The BASE nature (已結業)

難得今日同老公兩個拍拖出街, 喺荃灣揾一間坐舒服啲嘅地方食lunch , 我哋the base nature個環境幾好半開放式, 好有文青feel, 可以慢慢坐嗌咗個韓式bbq炒泡菜牛肉飯再加一個湯, 估唔到湯幾香, 辣辣地好開胃， 個牛肉飯都好夠份量， 重點係個溫泉蛋， 最鍾意溝埋一齊嚟食， 辣醬再加蛋汁係幾惹味嘅飲品原來佢都有幾多選擇，唔係平時茶餐廳個幾款，之後飲品叫咗個 蜜糖青檸檬茶 估唔到又幾好飲你仲有好多唔同嘅食物選擇，老公話下次可以過嚟試下呢度嘅扒餐😋

路過聞到好香，又好肚餓就入去食個飯，呢間似乎係食burger，不過我自己鐘意食pasta呀飯呀果啲多啲，就叫左pasta，再+35升級做套餐，有沙律同自選特飲-25優惠。沙律配煎焙芝麻醬煎焙過既芝麻醬有麻油味，又幾正～份量都幾多，有一碟，唔係勁細一碗仔果種，唔錯～海膽墨汁意粉呢隻墨汁意粉唔係黑色汁食到個口黑曬果種，而係麵身本來就係有墨汁既灰色麵條，食得無咁論盡。食落先知原來係辣既，又幾惹味，海膽都好味，仲有啲墨汁蟹籽，全碟都幾creamy，意粉texture好，夠彈牙。飲品叫左野苺沙冰，賣相靚，真係幾冰，都唔錯，第一下入口好似唔係果汁味，不過飲落都ok。整體都幾好味，會再黎食

以前住過觀塘一帶，記得有間base係幾好味，但後來唔見左，原來係搬左過黎荃灣荃新天地！即刻入去食下回味下佢既美食。今次叫左個燒原隻日本八戶魷魚釀黑魚汁意大利飯，本來其實都唔知出到黎會係點，因為menu d 相太細同唔清，點知原來係咁型！好吸引！面既鰹魚片旭緊，下面啲汁好似好濃味，仲好似滾緊咁樣，隻魷魚超大隻！仲有最特別既係，原來啲飯係好似壽司卷咁包係條魷魚入面！好特別好正！不得了啊！食既時候，我自己更加鐘意拎舊壽司出黎yaam汁食，啲醬汁一流，超好味，鰹魚片浸落去索曬啲汁咁食仲正，誇張啲講，食到要升仙。至於個魷魚圈，我鐘意放佢係匙羹上面，再用醬汁填滿個圈.....wuahhh超好味！！呢個真係十萬個推薦，雖然咁樣啲飯既份量會少左，但隻魷魚好大隻，所以都唔會唔夠飽～好好味。

午餐幾抵食，唔使加一，好大份，好滿足（可能我係女生）🍴澳洲草飼牛肉漢堡配炸薯格（$88）牛肉漢堡有肉汁，都幾厚，上面再舖免治肉醬汁、芝士同炸煙肉，漢堡扒唔係全熟，唔會「鞋」口，怕生嘅有機會覺得佢太紅，因為佢係唔會問你幾成熟！炸薯格同炸煙肉我覺得炸過咗火，硬咗！尤其薯格，太硬，冇咗外脆內軟感！🍴凍冰糖桂花雪梨茶（餐飲）有粒粒桂花同雪梨粒，唔會太甜！好飲！午餐時段唔使加一，好多選擇，仲有好多款想試，服務好，可以再嚟🥰

係入面荃灣荃新天地既文青系餐廳食lunch，重點係免加一🍛韓式BBQ炒泡菜牛肉飯配63度溫泉蛋($75)有少少辣都幾大碗個溫泉蛋可以撈晒成個飯肉都好多唔會太硬仲有好多菜，推介🥤西柚檸檬冰茶反面冇乜西柚味普普通通有少少甜

見荃灣開咗激安，於是去咗荃灣食嘢+shopping ，見呢間cafe幾好坐咁就入咗嚟食嘢呢度環境舒服，係商場嘅角落位，服務員嘅態度都好好叫咗個澳洲草飼牛肉漢堡 $95漢堡特登分開包面方便切，女仔嚟講真係好難成大個咁食嫁，牛肉漢堡煮得剛好唔會太熟，好腍，同芝士煙肉等配料一齊食好滿足至於薯格比一般嘅炸更爽脆同乾身，啱曬啲鐘意炸物嘅人個餐送埋嘢飲，叫咗意式泡沫奶茶，泡沫甜甜地，奶味較重，好香滑整體嚟講都好有驚喜，會再去食！

