The 5B Private Corner

营业中

休息中

今日同朋友嚟呢度吹水食嘢，因為知道呢度可以坐得來啲同埋環境幽靜。我哋上到嚟係兩點半，侍應話只可以叫下午茶餐。於是我哋就叫咗一個set同埋散嗌左碟沙律。Tea set 我叫咗煙三文魚香草忌廉汁意粉，加錢轉左 salted caramel coffee. 個意粉都幾好食。鋪滿三文魚和厚厚的忌廉汁。三文魚味道不錯，忌廉汁很香濃，每條意粉都能掛着忌廉汁，而且意粉亦處理得不錯不會過淋，口感十足。整體來說水準很不錯！好味道！另外朋友叫咗個煙三文魚沙律。煙三文魚有四大片！超正超滿足！另外蔬菜沙律是伴上朋友最鍾意的油醋汁。佢話蔬菜新鲜加埋呢個汁勁好味！雖然呢間餐廳地方比較難搵，但係地方環境食物都幾吸引，會令客人再次光顧的！

今日約咗朋友嚟到呢間好特別cafe, 位處於荃灣柴灣角街的一間工廈裏5樓的一個叫<5B Private Corner>.因為是下午茶時間，下午茶餐供應，由於不是太肚餓，我叫了一個青蘋果燕麥乳酪沙律，飲品叫了鹹檸蜜，另外加了$28叫了薯絲炸蝦（三件）青蘋果燕麥乳酪沙律主要有沙律菜，火箭菜，薄切青蘋果數片，greek yogurt，燕麥片。 沙律菜很翠綠很新鮮。火箭菜是我很喜歡的沙律菜之一。 加上Greek yogurt, 此配搭很清新特別，很 refreshing 很好吃😋😋。薯絲炸蝦亦有驚喜，首先面頭是一條條幼幼的薯仔絲，裏面包著一隻蝦。炸得香脆，不感到油膩，是一個不錯的小食！飲品叫了鹹檸蜜。味道不錯👍朋友因為已經吃了lunch, 所以單點了 Americano. 因為沒有奶的關係，香濃的咖啡味尢其突出。喜歡齋啡的朋友不妨一試！另外我還見到有很多 board games, 是一個和朋友相聚的好地方！

平時都有黎開5B食lunch既，係附近番工，本來都唔想放假都走過黎番工呢頭，但點解我都會過黎呢？因為我想帶埋屋企人黎試下佢既野食，真係好高質嫁，仲可以玩ｃａｒｄ　ｇａｍｅ，平時lunch無時間玩，依家食晚飯可以慢慢玩。有好多ｂｏａｒｄ　ｇａｍｅ比你揀，又或者你學下文青地睇下書又得，好多旅遊書可以睇。ＤＩＮＮＥＲ　ＭＥＮＵ唔太多選擇，不過，貴精不貴多，可取！餐湯＋沙律＋主食＋飲品＋甜品，作為一個Ｄｉｎｎｅｒ　Ｓｅｔ，都相當滿意，全包。夠哂豐富。餐湯係南瓜湯，有南瓜蓉，我平時唔食南瓜都絕對接受到，唔錯！沙律係用沙律醋拌，好醒神，好酸既朋友仔可以一試。至於主食，我叫左慢煮１２小時美國黑豚肉漢堡，雖然呢排個個都話唔好食豬，不過佢由美國黎既，唔驚啦，厚薄適中之餘，醬汁酸酸地，好開胃，好鍾意佢呢個ｓａｕｃｅ。同埋，因為太大份，店員都會主動幫你切開一半，等我地易Ｄ食。北海道帶子蒜香天使麵，天使麵融入左蒜香，帶子亦相當大粒，媽媽食完係咁讚好，仲係咁話番屋企學整呢款麵比我地食。聽住先。細佬就叫左美國安格斯牛扒，男仔都要食肉先會覺得飽。一食落口，細佬話係近呢幾次食牛扒覺得最好食既一次，因為今次店員有特別問

約左fd去荃灣行街，順便book左呢間叫5B既西餐廳，佢系工廠大廈既一間裝修好精緻嘅Cafe。，好多card game玩。我地叫左個美國黑豚肉漢堡，廚師好有心機用12小時慢煮美國黑豚肉，真系煮到好入味呀，成三塊豚肉，好厚，但係佢地會好主動幫手切開一半，好體貼。呢個北海道帶子蒜香天使麵，真係好有蒜香味，啲天使面煮到啱啱好唔會太林又唔會太硬，帶子不愧係北海道黎，非常鮮甜！有別於一般嘅帶子！最後呢個美國安格斯牛扒，因為唔係鐵板上，所以我哋叫咗七成熟，但估唔到又唔會太老喎，非常嫩滑，啖啖肉。我哋仲叫咗洛神玫瑰冰蜜茶同埋抹茶鮮奶，都保持到應有嘅水準，總括而言真係好唔錯。

