影片
更多
2017-11-13
78 浏览
已經好耐無嚟過銅鑼灣行街食飯，特別撞正SOGO Thankful Week 更加唔想喺大街附近搵飯食，行下行下就行咗過嚟禮頓道附近，所以就決定去試吓呢間韓式烤雞。入到去個環境光猛，寬闊，坐得好鬆動，心情都好啲，整體感覺呢間餐廳行優閒風。去過尖沙咀韓國街食嘢就知，根本上去個到食嘢好容易精神緊張，一來迫到可以聽到隔離枱嘅對話，二來又係咁催你走，去一兩次就算了，食飯始終寧願揀啲舒服啲嘅地方。第一次嚟食，試咗啲基本嘢先。叫咗一份招牌無骨烤雞同韓式芝士薄餅。呢份烤雞真係好驚艷。我初頭以為佢係炸雞嚟，但原來烤雞同炸雞係兩回事。用烤嘅煮法嚟整令到個雞件表面少少脆口，但保持住雞身好Juicy好嫩滑，肉汁滑晒出嚟，特別係呢度嘅烤雞唔多seasoning，靠嘅都係雞原本嘅鮮味，一啲都唔似炸雞咁乾爭爭食兩件就好銀胃又重味精。烤雞伴以三款醬同酸蘿蔔，蛋黃醬好清唔係好Heavy，辣醬好開胃，芥末醬係我三款中嘅FirstPick，酸甜並重。烤雞點醬係另外一種風味，不過我覺得唔點醬已經好好食。韓式芝士薄餅亦都好令我surprised。一個賣相好普通嘅pizza，新假期最鐘意講嘅「拉絲」唔算多，但味道比只sell「拉
入到去個環境光猛，寬闊，坐得好鬆動，心情都好啲，整體感覺呢間餐廳行優閒風。去過尖沙咀韓國街食嘢就知，根本上去個到食嘢好容易精神緊張，一來迫到可以聽到隔離枱嘅對話，二來又係咁催你走，去一兩次就算了，食飯始終寧願揀啲舒服啲嘅地方。
第一次嚟食，試咗啲基本嘢先。叫咗一份招牌無骨烤雞同韓式芝士薄餅。
呢份烤雞真係好驚艷。我初頭以為佢係炸雞嚟，但原來烤雞同炸雞係兩回事。用烤嘅煮法嚟整令到個雞件表面少少脆口，但保持住雞身好Juicy好嫩滑，肉汁滑晒出嚟，特別係呢度嘅烤雞唔多seasoning，靠嘅都係雞原本嘅鮮味，一啲都唔似炸雞咁乾爭爭食兩件就好銀胃又重味精。烤雞伴以三款醬同酸蘿蔔，蛋黃醬好清唔係好Heavy，辣醬好開胃，芥末醬係我三款中嘅FirstPick，酸甜並重。烤雞點醬係另外一種風味，不過我覺得唔點醬已經好好食。
韓式芝士薄餅亦都好令我surprised。一個賣相好普通嘅pizza，新假期最鐘意講嘅「拉絲」唔算多，但味道比只sell「拉絲」嘅pizza好食好多！我雖然唔識食芝士，都食得出佢食嘅係啲靚芝士，個種芝士嘅after taste好持久，有天然嘅奶油同鹽味，口感好濃郁。另外佢有一小碟蜂蜜用作淋上pizza面，蜜糖嘅甜同芝士嘅咸香好夾，第一次咁樣食感覺好新鮮。
另外兩杯飲品都好出色，無論Lemon Makgeolli定Grapefruit Soju都好足嘅水果味又夠fresh。
雖則韓國嘢就係以重口味為主，特別係依加好多韓國菜都加上好多gimmick吸引人流，但食幾次就會無新鮮感唔可以long term地留住一班固定嘅客人，呢樣亦都係日本菜同韓國菜最大嘅分別。食嘢首要原則無論係咩國家嘅菜都一樣，就係簡單就最好，係呢度我唔見佢用好多好Fancy嘅裝飾做賣點，反而紮紮實實咁用最plain最乾淨嘅方法去present韓國味道，呢種想再翻食嘅感覺暫時未喺其他韓國餐廳度搵到。
张贴
