubus 既21樓Cubus 整橦大廈都差唔多係食市Hwaduk 係唯一一間韓國菜店裝潢簡潔食客可以睇到水吧及廚房既一部分地方開洋如坐係窗口位感覺更舒適所有烤雞都係用意大利火山岩石製成嘅焗爐烤出來的除咗烤雞之外呢度仲有唔同類型嘅韓式小食、湯類同埋Pizza供客人選擇蒜香味烤雞食落口有陣陣既蒜香味 味道帶甜其實感覺好似食緊BBQ既烤雞幾惹味既每件雞件都大隻 食落口啖啖肉肉質滑韓式海鮮辣湯配烏冬海鮮湯入邊有蝦、墨魚、蜆等等配料飲落去有係韓國當地飲到既感覺但我覺得辣左d叫時如order小辣 我相信就更加好食😘同韓式炸雞比烤雞食落去無咁熱氣 而且仍保持到肉質滑的確不錯

今日同好友去銅鑼灣搵食， 行到Cubus 樓下， 見到有好多餐廳，最後去咗間 The Hwaduk， 因為我已經好耐無食過韓國嘢了。 一來到第一個感覺好好， 餐廳優雅，空間感好足夠，餐廳用咗木色嘅餐桌和灰色的牆身做主色， 使人特別舒服。 我地叫咗《照燒汁烤雞 $208》同 《海鮮湯配烏冬 $188》， 大家share 食。 《照燒汁烤雞 $208》今日想食燒汁烤雞， 因為感覺無咁油膩 ，食多多都唔怕， 又唔會咁熱氣， 味道又惹味， 正！這碟烤雞，大大份， 份量十足， 足夠二人享用， 味道帶甜， 鹹味剛剛好，燒汁調教得好好，十分惹味， 雞肉嫩滑， 好味！還有一碟酸蘿蔔做配菜， 可讓客人醒醒胃，使我胃囗大開。餐廳提供一個小鐵桶俾客人承載雞骨同夾子方便夾雞件，嘅方便又貼心！ 再來一個《海鮮湯配烏冬》 ， 賣相相當不錯， 而且配料十足， 有爽囗鮮甜嘅大蝦、彈牙嘅墨魚、肥美嘅青口同蜆肉等等。 用咗咁多海鮮嘅湯底， 味道又鮮又濃，配上彈牙嘅烏冬， 烏冬吸收晒海鮮湯嘅味道，兩者非常合拍！ 我們叫咗沒有酒精嘅飲品《Pink Grapefruit Sangria $98 》， 有香濃嘅西柚味， 酸酸甜甜

餐廳環境可以喺高處俯瞰銅鑼灣鬧市全落地玻璃光猛 坐落好舒適先黎兩杯特色飲品為午餐打開序幕果茶同檸檬梳打清新味道天然 烤牛肉薄餅 $138午市平$20!超級香濃嘅芝士實在太邪惡啦而且整個Pizza嘅味道配合得非常好牛肉份量又多又香 薄餅皮更加係自家製再係特別嘅烘爐焗製而成口感非常好 有咬口之餘又唔會過厚 辣椒烤雞 $198色香味俱全既烤雞一上枱已經香氣撲鼻 令人垂涎三尺而且今次點既辣椒烤雞辛辣感更添刺激皮脆肉嫩 醬汁又夠香濃辣度適中咬下去滿口充滿啖啖的肉汁而且食落非常新鮮 雞味好重