近來越來越多文青風Café 以樓上店方式經營，位置獨樹一隅之餘，環境亦較為寬趟，讓人一進店裡即享寫意空間。今次這間Café 也隱身於一幢幢荃灣工廈中，由升降梯打開後向右轉，即發現別有洞天。Café裡面積甚大，擺滿十多張木系餐枱及椅子也不覺擠迫，配合微黃燈光及和煦的陽光，添上節奏輕快的爵士樂，不期然讓人心情愉悅。而且Café兩邊也裝有木櫃書架，任客人隨意揀選心水書籍來看，滿滿文青氣息，一件件的小飾物亦為這Café加添生活趣味。Café 提供漢堡、小食、All Day Breakfast及甜品等，選擇不少。我就揀了個烤珍寶磨菇扒漢堡，配香草薯角及沙律 ($78)，並加點了玫瑰花茶，清怡的配搭，讓我飽腹之餘亦無罪惡感。大概等了10分鐘，店員奉上這客磨菇漢堡餐絕無欺場，麵包下大大塊磨菇而多汁，一口咬下去帶點黑椒微辣味，而裡面的雞蛋及香口芝士融為一體，搭配酸酸甜甜的紫蘇葉，口感清新而不會油膩。加上麵包的皮質夠挺身，包著豐富的饀料也綽綽有餘。另外額外點的玫塊花茶也送上來，花茶呷落淡淡中帶酸甜，令精神為之一振。不過其配合小型透薄玻璃杯，就要小心盪手。悠悠閒在這Cafe 放空一個下午，看書靜待黃昏日落

今日他帶我嚟到荃灣工廠區cafe. 他的名字是5b private corner,明顯是自成一角,完全適合想放空的我。我們坐在一邊的餐桌,上面擺放了很多書籍,其中一本書是歐洲家裏室內設計。他們的家居用色大膽,但又不失溫馨。家是一個療癒的地方,在這兒用餐,也有同樣的感覺。食完前菜,正好看到波子棋,已經很久沒有人跟我玩了，正好他在，那就來一盤吧。同時店員為我們送上慢煮黑豚肉漢堡。慢煮的黑豚肉肉汁豐富,肉質鮮嫩。好欣賞張卜卜的漢堡包,紫洋蔥的辛辣豐富了的味道,一定要用張紙巾包住食。解決了漢堡後，他們又為我們送來法式香草烤雞雖然得半隻，但是賣相非常吸引，好想回家又整一隻來自己食，旁邊放了一些黃梅醬，帶一點甜，感覺非常良好。三五下手勢已把烤雞的肉刷了出來，我們一邊玩一邊叉嚟食，雖然不服輸，但是最終我也輸了跳棋，好討厭哦。很感謝這個地方和他的陪伴，度過一個浪漫的晚上，愛，一直都在。

兩個人 放假約到呢一個平時都小來的地方 荃灣 因為我地兩個都唔係D鐘意去D多人既地方鐘意靜靜地 所以就來到呢一個The 5B Private Coner 岩曬我地 私人小角落 入到去呢度裝修係以木為主 望落比人一個好舒服既感覺 有好多唔同既擺設 電視呀 小玩具 Boardgame 書等等 好似係屋企咁 >< 因為朋友話唔係太餓所以就靜係叫左一個沙律同一壺茶 先講一講蘋果燕麥乳酪沙律 一上枱不同既沙律菜 蘋果 乳酪 顏色襯撘起來已經好吸引 這沙律原先係用青蘋果不過當天沒有所以用了蘋果 我跟朋友吃過後都覺得 酸乳酪十分開胃 配上蘋果和沙律菜好Fresh 出色既沙律！之後因為我地想繼續傾計所以就叫左一壺紅棗黑糖姜茶 茶味平衡得好好 唔會話太甜 同姜味太過 飲落去係舒服同暖喉冬天傾計飲一杯一流！整體來講呢度比我一個好舒服既感覺可以再來試下佢其他野食

今日下午到訪的這間餐廳，門面設計簡潔鮮明，裡面環境闊落，冷氣充足，坐下來不會很擠迫 荃灣地鐵站走過來，不需廿分鐘。跟舅父嘛嘛, 阿怡一起，食晚餐 同埋傾一傾過年嘅時候嘅節目。12小時慢煮美國黑豚肉漢堡, 這個菜色舅父非常喜愛,最特別之處它伴著上了最好味的香草薯角及田園沙律。舅父跟我說以前在意大利米蘭試過這個菜式,他們的口味非常相似。就是他的黑豚肉漢堡能夠做到色香味俱全,不但可以保留鮮香的肉汁,最主要生熟度剛剛好。不會給人有油膩的感覺,配上cheesecake就一流。黑豚肉漢堡也是意大利貴族18世紀一種文化, 在歐洲內享富盛名。舅父話能夠香港食到這個菜式,慳返唔少機票錢。我有同感因為覺得當時嘅環境非常寧静, 食完之後同舅父玩boardgame, 覺得分外溫馨。這間餐廳給人一個家的溫馨感覺,實在令人流連忘返。我跟舅父話希望過年嘅時候過嚟食團年飯 and its really enjoyable that we ar passionate about food and hilarious things😘😘😊

