The BASE nature (已結業)

好耐無黎食The BASE nature喇～～ 咁岩之前星期六要出荃灣，所以一於去食個brunch😋諗完一輪，最後要左個B.H.E.L.T，加杯Flat White☕️首先黎嘅係杯Flat White💁🏻‍♀️ 一上檯就聞到好香👍🏻 個拉花都唔錯呀～ 特別係我坐咗喺遠離整飲嘢嘅位最遠嘅地方，但個拉花黎到都仲咁好睇😌😌 飲落口都幾滑，味道都唔錯😌跟住B.H.E.L.T都到喇～ B.H.E.L.T即係煙肉火腿炒蛋芝士牛角包配薯角，睇名就覺得豐富，當然實際上都係好豐富😆 薯角炸得夠脆唔會淋，味道都唔會太鹹👍🏻 牛角包面都係脆嘅，包入面都鬆軟，配合返入面啲餸熱熱地，好味😋再一次無令我失望，環境舒適，價錢適中，繼續推薦比大家💁🏻‍♀️😋

忙咗成個禮拜，終於到星期六喇，第一餐梗係要有個好開始，一於去Citywalk食個靚brunch！叫左個澳洲草飼牛肉漢堡配炸薯格，一送到嚟已經聞到好香，而且present得幾靚，好吸引！個人鍾意炸薯格多過薯條，覺得香啲脆啲，一嚟到熱辣辣，加上非常肚餓，所以急不及待即刻食咗幾塊，貪心地覺得如果多幾塊就更好喇！😆跟住要開動主角burger！望落去已經好豐富！最上面啲煙肉煎得好脆，側邊嘅脂肪部分唔會覺得好油好肥，食落又唔會太鹹。煙肉下面係一條條幼小洋蔥，煮到好淋，完全冇咗我唔鍾意嘅生草青味。跟住下面係有surprise，估唔到有一層肉醬，好似肉醬意粉嗰啲肉醬，我真係第一次食burger入面加咗肉醬。再下面有一塊芝士，然後就係厚厚嘅牛肉！牛肉食落有層次，外面煎香脆脆哋，中間係粉紅色，但係冇好raw嘅感覺，其實好軟熟，整體質感好好，而且仲好有肉味，好正！士多啤梨朱古力奶昔，跟餐加$18，都算幾抵。雖然望落去唔算好大杯，但一飲覺得好濃，有濃厚嘅朱古力味，士多啤梨味唔算太重，但每一啖都feel到有士多啤梨籽，所以應該用咗真士多啤梨，唔會有好假嘅感覺。食完飽飽的，好滿足！環境幾舒服，好relaxing。

呢排入咗荃灣做嘢多咗，有晚我仲留咗喺度食飯。喺荃新天地嗰度搵到一間唔錯嘅西餐廳。哩一間叫做the base natural 嘅餐廳裝修路線係走園林風格。成間餐廳俾人嘅感覺好舒服，一坐低睇左冇耐餐牌就已經揀到自己想食嘅嘢。我今日就想食個煎牛扒再加$50叫得過煎鵝肝嚟食。而朋友就叫咗個漢堡。等我逐樣逐樣同大家介紹下。呢個係跟餐嘅沙律，我自己就好鍾意佢呢一個橄欖油加黑醋汁。同埋啲新鮮嘅沙律菜一齊食好開胃，但係唔知點解我朋友就覺得佢有啲似豬腳薑既味😂 另一個好清新好開胃嘅飲品就係呢一個手搖荔枝紅茶。呢個飲品唔單止整得靚仲要好好飲，紅茶味都唔會太甜而且有荔枝同埋蘆薈好有咬口抵讚👏過咗無耐我嘅主菜終於都黎啦！ 呢一個香煎安格斯牛扒再加埋鵝肝。餐廳仲配左一種海鹽同埋一款醬汁。其實靚嘅牛煎完之後點小小鹽已經好好食，今次食咗呢一款牛都唔例外。雖然個牛生左少少，但係都好過其他餐廳整到太熟，搞到啲肉質鞋晒曬咗塊牛扒就唔好啦。另外鵝肝煎到外脆入面好香，一食落去淡淡油脂即刻出晒嚟。我個人認為加$50絕對係物有所值架。呢個就係朋友點嘅漢堡，一邊有漢堡肉煙肉大啡菇芝士同埋其他配料。我是左幾啖發現個大啡菇真係好好食。