老實講平時唔係太鍾意食韓國菜， 因為餐餐好似都嚟唔開雜菜粉絲煎豬肉片同炮菜... 話雖如此，今日行開銅鑼灣， 來到呢間韓國人開嘅新派韓菜， 估唔到有幾有驚喜。打開menu，見到好多其他韓式餐廳都唔會提供嘅新式pizza！ 好吸引💕💕 即刻點左一個藍莓pizza！好快香噴噴嘅pizza就嚟到， 分量比想像中大， 老闆話呢度足足十一寸~原本嘅兩個人食唔曬咁大個pizza，但拎起發現原來用黑米整嘅餅底唔單止好薄， 皮邊仲脆卜卜， 中間塗咗藍莓醬嘅位置就煙韌韌， 好有口感， 呢個pizza落足材料， 厚厚嘅芝士層烤得好香口， 唔覺唔覺就食曬成個pizza ，兩個人分享都唔會太飽滯。淨係食包又點會夠飽， 叫番少少雞食先。menu上有好多唔同整法嘅雞，個人唔鍾意食炸嘢，就揀咗蒜蓉蔬菜烤雞。嘩見到一大碟雞同一大堆菜就知道有幾大分~本身見到佢表面光滑令立立，以為全部都係油，咬落去先知道原來全部係雞汁， 真心要讚佢啲雞肉好嫩滑好juicy， 雞肉本身嘅 鮮肉味得到保留， 同時又食得出用過各種香料醃製， 真係要讚下， 平時唔係太鍾意食韓國菜嘅我都要佩服廚師功力。原來整到一隻咁好食嘅雞絕對唔簡單， 打開me

今晚同個朋友食飯，個朋友平日在銅鑼灣返工，佢介紹不如試下依間韓國餐廳個位置都比較入，我唔去依附近都搵左陣星期日唔都多人，8點左右上到去都係坐咗幾枱，靜靜地幾舒服haha荔枝味水果茶，不過就無咩茶味，而荔枝味重，甜甜地係開胃既烤牛肉pizza，睇個餐脾介紹係用火岩山烤爐烤出尼，岩岩出爐即刻食，熱哄哄！個皮烤得幾脆口，d料都好豐富燒汁烤雞，有d椰菜同洋蔥，d椰菜個人認為太生，好硬好難咬，我中意食菜煮得林身d～配菜既沙律就新鮮既，沙律醬有d特別，係好味既而主角烤雞，係雞肉質上保持到好嫩好滑，值得一讚，而醬汁方面就無特別驚喜價錢方面屬於中上，不過係有返咁上下質素既

大鄉里出城，唔係為左黎呢間聞名已久既韓式烤雞，真係唔會發現原來利園後面有呢幢大廈咁多好野食🍣🥗🍜🍗🍖想去既朋友記住訂檯前預返少少時間等𨋢，因為真係好鬼慢....一出𨋢就係餐廳，環境好開陽，座位闊落，私隱度夠，而且位置比較高，窗邊位可以望到對出既山頭同埋學校⛰🏢右手邊正正係火山口烤爐，陣間食既燒雞就會響果度出世喇🤫🤫實在太多口味選擇喇，最後決定係點左年糕烤雞，（因為友人要求要食年糕），烤雞外層既醬汁係甜酸醬，好開胃惹味😎雞皮既油分被完完全全被逼出，平時食雞翼都要去皮既我竟然可以就咁連皮食，而且餐廳標榜用純天然醃料醃製，雞肉都好入味，雞肉能夠保持鮮嫩多汁🤩年糕就外脆內煙韌，黏黏的，炸粉唔會厚，恰到好處😜就係望住呢個景食lunch 喇😝另外凍冰冰好想飲返個暖笠笠既湯，韓式辣湯一向係我呢個辣妹既最愛，呢個辣湯真係夠晒辣，有鮮蝦🦐、魷魚🦑、蜆、八爪魚🐙，底部有韓式烏冬，好索汁,完完全全可以吸晒個湯底🤤響度吹水三個鐘，梗係要叫返杯啤酒慢慢嘆🍺🍺檸檬啤酒比較酸，好開胃荔枝味相對較甜店長都好熱情，會問下我地意見，睇下有咩地方改進