今朝去荃灣搞啲嘢，冇食嘢餓到暈搵到呢間係荃新天地角落嘅cafe，好啱休閒食嘢休息下。餐牌吸引多選擇Full day breakfast $118-非常豐富呀！有平常都有嘅腸、薯餅、煙肉、溫泉蛋、大啡菇等等。特別嘅有牛角包同芝士脆條，牛角包仲係暖暖地，外面好香脆，內裡都好鬆軟。芝士脆條亦唔錯，做到拉絲效果溫泉蛋放係大啡菇上，切嘅時候啲蛋汁唔會嘥，流曬係大啡菇度，一齊食感覺好有營養呀！冇加一仲送嘢飲，又可以慢慢坐，好抵！

雖然最近荃灣開左好多商場新食肆, 但呢間由於地點比較方便, 所以始於成為我嘅首選冇黎一排, 原來已經改左個 Menu北海道馬糞海膽龍蝦汁墨汁意粉意粉表面放上北海道馬糞海膽, 味道好鮮美, 墨汁意粉唔會太過淋身, 有 Al Denta 嘅口感, 配上微辣嘅海膽龍蝦汁, 非常開胃M5 平鐵牛扒8oz 平鐵牛扒, 屬於牛三角肩對上少少嘅部位, 上枱前廚師已經切好一片片, 可以揀一款鹽 & 一款醬汁, 另配烤蔬菜牛肉中心仍然呈嫩粉紅色, 口感較紮實, 同時帶 D 軟嫩, 肉味非常濃郁

沒有佳人陪伴的晚上，吃飯要找一個好地方讓自己心靈放空一下。望著荃灣街景，置身這裡有點像於一間溫室內。生於亂世就苟且但求有個安樂窩。待自己好一點，來一個輕食選了黑松露博多地雞肉雜菌米形粉，配 63 度溫泉蛋。餐牌上亦列明更可將雞肉轉大啡菇，素食的朋友可考慮這道菜。吃博多地雞肉。地雞於日本國內生產、只佔全國產量 1% ，更需要通過日本農林規格鑑定嘅品質及飼養方法等基準的雞隻才可以用這個稱號。脂肪比例較小，而且較結實，油份亦相對較小。配合濃郁黑松露白汁及芝士，開胃得來份量又足夠。米形粉有別於意粉，入口小小彈性，亦沒有意大利飯般的黏稠。將 63 度溫泉蛋刺穿讓蛋汁流出來感覺很治癒，每一口本來無味的米形粉吸收混合野菌及芝士黑松露醬汁，很好味。最後來一客70％朱古力芝士蛋糕，有棉花糖及焦糖醬。上桌時起初以為會很甜，可能由於用70％朱古力吧，苦中帶甘，再以焦糖中和。蛋糕質感亦算結實。底部亦香脆，驟眼望就像剛下了一埸大雨的森林，充滿著朝氣。餐廳以自然簡單生活為基調，繁華鬧市下洗滌一下心靈。

在荃灣逛逛，走著走著就到這間名為THE BASE NATURE的餐廳，讓人感覺好慢活。我選擇了坐外間的座位，比較開揚。澳洲M級牛肉芝士肉醬大啡菇漢堡伴碟的薯格，好香脆，漢堡上面的芝士肉醬好重口味，反之澳洲M級牛肉味道較清，可以感受到新鮮的牛肉味道，肉質挺爽口，蕃茄跟大啡菇都頗新鮮。另外，還加了$35升級套餐。蕃茄湯配多士蕃茄味道很重，還有羅宋湯味，增加整個湯的層次感，湯裡面有甘荀和洋蔥顆粒，用來沾多士非常配合，多士外脆內軟，又有口感，好吃喔。有機高山蜜樹茶 (無咖啡因)浸着茶包，茶色漂亮，香港獨特，味道清淡帶點幽香，非常適合沖淡下味蕾。

荃新天地其實都好多野食。但就要發掘下先知。今日食呢間西餐，出面睇餐牌好似吾錯。佢入面既格局都感覺吾錯，所以就衝左入去試下啦！草飼澳牛漢堡 配 炸薯格Lunch食個Burger 吾會好過份姐。Burger塊牛都仲會問你幾成熟。就算當佢無得揀，但都問聲，感覺都好細心！第一啖梗係食薯格先！吾會油！仲好脆！好正！芝士、煙肉、牛都好香！塊包都暖暖既！吾馬乎！值回票價！比目魚滑蛋飯一黎到啲紫菜係多到睇吾到舊魚！超足料！個蛋估係日本蛋。因為蛋香同普通蛋吾一樣！舊魚都好滑好夠味！正！我同朋友都飲Latte雖然都係咖啡，但值得一題既係。佢有得加錢轉燕麥奶。都係幾好既一個選擇！都係個句，吾理真定假！佢既staff都好細心！吾錯！重點係吾貴！一人100就搞掂！