推薦指數：🤩🤩🤩🤩澳洲M級牛肉肉醬、大啡菇、芝士漢堡 HK$158超推介！成個Burger份量十足，大啡菇好香燒得唔乾，牛肉夠厚身，重點爆汁超juicy! 配埋芝士，煙肉，完美的漢堡配搭🍔 配菜同樣正，香脆薯格！份量都幾多，薯格炸得香脆唔油，成個burger set味道賣相都一流🥰👍🏻 抵讚 Beef steak 黑安格肉眼 8oz HK$258 重量級加HK$50加配香煎鵝肝💓香噴噴呀！肉眼我地要medium rare, 偏生，肉眼肉質腍滑，醬配紅鹽同蜜糖黑醋汁😋鵝肝煎得好香口，油香爆發😎 配埋好多新鮮薯菜，成個Main course唔會太膩🤗 特濃朱古力HK$40真係好濃喎，超重朱奶味，又滑口，好推薦鐘意朱古力的你🤭 冰搖荔枝鮮紅茶HK$40Fresh清新之選🍹冰紅茶配椰果，加埋新鮮荔枝果肉，賣相仲好得添😃

餐廳裝潢以木色為主調，貫徹咗店名 "The BASE" 嘅含義 - 基本同埋簡約，以簡單自然生活為基調，活出自己嘅態度。宜家惠顧任何主食，加35蚊就有埋餐湯或沙律及餐飲，認真抵食。 煎焙芝麻醬沙律，沙律菜夠新鮮，只係以少少芝麻醬調味就已經夠哂好食。黑安格牛橫幅扒(8安士)，牛扒仲有一款鹽同埋一款醬汁揀，我揀咗法國灰鹽同埋柚子薑汁，牛扒選擇咗medium，一切開中心係誘人嘅粉紅色，橫幅呢一個部位除咗牛味之外，仲多咗一份意想唔到嘅騷香，係我以前從未食過嘅味道。 黑松露博多走地雞肉雜菌米形粉，米形粉除咗形狀特別之外，口感都相當特別，個口感有少少似印度米，但係又比起印度米煙韌同埋大粒少少，走地雞肉肉質果然特別嫩滑，配合住黑松露白汁，非常creamy。

呢間餐廳每次嚟都比人一種好舒服好relax既感覺，所以每逢weekend都好想約朋友過嚟傾計食lunch。澳洲草飼牛肉漢堡漢堡個size好大而且肉汁勁多，切開一半後見到溶哂既芝士加埋又厚又juicy既漢堡已經流哂口水，包亦都係有烤過同埋有少少牛油，所以係好金黃而又脆卜卜。至於薯塊亦都係新鮮炸起，一嚟既時候勁辣手，就算隔咗一陣都唔會好快凍哂，好滿足同好食!飲品就叫咗柑桔檸檬冰茶，茶底好香濃而且柑桔檸檬味都好出，又唔會太甜，好清新!

今日再次嚟呢間Base Nature, 因為食物質素好高而且坐得好舒服，weekend同朋友一齊嚟食飯好chill同relax。今日叫咗韓式豬肉中東包配番薯條，中東包比我想像中大而且好多醬汁。豬肉係有少少似腩肉但冇咁肥，肉質好淋而且配合埋個中東包同埋生菜絲，唔會好肥膩同漏，兩大份中東包作為lunch好夠飽! 至於番薯條係炸得好脆，就咁食同薯條冇咩分別而真係食得出番薯既香甜味! 飲品方面叫咗蜂蜜蘆薈梳打，好清新而且夠哂滋潤，好岩呢排咁乾燥既天氣飲!