This was my 2nd time trying this restaurant. The last time was doing lunch and I was amazed at their healthy cooking way, which brought me back to try its dinner. This restaurant was located near Lee Garden - just a 5min walk from it. The decoration didn't change much as compared to last visit - quite spacious and enough space among different tables that we had enough privacy to talk loudly without disturbing the others. At each table, there were clips and metal bin for people relishing the frie

可能是因為平日晚上，而且地點又不算太方便的關係，客人不算太多，基本上可隨意選擇座位。環境十分清幽，完全適合三五知己共聚聊天。食物味道及質素都十分出色，特別是烤雞及Pizza。 烤雞 - 肉質嫩滑，汁夠入味。Pizza - 又香又鬆軟，十分好味。但緊記一定要趁熱食！

朋友在銅鑼灣上班，為遷就他午餐時間，就約他在利園附近午膳。由於他熟悉此區，午餐地點就由他决定好了，結果他就選定在 The Hwaduk 吃韓式烤雞。餐廳面積頗大， 有一個玻璃廚房，內有一個火山石烤爐，餐廳座位分佈比較疏落，我選了近窗位置，非常光猛舒適。由於我到達的時間尚早，未到午飯時間，所以餐廳比較寧靜。因我倆都喜歡吃藍莓，我先下單點了無酒精藍莓Sangria， 也替朋友點了一杯藍莓冰茶。Sangria 內浸水果片，不太甜，有濃濃果香味。朋友告訴我他的藍莓冰茶酸酸甜甜，與烤雞很搭配。烤牛肉薄餅薄餅烤得很香脆，配上三色椒粒，牛肉粒、芝士、韓式醬，我吃了半個薄餅亦一點也不覺膩。招牌烤雞用火山石烤爐烤焗的烤雞，皮脆肉嫩，而且吃起來不會滿口油，不覺油膩。隨烤雞送上的有酸蘿蔔和三款醬汁，忌廉、芥茉和韓式甜辣醬，將烤雞沾上時即變三款口味。 我建議吃烤雞前先吃一點酸酸的蘿蔔，即時會胃口大開。此餐廳食物質素不錯，很對我胃口。而且清靜的環境，亦非常適合與朋友相聚談心。這一頓午餐，我吃得我非常滿意，相信我和朋友很快便會再來光顧。

我同男朋友都係新界人 一去到港島就好似路癡咁完全對好嘢食無概念 不如就是亂打亂撞 今日唔小心就撞到入銅鑼灣呢間韓國餐廳 裝修幾骨子黎到嘅時間人唔太多坐得幾舒服 一入到去韓國姨姨已經好nice 當我哋惆悵緊食蒜蓉雞定京蔥雞嘅時候 佢就推介咗蒜蓉雞 大概有六舊雞 上面嘅醬汁好多而且好香蒜蓉味 好就好在全部都係翼同脾啖啖肉 佢同出面嘅炸雞唔同 係用烤嘅方法去做 冇咁熱氣同保留到雞嘅原味 而且咬落好多汁嫩滑好好味 海鮮湯配烏冬 冇諗過係原鍋上咁大兜 入面有大蝦魷魚金菇等等 海鮮都幾算新鮮爽口彈牙 配上海鮮湯好夠鮮味 飲落成身暖笠笠 烏冬用貴價嘅稻庭烏冬去做 放得耐啲都唔會一pat嘢仲係好彈牙 慢慢食都唔怕 其實我食韓國嘢好怕太過濃未 呢個海鮮烏冬就啱啱好 仲叫咗杯芒果特飲同埋水蜜桃特飲 香精味唔係太重 不過不失 銅鑼灣地區買單 五百三十蚊 食到韓國好味雞 價錢尚算ok 會再嚟食

焗雞竟然皮脆肉嫩多汁，我選擇無骨啖啖肉好正～肉很厚有鮮雞味，價錢偏高但一份很大夠2-3人食，d sauce 好特別好好味，尤其黑醬油和甜辣醬，炸蝦鬆化，八爪魚新鮮彈牙，西柚特飲有士多啤梨味道豐富，貴一點也值得