相隔幾個月，又黎幫襯下the base nature 先，因為諗唔倒食咩早午餐，但又想食light d, 食下沙律清清地就最fit喇！一早11:45左右到好彩人唔算多，柯打左一個松葉蟹腳，鱷梨牛油軟包，配明太子醬，同埋有沙律菜。內陷除左松葉蟹腳，入面仲有大蝦同蕃茄粒，明太子醬和紫菜碎加在蟹腳上食落又清新又香口！牛油軟包輕輕在坑紋煎pan壓過，面包軟為鬆軟，兩細件真係食唔夠！另外柯打一份慢煮紐西蘭香草西冷扒，唔知係咪慢煮關係，所以五成熟都唔太血淋淋，咬落牛肉味出晒黎，而且肉汁都保持倒，砵酒汁陣味幾特別，不過可以比多少少，因為淋唔夠全塊牛。Brunch跟餐仲配野飲，熱飲果茶唔洗加錢，特飲都有好多選擇架！

同fd在荃灣行街街見肚餓入左ne間餐廳，服務員見帶我地入座個陣仲好貼心叫我地小心有級tem（就稍為突起的級，應該for關閘用）因為坐在餐廳外場度，大聲d吹水都唔怕。 坐落舒服，位置空間都幾大，見餐廳位置都多，十幾個拼枱都玩得過，歐美個款長餐枱食飯 我地點左漢堡韓式bbq個款燒大三角牛肩肉漢堡$148＋炙燒蟹腳 牛油果 藜麥 芥未籽汁沙律$68 ＋ 鮮花野莓芝士蛋糕 $58 ＋手制藍薄荷朱古力$48（勁想點cocktail/乳酪野莓沙冰試下，but身子唔多好就都係乖乖地啦～）首先到左的係沙律，好多唔同種類的菜（完全認唔出，知識太少）每人分左2條蟹棒先，剩下個條變絲撈埋一起。D菜唔苦，少少的芥末味幫手開一開胃/鼻，食親都醒一醒，然後就唔不知不覺咁食曬然後食食下漢堡未到味先到～好香的烤味。 佢漢堡個麵包裡面個面有烤過黎，睇切面都好厚身，但食落去又有空氣感＝ 蓬鬆，d肉都夠曬韓式，因為真係韓式泡菜個款辣度（微辣）,個fd見我切的咁靚叫我影多張切面的伴菜薯格都唔差架，即使放左一陣都依然外脆內軟。 野飲朱古力都到左，望住杯野諗緊係唔係要倒d朱古力落去，諗諗下就做左，然後飲係隨飲附贈的薄荷朱古力同味

同男友再戰the base nature依舊多人到爆。我地都排左一陣隊入去。離上次食都大半年前啦，呢段時間都各有各忙，終於搵到日去街。原來呢度轉左ＭＥＮＵ！不過，我地都係選了「澳洲草飼牛肉漢堡配炸薯格」。漢堡包分量依舊十足，小妹都食到十分飽！牛肉漢堡可見全為牛肉，絕無溝其他肉！牛味重，食落都幾多汁。👍🏻 最正既係配埋邪惡既芝士，更能將牛味提升。配菜既燒蕃茄同生菜都好新鮮。最讚同時會令我地食過再番返食既就係薯格。薯格炸得好脆身，而且本身亦已調好味道，咸咸地又唔會太搶薯仔本身既味道。👍🏻小妹仲點了玫瑰花咖啡，外觀超吸引。而且聞到好香既玫瑰花香。不過咖啡就略微甜了一點。水準依舊，應該會再三回味。😋😋😋

好耐冇食過西式午餐，見the Base nature 個樣好吸引，裝修環境又好舒服😌仲有好professional 既cafe 水吧，決定試試佢！蒲燒柚子比目魚滑蛋飯拼糖醋木耳一開始要食左糖醋木耳先，因為酸酸甜甜好開胃。滑蛋整得真係勁滑，一啖入面要有滑蛋，比目魚，配埋飯同紫菜，咁食就岩岩好喇，比目魚質好實淨，亦都好新鮮，岩哂唔想食熱氣野既你👏🏻澳洲草飼牛肉漢堡拼炸薯格個賣相整得好好，同埋Size 都剛剛好，唔會太大食唔到，亦唔會太細唔夠食，牛肉整左5成熟，中意食生生地既肉既朋友可以試試，同埋好細心會問左客人先，成個漢堡個味好好，唔會好似出面食既咁咸。Coffee 可以轉Oat milk🥛好細心，因為我自己最近check到對牛奶敏感，所以經常要轉Soy milk / oat milk , 好難得餐廳會有呢種奶既選擇👍🏻👍🏻