由觀塘關店後一直念念不忘！多個月後，終於黎到荃灣分店👏🏻最令人驚喜既係價錢都依舊😳一坐低即刻叫番杯rose latte ，味道依舊🤤由第一次飲就已經愛上⭐️由工廈到大型商場，食物環境質素都依然係高水準👍🏻觀塘時間已經食過餐牌上所有野好多次咁耐無食，食番我的最愛煙三文魚配黑松露benedict半熟程度岩岩好🤤，沙律開胃，黑松露benedict下的多士今日焗得唔夠偏軟身，略嫌失色。澳洲牛肉漢堡配薯格牛肉漢堡配搭份量啱啱好，唔會覺得漏！牛肉味道香濃juicy，再加上肉醬同芝士。薯格份量好足，點埋茄汁一流👍🏻泰式奶茶香濃💫

星期六日係難得可以訓晏啲既日子，訓醒去食個Bruch可謂放鬆既一種，荃灣眾多商場眾多餐廳，荃新天地呢間 “The Base nature”吸引左我同女友入去。餐廳內外餐廳呈I字型，都幾大，座位不少，但座位之間不覺逼澀。食物選擇印度烤雞薄餅卷 $78 拎上手熱騰騰，散發出印度薄餅既香氣，烤雞用左印度式既調味處理，確係似印度菜式。調味唔辣配上香脆酥皮薄餅，幾惹味。澳洲草飼牛肉漢堡配薯格 $95 必點！我同女友都覺得味道十分好，牛肉好鬆化，牛味比平時食既清淡冇咁油膩，再配上少許肉醬，有畫龍點睛既效果。草本水蜜桃茶(餐飲) 茶類都唔需要再加錢，轉涼既天氣，再加上食比較濟既野配茶最好不過。泰式奶茶 +$8 女友就呀左杯泰式奶茶，佢比較怕好甜好多糖既野，其實係因為怕肥lol，但呢杯佢飲哂。漢堡包十分高質，Brunch Menu仲有好幾款麵包類，想下次再嚟試，或者嚟食Dinner！

唔算多係荃灣食野，係荃灣行開想搵個地方食tea，見到呢到有Brunch Menu，價錢唔算太貴就同另一半係到嘆Brunch。環境位於荃新天地，有商場座位、窗邊位置，係商場內較入既位置，都比較寧靜啲，環境唔錯。餐牌下午四時到訪，仍有Brunch Menu，選擇多元化，有Salad, Pasta, 各式麵包類。澳洲草飼牛肉漢堡配薯格 $95 上枱見到色澤好靚，好特別地有配肉醬係上面，試左蕃茄先，煎得好香且清甜，麵包夠脆，牛肉口感同質地moisty，預定五成熟，雖然應該唔止五成，但估計因為係草飼，所以好軟熟，仲會有牽絲既質地，絕不會死實實。至於薯格亦夠香口，包飲品，價錢與質素可接受。印度烤雞薄餅卷 $78 應該係即點即烤，所以要少少時間，上枱熱辣辣。唔係用食wrap果款麵皮，而係用酥皮印度薄餅做外層，夠哂香口，烤雞唔會老，醬汁惹味，整體不錯。泰式奶茶 +$8 色澤呈橙色，飲落唔太甜，幾重奶味。跟餐：草本水蜜桃茶另外跟餐要左杯草本水蜜桃茶，用茶包，上枱形式可以靚啲。總括嚟講，個草飼牛肉漢堡幾有記憶點，確實食到草飼牛肉同平時食既有分別，幾岩我口味，烤雞卷用印度薄去wrap亦幾特別，會再嚟幫襯。