難得放假，就去遠少少，嚟到荃灣比較邊緣嘅工廈區，裡面有一間別有洞天嘅樓上CAFÉ工廈環境比較殘舊而光線幽暗，一路行過，不期然都會有啲唔自在，不過一到CAFÉ門口，即刻喜出望外CAFÉ內部裝修好有心思，燈光柔和明亮，所有擺設、裝飾，都營造出輕鬆、溫暖嘅感覺背景播放住耳熟能詳嘅本地流行曲，更添親切感不過個人就覺得播返啲輕柔嘅爵士樂會更好FEEL~座位間都有一定空間，坐落都好舒服，最靠窗邊仲有一排吧枱位，算係睇得到海景，天色好嘅時候，相信景觀都會唔錯因為當日身體狀態唔好，胃口麻麻，就點咗一道感覺比較少見、清新嘅沙律——青蘋果燕麥乳酪沙律因為店員同我講咁啱青蘋果無晒貨，就轉咗紅蘋果食物一上枱，就俾佢嘅賣相吸引或紫或綠嘅各款沙律菜、帶皮嘅紅蘋果片，再加上淋面嘅純白乳酪+微微金黃嘅原片燕麥，色彩繽紛嘅配搭，已經先聲奪人，增加食慾蔬菜夠新鮮爽口，紅蘋果脆甜，乳酪取代一般醬汁嘅角色，酸味刺激味蕾，配上淡味嘅菜葉燕麥及微甜蘋果，各種材料間互相平衡，更顯清新雖然CAFÉ位置僻咗少少，但環境及食物都有一定水準，仲有唔少遊戲同書籍可供客人借玩借閱，都不失為一個聚會或消磨時間嘅好地方~

今日同朋友去完荃灣學嘢，大家諗住搵間靜靜哋可以傾下偈嘅餐廳，但周圍都勁多人又嘈，上網搵到呢間喺荃灣西工廠區嘅cafe 叫Thr 5B Private Corner，顧名思義即係喺5B單位，夠晒private。上到去地方去舒服，好有家庭式同埋文青嘅感覺😄。唔好以為咁private無咩人識上嚟，原來都幾多人，不過地方就好靜。如果想睇下海景可以坐窗口位嘅吧檯，又或者坐番普通檯玩下board games，睇下書，檯面有啲書📖可以比客人睇添架。Dinner Det 有9款，我哋揀咗店員推介最多人食嘅香煎西班牙黑毛豬同埋12小時慢煮美國黑豚肉漢堡🍔。而每個餐都會跟廚師餐湯、牛油法包同田園沙律🥗。今次嘅餐湯係南瓜甘筍湯，材料好充足，南瓜🎃同甘筍都打到好溶。主菜嚟啦，店員果然無介紹錯，兩樣食物都好正！首先講下個香煎西班牙黑毛豬先，好嫩口，一切嗰下已經feel到佢好稔身，入口稔滑。再加少少法國芥末子醬或者加自家製蘋果醬🍎，可以食到兩種唔同嘅口味。而美國黑豚肉漢堡🍔係經過12小時 overnight去慢煮，黑豚肉保持住嫩滑多汁，咬落去超juicy😋，加埋啲芝士同生菜一齊食，真係perfect match！

今日同呀媽兩個人出左去行街 行左一陣媽媽話肚餓所以我就同佢去左呢間朋友上次帶我來的5B private corner 呢度既環境同裝修真係令我覺得幾舒服幾Chill 都係令我想再來即原因 今日來到叫左兩個主食同荼第一個主食係慢煮西巴牙黑毛豬 由於係慢煮更加吸引我同媽媽 因為慢煮可保持食物原味及鮮嫩口感 食物來到香味以經好吸引 放落口豬肉真係煮得好淋好食唔會難咬 肉汁滲出來好香！第二樣芝士忌廉海鮮意粉 料都幾豐富 有蝦有青口同蜆肉 意粉食落唔會乾 忌廉份量都剛剛好 蝦都冇減成本好大隻又有口感 真係唔錯放碟都好靚 最後Roselle Rose Tea 食完飯飲翻杯荼 一路傾計 真係一大樂事  樂神花茶同Rose依然絶配 好香又好飲 帶小小甜

今日同朋友 約左一齊食飯係荃灣又唔想去D咁多人既地方上OPENRICE睇見到呢間The 5B Private Corner 個名都岩曬我地。Private Corner! 去到門口雖然係舊左D不過入到去真係好似去左第二個地方咁獎修好用心仲有好多唔同既擺設品，比人一個好舒服既感覺 之後就到在叫野食既時候啦 我地叫左個黑菘露意粉 一個美國黑椒牛肉片蜜糖芥末漢堡 仲叫左一杯Cappuccino同優惠價雞槌！！ 意粉食落唔會太HEAVY 黑菘露既味岩岩好唔會太OVER 麵身硬度適中 不錯喔！ 之後就到漢堡雖然唔係厚既排 但係牛肉片既量同味度都好好 又唔會DRY 加埋呢個蜜糖芥末真係幾好食。 之後Cappucchino拉花都好用心有件人仔  雞槌做梗優惠 不過個醬先係重點令到佢更好食！

近日荃灣南豐紗廠成為文青界好去處，身為荃灣友的我們，今日編排左先食tea，後去紗廠影相。搵倒間舒服，寧靜，而有多野食嘅cafe，原本以為幾近，雖然同紗廠只係五至十分鐘之遙，但距離市中心都有一定路程架（15-20分鐘），想去嘅朋友仔要預留時間呀。到達時間三點，食個brunch先，點左個假日套餐 - 意大利黑松露雜菌意粉，餐湯是羅宋湯，蕃茄味重，酸酸咪咪好開胃，意粉加了很多黑松露醬，雖然加上忌廉啖啖都好rich，不過有鮮雜菌又中和番個口感。加hkd28 配小食蜜糖雞槌，餐牌上寫明無激素，安心食用，炸雞槌無多餘油脂，另上的蜜糖有花蜜味加晒分，令人一點再點！另外在主餐牌上點了個美國黑椒牛肉片蜜糖芥末汁漢堡。包面上有燒過的洋蔥巧心思，而牛肉片薄薄的一層層，和黏著的黑椒相配著，加上蜜糖芥末汁為本身只有咸味的包添上醒胃的微甜！因為牛肉片顯得略乾，店家加上沙律菜及菠蘿片，令整個漢堡多了份juicy！餐飲點了cuppacinno，可愛拉花的人心微笑。雖然餐廳稍為隔涉，不過在繁囂的市區，找到個寧靜而又舒適的餐廳，在假日里休息一個下午，總比在商場里血併來得寫意。食飽飽就去紗廠影文青照。

雖然呢度位置較偏僻，但水準絕對媲美高級餐廳，令人回味！地方寬敞，空間感大，裝潢以簡約木系為主，比人感覺好warm好舒服。Cafe提供咗board game、圖書、雜誌比客人，有美食之餘仲有得玩有得睇，好適合朋友、情侶、家庭嚟傾下計玩下放鬆心情、享受寧靜時光同美食，過番一個寫意嘅weekend黑毛豬火候控制得好好，肉質嫩滑好腍，肉汁豐富唔油膩，配埋個清新嘅自家製蘋果醬，真係相得益彰，齒頰留香！海鮮意粉一上枱就香氣撲鼻，令人食指大動！用料新鮮，青口肥美唔腥，虎蝦肉爽口彈牙，加上意粉有少少辣，刺激味蕾，胃口大增！色香味俱全Rose Latte相對地遜色，無玫瑰香味，同普通咖啡無分別，較為失望。

今日放工聽朋友推介，荃灣工廠大廈有隱世美食，於是放工就捉咗個同事陪我去試下間餐廳。一入到去，裝修非常舒服，有別於其他西餐廳，燈火通明，是 Café Style 令人好放鬆。除了有美食，還有board game玩，圖書、雜誌任睇，所以，等嘢食期間玩陣board game 都唔覺得無聊。講返正題，今次我哋叫咗慢煮黑毛豬配蘋果醬 dinner set，有沙律、羅宋湯，飲品，蒜蓉包和甜品。沙律配黑醋，法包配紅湯，湯底足料，味道夾而不膩。黑毛豬香味濃郁，未上都已經令人唾涎欲滴。肉質粉嫩，口感鬆化，配合清甜蘋果醬，即使肉汁豐富仍唔覺油膩。而餐飲則沒有叫特飲，而只是要了一杯檸茶。到甜品環節，當日有好多種甜品可供選擇，而甜品款式每天都是不同的。我哋選擇了tiramisu，蛋糕咖啡味不濃，味道剛好，而且朱古力粉的份量亦拿捏得宜，都幾出色。總結而言，雖然地方較隱蔽，但係正可令人遠離塵囂，加上食物質素高，的確是收工好去處。