呢間位於荃新天地一期嘅The BASE Nature 主打健康嘅西餐， 餐廳嘅裝修風格以自然風為主， menu以森林為主題， 食物嘅種類亦相當多。其中一款非常特別嘅係未來素漢堡， 由於今晚想食牛扒， 所以就唯有留返下次機會啦。你一塊係Black Angus嘅橫腹扒， 比起肉眼扒冇咁油膩， 我哋叫咗medium， 烹調嘅時間亦拿捏準確， 外面煎得金黃， 裏面肉質保持粉嫩，多汁， 而且牛味亦相當之濃郁， 最特別嘅係可以選擇唔同嘅鹽去配襯， 今次選擇咗法國灰鹽， 雖然感覺分別不太大， 後來才發現原來這款灰嚴歷史悠久。 另外亦可以選擇一款醬汁， 今次選擇了較為一色的柚子薑汁， 味道酸酸甜甜， 帶有一點薑嘅香氣， 別有一番風味。另外呢一款黑松露博多地雞肉雜菌米形粉配63度溫泉蛋， 呢一度菜非常特別， 皆因米形粉嘅形狀細細粒， 食落嘅口感就如切碎嘅意粉一樣， 入口滑嘟嘟， 同平時食開嘅意大利飯比較硬身嘅感覺非常不同。博多地雞肉用咗慢煮方法， 肉質鮮嫩， 一啲都唔鞋， 而黑松露忌廉汁嘅味道就非常出色， 非常creamy。另外加35蚊更加可以upgrade至套餐， 沙律清新健康。另外我仲轉咗呢杯非常之

今日嚟到荃灣，楊屋道1號荃新天地一期，UG 70號舖， 食午飯， 入到店內 店員超級有禮貌問我幾多位， 安排咗我一個超寧靜優雅舒適的地方給我坐， 我叫咗一個埔燒友仔比目魚滑蛋飯， 配糖醋木耳， 20分鐘我的飯來到了， 超級香的比目魚， 很有柚子味， 不太鹹味道啱啱好， 糖醋木耳酸甜甜打開我的胃，香煎日本刺身帶子配海鮮墨汁意大利飯， 超濃郁的蜜汁意大利飯， 不太油膩， 帶子很鮮味， 飲品有機高山蜜樹茶， 超濃郁的茶味很健康， 西柚檸檬冰茶， 很清新的西柚檸檬， 味道不太甜啱啱好

荃灣 The BASE Nature行開發現荃新天地有間主打健康食品，-The BASE nature，佢係一間觀塘西餐廳嘅分店慢煮博多地雞胸配香草馬素芝士時令菜意式番茄醬「博多地雞」原來係全日本生產量只有1%的珍貴，在血統、飼養環境、養殖時間等方面符合日本農林規格( JAS)所定立的標準，才得以冠上「地雞」名銜。雞肉柔軟而且每啖都好多汁， 外皮少少香脆，加上椒麻汁引出雞肉天然鮮香味，另外加左$10要時令沙律配煎焙芝麻醬檸檬甘草茶味道清甜，口感適中。十分養身，青檸擁有豐富的維他命C，青檸皮亦含有豐富的鈣質。甘草則具清熱解毒推介⭐️⭐⭐️⭐⭐

今日係荃灣做完野，搵朋友食下飯，我哋係荃灣搵餐廳食飯，到荃新天地行左一個圈，見到 The BASE nature，見到環境不錯，野食都多選擇呀，侍應好nice 安排我哋位，好細心咁幫我哋斟水，睇完餐牌，叫左主餐，兩個小食，兩杯野飲。黑安格牛橫腹扒 $178 調味料 有幾種選擇鹽味道：黑海鹽 汁方面：芥末子忌廉燒汁 另外可以加$50 鴨肝 牛扒 煎得岩岩好 食落口感好好 有鴨肝 食都好特別 都好味 芝士薯格 $58 一黎到勁大盤，熱辣辣食，芝士溶係薯格好味，唔需要點番茄汁 雞翼珍寶珠釀車芝士配韓式甜辣汁 $58 （4舊）同朋友都食到辣，都覺得有啲偏辣，特濃朱古力 $40 濃濃地朱古力，仲要杯面整左有貓貓樣，好得意 手制 藍薄朱古力 $48 杯底藍色是薄荷 好特別

The BASE nature 的雞胸也可以烹調得好好味The BASE nature 的午餐有個 慢煮博多地雞胸配香草、馬蘇芝士配是時令菜及意式茄醬。這個菜式看來好健康。先講個慢煮雞胸，肉質鮮嫩、有很香的雞味，只配上簡單的香草及馬蘇芝士便能製作出一個好味又健康的食物。配菜有新薯 烤蕃茄 小紅蘿蔔 西蘭花 等等，健康又美味。餐飲叫蘋果梳打 都不錯呢！